興發茶餐廳 (已結業)

  　很久沒來這裏了，今天心血來潮想吃菠蘿油，很自然地想到要來這裏，便於下班後趕來，來得及吃下午茶呢，還恰好坐到了卡位，真的很感恩。　　食客還多的呢，十分熱鬧，但我卻坐了大桌呢。看到桌上的餐牌，才知道換了新餐牌，多了不少新餐，但可惜的是，平日惠顧某些下午茶餐，可以１元換購價值＄3.5的包點的，但新餐牌換了之後則沒有此優惠了。　　我毫不猶豫便點了菠蘿油下午茶餐，其實我也很怕油膩，但好久才一次，都節制了這麼久，便放肆一下吧，餐飲點熱奶茶，我還多點了一個蛋撻，店員說給了我一個最好的。　　菠蘿油以微波爐翻熱了，因此夾在其間的牛油都幾乎溶掉了，包身很軟，但可惜包上的脆皮不夠脆，包的質感也不夠綿密，但在這大冷天，能吃到熱的，都感到很不錯了；至於熱奶茶，也勝在夠熱，茶色夠深，證明奶茶夠濃，惜有一點點茶葉屑在杯底。　　蛋撻的蛋味稍淡，而且不夠熱呢。　　但整體來說，算是經濟，而且服務員的態度還不錯呢，有禮又友善。

  　  發現了這家茶餐廳已經有好一段日子了，都是坐巴士時經過的，但一直沒有機會去試。　　最近，倒是因為參加晚上的講座和工作坊，我想先吃點輕食才去，晚上不想吃得太飽，又對港式麵包和茶餐廳十分懷念，所以才會選擇來這裏的。　　　　環境方面，這裏座位不算少，而且座位的空間都很大，坐得非常舒服，卻倒是在下午茶的時間有很多相熟的街坊，說話比較大聲，又開著電視，所以會顯得有點嘈吵，但還可以接受吧。　　我其實一直很想試它的叉燒包，可惜兩次都吃不到。　　談談沙嗲牛肉包吧，這個沙嗲牛肉包讓我很有驚喜，先是它的賣相和包殼，它軟軟的芝麻包外殼，非常鬆軟，而不是硬豬，揭開看看內餡，是冒著煙的一片片充滿了沙嗲醬汁的牛肉，醬汁還在滴著，實在很美味啊，醬汁和著芝麻軟包，吃起來味道實在太好了，勝在是夠熱。　　至於菠蘿包則有點遜色，因為皮不夠脆，比較濕軟。　　另外就是雞尾包，它夠大，但餡料比較少，因此吃下去是半空的。　　至於奶茶則屬一般，因為喝後杯底還有茶渣呢。　　有機會的話還是想吃它的叉燒包。　　下午茶的款式十分多，品嘗部分茶餐還可以優惠價＄１．５購買原價＄３．５的麵包，大家可以吃點一個輕盈茶餐並嘗試不同的包啊。

唔係刻意走嚟食下午茶，都喺完咗第三堂崇拜，都成1:30pm，啲教會老友走晒無飯腳，記得表姪女依個時間仲晌太子上緊英文補習班，所以急電佢父母有無時間一齊食個晏，原來啱啱好，表哥表嫂正正就晌太子等佢放學，結果，由佢哋提議食興發，佢哋話久唔久放完補習班都會嚟依友食，因為1:45pm就有下午茶餐，又真喺比一般茶記早喎，仲供應到6:30pm添。環境跟一般茶記無異，細圓枱、卡位、麵包櫃……下午茶餐牌一張A5紙印晒，以港式麵包加杯餐飲嘅「精選茶餐」，賣$14-$15；亦有粉麵、公仔麵、西多、三文治搭杯餐飲嘅「休閒下午茶」，賣$22-$28。表哥提示一句，下午茶份量會細一截，所以建議另外晌「特色粉麵飯」餐牌中揀番一款，份量會正常啲，價錢又當然會貴啲啦，要成$40-$55架。生炒雞絲飯 $27依碟屬下午茶餐嘢，好細碟，好迷你吓，一位男性應該都唔夠食喇。就咁單睇單一炒飯嘅相，唔覺咁細碟，拍埋個正常份量嘅粉麵飯，咁就比較到。雖然份量少、料又稍為少，但個飯炒得都唔錯，炒得頗香，而且飯粒幾爽，喺油少少啫。乾炒豬頸肉河 $27都係下午茶餐嘅選擇之一，份量跟上述都喺一樣。棄牛用豬，仲喺豬頸肉，多份爽口感，而河粉炒得

每晚9點的包$1個，好平而且質素不差波蘿包好大個，原價$3.5，我覺得呢個價錢一定合理，好多店$4個，但又細個，外相又差，又唔脆，呢度既又大大個，皮又脆，即使原價我都會買！紅豆波蘿包我覺得麻麻地，原因個皮不脆的，我下次都唔要紅豆啦叉燒包都幾足料，內部有好多叉燒雞批我覺得麻麻，可能我本身對雞批冇乜好感，有d細個，而且皮有d厚紅豆燒餅好足料，好大個，好多紅豆，正！提子包又係大大個的，好抵牙！麥包都ok麵包蛋糕極力推介，大大個都只係$5，係邊度搵牙！而且蛋糕好軟好好味！！麵包皮甜甜的，好好味，不太硬也不會太lum鮮奶球同另一個包好濕，早知不買子，而且冇味的，沙津腸包味道一般啦十字繡球又係冇味的，唔好買！我都推介牛角包，超大個好好味，有牛油味，皮雖然不脆，但硬身吃起來很有口感，因為不lum小法包好硬，牙都甩啦，又冇味，可能我不適合吃這種法國包！

星期六長週,本應平時就好"掹"水先起身.今朝因為要攞衫去洗衣舖.順便食埋個早餐.是日無埋心水,望一望MENU普通D叫左個..番茄煙肉三文治同熱奶茶$213分:不過不失.煙肉有煎過,但唔多油.杯奶茶都幾易入口,唔苦.雖然只係短短30分鐘.但見D WAITER都幾多野做但又唔會黑面,呢一點有時D大酒店都未必做到.好,打埋個電話俾個FD今晚食飯!

夜晚 8:50 入到去,點左一個海南雞飯, 一個雞蛋焗魚腸, 5 分鐘後餐茶湯到, 一般茶記質數, 15 分鐘後所謂海南雞飯到, 黎到見到已經好火, 根本就當食客白痴, 白切雞都不如, 雞咸又多雞骨碎, 雞油飯又淡又油, 白飯都好過佢, 夠膽死賣 $45. 個焗魚腸由 入去 8:50 等到 9:30 問個 侍應話 5 分鐘後都始終冇黎, 再等到 9:45 發老脾走, cancel 左 雞蛋焗魚腸,我忍唔住同個收銀講成個鐘都未有點攪, 佢又話"個餐又焗又蒸要好耐....." 大佬呀, 成個鐘, 食海鮮呀? 我同佢講個海南雞都好唔得. 好心同個廚房反映下, 佢冇答我即刻黑面. 呢間野以後都唔會再去.

同太太參加了老友於石硤尾教堂舉行的婚禮. 因為是進行彌撒rather than 儀式. 時間比我們預算長了一點. 不等拍照時間了, 我同齋妹決定先走. 出黎搵野食先. 米芝蓮的點心店, 人太多了, 而且看了Menu, 好像沒有素食的點心. 我們雖攞了籌, 但一於走, 過對面食茶餐廳算.呢一間茶餐廳, 其實我一直都有留意, 因為那個會發光的招牌, 而且坐巴士又常常經過. 一直都好想入去看看這是什麼環境. 咁啱, 黎到呢度, 兩口子就入來, 我們急著充饑呢.奶茶同凍檸茶, 一向是我同齋妹既絕配. 奶茶好濃, 入口滑嫩. 茶底好, 檸檬茶自然也不會差啦. 我們來到時, 已經是3點多. 饑寒交迫, 我地都係正正式式食個午餐算. 有時, 同一樣東西食得多會厭, 寫食評一樣, 寫羅漢齋炒麵寫得多也厭. 不過, 對於一些自己喜歡食的東西, 是食極不厭的. 如太太愛吃的羅漢齋炒麵同我愛吃的五香肉丁麵. 寫真的寫得太多, 但啱自己口胃既野, 入到茶餐廳, 大概已成定局. 必叫咁滯.這羅漢齋炒麵, 麵底炸刑好脆, 而且食得出非常之香口. 有荀, 有菜. 配料豐富, 茨汁夠味. 炒既食品, 算是做得不錯.而

本身都去開食早餐,因星期日茶樓要等位先來,職員放低杯茶好響好大聲趕客的態度叫左個餐肉金姑雪米,嘩塊餐肉超薄,K曬形,d米粉超少......塊餐肉仲無晒味的......咁都要$22

今朝經過這裡...想食個早餐, ABC 要排隊, 心想上次試過也不至於要排隊再試, 興發就有埋麵包賣, 心想這裡的麵包也很新鮮!早餐也頗多選擇, 平時食麥皮餐...仲要多杯野飲, 真係食唔哂! 呢度既鮮奶麥皮, 可選三文治/菠蘿包, 我要個餐蛋菠蘿包, $18! 個包既蛋煎得好好食, 個包唔大個但都幾軟熟! 麥皮好"傑", 奶味唔重, 只吃了一半! 唔錯! 唔錯! P.S. 呢度既侍應都幾有禮貌, 通常我講唔該都無反應, 佢地會講番唔駛唔該!

佢就係我屋企附近, 所以成日去食.晚餐叫佢d"小菜", 主要叫清淡o個d, 好似西芹雞柳, 西蘭花等, 濃d就叫咕嚕xx(忘記是雞還是豬肉). 都幾好食.不過佢d拉麵食落好似太多味精, 食完好口乾.服務同環境ok, 不過衛生就麻麻, 地下有時有紙巾雲吞.

今晚唔知去邊度openrice,去百吉蔗汁途中,見呢間野好似ok咁.兩支公叫左兩個小菜套餐: XO醬炒X瓜肉片& 咕嚕雞球.老水湯好好飲, 小菜都幾出色, 肉同蔬菜的balance都做得好好, 唔會一味肉食死人=.=裝修雖然幾靚, 但清潔方面麻麻地, 一坐低就見到幾舊紙巾在地上, 頗為不雅, 雖然傳統茶餐廳比可能唔算差, 但...

下午行過, 見d 野唔貴個look又ok就入去試下, 叫了兩個下午茶餐:1. 薄餅+熱咖啡:個樣幾得意, 四四方方的, 個味都唔錯, 酸酸甜甜的, 幾好味. 個咖啡就過得去啦(大家樂好一點)2. 熱狗+熱奶茶:扁扁的好奇怪, 裏面用的是雞肉腸(唔係司華力腸), 唔係咁好, 又沒有芥辣, 又沒有茄汁, 唔好唔差咁啦. 奶茶就普普通通...不過反而貴過薄餅餐, 奇怪...見d服務又正常, 茶餐廳來說環境也算不錯, 見晚上還有很多選擇, 應該都值得試下的

脫離家庭上年7月開始自住太子.附近有好多荼餐廳.食咁耐最多係依間.另一間係粥皇湯后.(遲d再講)基本上我外賣居多.平均一星期6次order,包括早餐,tea,lunch同晚餐.由於在家族工作性質,試過一星期10次叫外賣.對我黎講極恐怖!價錢同區算貴.但裝修幾好.係新派茶餐廳.唔好坐近kitchen或廁所.會好多"蚊之",要彈!我唔會續次講,除非佢再出新菜式或口味變晒先會再寫.推介早餐A:16中選3款菜.我叫開金菇沙爹牛肉加五香肉丁(朝早唔好試香茅豬排,試過兩次都係唔新鮮冇晒味,大家明點解!)配米粉.沙爹汁撈金菇正.再有五香肉丁好夠味.唔會太清淡.早餐去到1130.當lunch都得.涷飲加$2,推介檸蜜.唔駛再加錢.即total$20外賣唔駛加錢.(其有他有栗米,西生菜什餐肉,煎蛋,腸仔,回窩肉等.試過晒我覺得我選開既組合最好,加$2轉一丁面,唔值)另外較似樣既早餐D雞排/豬排/魚柳...選一款配火腿奄列加牛油方包同沙律.免費跟鮮奶麥皮或hot drinks.依個唔得!我試左兩次.朝早d炸野唔多掂.尤其雞排.麥皮超淡/唔arm年輕小伙子食.LUNCH:食開雜排飯.由armarm開既30蚊

行過時o係比佢地o既裝修同大張梳化椅吸引, 仲有好多款下午茶餐選擇。入到去氣溫好低, 揀左個卡位座, 卡位與卡位之間靠背夠高, 望唔到前後食客樣貌。睇曬全份menu, 最後揀左個炸餃子沙津同柑桔檸蜜, 個餃子係即叫即炸, 呎吋一口碼, 可全隻放入口, 另外個沙律都幾新鮮, 除左有薯仔青瓜蘿蔔外, 仲有一小粒菠蘿同埋一粒蒟蒻, 呢個沙律醬汁唔夠要後補, 杯熱飲都不差, 有點點柑桔味, 不過只得一小片檸檬又少左d 喎。