其奧

营业中

休息中

其奧喺元朗稱得上係老字號，買咗花生糖之類嘅傳統小食好耐，依幾年，見佢落咗好多廣告，而且佢又位於又新街呢條食街，巴士必經之地，所以經常見到人食。我係其奧多數買鴨頸糖，佢係我嘅最愛。佢係長方形嘅軟糖，由麥芽糖麵粉整成，外層沾滿晒芝麻，中間包住壓扁嘅花生之類嘅嘢，軟林林好好食。一條賣$35 ，可以半條咁買。花生糖我就冇買啦，不過我見佢每日都係識做嘅，定時定候好似有表演咁，即場切俾你睇，黎到元朗當買下手信囉

第一次買其奧椰絲花生糖，是經「士多」，覺得軟軟的好好吃！之後逛元朗便特地去買，買了一盒三式花生糖，可能因為買得少，阿姐態度很差，我已經先讚花生糖好吃，再問她配搭問題，得到的答案只有冷冷的兩個字：唔得！今日老公去元朗公幹，特地去買一盒椰絲⋯⋯因爲我地都係關注血糖人士，每次只吃少少，怕買兩盒花生糖會益或者淋，老公就問可不可以搭薑糖，於是又找死了！隔住個電話我都聽到阿姐好大聲好rude咁講：唔得！奉勸各位買就拿拿淋比錢、唔買就過主，一句多餘嘅說話都唔好講！希望其奧放返D花生糖上「士多」賣，一來方便我呢D港島人，二來顧客唔駛受氣、阿姐唔駛勞氣！

今日同老公去佢朋友喺元朗嘅屋企參觀，佢朋友攞盒其奥花生糖請我哋食，極力推介我哋點都要去睇睇，食落又唔錯。聽佢哋講話舖頭喺附近，又咁啱年29，就去睇下同買啲糖果瓜子返屋企準備過年，再送啲俾媽咪、奶奶老爺呀等等。去到舖頭我就覺得似曾相識，諗諗下記得喺電視節目有介紹過。朋友同電視節目都有介紹，點都有啲保證啦。最後都排隊買咗啲糖返去應應節。推介佢哋嘅芝麻花生糖！啲花生軟糖好好味！另外有買啲蝦籽花生。過年後3日巳經無哂，我諗應該好好食。

去元朗一定行又新街，去又新街一定見到成堆人企晒喺其奥門口睇人整花生糖同試食。我今次係專登買花生糖過年食，啲花生好大粒香脆，而且唔硬，唔會咬到牙都崩，甜度都算啱啱好，但係38蚊一盒唔算平。

話說我們昨天一行四人專登 去元朗找那間其奧花生糖一去到見到個男仔企喺度另外有兩個女仔包裝 咁嗰個男仔見我哋喺度講話呀甜唔甜嗰個男仔就話軟糖會低糖啲咁犹叫我哋去隔離試味咁我哋就試咗花生糖嘅味道感覺ok咁又見佢地喺度做緊腰果花生糖我話 啲腰果花生糖脆唔脆㗎個男仔就話軟糖先會低糖㗎嘛 咁我哋就要咗兩盒腰果花生糖另外一盒南瓜子酥 一包蛋捲一包馬仔基本上完全中伏蛋捲冇蛋味馬仔得個 脆字腰果花生糖完全唔得啲腰果有一陣油益味南瓜子酥差個出面街買以上總共要付254蚊如果好食的話感覺係值嘅問題係完全唔好食真心覺得唔知佢出名在哪裏😑

買左一盒花生糖，一盒蛋散，在店前試過分別兩間花生糖的味道才選購，覺得呢間合自己口味多一點，不會太甜，服務態度明顯比對面好得多，在對面買雞粒時聽到店員喝另一些顧客.....不過呡間蛋散冇蛋味，而且偏鹹。

我買過好多次，但今次買左三盒鴨頸糖，入邊好淋，同之前完全兩回事，好似入邊溶哂咁，勁難食跟住店主俾翻三盒我，硬到卜街 完全咬唔到第一次店主話因爲有老人家話硬所以整過頭了軟得制第二次我話淋得制 ，點知整到硬到真係咬到咬吾開完全唔識搵個適中位☝️完全浪費時間 浪費金錢 浪費食物整糖整到咁飄忽...真係唔會再幫襯！一間鋪頭做左20幾年都咁飄忽真係食屎👎👎👎👎👎👎👎👎👎👎👎👎👎👎👎👎

難得入元朗當然唔會錯過去搵美食啦，令我念念不忘的會係其奧花生糖，我掛住試食連相都無影，因為人太多我都係買咗盒一磅裝有三款口味既花生軟糖，有黑芝麻，白芝麻同椰絲，三款裡面我鐘意黑芝麻，因為D芝麻大大粒咬落去你會分到芝麻同花生兩種質感，而軟糖一D都唔黐牙又唔甜非常好。

作為元朗街坊，當然有在又新街街頭掃街的經驗，在那裏開業超過兩年的小食店，小弟都曾光顧，不甚了了的佔了多數，小弟最為欣賞的有兩間，一間為亞玉豆花，另一家便是本篇主角其奧。其奧所賣的跟澳門手信街的手信大同小異，有蛋卷、乾果、蟠桃果、花生糖、腰果糖及瓜子糖等等等，農曆年前還會賣油角得應節食物。油角小弟吃過，的確很酥香，但能令筆者一試難忘的是他們現場人手製作的花生糖及瓜子酥。不管是軟的硬的都做很甚佳，花生非常香脆，來貨極靚！個人覺得比澳門那些名店尤有過之。而在眾多花生糖中，筆者要特別推介他們的黑芝麻花生軟糖，黑芝麻質素特佳，吃到它的甘香，沒有半點炒燶的焦𤓓味，糖亦搓得軟滑QQ的，配合香脆花生，味道絶妙，真的正正正！！！瓜子酥沒造硬身的，只有軟身，質感跟花生軟糖相似，以向日葵瓜子、花生及麥芽糖製作，個人認為葵花子香氣不遜花生，壞膽固醇較少，在自我安慰的原因下，最近幾趟幫襯，都買他們的瓜子酥。

入得黎元朗都要買既手信，即場表演人手製花生糖，出面賣既多係機整，呢度人手整埋俾你睇，夠哂真材實料。人手加芝麻落花生度，再溝埋啲糖醬一次過撈勻，見到姐姐都好熟生係咁撈，啲花生糖真係好煙韌，整好哂就放出黎賣，除左花生糖都仲有好多野食。一盒《雜錦花生糖》($45)，入面包左三款，黑白芝麻同椰絲花生糖，一打開真係好香花生香味，大大粒花生又唔係好甜。另一盒《腰果合桃》($65)，有親腰果既產品都貴啲，打開就無花生糖咁濃味，食落糖膠煙煙韌韌更好食。店名：其奧地址：元朗大馬路36號

入開元朗一定一定要去買呀！真係好好食呀！又有得試食,真係唔太甜, 好食過鉅記,又冇佢咁硬,又冇佢咁甜, 又平過佢,$50一包1磅裝,有黑芝麻花生😋😋😋😋, 椰絲花生, 白芝麻花生😋😋, 葵瓜子花生.隻隻味都好食又多花生.本人好鐘意食黑芝麻所以要一包,另外一包有白芝麻同椰絲各半,你想點都得！黑芝麻花生糖1磅一包$50白芝麻,椰子花生各一半都1磅裝$50一包

去開屯門食午飯.....順便兜入元朗睇下.......之前見過介紹....一直都好想來睇下....趁過開來哩邊緊係去望下啦.....到達之時沒有炒花生糖睇.........但一盤盤花生糖已放晒係度.......好吸睛........仲有其他產品.......種類也不少......基本上有腰果既就貴啲啦.....花生糖........超大粒花生.....密麻麻......又香口又脆口......不太甜........花生味好濃........好美味......腰果合核糖.....又是密麻麻既腰果及合核......基本上是把花生換成腰果合桃....仲有少少芝麻.....因為花生味太濃....建議食咗腰果合桃先.....另, 買了一包蝦子花生給朋友仔....

元朗真係好遠，但係突然之間心血來潮想食花生糖。只係諗到呢一間，所以特登揸車嚟買呢度買。呢度啲花生糖都係老闆每日炒嘅，花生糖夠曬軟熟。一打開個盒d花生嘅香味即時四溢而出，花生糖口感軟熟， 甜度適中， 食完之後仲有花生嘅餘香係口腔入面 。所以特登買多兩盒送畀阿媽食。 聽老闆講依家有埋網上商店， 十分方便， 下次可以網購了。

朋友來我到了元朗一間小店光顧，前事他已經對我說話店的確好食，而且款式又多。。。但因為我一向對花生糖都一般。。。不過都跟朋友去看一看店面不算很大。。但客人的確很多完全都擠滿了人而且店員很好，會為你推介不同款式既糖。。當中花生腰果糖最為有名。。。除外 仲有芝麻糖，椰絲糖。。。等等有很多不同的配搭店員亦會不時給不同口味給人客試食。。。當然。。一試真是會愛上老闆會即場即製花生糖。。熱熱的。。。香噴噴。。。吸引了不少途人圍觀款式真是太多了。。。有機會。。下次再來可以買其他味試一試最後我們買了一盒腰果合桃糖share...一打開已覺得好香了跟平時食開既花生糖大為不同之處是。。呢些是花生，腰果好香脆。。。好香。。而且中間仲有糖膠痴住。。。甜甜的當中又會帶點鹹味。。令人食不停而且完全不會痴牙 這一點的確很讚唔洗一陣。。我地已食左半盒。。太好味了

去長洲要買糯米磁，嚟元朗有咩買返去？Kawai 住在屯門多年，每次媽媽去完元朗回來，總會帶著一盒潮式花生糖回來，你問好食嗎？我覺得味道不算太驚天動地，但就是吃那份即做的新鮮感，因為此小店的出品都是現做的，這天下午行過，又見到師傅努力地做糖了！這裡的花生糖，選擇也不少，大概也有十多款，亦有軟硬糖之分，旁邊有試食的攤位，大熱的款式都設有試食.....我買了合桃腰果脆糖揀這個大概是因為姐姐落力的推銷，說人人也是買這個，加上我已食遍其他可試食的口味，所以在無得試食的情況下，買左囉！返到屋企已忍不住偷食，佢質地屬於軟糖類，咬落糖漿的部分係淋淋地，腰果脆身又不會有油溢味，好香口，我都覺得幾好味，不過就略貴，一盒大概要50元，比其他花生糖款貴左大概3成！另外仲要左薑味花生糖，佢都係特別版，又係無得試食嘅，我見咁得意買盒試試！佢都係潮式軟花生糖，中間的糖漿痴笠笠的入口薑味不太明顯，但吃罷一粒才感到薑味衝出來，有點像黑糖薑菜的味道，不是超辛辣但卻知道是薑味！自己都係鐘意腰果合桃糖多啲！真係好好食，至於薑味嘛，可能平日飲慣薑茶，不算太特別，俾我揀，我寧願食返原味吧！