養和醫院餐廳

营业中

休息中

為了要食自己心心念念的食物，你又可以去到那裡吃？沒什麼，我自己專登乘電車🚈入跑馬地養和醫院吃飯，由於我最近吃得有點多，為免身材再下崖式惡化，加上我見到餐牌上有秋冬限定系列的太史五蛇羮，就毫不猶豫就點了它當然這跟外面家庭式經營小型老牌蛇羹店的性價比是不能比較，但都比起某老字號的蛇王X的走年輕路線的姐妹店的蛇羹份量強多了，這裡的蛇肉比例不算是很多，但勝在羹底夠味而不含味精。不要以為平日會場面冷清，其實座位都八成以上的入座率，當然我都不忘要買今次主要來這裡的主要產品：Palmer我們平日酷愛這個有藍帶餅師和前明星聯合坐鎮的品牌的Palmer，但上次我睇醫生後吃飯順便買回家試食，才知道這裡的味道絕對比得上那個前明星聯合坐鎮的品牌。我都想買點送給我的朋友，所以都要專登過來買當然走前都要一件上次非常好食熱情果小雞小蛋糕，回公司要沖杯濃的Espresso去配搭，餅底非常鬆化。

［高汤白菜］吃过最好吃的高汤白菜，用火腿现煲的高汤，要等比较久，但是值得，没有科技，是火腿清汤，但是很醇厚，白菜很入味，汤喝光的节奏 ［侯柱牛筋腩饭 ］这个超级抵吃，份量是外面的两份吧，牛筋牛腩都炒鸡软烂，汤汁拌饭绝了，粘嘴的程度，而且不咸，超级无敌推荐 ［四宝饭 ］鸡翅的这个比较划算，里面的每一样都不敷衍，叉烧和烧肉都是偏瘦且不拆的肉非常难得，鸡很滑，咸蛋也不错，这个相对没那么惊艳，这个属于晚市套餐，所以还送水果和例汤，苹果新鲜，汤是足料萝卜牛腩汤，味道一般整体份量大，味道很好，食材有诚意，服务也很不错，秒杀街面一众粤菜，比送上住院部的好吃很多啦，现点现做还是比保温到楼上好吃很多，唯一缺点是停车困难且不便宜我竟然已经想好下次来吃什么了

養和醫院作為私家醫院，飯堂貴就眾所週知，但係估唔到原來佢哋cafe嘅價錢都幾親民😆 今次難得過嚟，原本諗住試吓佢個canteen，原來佢個cafe由地下搬咗上嚟四樓，個景望住馬場都幾嘆，所以係到嘆返個早餐😛揀咗食呢件日式雙層芝士蛋糕($40) 都係因為佢面頭嘅櫻花🌸 佢上層係半熟芝士蛋糕，cream cheese味主導，下層係烘焗嘅輕芝士蛋糕，成件食落去好輕盈，早餐食都唔會太heavy🥳早餐加$10就有飲品，嗌咗杯latte，估唔到竟然有拉花😳 飲落就正正常常，豆味唔算香，但奶泡夠綿密，以呢個價錢嚟講好收貨👌🏻特別要讚嘅係呢到啲服務真心一流，侍應們極有禮貌而且都好helpful，standard 直逼五星級酒店水準🤵🏻‍♀️景觀開揚不在話下，座位都好闊落，環境要畀滿分🫡 估唔到呢到性價比可以咁高🤑 如果嚟開呢間醫院都推介大家過嚟試吓🤪❃注意❃入去之前要係樓下辦妥養和健康碼同埋做RAT😀呢個係唯一扣分之處🧐

養和餐廳一向口碑不錯，今日適逢入院檢查所以可以一試遠近馳名嘅煲仔飯。我哋叫左鮑魚滑雞煲仔飯，呢個係帶骨嘅，如果唔鍾意食骨嘅可以叫雞球煲仔飯。鮑魚偏細，無咩驚喜，反而滑雞更出色。煲仔飯嘅飯粒夠碎，同街外嘅飯不同，煲底全是飯焦，非常香口惹味。另外要留意落單時間，我足足等左一個半小時，大家要預早落單😅晚餐叫了燒鵝貴妃雞雙拼飯，燒鵝厚實，不油膩，不過不失，反而貴妃雞嫩滑，十分出色。白飯配上薑葱蓉，十分滿足。總結餐廳嘅雞類比較出色，無可厚非價錢係偏貴但食物質素不錯，感覺物有所值🙂

一打開個menu 好豐富朋友推介我食鮑魚雞煲飯我當然無咁既胃口但當瞓响病床時見到個menu 選擇其實都幾開心第一，二餐都係食粥水跟住點了免治肉碎粥- 好味粟米肉粒飯 - 好多肉同汁火腿通粉 - 湯分開上

疫情期間，養和醫院管理監察都做得完善，而且比較嚴謹，盡量避免閒人進出，所以現在暫時只有員工，病人及家屬才可以在養和食堂進食。 因為家人入院既緣故，先有機會入嚟食下嘢既然有呢個機會，雖然胃口不是太好，但都試一試啦，今次我就試左滑雞煲仔飯。價錢一d都唔平，但都唔錯既，個飯好有味，滑雞是嫩的，但是飯焦就真的比較令人失望了。不過值得一讚的就是服務就真的是非常非常好!!!而且望住外面個靚景食飯，心情都會馬上變得更加好

過嚟做腸胃鏡就梗係一定要試吓養和入邊嘅餐廳啦點知真係完全冇令我失望超級推介呢個鮑魚雞球煲仔飯啲雞超級無敵滑啲飯又係勁好食煲得好好味不過如果鍾意食飯焦嘅話就可能令到你有啲失望但係真係好香噴噴咕嚕肉我覺得係唔酸份量都幾多一開頭睇個Menu以為青檸蘆薈糕係好似紅棗糕咁樣煙韌點知原來係啫喱酸酸甜甜好開胃明明都已經食到好飽因為太好食我食晒四個

入院日同我家老板去飯堂食晚餐，佢最初有少少抗拒，覺得醫院飯唔荒好食，係我大力推薦下佢勉強試下，我們點左晚市套餐，老火湯一來，我家老板驚為天人，咋一聲飲晒。當晚點左咖啡牛腩，牛筋好淋，咖啡好香，沙茶牛肉芥蘭，好香口，用來送飯一流。跟餐嘅朱古力慕絲，唔會好甜，唯一缺點係太細件~~~~之後係病房食左幾餐，味道真係唔錯，真係無味精，但唯獨蒸水蛋令我頗為失望，好好地一個蒸水蛋，做乜整D硬嘅蛋白係底呢，人地食水蛋係食滑架嘛

因為咁啱入去養和醫院做身體檢查，所以晏晝食咗佢個餐廳啲嘢食。叫咗個白汁海鮮🦞焗飯，味道非常之好，超級足料，有大大隻龍蝦，三隻海蝦，三隻帶子，三大嚿龍脷柳同埋其他配菜，一個人食係會超級飽，但係成個飯都好好食，就係價錢有啲貴，成$328.1個飯，我諗呢個價錢喺出邊可以食到自助餐。菠蘿咕嚕肉，啲肉超級脆，好野味，差唔多一個人都可以食晒成碟，價錢合理，都係普通餐廳嘅價錢，但係非常出色。焦糖焗白桃批，呢個味道就一般般唔建議食

******************************環境一流，望住馬場食嘢，衛生都好好，有執枱專員，而且每位客人都派消毒濕紙巾。今次叫咗三個lunch set ******************************西冷牛扒無得簡幾成熟，食落有少少紅，似係七成熟😍😍😍一啲都唔韌。連🥔🥔薯仔配菜都好好食👅👅******************************川辣魚球🌶🌶🌶花椒味重，但唔夠辣，魚球算多。******************************水餃炸醬撈麵水餃正常，炸醬撈麵都好食，但偏少少鹹，要加水餃湯中和。炸醬好香好有花生味🥜😛😛******************************

常聽說富貴養和醫院的餐廳唔錯，有幸來到，叫了個咖喱羊扒午餐，估唔到超級難吃，舊肉好大陣化學醃料味😩個面包就丁過龍，硬到飛起，蔬菜湯OK啦，全個托盆內最好食係個蘋果😔

來到醫院探病，中午決定要到4樓餐廳揾食！到達四樓，看見《醫院飯堂》四個字，令我心裡充滿了期待的喜悅。因為之有朋友推薦過這間餐廳！就進入飯堂，在內雖然是隨便坐，原來也有體貼的服務員問你多少人同帶位。地方整潔，簡單而帶有貴格，這就是養和醫院 Canteen 給我的感覺。我點的乾咖哩非常出色，雞肉沖滿了濃香咖哩味道！😋咖哩味道吾搶喉，隨餐付送提子乾，開胃👍🏻亦有白飯跟薄餅，滿足2個願望朋友係病人，要食清淡一點🥶🥶🥶油菜，走油，走豉油😵，試食一條，88三色水蛋非常滑，味道偏淡😑咕嚕肉，做得出色，入口脆身，掛汁程度非常好，個醬汁亦調得好好，酸甜適中🤤🤤三送一飯，三百幾蚊，價錢中上，但性價比高👍🏻

醫院飯堂的飯餸是否難吃，固然要視乎級數，若說養和醫院，該有一定保證。兩煲北菇雞飯，一道臘鴨臘腸潤腸，加兩碟油菜，已夠四人飽肚之餘，又令人回味無窮。坐近玻璃窗位，望著青蔥翠綠的馬場，呷著嫩滑的雞塊，看似油膩，但這是特質，否則乾涸涸，不吸引。香菇在蘸滿醬油的白飯上，陪伴雞塊，散發那片片香菇味，讓整煲煲仔飯加添了情趣。很多食肆的煲仔飯掀不起飯焦，這𥚃的卻不然。翻起片片甘香飯焦，焦味極濃，脆卜卜，香口非常。飯堂侍應見我們掘得吃力，在煲內倒入少許熱滾水，便利掀起飯焦，一粒飯一塊焦蕩然無存。臘鴨脾，切開數片，醃肉味道適中，不咸不淡，肉質也很幼嫩。不好肥肉，但見同枱食客對臘腸讚不絕口，相信該是很美味。縱使是飯堂出品，未必無佳品。

對於養和醫院的餐廳久仰大名，今日有機會到訪養和，當然要一試它的馳名煲仔飯！今日選擇了188元的原煲滑雞飯套餐，包括冬菇雞煲仔飯、是日老火例湯、焯菜及桂花糖豆腐花。以煲仔飯來說，其實並不是做得十分出色，感覺是名過其實，飯焦不夠脆，而且飯太爛，不過因為飯吸收了雞肉的味道，以味道來說，我個人是喜歡的。菜心是焯的，中和了煲仔飯的油膩感。例湯是很夠火喉，沒有加味精的，喝完不會覺得口渴。用桂花糖代替黃糖或糖水伴豆腐花是相對少見，值得一試。

鮮果雜莓撻 （$38）大量新鮮嘅生果，清甜美味，配上杏仁片，更有層次感。生果底下係吉士餡，一如以往甜度適中，口感香滑。撻皮係曲奇皮嘅口感，令我諗起細個最鍾意食嘅曲奇皮蛋撻。養和出品，真係每次都好有驚喜👍🏻。