凱施餅店 (已搬遷) 新店位置

早幾日有次午飯時間唔太肚餓，到了屋企附近的凱施麵包店買了這個白汁煙雞包！平時都會去凱施夾麵包，但都冇留意到原來佢雪櫃度有放呢款包賣～$14咁大個都幾抵食，個包是熱狗包，入面有煙雞肉，好多生菜絲，蕃茄片～煙雞肉份量都唔少，幾香！最好係白汁夠多，食落都唔會乾～口感豐富，有白汁creamy又有生菜爽口～幾好味！而且食完都好飽。。除了煙雞包我見到雪櫃仲有款白汁碎蛋包同埋有D三文治。。下次會試埋佢

蛋糕面用上鮮磨栗茸，打造極臻幼滑的軟糯質感，上面鋪上原粒栗子，再以士多啤梨和朱古力塊點綴。內層是香滑栗茸和忌廉，每啖都感受到栗子的香甜滋味和蛋糕的軟綿質感，味道不覺滯膩。 重量是半磅，蛋糕外圍鋪滿木糠，吃時有一種拿破崙糕餅的感覺，不錯！ "Happy Birthday" 白色牌子是用白朱古力做的，味道不太甜。對於可以吃下的前題之下，合乎經濟環保原則，值得一讚！

麵包牌上只係寫住QQ波，QQ波係咩黎既呢？好奇之下就買晒三款黎試下，QQ波有三款顏色(灰，淡黄，啡)，QQ波既皮都幾硬，但裏內就無咩餡既，不過就好煙韌，原來QQ波係錦解，灰色帶黑點既係芝麻味，淡黄色既係芝士味，而啡色就係朱古力味，其實三款QQ波既味都係非常之淡，試過就算！

香辣鬆鬆包係凱施餅店出名既包之一，橙色既肉鬆鋪滿麵包表面，好吸引，咬一啖，肉鬆又香又辣辣地好野味，除左辣味仲有甜味，應該係包面上茶左煉奶然後先鋪上肉鬆，早餐食兩個都仲得！

媽咪今朝買左個菠蘿油比我地做早餐，菠蘿包切開有塊幾厚既牛油插係中間，但覺得太多牛油唔係錦好，所以自己將3分2牛油留起，而3分1既牛油食落剛剛好，好香，菠蘿皮係脆而甜度適中，好食！

未試過其他飽or糕點，因為次次黎必食吞拿魚酥！一層一層酥皮非常分明，又異常軟熟不太油膩，食完唔會成口油，唔抹嘴都唔會"ling cup cup"最重要係吞拿魚多過乜，啖啖吞拿魚肉，愛吃肉，又怕紅肉肥的，絕對值得一試！tips: 凍都好吃，so千萬千萬唔好叮熱！謝哂超難食！

家姐又想食蛋糕,款式當然由她選擇.點知買了我最不喜歡的朱古力蛋糕,雖然唔喜歡我都吃了一小件.味道嘛!朱古力味唔夠濃,正確點來說這款朱古力是完全沒有朱古力的香味,只有丁點兒苦味,由於這款是慕思,應該好滑的,點知完全唔覺滑,還要實的的的硬掘掘,唔用叉都唔會散.可以用手拎住食,底層用了脆脆,最後淪為垃圾筒食物,原因己經唔淋,所以無人肯食呢??最離奇話明係焦糖味點解完全食唔到的,味覺有問題還是朱古力蓋了那味道,真的不知曉了68元一個慕思蛋糕唔算貴,只是質素50元都俾多左,

路經此店嗅到很香的蛋撻味,原來剛剛出爐,於是買一個來吃,果真有好香的蛋味,加上蛋撻皮有好香的牛油味.蛋撻又夠熱,真的唔錯.