凱旋餐室

营业中

休息中

番工時間搵餐廳，行過見到有間新式茶餐廳，都幾多人，入黎試試佢，同朋友一樣，都想食咖哩，於是就都叫左咖哩飯食喇咖哩雞飯 $62入面係一大塊雞扒，再加埋好多薯仔，咖哩雞飯好濃味又帶點辣，十分之開胃🤭咖喱海鮮飯 $68呢個入面有魷魚🦑，一大塊炸魚，再有d 海鮮，都好足料，另外仲配左條菜，均衡飲食好重要👍🏻😁飲品叫左凍檸茶同凍奶茶，因為唔記得叫少甜少冰，所以好多冰又好甜，建議大家都係叫少冰🥹❄️🧊

這間新開的港式茶餐廳位於灣仔站附近，鄰近多座商業大廈，是附近居民和上班族的福音。店內環境寬敞，設有多個座位，繁忙時間都容易有位置。每日有多款不同的午餐精選，除此之外，亦有單點的餐牌。蜜椒薯角牛肉 - $70一片片牛肉嫩滑軟腍，綿密的薯仔粒外酥內軟，均勻塗滿蜜糖和黑椒，更有不少三色椒和洋蔥等配料，好有鑊氣好惹味。小菜套餐 +$10跟配明火例湯、絲苗白飯和熱飲一杯。全日早餐 - $58大大塊香煎雞扒嫩滑多汁，薄薄的雞皮好香脆，或可轉豬扒或吉列魚柳，還有漢堡扒、炒蛋、香腸和煙肉等非常豐富，外酥內軟的多士塗滿蒜茸牛油。凍朱古力 & 凍檸檬茶 +$3大大杯凍飲好保溫，一杯有著濃郁的朱古力味，另一杯則有透徹琥珀的茶色，檸檬香和酸甜味，少澀帶回甘。

行過灣仔, 見到有果皮蒸龍躉餐或炒龍躉球$128就試下, 點餐時話要龍躉餐蒸嘅, 個侍應回左一句 ”128蚊個餐嘛, 有”, 等左半個鐘, 個收銀睇唔過眼, 走黎幫我追, 一追又剛剛整好, 上檯時見到條魚似石班多過似龍躉, 我以為細條龍躉個樣似石班, 食落唔似石班又唔似龍躉, 無魚味, 無甜味, 少少鹹味, 好似食病人餐. 果皮又無, 我疑為佢聽到我無講果皮就幫我轉清蒸, 都無追究.食完後, 後面客人點了石班餐就望下啦, 點解個魚頭係一樣, 最後埋單, 個收銀可能見到我影後面個條魚, 就主動話收返$88, 佢就話出左個唔係龍躉餐畀我.我問佢出左咩畀我! 佢答返我係頭班腩.

第一次嚟食，整體感覺都唔錯，透過大玻璃都可以見到入面裝修得幾靚，起碼光鮮整潔，食個飯都舒服啲～午飯時間早少少嚟到，就有多啲位選擇，卡位都幾多午餐選擇都算幾多，價錢係灣仔銅鑼灣嚟講都算係咁。熱奶茶，做得唔錯喎，茶味同奶味幾平均，幾好飲👍🏼咁啱早幾日同朋友講開福建炒飯關注組，就成日心思思想食福建炒飯😂😂呢個福建炒飯唔算正宗，不過材料都幾豐富！除咗雞粒之外，仲有蝦、魷魚，瑤柱絲都唔少，食落都幾惹味。蔬菜粒都唔少，令口感更豐富。

今日嚟灣仔開會，中午就順便喺附近食埋晏先返公司。喺官立小學斜對面見到有間新開茶餐廳，門面光鮮企理，反正又未到 rush hour，唔使排隊，一於試下。餐牌包羅萬有，由全日早餐、常餐、西式飯類、意粉，以至中式碟頭飯、鑊氣炒粉麵、輕食/三文治等，一應俱全。見到隔離檯叫咗碟芙蓉煎蛋飯 ($65)，色澤金黃，賣相討好，即刻跟風，原來 +$12 仲可以轉炒底。雞蛋煎得好靚仔，乾濕度適中，邊位香口酥脆。入面嘅材料有叉燒、蝦仁、火腿絲、銀芽、洋蔥同韭黃等，食落口感好豐富。飯底炒得夠乾爽，粒粒分明，用嚟配煎蛋食一流！另外仲點咗吞拿魚三文治 ($26) 同 美式熱狗 ($28)，方包好軟熟，入面夾了一片厚厚嘅牛油，吞拿魚醬很香，沒有魚腥味，配埋牛油同麵包食，味道不錯。熱狗即點即製，包身輕輕烤過，夾喺中間嘅熱狗腸肉汁好豐富，腸身香脆，配上醬汁，更添滋味！飲品嗌咗杯紅豆冰 (+$12)，紅豆大大粒，香甜軟稔，加上甜度啱啱好，挺合心意。

👉經過見到🈶️新店，大量卡位，坐位寬濶，試吓先。。。☺️.☝️每款小菜由$75-$88，另加$10可升級為套餐，包括 例湯🥣、白飯🍚、熱飲☕️（凍飲🥤+$3）📌魚香茄子煲 $75 ～ 其實係碟上。每件茄子經過走油特別香口入味，豬肉碎、香菇、咸魚粒⋯足料冶味，下飯一流。🤤📌粟米魚塊 $75 ～ 魚塊厚身啖啖肉，甜甜哋嘅粟米🌽汁非常濃稠，掛🈵️每件魚塊。。。魚塊雖然被粟米汁包住，但每件都仲好脆口。😋📌凍鴛鴦 📌凍奶茶 ～ 茶味🉑️以，但點咗少甜依然甜到漏。。。😳🏬 凱旋餐室 (灣仔)🚦 灣仔莊士敦道194-204號灣仔商業中心地下

行過灣仔，係人來人往既莊士敦道經過呢間茶餐廳，見裝修都幾新淨，menu都多選擇，就入咗去試午餐時間有lunch Menu ，50幾蚊有好多款選擇，送埋飲品都幾抵食！Main menu就咩都有得揀，炒面飯、焗飯、鐵板餐都有，價錢都幾合宜近排減肥，揀咗個扒餐，汁另上～有成六款汁選擇，吾係間間餐廳都有！黑椒汁香煎鷄扒意粉鷄扒好香口！吾會肥～意粉烚得啱啱好～唔會太淋或者太硬黑椒汁另上都做得好足！凍檸茶走甜少冰，真係做到少冰👍🏻👍🏻茶味好香

今日嚟咗灣仔行街，想輕鬆快食個early dinner，呢間凱旋餐室食物種類齊，光猛又闊落，上菜又夠快👍🏻炸菜肉絲米線不嬲係我嘅favourite，呢間都整得唔錯，炸菜肉線好足料，啖啖都食到爽脆嘅炸菜，米線滑捋捋，craving satisfied ☺️鐵板XO醬海鮮炒烏冬都好有驚喜，調味啱啱好，鹹香惹味，食材有魚柳、魷魚、蟹柳、青椒，鐵板保持烏冬嘅熱度，食落更滋味😋豉汁炒蟶子更加高質，蟶子大隻爽脆，有埋豉汁加持，風味更佳，一啖蟶子加一匙香軟嘅白飯，仲有埋碗清甜嘅木瓜湯，冇得彈😍

放假約朋友行山，行完山就去食野，路經一間新茶餐廳，在灣仔區食飯都不平，看看餐牌價錢都合理就決定入内一試，吃過又多了點驚喜，食物水準又不錯。凱旋餐室位於灣仔區，附近都有不少餐廳選擇，但凱旋餐室相對其他餐廳，座位較多。沒想到下午茶時段都有午餐供應，收費一律HKD68。再看下午茶收費一樣合理，和朋友便決定入座。餐廳整體環光線充足，座位都較寬鬆，入座都坐得舒適。吃過早餐便出門行山，午餐也沒吃，所以前來都有點肚餓，所以選了些食物和朋友一起共享。下單不久，很快便把食物送上。奶油豬 HKD19，小食奶油豬不是很多茶餐廳會供應，所以都想試試。單看賣相都不錯，吃上口邊脆内軟，最重要奶油味道剛好，甜甜奶中帶點牛油香。蕃茄薯仔餐肉粒湯公仔麵，配火腿炒蛋、蒜蓉厚油多士 HKD54，凍檸檬茶要另加HKD3。蕃茄薯仔湯底非常濃郁，除了薯仔，還有洋蔥和肉粒在湯中。公仔麵口感適中，還有午餐肉粒，整碗吃完都幾豐足。最驚喜的就是蒜蓉厚油多士是條狀，吃上口邊脆内軟，蒜蓉味都幾香。炒蛋更是滑蛋，好味。凍檸檬茶就要求少冰，但來到是一杯少甜餐茶，不過味道都還可以。鐵板羅漢齋炒麵 HKD72，轉餐加特飲紅豆冰 HKD12，先喝口紅

位於灣仔的港式冰室，門牌很光亮，入面燈火明亮，整潔企理，座位都是卡位，私隱度較高。餐牌供應中西式菜式，還有輕食、常餐等等，選擇甚多。晚餐時分，侍應都會端上給一碗熱騰騰又足料的老火湯給每位客人，湯料甚多，且沒有添加味精。意粉類：蒜片明太子海鮮炒意意粉加入少量的忌廉醬汁、蒜片、鹽等基本調味，味道剛好，質感較稠杰。材料有蟹籽、蝦仁、魷魚、小蜆肉。如果意粉硬身及乾身一點，口感更佳。中式碟頭飯：芙蓉煎蛋飯芙蓉煎蛋，厚厚一大塊鋪在飯面。芙蓉蛋材料豐富，有火腿絲、洋蔥、叉燒絲、蝦仁、韭黃、芽菜等。蛋煎得金黃，周邊微脆，中間還有點蛋汁，帶蛋香。飯底轉成炒飯，份量大份，炒得有點鑊氣，也不會很油膩。輕食／三文治：吞拿魚三文治兩片白麵包，夾著拌入沙律醬的吞拿魚餡料，健康有營。

灣仔區最近又有新茶餐廳插旗🎊百花齊放，完全感受到市道開始興旺🎉🎉🎉「凱旋餐室 」位於莊士敦道中心位置最難得係有間地方寬躺茶餐廳可以坐得舒舒服服，而且裝修簡潔分明，全卡位間格，坐足四人都唔覺得迫夾👍🏼焗鮮茄豬扒飯 $70炒飯底超有誠意，加入蛋𢇁、洋蔥、蘑菇等，飯粒乾身不油，最正個茄醬，微酸中帶甜；份量剛剛覆蓋豬扒面，加上拉絲芝士，齋食個飯都令我好滿足；連骨豬扒已切開一件件，厚薄適中，入口吾靭。紅豆冰 （小冰）$12紅豆入口軟糯，微微起沙，佔了 1/3 杯，感覺食極都有，奶香濃郁，好飲。價錢合理➕水準吾錯🟰有競爭力✔️

開業不久，仲係好新，叫左個豉汁蒸倉魚$88，但黎錯左頭腩，不過價錢一樣就是旦啦～頭腩料足，又大大件，絕對ok, 個魚皮厚厚的，夠晒骨膠原。朋友叫個茄牛脷焗意粉，略嫌唔夠味，所以淨好多意粉。其他野都ok正常。

當日因為工作關係同屋企人經過這間餐廳寫下美好的日記。黑椒汁牛扒飯我覺得這個餸菜是經典因為令人好飽肚而且感覺溫馨。而且牛扒是八成熟非常入味而且嫩口,配上佢哋秘製嘅黑椒汁可謂達到色香味俱全。令人垂涎三尺。是冬天的養生之選。腰果牛柳粒首先他們的腰果是上選非常入味。配上美國一級牛柳, 令人覺得美味至極,每個味蕾都覺得滿足。這些餸菜亦很適合一家大細享用尤其是節日。餐廳無論地理位置非常鄰近地鐵站亦有巴士直達。😄😄

在灣仔返工，中午搵食既時間路過見到呢間新開張，老闆好熱情叫人入去食，第一日新開計平啲，於是就入左去，坐左卡位。-午餐精選-我叫左 意式辣肉腸意粉都好大份，味道都ok，意粉就碎左少少。本身以為佢係辣肉腸，點知原來係辣肉+腸，不過味道係正常OK既。同事叫左 焗白汁海鮮意粉整體黎講第一日開張係混亂左少少，出貨慢左少少，不過味道都正常OK既，價錢唔算平都唔算好貴，份量好多，員工同老闆都好nice，都可以有下次。以下係其他餐牌：