凱日宴會廳

营业中

休息中

星期三下午 ，到西九龍中心逛街 ，入咗去海逸宴會廳 ，飲下午茶。 可能因為是平日下午 ，容易搵位， 坐得幾舒服。 叫了四個點心 ：鮮竹牛肉 、叉燒瀨粉、 小籠包 和奇趣蔥油餅。 味道不錯。 埋單時 ，大約125元， 價錢適中。

7月9日同家人去西九龍中心，3:00鐘有啲餓，就突然想去飲下午茶。去到7/F 呢間凱日時大約3:05，問門口知客依家仲有無下午茶，佢無答我就話：我帶你入去。正常人聽到都assumed 當時入座都無問題。知客帶我地去張未執嘅枱，然後叫一個侍應幫我地執枱。個侍應好慢動作咁執枱，執左成5分鐘（我地兩大一小，果張係細枱！），之後竟然係架放滿污糟杯碟嘅車仔上攞壺熱水，同一個洗杯碗嘅大兜比我地，我睇到眼都突埋。我地坐低後，無人幫我地開茶及開卡，我地亦無問，直到畫好點心紙叫侍應落單時，個侍應竟然話：「我地依家唔接單架啦，落唔到。」個態度仲要乞人憎到呢！當時未夠3:30，而點心紙上明明寫住下午茶時間係2:00-4:00！我地好不滿，佢竟然黑面話「係落唔到就落唔到，叫經理都無用」。我地叫佢行開，搵另一個侍應搵經理過嚟，跟著佢叫個女部長過黎，個女部長亦舉手示意黎緊。但個部長差唔多黎到時，竟轉方向走去同另一個侍應推大圓枱面。我火都黎大聲叫佢「你埋黎處理左件事先好喎！」個部長黎到聽到我地要落單但侍應唔接，第一句又係話「我地3:30截單」，跟著就想走。我即刻喝住佢咪走：「依家都未夠3:30，你即刻同我落單！落完

個個掛住逗利是，三個serve一個客，態度又差餐具要自己去拎，完全令人無奈既服務😠😠😠😠😠😠😠😠😠😠😠😠😠😠😠😠😠😠😠😠😠😠一定吾會再黎。逗利是吾係問題，但個個一見到利是就撲過去，拎完就冇左人影，簡直係佩服。🙂🙂🙂🙂🙂🙂🙃🙃🙃🙃🙃🙃🙃🙃🙃🙃🙃🙃🙃🙃🥲🥲🥲🥲🥲🥲🙃🥲🥲🥲🥲🥲🥲🙃🥲🥲🥲🥲🥲🥲🥲

西九龍中心出晒名多嘢食，但係如果你想飲茶呢就應該得呢一間酒樓啦！估唔到人流都好多，可能嗰日係星期六嘅關係，幾乎全個酒樓都滿晒。環境方面真係比較嘈，啲人都好地道嘢食方便，我哋大概點左10幾個點心，所有點心都係熱辣辣嘅，唔會冇味道，最令我驚訝嘅係個蝦餃，佢真係皮薄餡靚，啲蝦係爽嘅。個皮就唔會好厚。仲有個春卷腸粉，咬落去係脆卜卜，唔同出邊有啲酒樓，因為要蒸腸粉所以啲春卷係淋既。我哋總共食咗十幾碟嘢，埋單就大概六百幾蚊左右，五個人嚟講都算係合理嘅價錢。

同同事工作經開深水埗由於需要泊車優惠所以焗住嗌夠200蚊睇落去啲食物個樣唔錯但食落去係另一回事炒粉聞落去好香但係食落去完全冇味點心味道正常其實等多陣就下午茶不過費事再等啦飽係幾飽但係正常飲茶味道唔係好食

原諒我呢篇冇影太多相原本諗住收起影相mode、好好享受下母親節天倫樂點知經歷咗漏單 錯單 仲要座地起價話說一行6人, 母親節翌日去飲茶慶祝一番佢收既價都仲係節日價, 等咗幾分鐘就入到座坐既位都幾寬敞, 可惜衛生麻麻, 地毯上垃圾頗多,碗碟也沒有洗乾淨, 唯有自己用滾水沖+捽多幾下點心幾好食，例如雪山奶黃包，別有洞天脆皮腸，都幾高質特別。新鮮整起，脆身。食食下，傳菜放低咗一籠我地冇叫過既三色水晶包，冇嗌過喎～發現原來叫銀絲卷, 系統會自己match錯落水晶包，咁都得。其中一個好做得野既阿姐幫我地換返啱燒鵝同炒伊麵等極唔黎, 追完發現漏單, 燒鵝漏單不特止, 追單時臨時話要再加20蚊例牌原本$148, 加幅達到13.5%, 仲高過我加人工騎虎難下無理由唔食上到檯燒鵝肉係滴緊血, 未熟架喎喂, 皮又唔脆令一心黎食燒鵝既慈母倍感憂傷食咗一兩啖都停咗手作為子女真係見到都黯然神傷總結點心係好食既, 幾有特色可惜其他缺點太多價錢亦都唔平, 6個人飲個茶食咗千幾蚊短期內未必會再幫襯

在西九龍中心行完街，見到凱日宴會廳外觀不錯就入去試試食晚餐，酒樓環境寬敞裝修新淨，餸菜款式頗多，亦有晚飯孖寶及四選一優惠，原本想食燒雞但侍應姐姐建議白灼蝦果然唔錯蝦肉彈牙夠鮮甜，另外蒜蓉蒸元貝亦夠鮮味蒜蓉好香最意外係個重慶酸菜魚，魚片新鮮爽口酸辣度適中，但夠麻辣，除了魚片還有雲耳，魚腐，大豆牙，薯粉及芋絲，材料非常豐富， 絕無欺場最後一碟欖菜肉崧四季豆，醬料做得出色欖菜肉崧再加上冬菇粒令四季豆更加惹味，連白飯食真係一流呀！👍

今日陪媽媽去左西九龍中心飲茶，真係好耐無帶媽媽黎西九，仲記得當年商場入面有過山車嫁。西九只得呢間中菜酒樓，所以成日都有好多街坊黎，啲枱都隔得幾遠，空間感大啲。服務就真係唔好太大期望，當自己食澳牛就得，不過姐姐加水既速度都幾快。廣式叉燒包（$18.8），蒸到岩岩好唔會癡牙，內餡香但唔會過分甜。比起另一款雪山奶黃包，老人家比較鐘意呢款傳統包。黑椒金錢肚（$34.8），金錢肚大大塊，有幾粒豆卜舖底，蒸得算幾淋，如果切細小小會易入口啲。重慶酸菜魚（$48.8)，午市竟然有小食酸菜魚，性價比幾高，除左酸菜夠酸同香，魚肉方面係生滾粥既魚片，啖啖滑溜魚肉，仲有魚腐同芋粉，非常豐富！露筍蝦餃皇（$33.8），皮薄餡靚，蝦肉好彈牙，仲有清新切粒既露筍，對得住呢個價錢！奇脆蔥油餅（$19.8），真係好！油！炸到好脆但咬落去可以滴油，完全overcooked，唔好曬quota！

一見張相就吸引左：鴛鴦露荀蝦餃，出黎產品同屓相铃到有85%，算不錯吧！味道當然一般蝦餃 但蝦夠爽，都算新鮮嘅。芝麻火1已而家好少酒樓肯做，真戊賣少見少，呢到有，我基本上每間有都試下，呢到無令我失望，有芝麻香得黎，唔死實，甜度適中，當然可再爽少少，透明度加d，再加分，而家都好有懷舊風味了。呢個奶黃包流心嫁，真係小心熱得濟。呢個又係下次食可以encore，唔太甜，奶黃夠滑，怪皮唔厚，加埋甜美可愛造型，。當然唔係隻隻咁靚仔，不過遠𥄫唔覺嘅。百幾蚊，商場內酒樓食差不多啦！

看見門口這個$8 蚊雞的優惠，今日一於嘗試一下，大家冇睇錯真係$8 蚊雞.酒樓相信是新裝修，因此環境十分之舒適，加上十分之明亮適合朋友的聚會.這個$8 蚊雞十分之有水準，雞肉十分之香滑.燒鵝皮脆，送飯一流.這個炸蝦賣相十分之漂亮，加上沙律醬，也是最美好的配搭了.全餐都是肉最後也叫了一個竹笙蔬菜，份量也十分之足夠，味道也不錯的.這個優惠還有其他的，包括有沙巴龍躉，下次一於來試一試，最重要原來還有攻打四方城的鵲局，下次一於搵埋其他麻雀腳，來品嚐一下.

好耐冇去過西九龍中心行街啦，今日同家人去逛了逛，改變左不少，經過七樓這間"凱日宴會廳"，做緊晚飯優惠推介好抵食，不如食埋晚飯啦。晚飯推介4選1，有$8半隻雞/$48虎蝦/$18.8乳鴿/ 清蒸沙巴龍躉 $58，我地愛食魚揀左魚。茶芥$12/位小食$12碟冶味海蜇鴨舌 $68鴨舌入味有口感，送啤酒一流，海蜇爽口彈牙。川味沙薑豬手粒 $48好有驚喜呀豬手，份量超多，沙薑味香濃，肉厚爽口，必點。蟲草花蔥爆雙蚌 $108雙蚌彈牙爽口有口感，配上蟲草花、西芹、木耳、紅椒等，配上蝦醬和蠔油更鮮味。古法鹽香雞(半隻) $98鹽香味濃，雞夠咸香入味，肉質嫩滑。清蒸沙巴龍躉 $58晚飯推介4選1的優惠，好抵食，一點不馬夫，魚肉不但厚身，且鮮味嫩滑，正。絲苗白飯 $14/碗

一行二人在西九龍中心七樓 晚飯。 平日間中光顧午市茗茶，今晚試試晚飯小菜。 來到滿堂食客相當熱閙！坐下先看看菜牌不少優惠和抵食套餐孖寶！還設有君雀會雀局自選套餐，有不同時段的選擇，很有興趣下次來試下！選了份抵食套餐 208元 :燒乳鴿 ( 一只 )果皮蒸大連飽魚 ( 四只 )乳鴿皮脆肉嫩有肉汁，味道相當不錯！大連鮑鮮嫩脆口彈牙！果皮飄香！姬松茸海參豆腐煲 138元份量足賣相吸引，豆腐又嫩又滑海參爽滑入味，菇菌香滑醬汁調得鮮味！小食～五香牛展 52元牛展軟彈五香味濃郁。付送糖水～紅豆沙甜度適中，好味！這家的晚飯小菜真不錯！

同媽咪一齊晚飯。媽咪話試過鵲局宴價錢又不貴，媽咪話小菜大大份，好抵吃。媽味介紹4選一。今次選了意大利泰國老虎蝦。48蚊又合理，蝦鮮味。入左有烏冬，吸晒老虎蝦味，超正，烏冬食下食下就吃清椒鹽豆腐為得獎名菜，果然一流。好趣口又滑溜，免頭有椒鹽更好味。不錯👍🏻蒜蓉粉絲蟶子，大大隻。又新鮮38蚊一隻果照份量十足，粉絲多，特別好食薑蔥炒蟹。肉蟹蟹羔，沖好味，蟹都大隻。整體來講好野味，配上一罐可樂10分滿足呀。還送上甜品，媽媽表示好滿意

深水埗西九龍中心食肆很多，最近開了間新酒樓，媽媽經常幫襯飲茶，今次試下晚飯小菜裝修簡潔華麗，旁邊有個大魚缸，有很多生猛海鮮，地方很大，座位夠闊落餐牌很多選擇，很多特價孖寶套餐，價錢實惠最驚喜晚飯推介四選一原條清蒸沙巴龍躉一斤都只係買$58超級抵食大大條沙巴龍躉，魚肉新鮮嫩滑，清蒸最原汁原味，可以食到海魚既鮮味孖寶套餐：$188蒜蓉蒸粉絲元貝+話梅豬手煲元貝很新鮮鮮甜，很多蒜蓉，正呀媽媽最喜愛話梅豬手，用上幾粒話梅，炆得夠香濃入味，酸酸甜甜，餸飯一流竹笙羅漢齋上素份量十足，足料竹笙，雖然味道有一點淡，但適合媽媽口味，我比較喜歡濃味，所以我比較喜歡話梅豬手煲值得一讚，服務員態度好好，由帶位到埋單都笑面迎人，有賓至如歸嘅感覺

難得今日因爲整車牌出開黎深水埗，整完之後諗住食餐好，我哋就上咗去西九龍中心上面嘅凱逸宴會廳，原來呢度仲有君爵會，係可以比人邊打麻雀嘅地方，咁就可以邊打牌邊飲茶。竹笙瑤柱素翅湯餃，湯係好飲，料嘅份量都幾足，而且價錢唔貴。蝦蛟皮薄，蝦肉幾鮮味。羅漢上素腐皮卷，新鮮即炸，不過油份多左少少。你好腸粉非常出色，腸粉皮薄而中間係油炸鬼包住蝦肉，油炸鬼非常香脆，一啲都唔油食，落去索索聲炸雲吞都係飲茶必叫，雲吞都係炸到一啲都唔油