初心冰室 (已結業)

同同事咁岩發現左呢間餐廳於是午市就來到試下內在環境燈光麵好昏暗 似西餐餐廳多d由於實在太肚餓既關係 我地兩個人叫左3個餐呢度午餐價錢偏貴 約50-65蚊一個餐不過食物質素比我想像中出奇地好餐包同餐湯冇特別 我就唔提了西冷夠腍同滑身 食落完全唔鞋口我平時麻麻薯仔 不過呢個薯仔炸過 脆卜卜配菜既青瓜賣相唔差 不過係冇味既$62個餐黎講 呢個扒係物有所值既好食沙律醬夠多 酸甜開胃 而且都幾多煙三文魚不過同事話好多醬 最後我一個人食哂呢個麵份量有點少 不過味道唔錯忌廉汁夠多 而且好香滑 如果配料再多d會更好因為唔係好食到蜆肉我加左$12要雪糕紅豆冰不過冇乜特別 而且紅豆唔夠爛總括而且 雖然價錢偏貴 不過主菜味道出奇地好店員都好主動幫手收走食完既碟又主動遞紙巾比我地 值得一讚

今日一行四人來到位於旺角既初心冰室食午餐平時行過呢度都未有機會試下今次終於一嚐所願店內裝修都係以懷舊特色為主牆身貼有好多舊式海報我最欣賞桌上面印有80年代既花磚先講講野食每個午餐都會連野飲同餐湯餐包可以揀忌廉湯/雜菜湯餐包香軟 配埋牛油 好好食凱撒沙律配煙三文魚沙律面頭配有煙肉同麵包脆煙三文魚咬落去好香 有油脂味沙律醬頗多 可能減肥中既女士會唔太適合 不過真係好好味烤美國西冷配薯菜舊牛好腍 用刀輕輕一切就切得開而且筋位少 薯仔炸過 外脆內軟推薦呢個煙三文魚蜆肉忌廉天使麵忌廉味好香 麵質剛剛好唔會太腍好好食 美中不足係煙三文魚有少少熟左 不過都好食 香煎雞扒配意粉意粉軟硬適中 醬汁惹味而且雞扒好腍 嫩滑彈口唔食牛扒既話 呢個都唔錯 值得推薦飲品方面我地叫左雪糕咖啡冰 同雪糕紅豆冰咖啡冰係配朱古力雪糕 而紅豆冰係配雲尼拿雪糕兩杯都好飲 香滑 味道又唔會太甜可能因為我鐘意朱古力雪糕咖啡冰略勝一籌埋單每人60-70蚊左右一個午餐但性價比好高 食物質素中上值得推薦比大家

風，記得附近有《初心冰室》便跑過去了。 餐廳餐桌很特別，用馬寒克圖案而成。 環境令人舒適有梳化位。職員落單敏捷。午餐時段的餐牌上有多13多款 有飯、麵、扒類、雞、蛋包飯但發現另一本餐簿厚厚的，而吸引我的就是鵝肝、牛柳啦！ ！😍鵝肝拼牛柳 HKD 138 + 28 跟薯菜、 羅宋湯 及凍飲 先嚟餐飽好軟化，而湯夠熱又有湯渣！ 鵝肝有愛又恨，膽固醇很高，但不是經常吃便可。鵝肝煎一煎又香，口感濃郁。中層是牛柳，肉厚又做五成熟。

旺角西洋菜南街有間「初心冰室」， 其實呢間冰室係一間 非一般嘅冰室，而是性價比甚高的扒房。用62蚊就可以叫到一個西冷牛扒午餐，西冷牛扒七成熟，真係做到剛剛好七成，厲害。 牛扒又大塊又厚又juicy。我就叫咗都係62蚊古法藥膳雞湯米。湯米一嚟，已經一陣藥膳味，有許多杞子同其他藥材，滋補養生，雞肉算滑，個米粉份量就少咗啲。餐湯有雜菜湯同忌廉湯兩種選擇。朋友叫咗咸檸檬七喜少冰，我叫咗凍即磨咖啡，咖啡okay。

朋友介紹得，一定得！入到去果然座無虛席！Set dinner 的選擇已不少，但又想食main menu的扒，最後點了香煎肉眼扒配露筍，加錢轉套餐。肉眼扒賣相吸引，大大塊又嫩囗！扒下面有新鮮露筍，西蘭花及椰菜花。以蔬菜墊底，塊扒斜斜哋放面，幾靚㗎！(又感受到多一點心思) 除此之外，以香菜及調味粉灑在板上作點綴，視覺上又再加多一點分！色香味俱全！呢個係蕃茄包，唔係咁多餐廳有，就是呢些少的不同，已能感受到店主的心思！忌廉湯，夠濃！飲黑牛，可樂加雪糕，無敵！下次再試其他美食，有誠意的餐廳一定要再光顧！

同小胖男友兩口子最初拍拖時 最鍾意就係去餐廳鋸扒撐枱腳 係昏暗嘅燈光底下望住對面嘅情人氣氛特別浪漫最近我哋去咗呢間初心冰室鋸扒 突然又重拾返當年嘅感覺 好鍾意餐枱上色彩繽紛嘅磁磚 簡單放杯檸檬茶影相已經好靚好吸睛愛食酥皮湯既我地加錢升級左餐湯做酥皮湯 酥皮焗得好香脆 而內裡既忌廉湯都夠晒熱 吃貨小妹覺得絕對值得加錢升級主菜方面 小胖男友叫左烤芥末籽紐西蘭羊扒 份量都幾多羊扒唔會太騷 而吃貨小妹都係離不開牛 叫左份美國穀飼西冷扒牛扒同羊扒一樣好大份 另外薯角椰菜花等配菜都頗多最重要係7成熟既牛扒唔會太熟或有血水 味道都唔錯 合格有餘為食嘅我哋仲追加咗一份芝士焗西蘭花同埋蜜汁炸雞翼 雞翼好味呢食咁多野都唔駛300蚊 仲連埋甜品真係好抵食

呢間餐廳地點方便，去開太子區，就入去食個LUNCH雖然餐廳面積唔太大，但係勝在裝修有特色，有唔少精緻飾物，幾有風味SET LUNCH都有好多選擇，我就點咗古法藥膳鮮雞湯米粉感覺比較特別餐湯先上，係雜菜湯，夠酸，好醒胃，仲有唔少蔬菜，好味又有營仲有餐包，熱辣辣夠鬆軟，可以增加飽肚感之後主菜就到，都好大份，仲明顯有唔少藥材同埋鮮雞，湯底清甜，米粉索咗湯+材料嘅味道，全部都好好食！有機會大家都可以去試試

慘慘又抽到返夜既地獄更😵可幸既係晏開工仲有時間嘆下Lunch Hea一陣🙇🏻‍♂️趁未被打落地獄前⚡️😢一枝公近近地黎Encore吃個最後的午餐先🙈😋位於旺角西洋菜南街既初心冰室從旺角站B3出口經天橋橫過旺角道過黎亦十分方便😆環境裝修簡約中增添風格☺️牆上掛住放住唔同既擺設😆盡顯Western Old School Style😆☺️以抵食西餐既賣點😆再造出高質抵食既西餐料理😋吸引到唔少上班族午市黎幫襯😆而且賣相一流顯得用心製作☺️👨🏻‍🍳初心的起點贏盡起跑線☺️🏃🏻‍♂️香煎美國雞扒配黑椒汁及薯菜除左主菜亦有包餐湯餐包同埋餐飲套餐相當豐富😆🙌🏻是日餐湯係忌廉雞粒蘑菇湯😋🥣餐湯濃郁夠哂Creamy之餘而啖啖雞肉蘑菇粒亦係口感滿滿Der🤤餐包暖笠笠送上係最鬆軟好食😆而雞扒經慢火煎煮肉質嫩滑依然🐔😋雖然黑椒汁較為偏鹹🙊但整體上亦夠風味的☺️🐔另外亦有薯菜做襯托🥔🥗😆薯角炸得脆口且啖啖薯肉亦係小肥至愛🥔☺️

旺角冰室林立，初心冰室呢個名，會令人覺得好有誠意，不忘初心！最欣賞有誠意的餐廳，一定要試試店內氣氛柔和舒適，帶點懷舊感。被安排坐到最入的卡位，就看見牆上的字：願你我不忘初心！真的很有意思！有set dinner, 點了香草芥末籽燒紐西蘭羊扒配燒汁，伴意粉。七成熟，放在黑色木板上，免卻被鐵板加熱而破壞羊扒的口感。賣相唔錯，雖然望落比七成多了點，但肉質依然幼嫩！燒汁撈意粉亦很不錯！另外點了一份奇尊炸雞中翼，翼面帶點脆，第一口咬落去的時候，不禁講：正！內裡的雞肉非常嫩囗，並有芝士及蘑菇，絕配，大大力推介喔！餐飲加$10就可以飲到白牛，餐湯及蕃茄包，比單點一杯白牛$28 抵好多！好耐冇飲過白牛，不用食甜品已經好滿足！有誠意有質素的餐廳，下次一定要再食！

呢間平民高質西式茶餐廳🍴平日lunch見有人等位 set lunch好平🤑 就算夜晚價錢貴小小都要等下.#香草大蝦芝士意大利飯 $108意大利飯加入芝士 驚喜位係唔會流🤭👍🏻芝士🧀份量適中 仲有野菌 個汁唔會太稀唔會太杰幾鐘意呢款意大利飯幾質感 煙煙韌韌 飯粒之間有小小粘性 口感過癮🤤大蝦🦐用火槍燒過 有少少煙熏味 肉質爽口.#鵝肝拼牛枊 $138牛柳揀咗五成熟 個人比較鍾意食半熟 好考廚師嘅手勢 有啲會煎到過熟 或者會血流成河但呢個值得一讚👍🏻💯堅係5成 牛柳肉質鎖住🤤外層小脆 入面係嫩粉 咬落幾淋但有口感😏鵝肝好大舊好香 個皮煎得唔錯👅.餐廳唔收加一 性價比高 行過可以試吓🍴☺️

平時食初心都係食午餐多 有晚經過見到晚餐餐牌OK吸引 而且價錢唔算貴 就入去試吓去啲晚餐鵝肝拼牛柳 138有鵝肝有牛柳價錢都係138 蚊 所以無咩點期望過佢會好好食 但係落單嘅時候佢會問你牛柳要幾成熟上枱嘅時候已經聞到好香鵝肝嘅味道鵝肝煎到外脆內軟 入口即即溶 好有驚喜完全無諗過呢個價錢可以食到呢個質素而牛柳係5成熟 外皮煎到超脆 一切開可以feel到 而牛柳入邊又唔會太韌 仲好滑口 切開啲肉嘅時候記得要連埋外皮 我考嘅時候就會feel到我哋好鬆脆但入邊啲肉好淋整體講係十分推介大家去試吓啲道菜👍🏻

做完運動想食少少野，結果睇到呢間，俾塊牛扒同個價錢吸引左入黎，而家仲要有8折，唔食對唔住自已😂😂😂叫左牛扒餐，五成熟，好快就上左餐湯同個包，味道無咩特別，之後主角黎喇，大塊牛扒 牛扒比想像中薄少少，但好大塊，薯菜又好多，薯角係焗嘅，外脆內軟，正，牛扒上到黎比較熟，大約有七八成，但係好嫩滑，味道唔錯個餐仲包杯野飲，仲送雪米糍做甜品，成個餐都係$79 窮L價錢食西餐結果白白做左兩個鐘運動鋪頭裝潢好特別，懷舊風，枱上面有舊式瓷磚圖案，超靚，服務唔錯，我見隔離枱等人等到個湯凍左，佢地換過俾佢

Dinner Set奉送紅湯或白湯及餐飲，由頭到尾照顧你既需要，餐湯仲可以加$10轉酥皮。我們點了Dinner Set中的黑醋汁煙鴨胸沙律和黑椒咸豬手，也點了童年回憶的雪糕紅豆冰。先上酥皮雜菜湯，我的最愛。酥皮鬆化程度剛剛好，與濃郁的菜湯非常合襯，最愛這種配搭。飲完湯，很快就上主菜。黑醋汁煙鴨胸沙律，份量適合女生share，黑醋汁相當開胃，也可以去掉煙鴨胸的油膩。為邪惡的咸豬手揭開序幕，脆皮之餘，也跟醬汁的配搭非常夾，酸甜的醬汁減輕了豬手的油脂感覺。一份豬手可以切開至少7份，對女生來說，也是相當多的份量。

今天朋友說帶我去慶祝情人節，帶我去食西餐鋸扒喎。好有誠意地一早在餐廳等我，比我驚喜。還一早就點好菜，不用我想。我就來食殘廢餐好了。晚餐套餐包括餐湯、主菜及餐飲。他為我點了芝士牛肝菌意大利飯，意大利飯較多汁，不算太乾身，我比較喜愛這種質感，與意大利飯硬身的口感更為恰當。份量岩岩好，一個人可以食得哂，唔洗食剩做大晒鬼。他則點了西冷牛扒七成熟，鋸扒比我食，真好。不用自己下手，就有人切好比我食，真幸福。七成熟剛剛好，師父煮得剛好，沒有過火。

同男朋友本來想去食皇后冰室，去到先發現原來已經執左。唔緊要啦，一場黎到就入去試下。我地各自叫左個套餐。套餐有餐包，紅白湯，主菜同甜品。紅湯正常，我果碗有好多菜，得一條茜芹，無我鍾意既紅蘿蔔，反而男朋友果碗有好多紅蘿蔔。我叫左個扒大啡菇露筍忌廉燴意大利飯，味道正常，唔係難食既，稍為覺得D飯軟身左D。另外，佢一上檯我以為俾錯餐，因為見唔到大啡菇，原來佢已經切好哂一件件擺到最底。但我覺得大啡菇係主角，將佢埋到最底，令到成碟野賣相無咁吸引，呢樣野可以改善下。男朋友叫左個烤美國穀飼西冷扒，要7成熟。其實通常出去呢D餐廳食扒，無論你叫幾多成熟，出到黎一定比你所想既更加熟。果然不出我所料，塊扒係全熟，中間位置仲有少少un。鬼咩，塊扒咁薄，煎兩煎都熟哂啦~食落仲食到陣鬆肉粉味... 另外，樓面真係坐我好逼，檯與檯之間得條罅俾我過，一定要側身過。我明既，做飲食當然想將樓面放到最多人。整體黎講好普通既一餐，唔會有下次。