初心食堂

营业中

休息中

喺葵芳搵食嘅話如果唔去葵廣，都有幾間唔錯嘅選擇！今次嚟到初心食堂，呢度主打喇沙湯麵😝😋 印式煎雞摻摻 $48嚟呢度基本上都一定係食喇沙湯麵，麵底可以揀拉麵、米粉、油麵同摻摻。摻摻意思即係兩溝，讀「參參 (caam1 caam1)」，一碗就可以食到油麵同米粉😗 第一啖食落口已經覺得勁惹味！喇沙湯底有啲紅色辣椒皮但其實都唔算辣，椰香味濃，加上個湯比較杰身，令到啲麵更加索到喇沙嘅味😬 印式煎雞醃得好香，少少鹹可接受，外皮煎到少少脆，入面竟然幾嫩滑！好surprise😝 幾嚿豆卜喺呢碗摻摻起咗畫龍點睛嘅作用，豆卜入面索晒喇沙嘅汁，但個皮仲係脆脆地嘅🥰 除咗豆卜都仲有啲芽菜，幾爽口好有咬口！48蚊好抵食，份量夠食得飽！

喇沙係我好中意既一食物，所以我成日都會去試唔同地方既喇沙。今次依間最得我心既就係佢個湯好濃郁同充滿椰香。我中意等啲麵吸左啲湯，食起上黎就更入味。而且佢個蝦餅好香口同彈牙，就算浸左湯，都唔會淋哂，好粉咁，個質量好好。我妹仲拎埋我食剩啲湯撈飯食太愛了

平日行開葵芳，淨係識得行葵廣，以為已經好多好野食😇如果唔係有黃色經濟圈，我諗我點都唔會行出葵廣，發現呢間小店。
呢間小店，地方淺窄，只係可以放到三枱，只有老闆一個人，由前枱到廚房打雜，全部都係老細一個人做晒。翻工都係呢種one man band嘅 role, 睇見佢嘅情況都真係幾有共鳴，好想去拍拍佢同佢打打氣咁。果日係平日，都有唔少人黎食，加上地方細，都等左一陣。等嘅時候，同老細有eye contact左一下，老細即刻出黎同我地都打聲招呼，講左幾次唔好意思咁😣終於入到去，見到餐牌，都有唔少選擇，我地叫左一個印式雞排摻摻、炸蝦餅摻摻。叻沙底香濃，摻摻都好爽滑，加上佢嘅洋蔥同芽菜，令每啖都更加有層次！知道老細本嘅糖心蛋係用日本蛋做的，好想每人加$8多隻蛋，可惜果日去到無晒蛋了😣 唯有下次再黎食啦！

今日去葵廣行街，之後發現咗呢間小店。因為老闆自己一腳踏，所以都等一陣先有嘢食，不過絕對值得一等👍🏻 本來見$48無抱太大期望，點知飲第一啖個喇沙湯底 😲😲😲 掂呀！湯底超濃郁蝦鮮味同椰香味，跟住佢個印式煎雞好香口，同埋啲香料好惹味😋以呢個水準，呢個試食價絕對係超級良心價，就算無咗試食價，我都一定會encore 👍🏻 期待老闆嘅新menu，加油！平時唔寫食評嘅我，加上又唔習慣相機食先，遺憾無影到相🤦🏻‍♀️

前幾天到葵芳閒逛，在網上找到這間主打喇沙的小店，評價也不錯，於是決定前來一試。店舖面積很小，只有兩張四人枱及二人吧枱。店內只有老闆一腳踢，由安排座位，下單至煮食都是他一人負責，所以等侯時間較長，我們入座後等了大約十分鐘才下單。本來想吃摻摻，但當天只剩油麵可選，於是我們分別點了泰式蝦餅油麵及印式煎雞油麵，食物約二十分鐘後才到。喇沙湯底頗香，椰奶味算濃郁，但一點也不辣，如果增一點點辣味可令湯頭更有層次。湯底配料有豆卜、芽菜及洋蔥，豆卜吸湯後很入味。雞扒亦有三大塊，煎得香口，肉質雖不至嫩滑但也不會鞋口，味道不錯，麵條份量亦足。蝦餅亦有三塊，外皮炸得香脆，惟蝦膠有點薄身，撇除炸粉的話口感不夠滿足，但整體味道還是不錯。個人認為炸蝦餅更索湯入味，煎雞扒口感更實在，同樣令人滿足。兩碗喇沙麵質素不錯，價錢合理。如果經過葵芳不妨一試，但前提要預足夠時間。

不起眼的店舖，店內只有零聲座位。第一次去時只剩下油麵，今次再來一試摻摻。先說配菜，紫洋蔥厚薄剛好，帶有薇薇辛辣的同時亦為整碗喇沙增添一點口感。芽菜比一般市面上買到的更為厚實，略略帶有草青味，讓人有一點點不習慣的時候，這味道馬上被濃郁的喇沙湯底蓋過去。豆腐卜吸滿濃郁的喇沙湯，讓人止不住手。而最讓人迷戀的則是那近乎燒焦的雞排，第一次食時失了手，顏色更加黑，略帶焦味，今次再食，幸運地沒有半點令人卻步焦苦味，反而更能品嘗到佈滿在雞排上到香料，而雞排亦鮮嫩冇比，帶有肉味，香料味，混合濃厚的湯底可謂三重滿足。雞皮上的脂肪被完美地萃取出來，剩下紙一般厚的雞皮，脆如薯片，沒有半點脂肪躲藏在皮與之間。這徘徊天堂與地獄的美味，可以說是我吃過最完美的雞扒。最後說麵，個人來說不喜歡米粉，品嚐完摻摻後則更加喜歡這家店的油麵。這裏的油麵沒有半點油耗味，它亦比平常吃到的油麵更加吸湯，油麵的表面佈滿濃郁的喇沙湯，每一啖都能充分地品嘗到湯底與麵條交匯的最佳狀態。位於葵芳鮮無人知的角落，廚師卻依然用心地製作著一碗如此完美的喇沙，雖然只有一人在奮力，連洗碗的時間也沒有，所以用着即棄餐具，但他連餐具也不偷工減料，選用著較為昂

好多人去葵芳都係去葵廣多，但其實葵廣後都有好多嘢食呢條街已經有兩間良心店，不過營業時間唔定，有時假期兩間會收咗工呢間叻沙店的確有幾分神秘，無乜宣傳功夫裝潢好簡單，好企理，餐牌係一塊黑板主打叻沙，由A餐至B餐基本價錢介乎46至48蚊價錢合理，有六款餸任揀，亦可選擇油麵、米粉或兩溝變摻摻仲有幾款特色小食同飲品呢排當然係將叻沙外賣唔堂食好啲老闆貼心將麵條同湯底分開放，只要食嗰時將湯底倒入小碗內就得叻沙湯底呈金黃色，有微微黏稠感，好滑溜同時有濃郁椰香味，雖有紅噹噹粒粒辣椒，但入口唔太辣油麵同米粉兩樣溝埋變做摻摻，油麵爽滑，米粉柔韌配料最吸引係豆卜，完全吸附濃郁叻沙湯汁，夠晒惹味不過，我哋呢碗好似漏咗隻溏心蛋印式煎雞略鹹，味道較濃厚，有類似胡椒味道，醃製過好入味入口偏辛辣，雞肉煎得香口泰式蝦餅入口似蝦膠，煎得同樣香口咬落幾爽滑，放湯底比煎雞更入味

路過見過呢間小店 附近無咩喇沙店 見平平地店面又乾乾淨淨就入去試下湯底明顯唔係用粉開 椰味香濃又落足香料加埋靚仔老細推薦嘅自製蝦油 將成個湯底昇華左湯底比市面上一般嘅做到嘅濃郁飲哂湯都唔會覺得口渴過二日已經忍唔住再翻兜老細認得我仲特登問翻我意見有無野改善大家吹左好耐水又交流左好多意見老細好有心了解啲餸岩唔岩大家食咁有heart嘅老細大家要多多幫襯！呢兩次試左雞排摻摻同肥牛摻摻 炸物拼盤以呢個價錢絕對係超值而且一定會有翻兜機會

葵芳💛小店店入面座位較少 而且淨係見到老細一人工作記得要耐心等候喔～碗喇沙好出色啊！個湯底好香好濃 但又唔會太咸老細仲介紹我地落佢自家秘製既蝦油落完個湯底仲好食 好香蝦味🦐另外個面底好特別我叫左摻摻 即係油面同米粉兩溝啲面同餸索哂個喇沙湯底一個字講哂好正啊！份量對一個女仔黎講啱啱好😋同男朋友一齊叫多左份小食小食就有魚餅蝦餅春卷個人就覺得小食普普通通 不過都可以叫下👅提一提走既時候老細話最好follow定餐廳ig睇每日既營業時間✨

行過幾次第一次幫襯的小店，雖然款式唔多，但味道一流！喇沙湯底濃郁惹味，麵底可以兩溝，煎雞扒香口唔鞋，豆卜入味，半熟蛋啱啱好👍不過店面較細，只有幾個座位，想舒服慢慢食嘅嘢就外賣好啲😅