別府駅前料理 (已結業)

家住淘大商場附近，夜晚懶得煮飯，諗住求其落街食，左揀右揀，最後揀左之前都有幫襯過的別府。首先黎左個別府地獄雜錦鍋，佢總共有5級辣比人揀，我地都算食得辣，揀左第3級黎試，點知一黎到試一啖，好辣呀😱攪到一開始就要狂加水，食食下都算食到，但下次真係揀第2級都好夠🙈個雜錦鍋仲可以另加自己想食的食材，我地加左午餐肉同金菇，但呢4半塊午餐肉要20幾蚊，好似貴左啲。芒果牛油果海鮮沙拉，味道清新，不錯的選擇。燒雞泡魚乾，是我的至愛，香脆可香，次次黎都要食～芥末燒魚餅，味道不過不失，鍾意食魚旦的一定會鍾意食！三文魚栗米千島薄餅，細細個，味道比想像中好，讚！七味燒魷魚筒，份量比想像中小（圖片睇好似好大隻），但味道不錯，值得一試！呢餐三個人食左4百幾蚊，都算抵食，剩價比高，下次會再來！

星期六想食個不太貴又可以坐得舒適而又有人服務的午餐，可考慮來別府呢，通常都唔洗點等位🙊。午餐有烏冬、拉麵、定食、鍋...配任飲汽水，咖啡奶茶....黑蒜油腩肉拉麵聞落去好有黑蒜味，但食落又好似不太出黑蒜味道。而腩肉有兩塊（得兩塊），正常味道。溫泉蛋牛腹排窩燒烏冬普通的湯底，牛腹排好好食，好有牛味（咁樣形容會俾人打嗎），但真係好食，薄身、軟。值得食！呢排有啲沖繩野，好似都幾吸引，但望落較油，所以都係冇叫。

假期梗係訓得晏d，訓醒都已經差唔多下午茶時間，懶得煮最好梗係落街嘆返個下午茶，左揀右揀，見到呢間別府d下午茶都唔算貴，而且環境坐得好舒服就一於試下啦呢d係午市定食，價錢都係一般日式鋪頭既價，我地就order左下午茶，都係40幾蚊一set，仲包埋飲品我地叫左一個部隊鍋，下午茶黎講份量都算多，有得簡簡單單打個邊爐咁都唔錯溫泉蛋拉麵拼三文魚壽司，呢個就清淡d，份量唔算多但都夠晒飽跟餐+$10配既蟹子沙律，唔係求求其整架飲品吧任飲，真係幾抵架！味道環境都唔錯，下次都會再黎食

晚飯覓食時間又到喇，淘大附近其實都多野食，不過都食到厭厭地，行行下黎到呢間別府，話說好似佢裝修完之後我地一直都冇食過，見唔係好多人排隊今晚就食下呢間啦！別府地獄雜錦鍋，再加午餐肉同金菇，叫左4辣。由於太耐冇食別府，完全唔記得d辣會有幾辣，點知4辣原來已經好辣，試完第一啖我地就決定要加水芒果牛油果海鮮沙律，好清新，味道唔錯燒雞泡魚乾，必食，細細塊小食多滋味燒魷魚筒，味道啱啱好，幾好味三文魚粟米pizza，都ok芥末燒魚餅，魚餅好彈牙，同芥末味好夾。最後埋單三個人食400幾，食物質素都唔錯，而且坐得好舒服，真係好低食

除夕夜同男朋友來了吃2人套餐，頭盤有刺身拼盤，三文魚厚切都唔錯，但甜蝦同吞拿魚稍為唔夠新鮮，未食已經有一大陣腥味，所以最後食都無食。套餐有跟壽司拼盤，有三文魚，北寄貝，黑象拔蚌，三文魚還好，但黑象拔蚌聞落都有陣說不出的味道，食落亦都好唔新鮮。點左壽喜燒鍋，鍋有肥牛，冬菇，黃芽白，少量粉絲，湯底還算可以。更有附送烏冬，烏冬食落唔錯，煙靭。仲配有雞肉，不過都係覺得唔係幾新鮮。食日本菜多以食刺身為主，哩間餐廳食材方面都不太新鮮，不推薦。

之前在淘大舊舖經常幫襯，因食物水準不錯。最初以為結業後，要出尖沙咀食。直至近半年發現轉另一舗位開返，昨晚終於和四位朋友試菜。地方仍然闊落舒適。員工態度不差，食物份量細咗好多，質素也低了，很懷念以前的味道☹️！

筆者用友人睇完戲，係淘大搵餐廳搵野食。經過見到到一間門面很吸引既日式餐廳-別府站前料理，急不及待要試試。餐廳裝修唔錯，很寬闊，樓底很高，感覺幾舒服。筆者睇完戲6點幾，時間尚早，所以人唔多。餐廳提供不同種類既日或料理，有壽司、刺身、炒飯、石鍋飯、拉麵、鐵板燒。筆者樣樣都想食，真係多到唔知點揀，睇到筆者心心眼。餐廳最出名既就係拉麵，筆者當然唔可以錯過，叫左個黑蒜油腩肉拉麵。濃濃既黑蒜香味，加上入口即溶既腩肉，拉麵口感適中。很不錯，同日本既拉麵店有得比。燒牛柳粒沒有太大驚喜，唔夠琳，有少少根，太鹹。加少少麻醬一起吃會比較好，酸味中和了鹹味，增加了味道層次。間中一個特式飯就係火炙三文魚飯，值得試試。火炙三文魚有炭燒的香味，又保留到三文魚的鮮甜。可惜太乾，唔夠汁，落豉油又會太鹹。魚子不錯，好大粒，咬落去，d魚油爆出來好正。如果想挑戰味感，可以加芥末和酸薑一起吃。朋友就叫左個海鮮蝦味增石頭抄飯，珍珠米抄很晶瑩剔透，蝦乾跟珍珠米一起吃很有鮮甜味，石頭熱熱地，可以保溫，慢慢傾緊都唔洗怕個飯凍左。

大少媽咪生日，本來打算入西貢食海鮮，但我同大少第二日又要返工，所以決定去近近地食，於是佢媽咪就揀左去牛頭角淘大入面間別府食喇！當晚到達時，門口已經超多人等位，好在大少媽咪醒，㩒定飛仔，但都等左成半個鐘咁滯，可能因為8點食飯時間卦！終於可以入座，先偷偷叫店員幫我雪住個蛋糕，諗住有個驚喜！我地三個人被安排坐喺個好細嘅四人卡位，跟手就睇下menu有咩食喇！伯母生日，當然係佢拍板啦！最後我地叫左啲小食、沙律，一個特大三文魚拼盤、同埋兩個shabu shabu沙律我地就揀左蟹魚籽沙律，不過不失，蟹籽都算多，但份量就唔算好大份，不過share黎食下都ok嘅小食就點左七味豬頸肉同埋下面嘅芥末魚餅豬頸肉上面灑左少少七味粉，味道偏淡，但肉肉質尚可重點係佢個汁，有七味的辣，立刻增加左惹味感覺呢個芥末魚餅係我話點嘅魚餅同平時日本超市買果啲一樣，爽口彈牙，但略嫌芥末只有魚餅上的一小點太少啦！其實無咩芥末味！但都算好食嘅！唔講都唔知，原來伯母超喜歡吃三文魚的所以佢好興奮咁點左呢個特大三文魚拼盤包括有三文魚刺身，火炙三文魚壽司，三文魚壽司，三文魚軍艦一次過滿足曬三文魚控的願望伯母選呢間餐廳係因為想食日式鍋物Sha

自從別府所淘大再次開業後都一直沒有機會去因為現在都不太常在九龍灣出沒如今再次開業，店面好像有比以前大一點裝潢同樣很有日式風格，但 2 人枱很小，令我們都不敢點太多食物總覺得平日很少機會能夠食得到壽喜燒從以前到現在都很喜歡別府的壽喜燒，味道不會太濃，湯底帶點甜甜的，配上牛肉和蔬菜十分夾另外點了一個三文魚軟殼蟹卷軟殼蟹是即炸！又熱又脆，三文魚亦很大片，裡面還有牛油果，能夠中和炸物的油膩感另外也點了一個黑油豚肉拉麵麵身感覺比較普通，豚肉不夠軟稔，但湯底味道不錯，很香豚骨味只能說桌子真的太小，只點了這 3 樣食物已經把桌子堆到滿滿的話說如此，壽喜燒食著食著有種飽濟感所以都很夠，不要眼闊肚窄好了

晚上邊行邊想吃什麼，看到別府出面的餐牌就被部隊鍋的圖片吸引了！等了大概5分鐘就有位了。我們點了韓式部隊鍋$63及鹿兒島豚肉鹽蔥汁炒讚岐手打烏冬$74 韓式部隊鍋的湯底很濃，辣味適中，我不太能食辣亦覺得很惹味！鍋裡有不少配料，並配有有半份公仔麵，雖然分量不是太多，但少食多滋味，已經令我們兩人很滿足！ 令我更驚喜的是鹿兒島豚肉鹽蔥汁炒讚岐手打烏冬！醬汁特別，每條烏冬都充滿醬汁，味道給人很新鮮的感覺！推介！！

搬左細舖，反而覺得比舊舖舒服。黑蒜油腩肉拉麵，腩肉太少，不過湯底ok。炸蝦天婦羅，炸得夠乾夠脆！別府雜錦煲，辣度有得揀，有1椒，2椒，6椒，8椒同10椒，揀左2椒，本身都食得辣，但原來2椒都好辣，揀10椒點食呢？枱面有水諗住加落去，不過經理見到，都好細心比左碗豬骨湯，溝淡返個湯底，服務唔錯。

呢間別府拉麵睇住佢開，今次就來試下，已經好多年無食過別府，佢係初期香港嘅拉麵店！因為多了很多日本拉麵過江龍！太多選擇，而佢嘅分店又少咗！去到門口晚上九時多！門口無乜人，㩒了號碼票就等！等到九時半，店員出來截票！話9時45分last order!比埋已攞票嘅人入去！店內裝修新潮，紅黑色主色，以卡通雷神同天狗帶出自己icon!我坐在靠牆二人枱，枱面有個嵌入式電爐（比火鍋用）地方光猛乾淨！別府唔再專做拉麵，有好多其他種類嘅食品，但我一個人，叫碗拉麵加兩件壽司已經夠！白池地獄拉麵（2辣）：呢個係我最鍾愛嘅別府拉麵，因為我喜歡食菇，賣相同圖片差不多，先講湯頭，我以前一直叫開2辣，好輕鬆咁食，今次2辣都勁辣！係辣到食唔到，1/3碗已經用了三大張紙巾抹鼻水，湯底唔夠濃味！辣得來又無豬骨味，拉麵幼身，好粉唔彈牙！而且辣粉無撈勻，有啲麵成條橙色，辣死人，鮮菇厚肉正常，但金菇成束仲粗過5蚊銀，要自己撕開先食到！其他配料正常！可惜太辣只食到一半！呢碗麵比我感覺到：廚房好趕出菜趕收工！北寄貝壽司：北寄貝煙韌唔腥！尺寸唔大！飛魚子壽司：紫菜及蟹籽卜卜脆，即叫即製！好味食緊期間，店員要埋數，所以要比錢先，last