影片
开饭介绍
名字寄语大家别忘身边的一切，店内更设有「樱花树」让食客挂上许愿卡；菜品供应台式料理、夜市小吃及任食火锅为主，而火锅有多款汤底选择。
继续阅读
营业时间
今日营业
11:30 - 22:30
星期一至日
11:30 - 22:30
公众假期
11:30 - 22:30
以上资料只供参考，请与餐厅确认详情
有关奖赏计划
📍 「别忘了天水围」 每次打边炉都会谂起樱花，因为依一间别忘了终于开到天水围啦，之前要去到太和、荃湾先食到，而家终于唔使搭车都可以去到啦！太近啦，真系可以成日都落嚟食，都唔厌嘅打边炉🍲天水围有一个汤底系本店限定～芝士牛奶锅，一上枱已经有一嚿干冰加芝士，店员会载到火龙果牛奶落去，慢慢倒落去就有烟雾弥漫嘅感觉，再加埋上面嘅樱花真系好浪漫，而且个汤底仲要系粉红色，店员亦都会再比一细樽牛奶，如果觉得奶味唔够或者蒸发咗啲汤底就可以加落去🥛另外我哋系鸳鸯汤底，另一个我哋就拣咗，大量鲜蕃茄熬兴（麻辣/不辣）～恋恋番茄锅。可以减辣或者唔辣，呢个麻辣蕃茄汤底再加米粉真系好索味，好值得一试。米粉嘅幼细吸晒蕃茄加麻辣嘅味道，果然系一流✊呢度仲有牛肉豚肉羊肉都可以食到，仲要系任食，上碟速度好快，两个钟头必定可以尽食肉类🍖一碟6块，切得薄片，脂肪比例平均，油脂丰富，胜在烚一烚就食得，肉类都算高质！精选牛板腱、澳洲250日谷饲卡乐Beef、日本鹿儿岛茶美豚梅肉、澳洲M7大米龙、羊肉片｛唔会有膻味｝小食方面，本人比较钟意，炸鸡翼｛炸完之后仍然Juicy，好有惊喜｝🩷炸鸡翼、韭菜猪肉水饺、盐酥鸡 、台湾香肠、宜兰葱肉饼等等台湾嘅饮品各式各样都有齐晒！应有尽有冇得顶，连小朋友钟意嘅乳酸都会有，果然系一家大细食饭嘅天堂～百香果绿茶、红西柚乳酸、香橙白桃乌龙、凤梨绿茶、珍珠奶茶🧋除咗可以点餐之外，出边仲有自助区！连甜品都有日本雪糕，榴梿雪糕，打完边炉每一次都要食埋甜品先走💃
继续阅读
别忘了台式打边炉 任食台式小食😜无限追加台式手摇😍🧋🧋天水围呢间别忘了台式打边炉，真系带俾食客一场又暖笠笠又美味嘅火锅体验！今次叫咗set B 120分钟，无限饮食，可以无限追加澳洲M7牛胸腹、澳洲250日谷饲卡乐Beef、日本鹿儿岛茶美豚梅肉、精选牛板腱！有鸳鸯锅同麻辣锅两种经典汤底，啖汤又浓又香，配埋新鲜嘅肉类、火锅配料同时令蔬菜，真系令人食欲大增。另外佢哋个芝士牛奶汤底更加系正到爆，又香又滑，为成个火锅加多阵浓浓嘅奶香。仲有唔同嘅台式小食同埋台式甜品任你叫，包你食到饱啊！依间台式打边炉带畀客人一个暖笠笠又舒服嘅打边炉体验，值得一试。期待下次再嚟食过！
继续阅读
间中都会黎帮衬别忘了，以前比较多食打边炉，不过而家夏天比较热冇咁好胃口，就选择单叫套餐。经常嚟呢度食系因为佢哋嘅食物水准保持得比较好，收费合理。味道比较近乎台湾口味。而且佢哋嘅盐酥鸡、炸鸡扒、排骨等等都炸得比较好食，唔会太过油腻，肉质都保持嫩滑。卤肉饭份量足够，仲有半只卤水蛋，同埋少少辣菜脯。而汤面嘅汤底一般比较浓郁，有试过牛肉汤同埋蕃茄汤，两款都好好味，又唔会太咸。台湾面嘅面质亦都好弹牙，唔会煮到太淋一pat。不过屋企人就觉得佢今次嘅牛肚有少少骚味，唔好食，可能我配埋汤食就唔系好觉。而家套餐仲包1000ml嘅冰红茶，超大杯，饮极都饮唔哂😂总括嚟讲都系一间性价比较高嘅正宗台湾菜！
继续阅读
适逢母亲节嘅时候暂时未谂到去边度食嘢，然之后喺呢间舖头嘅门口有位女侍应，非常亲切地，就邀请我哋一齐入嚟打边炉式选择人多味道唔错同埋我最钟意就系佢个朱古力窝夫价钱亦都相当之好以天水围黎讲系可以回头既台式火锅店
继续阅读
天水围可以话系美食沙漠，不过自从黎过位于天耀广场嘅「别忘了」之后就对佢念念不忘。呢间台湾火锅店装修好有特色，入面有好几棵仿真樱花树，环境相当有浪漫气氛。午餐时段有60分钟定量火锅，以及90或120分钟放题，定量火锅肉类唔系任食，90或120分钟放题就可以无限量添加。我地拣左120分钟澳洲M7牛胸腹套餐，价钱成人为＄308／位，肉类就有澳洲M7牛胸腹，澳洲250日谷饲卡乐 Beef，精选牛板腱，日本鹿儿岛茶美豚梅肉，西班牙粟饲猪梅片同纽西兰羊肉卷。汤底选择都好多，我地两个拣左蕃茄锅同猪同沙茶锅，系未放肉类蔬菜之前，先品尝一啖汤底，蕃茄锅入口酸酸甜甜好开胃，沙茶锅沙嗲香味十足，味道亦非常浓郁。系汤底未滚起之前，我地先去自助区拎火锅配料同熟食。火锅配料有各式各样嘅丸类，蔬菜，豆卜，菇，面等等。至于熟食，自助区就唔多选择，但可以用app 落单，有各式各样嘅台式小食，好似花枝丸，盐酥鸡，台湾肠同虾卷，虾卷虾肉鲜甜，台湾肠非常香甜，花枝丸鲜味十足，盐酥鸡酥香脆多汁，香料味浓 相当有台式夜市风味。饮品方面，讲得出嘅台式饮品都有，仲可以拣冰量同甜度，非常贴心。好快我地order 嘅肉类就到，而汤底都滚起啦。澳洲M7牛胸腹：牛味香浓，油脂分布均匀，轻轻渌一渌就食得，入口即化茶美豚梅肉：豚肉肉质嫩滑，味道香浓谷饲卡乐Beef：非常新鲜，肉质细腻精选牛板腱：有咬口亦唔会太韧，肉味浓厚火锅配料方面，墨鱼滑最为出色，非常弹牙，极有鲜味。甜品方面试左佢地嘅仙草芋圆，芋圆烟韧弹牙，配埋清新嘅仙草，夏日炎炎食完热辣辣嘅火锅食返碗真系劲消暑。除此之外，仲有QQ粉，窝夫同普通雪糕球，另外亦有一次性嘅甜品，好似Movenpick 雪榚，牛奶布丁，韩式雪条，非常多选择。埋单两位共$616，食足两个钟，算系性价比高。
继续阅读