別忘了

营业中

休息中

選擇種少,只得牛肉,其他的所謂台式也不知所谓,收银員態度極度惡劣,職員不主動來结賑,便到收银枱前埋單,但她那副咀臉真是差到無輪,大呼小喝,好像我無錢比咁,不會有下次,已入黑名單。

😌中午黎到荃灣唔知食咩好，上OPENRICE 睇下有咩好介紹！見到呢間別忘了台式餐廳門面好靚🤪仲有60分鐘定量火鍋，岩哂我呢啲食量少既人😍我叫左西班牙豬梅片150G 肉質正常🤤仲有好多台式甜品同台式手搖飲品任飲任食 都係$88加一 性價比高💁🏼‍♀️最後，差一分鐘就已經截左單 不過侍應都樂意幫忙 落最後一次甜品同飲品😌✔️原來定量肉類食唔晒係可以帶走 侍應仲好窩心 擔心肉質會變 提醒我煮熟先帶走💖下次會再嚟光顧🥰🥰

天氣開始轉涼，同朋友喺荃灣行街試一試呢一間定量火鍋🍲價錢好抵食呀叫咗一個豬肉片同埋醉雞，所有甜品同飲品都係任飲任食，先講下湯底沙茶湯又濃郁又香，正👍，火鍋配料，很多台式特色，蛋餃好好食。到飲品了，手煮珍珠奶茶非常順滑還有窩夫香脆重蛋味，我食咗四個🤤朋友掛住食火鍋最後last order時間到了😩佢唔記得咗叫甜品，好彩侍應都會主動幫我們叫多round👍實在太窩心啦🥰join左會員仲有得全單九折。性價比實在太高，一定會再嚟食😊

想試下台式火鍋就去食午市60分鐘，包埋飲品甜品，分別叫豬同醉雞。主菜肉類同湯底不過不失，配料得少量屬於台灣特色，整體種類少，最難頂係啲台式炸物，又乾又硬。飲品叫過芋圓奶綠，冇茶味芋圓唔彈冇咬口，其他飲品都係得甜味好似飲糖溝水咁。甜品最失望係檸檬愛玉，唔睇就咁食一定會以為係蜂蜜蘆薈，焦糖布丁細細杯冇焦糖味。市面好多自助火鍋如果因為佢有埋台式飲品同甜品可以唔洗考慮呢間。侍應方面，西面係基本，系統未到最後十五分鐘就落唔到單，想叫侍應幫手會吹水扮睇唔到要叫幾次先得，不過最後侍應都會幫手落返單。整體嚟講就係冇下次

之前食過呢間60分鐘既放題，性價比都幾高下，所以值得再黎食過，名字簡直讓人忘不了--別忘了😉火鍋配料選擇挺多的，基本上平時會食開既配料都會有🤠其餘甜品和飲品就要手機點了XD朱古力雪糕+迷你窩夫呢個甜品比較正路，窩夫用蘭王蛋黎整，食落去都好有蛋香味😋台式仙草凍必食的台式甜品！！！不過這芋圓好像有點太少了哈哈🤣檸檬愛玉凍經典的台式甜品之一，不會太甜，反而有點檸檬酸的感覺😆當四季春遇上杏仁時看見名字就知道有多特別了🤭四季春配上杏仁豆腐🤞🏻好味指數：8/10性價比指數：9/10餐廳名稱：別忘了餐廳地址：荃灣眾安街68號荃灣千色匯I 2樓2032號舖電話：23892582

餐廳內放置很多粉紅色櫻花樹，當入到餐廳既時候，有種幸福滿滿的感覺。環境舒服，讓人可以慢慢享受一餐火鍋。今日7點多到達餐廳，客量較少，心諗今次會唔會中伏，起初確實有點擔心的。今次選擇食餐廳既Set A，即最平價套餐，可選草飼牛、牛板腱、豬同羊，普普通通食都夠晒。入座後會自動送上草飼牛、牛板腱同豬，等湯底送後就可以即時享用。選了壽喜燒同台式麻辣湯作湯底，兩款湯底味道都唔錯，亦夠味，湯底會比8/10分。草飼牛第一碟送上草飼牛，脂肪呈黃色，都嚇左一跳。但問店員，店員話因以蘿蔔養飼牛，所以脂肪會較黃。但我都唔知係咪真，因為都係第一次見。所以，自己無追加草飼牛牛板腱味道不錯，呢個價錢叫收貨豬不過不失的另外亦有多款小食、飲品同甜品，可以食得飽飽的，不錯

之前行過見食物都幾多選擇所以入左去食食完真係覺得好驚喜，我哋係食90分鐘既任食呢到係用手機落單既都幾多食物可以揀有台式小食：麻辣鴨血，台灣腸，鹽酥雞，蝦卷，花之丸等等仲有手搖飲品！呢個真係好加分😝😝90分鐘放題有包括豬，牛，羊，雞，仲有自助配料區，都有好多款式可以揀，有百頁豆腐，米血糕等既台式食材，仲有王子麵可以食😍仲有甜品可以食架，芋圓仙草，雪花冰，雪糕窩夫等等，雪糕窩夫係必食！送到黎既時候窩夫仲係暖既，加上雪糕真係好正🤣

美妙火鍋@別忘了成日聽人講話「別忘了」有好多好嘢食，今日就同個fd一齊去食番餐！餐廳有櫻花做主題裝修，一路食火鍋一路睇住櫻花 ＝＿＝雖然係假但都覺得好興奮。餐廳有好多好嘢食，不過我好想食火鍋，由於價錢平而且又有好多丸類小吃都是任食，所以我哋就決定食火鍋。我點嘅肉類係牛板腱，我要嘅火鋦湯頭係「沙茶湯」我朋友叫嘅係「椰子雞湯」。不論是沙茶湯，定係椰子雞湯，個湯底都好濃又有鮮味，尤其係個沙茶湯，又鹹鹹地又好味，真係好有台灣風味。牛板腱有好多塊，好新鮮，望落去就一定想食，好有牛肉味，我就覺得牛肉用沙茶湯係最夾。好多丸丸、好多蔬菜、響鈴、都係任食！ 仲有好多凍飲料都係叫任飲！ 真係食得好興奮！每樣食少少都食到頂住肚！

今日lunch time行經荃灣千色匯，見到間餐廳名幾得意，環境都唔錯，於是決定入去試下。餐廳本身主打台式火鍋，不過午餐時段有飯餐同麵餐選擇，茶餐廳咁上下價錢，不過真係好坐好多。是日美食：🥢紹興醉雞一碟🥢台灣滷肉飯一碗🍹凍檸茶一杯😋食評：醉雞夠味夠大舊滷肉飯香口仲有菜脯搭配凍檸茶飲筒夠粗，茶底偏淡💰全單68蚊👀最後見到櫻花樹係可以俾大家許願定唔知留言咁樣，於是我都有感而發留低左我心目中覺得最有意義嘅嘢🤣🤣見圖

台灣千色匯台式自助火鍋@@推荐：價錢158有兩種牛肉：牛少排及牛板健。每樣一盒限量。牛肉質量唔錯，健康. 可以吃多啲蔬菜。唔會猛咁食肉。有好多種湯底我揀咗麻辣湯底。夠晒勁！還有滷肉飯. 各種蔬菜。多種丸類及台式飲品.雪糕.甜品.任食。咁價錢.有咁多嘢食.非常之抵食。台式飲品珍珠奶茶芋泥奶茶🧋唔錯。有60分鐘.90分鐘.120分鐘. 各種肉類套餐選擇。

今日嚟咗食嘅唔係囉，佢有好多款牛可以揀仲有八折仲有12款湯底。出邊仲有好多自助嘅嘢夾有菜，有丸腐竹有豆腐飲品仲有20多款選擇飲品必須推介小芋圓奶茶^_^大紅袍珍珠奶茶甜品又係有成十幾款我最愛嘅榴槤炸彈芒果布甸同埋焦糖布甸窩夫幾隻味都比我食晒個椰子湯底仲好入味加雞一流走仲可以揀雪糕或者雪條Movenpick雪糕我最愛士多啤梨朱古力我都嗌晒，仲有西瓜雪條真係物有所值90分鐘食足爽丫個環境超靚，仲有棵樹喺度俾你掛竹籤

呢間主打台式火鍋店😊私心推介198套餐🤩雖然肉類不多但係已經可以識到其他台式小食例如鹽酥雞台灣小香腸麻辣鴨血金錢肚問得10分林入味甜品有綿綿冰窩夫朱古力心太軟。

好多野食 有勁多款甜品啦，紅豆巧克力配迷你窩夫棉花糖小芋圓配迷你窩夫 飄雪世界極力推介而家勁多款小食紹興醉雞夜市甜不辣鹽酥雞澎湖花枝丸台灣香腸榴槤炸彈飲料仲係飲任我就叫咗大紅袍珍珠奶茶同普通珍珠奶茶同埋奶綠試咗三杯嘢飲真係流連忘返之後最後尾都嗌咗杯士多啤梨

今次想吃台式火鍋便走到這間「別忘了」試一試未入鋪裡已看到很多櫻花樹環境很令人記住我和朋友訂了枱 ［120分鐘任叫］去到可以選兩個不同口味的鍋我們選了芝士牛奶鍋和台灣惹味沙茶湯叫了幾碟精選牛板腱、極上牛翼板、紐西蘭草飼牛肉質薄好食 配上不同口味既鍋風味不錯外邊有自助位子可以自己去整醬料我落了很多蒜🥹特別有包叫「王子」的公仔麵很好食🤤每人仲有一杯雪糕食（可惜不是任食雪糕）整體來說 座位是逼了些但味道上也是不錯

哥哥生日以及YouTuber 介紹,所以book咗荃灣的別忘了嘗試去吃。揀咗C餐美國封門柳食120分鐘（$398）。 因為食放題，所以食物品種應有盡有，有豬肉，牛肉，丸，菜，菇菌，同埋台灣小食，飲品、甜品任食。 首先講吓牛肉，個餐名叫封門柳餐，所以理所當然封門柳係一絕，非常唔錯，有肉味，食落去又唔濟。我起碼食咗五、六碟。而鹹魚青菜各有所愛，我阿爸就鍾意食牛小排，因為覺得食落去肥瘦均勻。 而豬肉的話，日本鹿兒島茶美豚梅肉非常值得推介，連我呢個平時轉攻牛肉既牛魔王都忍唔住食咗幾塊，有豬味但係唔騷。 另外，關於丸、菜、菇菌類，喺市面上常見嗰幾款，有牛肉丸、豬肉丸、皇帝菜、油麥菜、冬菇、金針菇等等 而關於台灣小食的話，我極力推介食花枝丸同埋台灣腸，鴨血更是一絕，我食咗三、四碟。 而飲品嘅話佢都有好多款，有紅茶，綠茶，奶綠，奶茶，紅棗茶以及水果茶。試過幾款味道不過不失，但好在有得調冰量同埋甜度。 最後台灣甜品好多款式，有窩夫，雪花冰，仙草同埋奶凍。窩夫唔夠脆，雪花冰調味尚有改善空間，芋圓仙草凍值得一試，奶凍不過不失。 服務態度尚算可以，環境一般，雖然有漏單，但食物質素唔錯，價