利寶閣 (已結業)

今日同屋企人黎呢度食片皮鴨放題，呢到係自己出去拎，即場切出黎。而呢度既片皮鴨非常高質，唔單止刀功十足，切到鴨皮好薄，而且鴨肉比較結實，冇乜肥膏，加上麫皮一D都唔肥膩，仲要由蒸籠拎出黎好暖，食落又健康又好味。 呢到都有兩款菜係送既，有花膠響螺雞湯，湯既味道好香濃，響螺同雞味都好重，而且好鮮，唔係味精既味道。雖然響螺肉唔算好多，但花膠同雞都好足料好鮮味。仲有一個係原隻鮑魚花菇，鮑魚同花菇炆得好腍，而鮑魚除左腍，仲保持到彈牙既口感，稱得上係內軟外彈，唔錯。 每人仲會有時令奄仔蟹，有唔同味，我同朋友叫左個雞油花雕蒸同油鹽焗，奄仔蟹細細隻，唔算好大份，但入面好多膏好香濃。而唔同既整法亦有唔同風味，油鹽焗會比較香口，而花雕蒸就比較去油比較健康。 除左附送既野食同片皮鴨任食，仲有好多唔同野可以任食，全部都可以落紙叫。不過因為真係太多款食物，食到飽哂都只叫到一部分。食物基本上分左炸物，燒味，小炒，小食同甜品。食物既款式實在太多，都好難一一講哂，但基本上質素都唔錯。唔同款既燒味都比得上平時酒樓既燒味，而炸物亦炸得好好，全部都好香脆。另外仲有一般既小食，例如鮑汁鳳爪同蘿葡金錢肚，都好香好好味。

今日又同屋企人嚟食飯，但估唔到晚餐放題比起點心放題更加滿足同埋有驚喜!首先坐底就會有得揀奄仔蟹想點整，分別有花彫酒同埋鹽焗，真係冇諗過平時單點都要100蚊一隻既呢度都有，雖然只限每人一隻但都已經夠哂，因為仲會食其他嘛。另外仲有鮑魚花菇同埋湯都係位上。基本上都好新鮮熱辣，又足料唔會太咸太淡！到任食既菜式，比較深印象既係咕嚕肉，乳鴿，燒腩仔。仲有個黯然銷魂飯真係值得試，唔會好大碗但睇到佢用料上乘同埋真係用太陽蛋，同人share好快就食完！利寶閣真係少有既放題酒樓又有咁高質同多款式既菜，之後一定會繼續幫襯！

今晚去利寶閣食粵茶任食放題！一入黎就見到師傅拿著隻鴨係到片， 品嘗即燒即片既片皮鴨係一件賞心樂事。除左片皮鴨外， 隨套餐仲附上每人一隻爆膏時令奄仔蟹🦀一份花膠燉雞湯， 一份吉品鮑做頭盤！花膠雞湯陣陣肉香，簡直全部雞既精華盡出 🤤而下單紙上面更有好多唔同既特色美食可點選，例如安格斯牛河， 玻璃咕嚕肉，乾炒牛柳金菇卷，仲有我最愛既楊枝甘露。安格斯牛河既牛肉絕對冇渣流攤，塊塊都好有牛味，而肉質非常嫩，反而入口有溶化既感覺😍炒河仲好有穫氣，絕對係會愛上既菜式

招牌片皮鴨外皮香肥， 脂肪夾層溶化， 肉質結實但唔韌， 鴨味濃郁，簡直大快朵頤之選。配上花膠， 十分滋補，最岩我呢d經常捱夜既打工仔。 而吉品鮑都唔小野！ 紅燒汁香濃， 包裹住著吉品鮑， 惹味之餘又無喧賓奪主，，無諗過牛河都有咁高質既牛食。 而河粉炒得好有鑊氣，好似即炒即上咁。 而調味唔太咸，仲滲出陣陣肉香添！ 絕對稱得上係牛河界既一哥！玻璃咕嚕肉脆漿唔厚， 但有技巧地包裹成一個外殼，一咬落去好似食緊"玻璃"咁， 脆到有聲！而當然必要就係個醬汁甜酸得宜，而利寶閣就做得恰到好處， 淨係聞到啲酸味都令人 垂涎三尺啊

琴晚近近地同屋企人又去食自助餐估唔到連中菜都有放題食🤩岩晒只食中菜的老人家啦～位於觀塘鱷魚恤的利寶閣做緊$298每位（星期五六日），平日就$278每位一入場就有侍應問你想點炮製隻蟹🦀（每人一客）我比較推薦清蒸多d每人一客鮑魚同花膠雞湯其他菜式可以畫紙仔點菜除咗胡椒豬肚湯、叉燒飯等等外仲有點心🥧港式甜品添整體的味道都係偏向淡啲，啱晒老人家食分量都係偏小，所以直接按返人數再點菜就ok或者叫少少試吓味啱食再叫過就唔會浪費啦😚我最中意都係北京填鴨🥰畢竟比較少地方有得食一次過吃到滿足

上網見利寶閣有晚市放題，仲有片皮鴨任食於是帶埋爸媽一齊去試下~一入去見座位都幾闊落閒樓底又高所以唔會好嘈~坐低就可以開始剔野食~選擇比想像中多，好多小菜好似咕嚕肉、胡椒豬肚、欖角骨等等都有。另外每位奉送花膠響螺雞湯、原隻鮑魚花菇同一隻奄仔蟹~隻蟹仲可以揀清蒸、雞油花雕蒸同埋油鹽焗~我地就揀左雞油花雕蒸同油鹽焗黎試下~好快個湯就上檯，一筆落去見到花膠同雞肉，飲落雞味超濃，擺左一陣仲好熱，非常好飲!而鮑魚冬菇好入味，咁既價有鮑魚又有花膠食真係好抵! 之後食物陸續上檯，用雞油花雕蒸既奄仔蟹帶有酒味，吊到蟹既鮮味，而且都好多膏，鹽焗就咸味重d，但亦夠香，但兩者比較我認為雞油花雕蒸更特別更勝一籌!最驚喜連乳鴿都可以任叫，而且質素唔錯，炸得透又夠熱，不過略咸~重口味者就岩!其他出色既有荷葉飯，做得好香，另外雞翼亦炸得外脆內軟，而沙薑雞腳媽咪都話好正，好重沙薑味!我就最鍾意欖角骨，甜甜地又多肉，正~另外出面有個自助區，可以自己拎片皮鴨同甜品拔絲香芋，片皮鴨任食真係好吸引~不過拔絲香芋都好特別，食落口好甜外脆入面軟綿綿入口即溶~甜品仲有其他選擇，例如杏仁茶、布甸、楊枝甘露等等~最後食到滿肚腸肥~爸爸媽

今日同媽咪一齊飲茶，我地兩個都肚餓所以諗住直接食點心放題食夠本，利寶閣果然真係好高質，我地都好滿意!首先其實個點心紙同一般既差唔多，都有好多唔同款式，我地主要食點心為主，飯就真係食唔到但見到其他台食飯個賣相都好吸引，食得多既話絕對可以試下!食左好多款點心，其實全部都好食同埋就算拍住其他酒樓，佢既點心都係中上水平，唔會話因為放題所以食物質素變差! 我地印象深刻既有脆皮蝦餃、小籠包、春卷、牛肉球等等，其實好多都好好食同埋夠熱，食完可以連晚餐都食少咗!

同父母食晚餐。都係食中菜最岩佢地口味。而且又要環境坐得舒服。搵食期間。就比依張poster吸引左。咩都有得食。唔使諗咩餸。就走入去試下。日式放題就食得多。中式放題真係第一次。其實都係好似畫點心咁。都55款食物任點任食。先黎重頭戲。每人一客花菇鮑魚。入味軟稔。父母都食到。接住係美顏花膠響螺雞湯。熱辣辣上枱。湯料充足。時令奄仔蟹有三種煮法可選擇。平時食開油鹽焗。今次特別啲揀左花雕蒸。好鮮味好開心好多蟹羔。仲有少少軟殻添。食到依到。其實都飽左一半。不過係任食。當然咩都要試下。以下幾款我覺得幾好食。片皮鴨無限供應。見住佢即時片。值得食。燒味拼盤。家人最愛。乳鴿最正。鮑汁鳳爪好入味好稔。父母大讚。依款小菜好惹味。蝦球大粒夠爽。唔錯。

一家人吃飯最適合吃中菜。考慮過每個人的喜好後，我們這天品嚐中菜自助餐。餐廳很整潔舒服，感覺上餐廳平常多是舉辦宴會的，所以環境及椅子都比較美麗。自助餐其中之一的賣點就是任食片皮鴨。片皮鴨很美味，而且供應算是連綿不絕，所以吃得挺盡興！我這頓晚飯的另一重點是燒味。這裡的叉燒、燒腩仔及乳鴿都非常美味。燒腩仔都是五層肉的，我覺得不算太油膩。每一塊燒肉的外皮都是脆卜卜的，非常美味！乳鴿是我非常喜歡的食物，這天我一個人吃了兩隻！完整的兩隻！味道不是說特別出色，但一個人吃兩隻，真的吃得非常爽！

同友人慶祝節日，本來係食其他既自助餐，但因自己一時大意搞錯左某d野變左臨急臨忙食呢間中式自助餐。但又錯有錯著，呢間又幾驚喜自助餐每位一定包花膠雞湯+鮑魚花菇和蟹一隻花膠都算多，幾好口感，湯又好味鮑魚比想像中大隻，而且又夠林蟹都算多膏，可能呢類蟹有點細，變相要花功夫食，我呢d懶人就麻麻地，但本身係幾好味另外，出面出面皮鴨係任拎黎食既，唔駛落單叫，個味道係唔錯，不過個人覺得反而放耐左凍左就爭少少其他既食物都係要落單寫紙，上菜速度尚可，而咁耐只係催左一次漏單，我覺得可接受叫左少少燒味，不過不失牛肚同鳳爪都幾惹味炸蝦餃都幾特別幾個炸物都夠熱，中間既百花球我覺得最好食咕嚕肉同雲吞都不俗我本身就好少食中式自助餐。整體而言其實唔駛$300一位有以上既食物我又覺得性價比都算幾好，其實仲有甜品但可惜太飽冇食。個人覺得唯一係飲品少d,冇乜得揀

這位於觀塘的中餐館主打精緻任吃點心和小菜，看到它在網上之前也推出過優惠下午茶放題，大受歡迎，今次再度回歸推出晚市點心放題，有30多款精緻點心供應，今次送出燕窩及鮑魚花膠拼盤，以人頭計算*招牌的白菜餃，全部任點任吃！人流不多，吃30款精美點心，都很足夠了，加上任吃片皮鴨及不同的小吃，包括鮮蝦餃皇、小籠包、蜜汁叉燒包、脆炸上素春卷等，更同時供應多款甜品，如流沙芝麻球，楊枝甘露等，款款很吸引，如楊枝甘露，作為飯後的甜品很不錯，大受歡迎之一就是了，味道甜甜喔，椰奶味香濃，很棒！ 精選點心逐一介紹:炸蝦蛟傳統手造港式點心是特色之一，賣相吸引，美食之最，而大廚亦不斷創作新菜式，所以以非常便宜的價格便豪吃30多款招牌點心，非常抵吃呢！當中有一系列傳統招牌，如炸蝦蛟，爽滑又彈牙，蝦仁大大粒，很足料，吸引。快約朋友一起去歎點心，聊天喔*

酒店自助餐、日式放題對大家來說應該一點也不陌生，但中式點心🥟放題大家又有沒有試過呢？其實我真的很喜歡飲茶，因為可以吃到不同的點心😋，但每次總不能點太多款式的點心，因為會吃不完😔。-而點心放題可以一次過滿足我所有願望，可以跟據大家的喜好，每款點心可以只點一至兩件🤗。•星期日午巿2小時點心放題$168一位，另加每位加一服務費$22.8。-點心款式很多，咸點、甜點應有盡有🤗。-這店的點心味道不錯👍，而家上菜速度也快。最意想不到的是它的甜品，encore 了很多次🤭。-重點推介它的楊枝甘露、芒果🥭布甸、小籠包和咸菜豬肚🤩。每位光顧放題的客人會有一客原隻鮑魚酥（鮑魚大大粒😚，酥很脆）和花膠灌湯餃。

食過無數次日式放題，今次第一次食中式放題。每人有雞湯、鮑魚花菇同奄仔蟹各一份，其他嘢食可以無限任叫。花膠響螺雞湯豐富足料，飲落味道鮮甜夠濃味！鮑魚大大粒炆得好腍，花菇都好厚肉。而奄仔蟹雖然唔係好大隻但好新鮮，仲有三種食法任揀，我就揀咗清蒸。嚟食中式放題嘅主要原因係有片皮鴨食！師傅即場將片皮鴨切片，有埋青瓜京蔥等配料任拎，好滿足。皮簿肉嫩好正！仲有酸菜魚食，不過味道唔夠濃。反而花雕醉蝦酒味好重，啱曬啲愛酒人士。甜品方面就試咗馬拉糕同杏仁茶。黑糖馬拉糕好鬆軟，而蛋白杏仁茶就好濃杏仁味。間唔中食吓中式放題都唔錯。

電台主播推介（觀塘) 利寶閣京式片皮鴨任食放題(星期五、六、日及假期)$298，每人一盅花膠響螺雞湯，原隻鮑魚花菇，雞油花雕蒸奄仔蟹，加一服務費每位$48.8，茶水連加一每位$17.6。55 款名廚推介小菜、粉、麵、飯、甜品即叫即做任點任食。入座後急不及待落單，選擇太多，不知如何決擇🤪。我們㸃選了安格斯牛河，蘿蔔金錢肚，雞蛋豬腳薑，蜜汁豚肉叉燒，脆皮燒腩仔，片皮鴨，酸菜魚，蛋白杏仁茶，棉花雲十勝紅豆冰。乾炒牛河選用了安格斯🐂👍牛肉新鮮嫩滑，河粉可以炒到一條條好乾爽的。蘿蔔金錢肚較為辣了一點，蘿蔔很入味，金錢肚都軟稔。燒味是酒樓主打招牌，叉燒肥瘦適中，肉質柔軟，有咬勁。燒腩仔更是皮脆肉嫩，好滋味喔。酒樓旁邊放置一張長枱，有即切熱騰騰的片皮鴨肉片、十勝紅豆冰，食客可以隨時自己任意拿取。而酸菜魚肉質非常細嫩，魚湯酸香鮮美。滑滑的蛋白杏仁茶，帶著淡淡的杏仁香氣，不會過甜。大胃王快來挑戰一下自己⋯⋯。😋😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

上星期聽阿蘇在電台說利寶閣京式片皮鴨任食放題(星期五、六、日及假期)$298，好抵食，聽到我都好想食，就約朋友去品嚐，原來朋友都有聽，所以佢就很開心地答應我一齊去食，因朋友在官塘工作所以就去左官塘利寶閣食。6點多去到不是太多人，伙計很有禮貌地請我們入座，每人先來一盅花膠響螺雞湯，湯非常香甜還有滑滑的花膠，仲有響螺肉和雞，好像媽媽煲的一樣甜美。原隻鮑魚花菇，鮑魚和花姑都好大隻，鮑魚爽口又彈牙，花菇好有菇的香味，還有生菜伴著，生菜爽口不會太多油。清蒸奄仔蟹，奄仔蟹很多膏、很鮮味，肉質鮮甜又實肉。椒鹽脆皮雞翼，包滿麵粉醬脆口，而雞肉嫩滑不鞋口。鮑汁鳳爪，鳳爪帶有豉油味，好有咬口不太韌，還有很多花生炆得好腍。咸菜胡椒豬肚，咸菜已出哂味，所以不會鹹，豬肚爽口又不韌，最好食就是有片枝竹入味非常。紅油炒手，這個辣左些，有蝦、碎肉皮很滑。白灼時菜，食左咁多食物都應該食碟菜，白菜很青綠。我們開始點甜品，奶皇西米撻，奶皇很多加上一些西米，甜道適中，皮很鬆化。黑糖馬拉糕，出面馬拉糕很少用黑糖做，這個健康又好食。拔絲香芋，裏面是蕃薯肉，個皮甜而脆口。冰糖葫蘆，士多啤梨就比較酸。脆麻花雪糕十勝紅豆，這個好新穎及