利強記北角雞蛋仔

营业中

休息中

每次都係食尖沙咀果間，第一次黎到北角試原店的北角雞蛋仔，味道都唔錯，唔太甜。雖然都要排長龍，今次排咗大約15分鐘分鐘，但本人都係鍾意尖沙咀店多啲，可能有遊客feel感覺好食啲😃

去到見到有好多個擺左好耐既雞蛋仔，啊姐唸住求其俾一個凍雞蛋仔我，要主動request先有新鮮雞蛋仔…仲要態度超差！好明顯就係出左名就冇心做生意，尖沙嘴嗰間好食勁多

工作日中午和同事一齊去買雞蛋仔，去到見到無人排隊。當時已有兩份放咗唔知幾耐嘅雞蛋仔。我和同事提出想要新鮮出爐嘅雞蛋仔，我認為是合情合理的請求。但係服務人員收錢後居然直接鬧我哋兩個。請問：1. 買雞蛋仔想即叫即做有什麼問題？2. 如果店員有意見為什麼不是收錢前講，而選擇收錢後辱罵顧客？明明可以先溝通清楚再收錢。非常不能接受的服務態度。其實一直很喜歡利強記雞蛋仔的味道，亦幫襯過唔少次，但係今次真的覺得不能接受，以後不會再去幫襯了。

每次經過都很長龍，大部份都是遊客慕名以來，好想食但又唔想排！今天回家路上，見冇人排隊，於是買了一底格仔餅，這是我人生食過最難食的格仔餅🧇！首先，這底格仔餅不是現製的，所以只有微溫，再者非常厚實及硬，很難咬開，內𥚃醬料只有薄薄一層，真心$28一啲都唔平😭，一路食一路想講粗口🤬！有被騙的感覺，不吐不快😑

路過附近又想食格仔餅，嚟到見到有十幾人嘅人龍，大部分遊客，我見唔趕時間就照排一陣。排咗半個鐘終於買到，但唔知點解硬得好緊要，一咬開，成個邊甩出嚟，成塊格仔餅硬得好緊要，一啲鬆軟嘅感覺都無，好失望。以前食過雞蛋仔質地好正常，唔知點解今次會咁硬。味道而言係ok嘅，略甜咗少少，而牛油煉奶砂糖都畀得足，過口癮嚟講還好。不過排咗咁耐隊真係好後悔，仲要$28，下次想食的話無人排隊先會考慮下。再唔係食天后臨記好過。

雞蛋仔嚟講呢一間都可以話係香港其中一間最出名。呢度嘅雞蛋仔係即叫即做，用傳統銅模具製作，保持住最原始嘅風味。每粒雞蛋仔都烘得外脆內軟，香脆可口，蛋香濃郁雞蛋仔咬落去有一種特別嘅蓬鬆感，唔會覺得只係啲空氣，內裡柔軟又唔會過甜，真係做到外脆內軟嘅完美口感。店鋪每日都有唔少人排隊，但係價錢稍貴

咁啱路過買咗一底雞蛋仔食，冇蛋味、冇甜味，係乜味都冇我見賣雞蛋仔阿姐刮咗幾次都甩唔到模已經心知不妙，果然有部份雞蛋仔只得一半食咗4粒已經頂唔順，掉咗落垃圾桶$28買個教訓，好彩唔使排隊啫！

雞蛋仔香港有很多間，但係唔係間間都好味。試過好多咬落都係空氣。呢間粒粒都好有口感，就算排長龍都值得。新鮮熱辣即整冇得頂😍👍就算將軍澳分店同呢間都唔同，識食一定要食北角呢間

我今日去試咗間滿有人氣嘅雞蛋仔店，一路行過去就聞到陣陣蛋香，實在抵死得意！原味雞蛋仔脆口得嚟又唔會太甜，啫喱啫喱嘅內餡同脆脆酥酥嘅邊，宜家想起都仲流哂口水🤤。雞蛋仔整得啱啱好，嗰種熱辣辣，啖啖都是幸福感，真係食得落去又唔使太心痛嗰種。講真，我真係見到可以唔洗等就買到呢啲級數嘅雞蛋仔，心情即刻爽晒😌。攞咗之後已經即刻食咗一粒，噢呀，簡直係究極滿足！啱啱好嘅半溫半熱嘅程度，真心話，舊式嘅雞蛋仔真係有種樸實嘅美味，足足嘅包餡係我尋味嘅重點之一嚟㗎！即使離開咗店舖，心情都似食咗糖咁嘅甜🥰。總之，依家想到都忍唔住要推介比朋友一試，咁正嘅雞蛋仔，實在係值得喎！👍🏻🎉🥳

呢間雞蛋仔店都幾出名，睇佢門口貼晒同明星既合照就知啦，不過價錢一啲都唔便宜，要差不多三十蚊先有一底雞蛋仔。味道方面係水準之上既，雞蛋味濃，質感都夠香脆，如果突然間有舖懷舊小食既癮都會走過嚟懷緬吓食既唔單之係雞蛋仔，仲有童年既回憶，成件事即刻升華晒

有張coupon 換一底雞蛋仔，張coupon 我對摺左一下，佢收到時話勁惡咁話下次摺左唔收，個問題係我都係第一次換（我都係得一張冇下次），將coupon都冇寫話摺咗唔換得囉，咁銀紙都可以摺㗎啦，咁你收唔收？佢分明就係恰得就恰，將佢啲情緒發洩落啲客人度！ 其實佢成$28 一底，又唔係真係好食，仲要受佢氣，真係多謝曬，唯有祝你哋生意興隆! 以後冇下次！

走進了家店，空氣中瀰漫著香甜又略帶點麵焦味的氣息，隔著喺個櫥窗我已經開始垂涎三尺🤤。今次我哋就點了招牌嘅雞蛋仔，睇住師傅熟練地翻轉嗰個鐵模具，我哋每個都等到心急火燎。雞蛋仔終於上手，外皮脆得嚟，一啖咬落去，就係嗰種"卡滋卡滋"嘅音樂🎵，真係太滿足啦！雞蛋味十足，入口即溶，軟綿綿嘅，每一粒都好似夾住溫暖嘅陽光一樣，暖笠笠，好治癒😌。然後嗌齊口感，中間嗰塊鬆化化，蛋香四溢，吸盡左個甜味，真係一言難盡。喺呢度食雞蛋仔嘅感覺好接地氣，冇花里胡哨，純粹享受美食嘅快樂。喺這種小店，你可以好自在咁享受美食，感受香港嘅街頭文化。如果你想尋找純正嘅港式味道，記得一定要試吓！👍

聽就聽得多..之前真係未食過本來我係先買一底格仔餅等咗30秒同我妹話不如食埋雞蛋仔因為見買多底平少少就同個阿姐講我加埋雞蛋仔(當時我哋後面完全無人排隊)點知個阿姐狂啤住我同我妹跟住聽到佢講咗句你哋咁樣夾單唔得㗎我估佢係以為我同個外人夾埋買第二底（？！）我同我妹一頭霧水但係佢最後係有照收我第二底嘅價錢嘅...雞蛋仔即刻有得食嘅的確係好脆...不過冇我想像中咁好食至於格仔餅更加係不值一提以佢呢個價錢同服務態度我唔會再食第二次好彩係唔駛排隊..如果唔係仲嬲😑😑😑

細個讀書日日放學都會去幫襯，到而家大個出嚟做嘢再返去回味下，唔知係咪越做越多分店，感覺冇左當初既味道，而價錢亦越嚟越貴，明白多左內地旅客幫襯，加價係可避免，但希望維持當初既水準

👨🏻‍🍳利強記北角雞蛋仔 (北角)📍北角英皇道492號地舖 「由中學第一次食，到宜家都系no1🫶🏻」 👍🏻🍽️原味北角雞蛋仔外薄超脆，入面煙韌😋好重蛋香味，粒粒脹卜卜🤤無其他店D雞蛋仔咁濟，可以自己食哂一餅😝