利強記北角雞蛋仔

营业中

休息中

雞蛋仔除咗係香港必食小食之一，亦係我自己頭幾位嘅美食😎北角總店外亦貼咗好多明星合照，想當年返學成日係灣仔店個到食，不過灣仔店無咗之後就少咗食，北角平時排隊嘅人好多，不過今日好彩唔洗點排😎🤌🏻原味雞蛋仔我食雞蛋仔一定要新鮮整好，熱辣辣食先開心🤣雞蛋仔食落外層脆內層軟，唔會太淋嘅情況🤣甜而不膩，仍然keep到水準🫡不過唔知係咪個人問題，覺得麵糊蛋味無以前咁香🤣 但整體嚟講都不錯，仍然會支持😋🚩利強記北角雞蛋仔 (北角)北角英皇道492號#addifoodie #addifoodie北角#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #雞蛋仔

搭船嚟北角梗係要試吓依間老字號雞蛋仔、格仔餅店開咗幾十年都攞過好多獎～仲有好多明星幫襯過只賣雞蛋仔、格仔餅、豆漿～款式唔多但係做好佢已經好夠啦～唔係點會有咁多街坊熟客回頭呀格仔餅好有蛋味～其他雞蛋仔店麵粉多過雞蛋冇咩蛋味～剛剛熟就攞出嚟～唔會熱氣同埋乾～不過依個視乎個人口味～有D人鍾意食乾D口感脆D～再加上牛油、花生醬、煉奶、砂糖～不過佢加得比較少所以唔甜比起普通格仔餅$14佢$23確實係貴～不過港島區人工、鋪租貴～所以差幾蚊都正常

今日收工見冇咩人排隊就買左一份黎食，由細個好似10蚊食到宜家既23蚊，首先個阿姐用住隻收錢既手套又整格餅又整雞蛋仔已經夠唔衛生，一啲意識都冇。其次，睇落可能岩岩整起太熱軟淋淋，風翻乾可能會脆口啲，點知攞到翻屋企（5分鐘路程），都仲係軟淋淋一餅雞蛋仔，明明以前隔一陣食都好脆，而且有好多粒仲係散開，起又起得唔靚，又淋，不過起碼仲有丁點蛋味，好心加價就整翻好個品質，宜家真係好難食，好似食緊蛋糕咁。好心間野個朵都唔細有翻咁上下名氣，出面又貼住咁多同明星影相又攞咩獎都好，到頭來得個吉，咪搞臭個名啦，寧願食其他街邊雞蛋仔都好過食呢間，又貴又唔好食 ，絕對唔推薦

嚟到北角呀，食啲乜嘢好？雞蛋仔呀雞蛋仔.北角雞蛋仔係較傳統嘅雞蛋仔，相比起有啲流心雞蛋仔較簡單，不過佢真係勝在簡單但好食，新鮮熱辣出爐，外脆內軟，雖然好，但係間中掛住都會專登去北角食下🥰味道 Taste：😋😋😋😋/5消費 Spending：$30 /人 Person推介度 Recommendation：4/5

北角雞蛋仔我由細食到宜家。由我有記憶開始，佢好似賣緊8蚊一底😂成日放學都去買黎食。到宜家要22蚊一底，真係百物騰貴。以前老板叔叔同埋啲姨姨都會俾哂啲一條條邊邊嘅脆脆我，裝到個紙袋超級滿，次次食雞蛋仔都超滿足🤭不過之後越來越多競爭者，鋪頭為咗乾淨整潔，就改良過啲雞蛋仔，個邊邊就無漏咁多蛋漿，就無哂啲脆脆🥲😫雞蛋仔咁多年味道都一樣，即叫即整，外脆內軟。熱辣辣！個皮真係好脆。每粒雞蛋仔入面只有一半漿，有啲人會覺得搵笨。不過我覺得咁樣先有佢嘅特色，唔會太蛋糕質感，更能突出佢嘅外脆內軟。評分: 7.5/10

利強記北角雞蛋仔📍香港北角英皇道492號$22 雞蛋仔一底好耐無食利強記北角雞蛋仔啦，曾經風摩一時，而家再食一底雞蛋仔，依然覺得外脆內軟，大大塊。每次黎都係食雞蛋仔，未試過格仔餅，唔肯定格仔餅水準好唔好呢～今日去依然要排隊，等得唔算太耐，平日5-8分鐘左右就排到。

好耐無食過雞蛋仔咁啱去開北角就去食下呢個好受歡迎嘅雞蛋仔啦平日下午去都大排長龍即叫即整所以都等咗一陣先排到我不過就夠晒新鮮排得愈近就愈聞到個陣香味雞蛋仔 -20見到成排雞蛋仔漲卜卜個表面又咁光滑真係好治癒😍咬開岀面脆卜卜入面軟熟熱辣辣而且蛋味好香下次要食埋個格仔餅

等待夾餅時見姨姨收完錢，找錢個隻手直接製作夾餅，衛生意識有待加強While waiting for my waffle,  I saw the lady making egg waffle at the same time and do other things like tidying up the place and collecting money. But she didn't clean her hands afterwards and continue to prepare food with her bare hands. It seems people have already forgotten about hygiene when covid cases drop and the restrictions started to loosen.

有日同朋友去開北角咁啱見到呢間睇落好似街坊小店嘅雞蛋仔😂聽講呢間好似OpenRice好多好評，仲有米芝連推介😳就嗌咗底雞蛋仔 ($20) 試下🤤個日都有四五個人排隊，一開頭見到姨姨拎咗底整好吹緊風嘅雞蛋仔都驚會凍咗唔好食，但拎上手都仲係熱辣辣，可能因為流轉快所以唔係擺咗好耐😶食落去外脆內軟，超煙韌😍佢唔係每一粒都做到一半空氣一半雞蛋仔嘅structure，係相對比較飽滿，但食落又覺得保留到少少空氣感，每一粒都口感幾好🤤雞蛋味算有但唔係好濃香個種🤭但如果再經過可能我都會再買返一底嘅😛

唔使我介绍都知，北角嘅雞蛋仔係超级出名，經常都見到人龍，雖然佢哋門面都唔係好靚，係普通嘅小食鋪頭，但出面貼住同明星嘅合照都知佢咩料，最出名嘅就係馳名雞蛋仔仲有格仔餅😍雞蛋仔係用咗秘製嘅蛋漿，整出嚟又香又軟熟，完全冇窿邊，每一粒食落去好厚，好多蛋香味，唔似出邊嗰啲得個殼，裏面冇乜糕，不過最好趁熱食，如果唔係淋咗個味差好遠👍🏻👍🏻😋😋不過格仔餅就有啲美中不足，真係新鮮出爐嘅時候係最好食，會食到脆邊，如果過咗5至10分鐘，佢就會變到好軟好淋，一啲脆都冇，佢入面嘅醬係多，但唔知點解全部流晒落個紙袋度，變咗你食第一啖嘅時候完全食唔到醬嘅味，但係佢都用咗雞蛋仔嘅蛋漿嚟做，味道係好食嘅，不過就一定唔可以擺到耐🤔🤔

格仔餅 $20等咗10分鐘左右，望入去見到阿姐放咗個牛油同少量花生醬係中間，無搽開，已經感到不妙 (同埋無砂糖係咪正常)食左頭5啖 全部都無醬😢😢😢😢仲要係軟林林，一啲都唔脆。 食到一半開始有少少牛油味…..覺得樓下地鐵站小食快綫好食過佢100倍，起碼有誠意會搽暈啲醬🥵

今日經過北角， 見到呢間利強記北角雞蛋仔， 問返掂完佢就話自己係出晒名的「北角雞蛋仔」。 去到都要排隊 ，人龍唔算長，都係等幾分鐘就有得食啦！我個人就覺得格仔餅同雞蛋仔一樣，都係果個漿， 所以就叫咗格仔餅~格仔餅新鮮熱辣，食落去都比較脆口 ，唯獨是唔同嘅係呢間嘅格仔餅入面冇白砂糖、冇花生、冇煉奶， 淨係得少少比較稀的花生醬（圖3）！就覺得入面食落唔係咁夠喉🤭🤭🤭不過佢比嘅蛋漿都比較均勻，冇偷工減料，味道都有蛋味 ， 不過你話係咪真係好出色，我又唔覺得係，你可以話正正常常唔差，都算好食咁~所以有時候行過都可以試下嘅👍🏼👍🏼#北角雞蛋仔 #北角雞蛋仔🍳

Love this HK-rooted no-frills street snack. With many variety on offer nowadays, ranging from fancy flavoured ones like chestnut 🌰 matcha 🍵, all to way to savoury once like seaweed and pork floss, and salted eggs; this shop has stuck with its OG form for the past years. I picked up some the other day from a shop that I’ve visited many years ago, looking for something to nibble on 😅. The egg waffles here were superb, crispy on the outside and is puffy and spongy on the inside. And I love its ther

如果雞蛋仔來講 呢一間都算數一數二未食過都一定聽過佢哋嘅名仲要係米芝蓮街頭小食呢一間真係由細食到大🥰細細個已經排晒長龍咁去買黎食咁多年嘅質素都一路都keep得住水準💓去開嘅話都知道要睇吓時間去如果撞正放學放工時間 通常都有好多學生排隊買來食😝就會排晒長龍 有時都要等成10幾分鐘🌟雞蛋仔 $19佢哋嘅雞蛋仔 蛋味濃👍外脆內軟 都唔錯 但係大家一定要記住如果係放咗喺度嗰啲 有時就會攤凍咗啲可以揀過另一底或者等一批新嘅😉📌利強記北角雞蛋仔北角英皇道492號🚇港鐵北角站 B1 出口, 步行約2分鐘等候時間🕰 0 mins📍#北角

每次經過利強記都會見到條長長的人龍，今次係周末的中午經過，見到只有兩三人等緊，即刻去買埋一份先。因為去貨速度快，唔會有囤貨，所以基本上全部雞蛋仔和夾餅都係即叫即整熱辣辣的雞蛋仔真係好香拎返去的途中已經聞到好肚餓，但在疫情之下，都係拎返去洗乾淨隻手先慢慢enjoy隔咗一陣先食，外層依然是好脆。入面的餡尚算飽滿，外脆內軟，texture好滿意。味道方面亦充滿蛋香，唔會太甜趁熱食，蛋香味會出啲整體嚟講，係唔錯的！