前家樂餐廳火鍋店 (已結業)

本身自己就係比較鍾意打邊爐同埋食雞煲嘅人，所以周不時都會無端端同朋友講好想食雞煲，哈哈當然亦都好鍾意一班朋友去食嘢嘅感覺！所以我就介紹左佢哋去我覺得食過最好食嘅雞煲地方-前家樂！點解我會話呢度係我食過最好食嘅地方？因為真係不得不讚，呢度嘅雞好好食，真係真係同一般出面食嘅雞煲嗰啲普通嘅雞好唔同，出面一般食雞煲我都唔會特別去品嚐嗰隻雞嘅雞味同埋肉質，都只係會食本身烹調雞煲材料既味道！但係呢度嘅雞煲嘅雞係會令你好想每一啖都去”答”真啲，因為真係好嫩滑同埋好甜☺️再配合埋佢嘅醉雞湯底！真係一絕！！💪🏻💪🏻另外本人打邊爐都好鍾意食蠔同埋食羊肉片，呢度嘅蠔好大隻同埋好肥美，而且價錢唔算好貴，所以價比價錢唔算好貴，所以性價比非常好！羊肉嘅肉質同埋味道唔會太濃烈，我有朋友唔食羊都覺得接受到呢隻味😎所以整體來講呢間餐廳真係好值得再次幫襯❤️

岩岩同屋企人去完歐洲旅行，返到香港當然要約班朋友聚下加派手信啦～食左咁多日外國野，突然好想食返d地道香港食物，最後決定去食雞煲🐔😃麻辣雞煲當然係必點架啦～無意之間見到menu有醉雞煲👀 真係眼前一亮，醉雞都成日食，但係醉雞煲真係好少見，所以我地點多半隻醉雞煲試下～麻辣雞煲平時我都食得多，不過煮極都咁滑既雞我真係第一次食😱平時食雞煲 煲耐少少都好驚d雞「鞋」晒要快d夾，但係呢度既雞竟然完全無呢個問題！超級大加分👍🏻輪到個醉雞煲，未食已經聞到好香花雕酒味。平時食醉雞通常都係作為頭盤冷食，今日我第一次食到火鍋食法，熱辣辣既醉雞原來係好好味架！個感覺就好似隻雞走左落去浸一個花雕酒溫泉♨️然後d花雕酒完美咁滲透入d雞肉入面☺️ 雖然d fd 唔係好理解我呢個比喻，但係個個都食到停唔到口～最後忍唔住再encore多半隻🤣食完晒2個雞煲本身已經飽飽地，但係難得叫左醉雞煲點都要試一試落其他配料～特別推介豚肉同埋蜂巢豆腐！用醉雞煲去煮好好味！🤤

因為中秋節正日全家都會各自去左唔同地方旅行，所以我屋企決定提早食中秋節飯，不過媽咪唔想又係去酒樓食圍餐咁悶，所以我地決定搞搞新意思—食雞煲😆呢間前家樂唔係果d連鎖店，係小店經營所以裝潢唔會話好精緻好富麗堂皇，不過就多左一種地道既感覺，而且都好乾淨企理。不過今次點呢個雞煲有d唔同，因為唔係傳統既麻辣雞煲，而係醉雞煲！好似唔係好多餐廳有醉雞煲食，所以見到有就試下。當充滿花雕酒香味既醉雞煲送到黎既時候，我地真係口水都差d流出黎～因為實在太香啦～完全係急不及待好想快d食！店員話佢地係用左以前進貢比皇室專享的三黃雞去做雞煲，所以雞肉質會特別嫩滑，雞味好濃，而且脂肪比例剛剛好唔會太油膩，唔怪得d雞煮極都可以keep到咁滑啦食完隻醉雞就用個花雕酒湯底淥埋其他火鍋配料，我地點左羊肉，豚肉，芝士竹輪，蜂巢豆腐...全部都同個花雕酒湯底好match！食材新鮮+花雕酒湯底=一流享受！👍🏻

家庭聚會食團圓飯，本身小妹唔太鍾意食中菜，小妹好少出街食雞煲，平時都係爸爸煮，但今日因爲10幾個人所以爸爸話唔煮叫多，出街做食客開心d！咁佢就book左呢間前家樂，話係專業推介喎！估唔到有另一番驚喜☺️小妹就靜靜地等候，叫左一個麻辣雞煲，一個醉雞煲同埋好多配料先係醉雞煲上，倒滿左個煲都只係用左半碟雞，好足料🐥之後麻辣雞煲上，店員話麻辣雞已經係廚房炒好，可以即刻食，第一口食，呢個麻辣雞好唔同，唔係好多醬料，食得出係炒得入味，超好食☺️☺️醉雞煲就第一次食，無幻想既咁差，其實酒煲都是香香的～❤️湯底仲有好多養顏配料，唔錯唔錯！🙈小妹最鍾意食手打墨魚滑，豚肉，同埋芝士竹輪，仲有芝士牛丸，⚠️小心爆芝⚠️太多配料，不能盡錄，因為太好正既關係，有d已經比小表弟食左，今次全部人都話好好食，大家對爸爸既專業推介都讚不絕口☺️🤩

之前嚟過前家樂食醉雞煲，已經覺得好有驚喜，可能我本身冇試過咁特別嘅味道！今次咁啱中秋要做節，特登帶媽媽老竇過嚟再翻桌，就揀咗佢另一推介：麻辣雞煲😊 我本身唔係好食得辣，但係我老竇最鍾意食辣，基本上任何野都加辣醬😂😂😂 結果，叫咗小辣嘅麻辣雞煲～我哋三個人食，所以再加左羊肉，豬肉同埋蠔，本身我都想叫牛肉，因為上次食過超級好食，啖啖牛味，但係阿媽唔食牛，所以就冇叫😭麻辣雞煲等得耐少少，我聽店員講製作過程繁複啲～ 一上枱，就聞到好香嘅辣味同雞味！老竇即刻正呀😍❤️😏食咗件雞試吓，發覺辣味係屬於麻果隻，小辣就唔算太辣，但係嗰個麻既感覺超正，啲雞又好嫩，好想追住食👍🏻 最驚喜嘅係我哋之後又放羊肉同豬肉落去煲，麻辣味道令到肉質變得更加鮮，但係又唔會搶左味😍 羊肉完全唔so😱 煲多一陣啲入晒去好正，必叫羊豬肉至於蠔，我就唔太常食，老竇阿媽至愛，好大隻，感覺好抵😍 又好creamy👍🏻 我哋有講有笑食咗兩個鐘，慢慢嘆，老竇仲叫咗啤酒啤一啤，我試咗少少，麻辣配啤酒都幾驚喜🤣👍🏻服務好好，唔會吹我地走，食完麻辣成個人好精神，我覺得間唔中食下辣都幾重要，尤其是呢間啲麻同辣，釣起其他食物味道，真正品嚐到好食滋

一班老友來香港旅行，梗系要帶佢地去食好西。呢d喂食鬼，又要食豬，又要食羊，又要食雞😏甘難五到我呢個美食之鬼🤣即刻就去左前家樂😂諗都五比機會佢地諗，即點麻辣雞煲同花雕醉雞煲，豬牛羊一齊過嗌曬，一次過滿足曬所有人既口味😎對面兩條友食左兩件辣雞，就噴曬火甘，系甘話好食好味🤣兩個人就開始玩屍殺列車 ，瘋狂搶雞食，有條友食得太急仲要食到麻辣子😂笑死我。另一邊，包括我都系行系慢食主義，細心品嚐每一件醉雞既美味。個朋友仲話好耐冇食到酒味甘濃郁既雞，覺得餐廳d出品都好用心，大家都尤其中意豬同羊，食完一碟又嗌多左各3份😂厚薄均勻，易入口，份量又滿足😋😋😋😋

話說平時無無聊聊放工係大角咀搵野食時,有時行過都會見到呢間前家樂,其實佢都開左好耐,應該都唔錯,有次咁岩同同事傾開,原來大家都不謀而合想試下,擇日不如撞日,夜晚收工就去左😄店員介紹食醉雞,2個人,本身諗緊應該叫半隻定一隻,最後都叫左半隻,因為想食其他野😂,再叫唔同既邊爐料：響鈴、炸魚皮、日本廣島蠔、豚肉、羊肉！再叫左大藍妹啤啤佢😆醉雞一上枱就已經好香！落埋雞,等佢滾,同朋友傾計,見到like下fb再share就有可樂,仲要係枝裝既！咁咪玩下😆枝裝可樂係童年回憶黎！響鈴同炸魚皮都係伴酒菜,打邊爐一定要啤啤佢啦😆👍🏻蠔好大隻,都幾好食幾爽口！值得一讚係雞肉好嫩！我仲驚掛住同fd傾,唔記得夾起d雞會煲老左！豚肉好大碟,比起其他出面既餐廳大碟好多！豚肉肉質好彈牙,唔錯👍🏻不過我自己最鍾意既係呢到既羊肉！羊肉唔會好蘇,配埋花雕酒特別香,有時麻煩鍋反而搶左羊肉既蘇味,配醉雞湯呢個新穎配搭我鍾意😊

相信暴風雨來臨的階段，很多人到百貨公司，便利店，買糧食與暴風雨作戰數天，未必有啖好食，才知道食得是福！ 一完左暴風雨的星期一，立即打電話去睇下有無開，拿拿林book左位先🤤 抱住期待 ，未出發先興奮的心去治療我的胃！ 今天轉陣！ 因人多關係，四人兩鍋，一辣一唔辣，招牌麻辣雞煲，食得辣既朋友，一定要試小辣以上，因為真係好那入味，陣陣麻辣香，嫩滑入味既新鮮雞，即叫老闆即炒，而唔係整定，火侯十足，等都值呀！ 同時叫左啲配料，本身都鍾意食羊，平時打邊爐都係滾熟，攬啲豉油蔥蒜就食，麻辣雞煲入面啲汁我希望永遠不要乾塘，因為實在實在太入味x100 !! 👍🏻👍🏻👍🏻 新鮮即切羊，加上麻辣雞汁，未試過既配搭！ 都係果句，黎試下就知我講緊咩！花雕醉雞同一次一樣，無變，水準一樣！ 濃湯，雞滑，今次連食兩個，回味無窮呀🤤🤤

一向好鍾意食辣嘅我，不斷尋找好味辣嘅味道！啲friend成日都話唔食辣，我就覺得冇辣冇人生樂趣🤣 呢間我已經幫襯過幾次，今日又食完！除左食店家族招呼好同好有人情味之外，佢既麻辣雞煲係我至愛，仲要係分級數既辣，不過我每次都係揀最辣🤣🤣 真心辣到爽！啲辣味係滲到入雞肉入面～唔會係點辣醬辣油既果隻辣，係真心辣到入肉既果隻，每咬一啖都係麻同爽既feel~ 不過我知整麻辣雞煲就麻煩啲，事前功夫做好多，不過每次黎都覺得水準係keep到👍🏻好似今日咁，有時會自己黎食配個飯加碟羊肉同豬肉就一個dinner, 呢度既羊肉一定要試👍🏻 好重味但一啲都唔蘇，切到薄身所以快熟，豬肉就我好鐘意既，因為放入麻辣雞煲度，滲下辣味入去，係好爽！如果帶朋友既話就一定叫多啲餸，佢呢度另加既餸選擇都好多，而且質素都好好👍🏻 真心推介！會keep住幫襯😂😍

上次來食左花雕醉雞煲，已經mark 左前家樂做我固定飯堂🤣今次又帶個老友來試麻辣雞煲，仲要大辣😏超期待，香味已經不得之了，d辣度更加完全夠勁，再加埋個種麻痺條利既感覺，吃到我地兩個都想聽日再來食多餐。d雞好嫩滑，五同三黃雞一直都系甘正？甘我之前系出邊既其實系咩雞🤣d辣味入曬雞肉度，感覺一d都冇浪費任何一條辣椒，真系有100%將辣椒融在系雞度，可能連雞骨都系辣既😂平時食既我覺得通常系d皮辣，再咬落去就又系無味雞。呢度完全喜出望外，甘樣好難再食出面d麻辣雞煲🤣btw , 仲點左好味羊肉，配麻辣甘食，又系另一重口感既衝擊😆識食一定系甘食😎

又有同事生日啦🎂 又係歡樂聚餐既時候～今次有人強烈推薦我地食一間雞煲，話係佢心目中既雞煲top1。講到咁誇張我地成班人決定去試下係咪真係咁好食😆因為人多，所以我地點左麻辣雞煲同埋醉雞煲。先講個麻辣雞煲，有好多唔同辣度選擇，真係好香，但係果種麻辣係唔會令人有嗆的感覺，同平時食開既雞煲個感覺好似真係有d唔同，店員話佢地店既麻辣係秘制配方，同出面唔同架🙀👍🏻然後講個醉雞煲，真心好有驚喜！如果平時成日食雞煲既人我強烈建議可以試一試醉雞煲，完全係新既味蕾享受～花雕酒令到成個醉雞都好香，但係唔會過濃搶左其他食材既味👍🏻 重點係隻雞🐔！！超級滑，而且就算煮左好耐都係好滑，完全唔會‘鞋’！好似話佢地餐廳特別試過好多唔同品種既雞，然後先搵最適合既品種做雞煲/醉雞煲。而家完全明白點解果個同事會話係佢心目中既top1，因為真係食完會想再幫襯既雞煲店！😍

琴晚上完夜晚堂,諗住同fd食埋飯喇,想食雞煲,本身諗住去一品,但朋友上openrice睇睇,呢間前家樂都有好多好評,我地一行6人就去試試喇,基於我地唔係好食辣既關係,店員介紹我地食醉雞,佢話醉雞d雞又滑又有雞味😂哈哈,見佢講得咁搞笑咁就試下啦,2個煲一齊上,麻辣雞配料好足,醉雞鍋就酒味濃,2邊叫左半隻雞,叫左個羊肉,3色餃,同埋手打墨魚滑,好多野食😆我自己覺得如果講雞既肉質,真係醉雞好食d,果然多d雞品😆如果講惹味,當然係麻辣雞啦,不過醉雞唔係成日有得食,都仲好有新鮮感👍🏻羊肉配醉雞湯令羊味更出,唔錯😋手打墨魚滑都好滑好彈牙,like this😋👍🏻

因為就來結婚，所以請一班兄弟姊妹一齊聚一聚，順便大家見過面，但係一直都搵唔到一個好地方，坐到咁多人又唔會嘈得滯🙈😂 結果，一個住喺大角咀嘅好姊妹，就介紹左呢間前家樂～啱晒，因為好難夾大家想食或者鍾意食既野，最好就係雞煲！好好，老闆俾咗個位置寬敞嘅地方我地，由我地嘈🤣 環境好好，可以俾我哋詳談🤗 我哋叫咗兩個醉雞煲，一個麻辣雞煲😍😋 見網上好多人推介，所以就叫咗2個醉雞試試～另外叫咗好多餸，雪花肥牛，蠔，大菜盤，牛丸，面，芝士竹輪，魚皮餃，年糕等等🤣麻辣雞煲好好味😍 不過更驚喜嘅係醉雞煲🤣 一上場已經吸引到我哋注意，好濃烈嘅酒味😱 至於湯就有一陣陣健康補品既味～ 我啲姊妹好雀躍，因為感覺好健康～ 等咗大概15至20分鐘，就已經食得啦😋呢度家族生意，所以比較慢少少，但係我哋都唔介意，因為太多野要傾，傾住停～店員好好，見我哋好忙，幫我地執呢樣執個樣，真細心我覺得醉雞比麻辣雞好食，因為健康啲，又係湯底✌🏻 吹雞嘅雞好嫩，估唔到煲得耐都唔會冇咗水準，好驚喜！而且份量好多，真係足料，就算我唔鍾意食雞胸，都覺得好食，可能佢煲得好入味！😍湯好好飲，滲左落雞肉入邊，無得頂👍🏻👍🏻 整體來講，都算係好悶

呢一日，我走進了一間餐廳。回味無窮，飽滿地離開。首先，回到過去！ 就在前晚，果日已經八點多，如常地去做飯後運動。因小弟最近搬到這附近的關係，所以每天晚飯後都會做這動作。當然，如常地六點左右晚餐。但是八點多再一餐，當甜品餐。女人有甜品胃，男人都有另一個胃🤤但為何吃完晚飯再吃？😏一： 經過很多人！ 👍🏻二 : 濃厚的花雕酒香！ 👍🏻三 : 行动！ 🚴🏻‍♂️九十九次心動，都不及一次行動！ 人生太多限制思想，吃完不能再吃？ NoNoNo !! 一黎，就緊係點左個醉雞煲先！二黎，就緊係點埋枝大啤酒！ 三黎，當然吹雞叫埋附近啲損友來！ 果然，我既決定係正確！新鮮雞，滑，爽，酒濃，香！ 無論，雞脾肉，雞胸，雞皮，唔單止唔老，入味！ 湯點解，愈煲愈入味？點解？之後唔識講，自己黎試下喇！ 原來有時雞煲除左一家大細一班黎吃，三五知己，食個雞煲對下啤，談下心，傾下人生，其實真係好正！ 起碼個環境唔會令我食完快啲走！ 好可能呢一間係我係世界上食過最好既雞煲！ 🤤🤤🤤

近排有朋友食完呢個前家樂既醉雞煲之後,係朋友堆中不斷給讚,每次講到大角咀既好野食,都一定係講呢個前家樂,但重點係,有人聽佢講完之後試食完番黎都讚不絕口😂,聽左咁耐,咁就真係要試試😏,雖然裝修唔算靚仔,門面都唔算高檔,咁就睇下入面係咪真係咁好食喇,朋友點名要試既係醉雞煲,我自己未食過,因為平時唔太飲酒,但朋友話煮餸既酒同平時飲既唔同,咁好啦,就叫黎試試,估唔到4個人去食都有咁多雞,煲一上,酒味好濃,但加埋雞入去反而比較甜,帶出左雞既鮮味,果然唔錯,再叫碗飯,食晒d雞,都已經好夠,呢到既雞好嫩,但嫩得黎無出面果種油揸湯既油浦係面(姐係平時打邊爐打到一半會有d油浦面),老闆過黎加湯時話,原來個湯係自己淆,所以可能同出面既唔同,難怪覺得佢鮮甜d啦👍🏻,叫多少少邊爐菜伴飯,即刻覺得打邊爐有菜食都食得好健康😁