劉森記麵家 (褔榮街)

营业中

休息中

牛腩鵝腸麵$48，牛腩大大件鵝腸爽滑彈牙，幼麵麵質比較薄，個人不太喜歡，牛筋爽滑彈牙，$22腐乳通菜岀色，通菜翠綠無渣，分量充足，腐乳就正常發揮，店內冷氣尚可，人多擠迫食麵的時候出晒汗，枱頭有免費醃製蘿蔔，溫馨提醒識幾多要幾多。

而家好多野都唔食得🤰🏼又特別鍾意麵食！成日👦🏻問我想食咩我都答劉森記🤣·🍜牛腩水餃湯河（$48）唔鍾意食撈麵又唔喜愛蝦籽既我次次都食呢個組合😂鍾意佢既水餃！勁大粒餡料都多🤤牛腩正正常常唔韌👍🏻·🥢蝦籽牛腩雲吞麵（$62）大食仔又係次次食呢個😂2個都係悶蛋😂雲吞細細粒，蝦仁彈牙都唔錯😆蝦籽勁密集…聞落幾香.不過食落我一般🤣覺得好乾🤣•📍劉森記麵家深水埗福榮街80號地鋪

Lunch和同事特登搭車嚟食馳名嘅劉森記 門口被分派到一張圓形枱 我揀咗蝦子牛腩撈面 同事揀咗蝦子雲吞撈 蝦子牛腩撈嚟到 我食第一啖嗰陣覺得蝦子有啲鹹 面質，唔算真係好出色 有啲普通 再試一啖佢嘅牛腩 牛腩反而有驚喜唔會太林，亦都唔會太硬，感覺餐廳好似想你食完快啲走碗湯都未飲完見到擺低個根即刻收走咗 老實講，未到就真係一般 食牛腩麵，我會揀太子田X 或十大X 會滿足到我自己多啲 起碼唔使逼住走 價錢都幾進取 應該一次就足夠 下次再發掘其他美食

去開呢頭附近買嘢，行到攰一攰，已經冇乜力覓食，醒起附近呢間老牌麵店。蝦子薑蔥鵝腸撈麵 好多年冇食呢間店，好少專登去食，一上麵滿滿嘅蝦子仍然會有一種震撼😍 鵝腸幾爽口份量又多，成十幾廿舊都有。撈麵佔成碟嘢一大半，雖然蝦子同麵都多，但食到底都唔會乾身要加麵，係出色嘅👍👍 碟底仲有幾條菜心，仲要大大條☺️蝦子雲吞薑蔥牛肉撈麵 另外叫咗牛肉撈麵，係滑牛嗰種，雖然都大舊但就得幾舊，雲吞就俾咗三粒算係咁。 雲吞係有粒一拎起就散，成碟就正正常常，但係鵝腸嗰碟出色d。有比較有傷害，之前試過牛腩牛筋嗰款好食好多，呢個就普通d啦！

劉森記麵家在深水埗歷史悠久，主打竹昇麵及雲吞麵，已列入米芝蓮美食。竹昇麵及雲吞都是店中的招牌，店子每天新鮮製竹昇麵，做出來的麵爽口彈牙有蛋香，去開深水埗都會去食。#蝦籽牛筋水餃撈麵水餃大大隻飽滿多汁，有個細心位，水餃會分開上，蝦籽慷慨爆滿成隻碟，蝦籽和腩汁的確是好朋友，配上彈彈牙既竹昇麵感覺太幸福了，牛筋是我最愛超淋超入味。95分#蝦籽豬手撈麵都是人氣之選，豬手炆得好淋充滿骨膠原，冇牙既都食到。 95分

耐唔耐就會為左佢地既酸蘿蔔而黎幫襯，酸蘿蔔好好食，酸酸甜甜食到停唔到口🤭薑蔥鵝腸雲吞粗 $48之前覺得粗麵係特別細碗，今次係正常份量，湯底係好香濃既大地魚味，配上少少蝦籽令湯底更鮮，麵既鹼水味唔算重，岩晒😂。鵝腸爽口但冇淡味，所以要點佢跟埋既辣椒豉油。雲吞依舊鮮味，食得出蝦同豬肉既層次感。

黎到深水埗就素黑柏葉 墨丸 蝦子麵🦐成碗麵上都有滿滿既蝦子粉但食落就反而唔太覺佢重蝦子味 可能浸左湯反而試男朋友仔果碗撈麵啲蝦子味濃好多仲好味好多啲餸就不過不失下次黎食要叫撈麵先至最好

if u hate queue up.u need arrive before 1230pmor u need wait a long time.here signature dish is shirmps seed noodle.very fresh and good taste.portion is not big but can feed female full.55$ is ok.beef stomach also a good choice.it didnt bleach is to white so remain a dark and grey color. is taste like raw but still ok.serve with soy sauce with green onions.very deliciousacceptable. love it#food #likes #delicious #sweet #bhfyp #vegan #dinner #breakfast #cake #homemade #healthyfood #lunch #foodsta

星期六晚約9:00來到，坐了八成人，員工都忙著工作，我坐下想order “唔該！’，員工望下我又行開了去幫第二枱order, 我再找第二個人寫，都是望下我又行開了, 重覆幾次都是這樣，叫了4，5 次才有人來寫單，他們咁唔想做，可以乾脆唔做好了, 不要當客人叫佢寫單就左顧右盼！講番食物，我叫了雲吞牛筋撈粗面，5分鐘就到，叫了腩汁又無加, 員工連忙加番，牛筋好入味, 面加了腩汁好夾，雲吞3隻，蝦肉好爽, 湯底清得來有鮮味，辣椒油很香

難食到一個點今晚夜收工、8點零鐘行去深水埗搵嘢食本來諗住食維記、不過原來已經收咗舖、經過劉森記、咁以前食過都好ok、點知今晚搭咗直升機、伏伏伏伏⋯⋯難食到一個點鵝腸冇味、佢比咗碟豉油我都奇怪、平時食尖沙咀新蘭香麵家、食雞腸栢葉麵我都唔要佢碟豉油嘅、因為夠晒味、但劉森記嘅鵝腸就超唔掂、係完全冇味、而米粉我唔識形容嘅難食、湯底又唔夠熱🥲牛腩成隻麻雀咁、口感硬😖最黑仔係係酸蘿蔔都冇晒、早知搭車去新蘭香麵家食雞腸栢葉麵好過啦😭我好少比差、今晚唔比真係對唔住自己個良心

本身係想去深水埗長發麵家食佢嘅招牌魚蛋麵，點知佢假日冇開，於是乎行咗過去劉森記，見到冇乜人排隊，於是乎排咗兩張枱就到我哋。 其實我哋排隊見到佢煮麵嘅時候都心知不妙，覺得佢個麵黐埋一劈劈，唔爽口，但係始終都比咗呢次機會佢。 一坐低就夾咗佢哋啲醃蘿蔔，跟住嗌咗蝦子雲吞撈($54)，再叫咗一個雲吞麵($40)同埋腐乳通菜($22)，加一罐可樂($8)。 蝦子撈啲蝦子份量好足，但係啲麵就同我哋之前所講咁太淋，一啲都唔爽口，雲吞(三粒)冇味，啲蝦又唔爽，個湯底好淡。 雲吞麵比較之下仲更加慘烈，因為佢個麵係烚完再浸住嘅湯，完全係冇味╮(￣▽￣"")╭ 醃蘿蔔同腐乳通菜還可以。 一句講晒，唔值得再排隊嚟食！

今日就去到深水埗區搵食，決定食呢一間好出名嘅劉森記麵家，地址位於深水埗福榮街80號地下呢一間舖頭有60年歷史，係米芝蓮雲吞麵嘅老店 都唔使排好耐隊都入到去，大概5分鐘到由於一早已經睇定個餐牌嘅關係，我今日就叫咗牛腩牛筋鵝腸蝦子撈麵 決定咩都試吓幼麵食落口非常彈牙，配埋滿滿嘅蝦子，配搭簡直一流，蝦子鹹香而不漏！個面亦都唔會有嘅鹼水味，值得一讚牛腩同牛筋都炆得好入味，非常腍，醬汁嘅味道配搭上亦都做得好好 配埋蝦子麵食，非常match!鵝腸，我就覺得不過不失，冇乜太大驚喜

依間老店已經有好多人推介 喺深水埗有好多間傳統老店，佢係其中一間必食的。車仔麵檔咁樣自選唔同嘅配搭，佢比較出名係蝦子撈麵。有好多出邊食唔到嘅餸菜，例如鵝腸，蠔油冬菇， 黑柏葉等等。蠔油冬菇超入味，相信佢用心煲咗好耐成舊冬菇都好濃味。 份量都非常之足，蝦子好似唔駛錢咁樣，落左好多。 每一個餸都會比足夠嘅份量，如果女士們比較細食，建議同佢哋講要少麵。枱上面仲有免費嘅酸菜蘿蔔，酸酸甜甜好開胃，就算要俾錢我都覺得值得。 總結來講，平靚正

唔知係咪我要求太多, 水餃撈麵, 免剪, 唔要蠔油腩汁, 淨要熟油。 5分鐘後碟麵上檯(見圖好似幾好, 相機問題), 一睇啲麵已經較平時脹身, 咬落軟冧冧, 摷開仲見有幾條唔知係上幾多手响淥面水留低嘅粗麵, 似乎係無跟柯打, 搞錯再將啲麵翻淥, 徹底洗淨後撈渣上碟(唔怪得幼中有粗🙈), 不過阿姐話無搞錯, 我又見唔到痕跡, 結果係咁意食兩啖就放棄, 假若真係竹昇麵, 咁搞法, 不如丟咗那碌昇算了, 免得浪費功夫。同樣情況, 一個月前响中環某老牌粥麵專門店遇過, 不過由於無洗乾淨啲蠔油, 加上翻淥嘅麵必冧無疑, 反映之下阿姐二話不說重新淥過另一碟麵, 我覺得呢啲先係麵店應有嘅負責態度。

基本上過完去電子特賣城，都會心思思過嚟食完蝦籽撈麵，你話佢係咪最好食，我諗都未必，但至少每一次見到個麵上面鋪滿曬蝦籽，個人都即刻心花怒放坐低見到menu就咩都好想食，好彩下午唔係好多人，唔洗等位，咁就叫個牛柏葉蝦籽撈麵，唔夠再食雲吞啦落單食幾粒酸蘿蔔開胃先，一如既往咁脆咁酸咁好食。兩三分鐘之後即刻有得食，一上枱依舊驚艷我，到底啲蝦籽係咪唔係錢？🤣牛柏葉唔會灼得太耐，麵爽口，略顯鹼水味多咗少少，食完牙仔感覺唔係咁好(唔知有冇人明果種感覺😂雲吞就唔落，唯有下次再嚟啦