劉興記生煎包專門店

营业中

休息中

📍 劉興記生煎包專門店呢間生煎包專門店，近期喺新界港九都開分店🤓日日大排長龍，連發哥都有幫襯🤩當日6:30pm到都等咗成20分鐘先入得！落單非常方便，掃枱面嘅QR code自行落單，上菜速度亦都非常快🥳🥢招牌生煎包（2隻） $20生煎包上枱既速度有夠快！落完單等咗唔夠5分鐘就到🤤一咬開爆汁架🫢湯汁超級多～但真係要小心熱，否則會焫嘴～肉餡選用咗新鮮梅頭，食落會比較有咬口，包底煎到金黃色，脆卜卜😈🥢蟹黃生煎包 （4隻） $72呢款係餐廳新推出嘅口味，肉餡仲會溝埋蟹黃，蟹味超濃郁，鮮而不膩，肉質比較結實，口感上係唔同啲😙餐廳仲保證唔爆汁即換！蟹黃生煎包俾招牌嘅貴啲，但都值得一試～🍜蟹皇拌麵 $150呢個係每日限量供應，餐廳選用活蟹新鮮起膏拆肉，誠意十足！上枱時滿滿一大碗，肉眼可見一絲絲既蟹肉同蟹膏，味道好濃郁而且好鮮味，冇半點苦澀味～配麵撈埋一齊食就啱啱好，唔會覺得膩😉份量有啲多，建議兩至三個人share一齊食🐤麻醬手撕雞絲粉皮 $35個靈魂一定喺個麻醬嗰度，充滿着花生同麻醬嘅香味🫦麻醬香滑，重點係夠多！將粉皮撈埋雞絲同青瓜絲，所有食材都充分吸收曬麻醬嘅味道，幾好味！而粉皮口感Q彈，成碟好快

今日勁早起左身，諗住訓多陣先起身，點知訓唔返🥲咁無計啦落左樓下跑步，因為約左個朋友下午去大圍圍方睇戲，所以都問下個Fd 叫佢早啲出黎一齊lunch,咁約左佢12點係大圍火車站度等，跟住佢又話好想食麵同埋啲小食，咁睇下附近有咩食，我地都算好好彩，等咗一陣就有位，我哋兩個人叫咗蟹黃生煎包、蔥油拌麵、迷你雞絲酸辣湯、麻醬手撕雞絲粉皮，估唔估唔到啲嘢食都唔錯，尤其是生煎包真係爆曬汁同埋超多餡👍🏻👍🏻👍🏻

今日食咗喺劉興記嘅美食，喺門口已經見到大排長龍，等咗半個鐘，終於有得入去食啦🙈首先, 我哋點咗嗰個蟹黃生煎包🥟, 皮脆心軟, 吞落肚嗰刻,蟹黃嘅香氣慢慢地浸出嚟😋接緊我哋又食咗雞絲酸辣湯小雲吞🥟 湯頭酸辣適中, 入口即化嘅雲吞簡直太鮮美啦! 再配埋一杯低糖豆漿🥤, 解啖掛, 暢快淋漓!之後, 我地點咗秘製上海炸排骨🥩 外焦內嫩, 佐以秘製醬汁, 一啖下去, 好滑好柔, 又有少少咸鹹嘅味道, 令人食完後還想再來多啖!🤗再續上, 我地有嗰個蟹黃拌麵🍜 麵條Q彈爽滑, 再加埋香濃嘅蟹黃醬,簡直係一絕!🤩 每一口都能品嚐到蟹黃嘅鮮甜👍最後, 我地又點咗劉興記嘅招牌生煎包🥟 外皮酥脆香嫩, 內餡飽滿多汁, 連皮帶餡一齊咀嚼, 實在太過癮啦!🥰總之, 每一道菜式都好好味,令我食得好開心, 食到飽飽☺

位於大圍積信街27號地舖的劉興記生煎包專門店，主打新鮮熱辣生煎包。當天天氣炎熱，在門口等候了二十分鐘，有些辛苦。筆者曾經吃過旺角分店，回味無窮，今次則去住所附近的大圍店再吃生煎包。當天約下午二時到達，堂食需要在門口等候約二十分鐘，才可以入座。在等候期間，可以先想好要點的食物。當天也有不少人點了外賣生煎包。。門口擺放着不少老闆與明星合照的照片，頗為有趣。這間分店採用手機掃描二維碼下單，下單後十分鐘，食物便陸續來到了。。📌麻醬手撕雞絲粉皮 + 生煎包2隻 - $54Green bean noodles & shredded chicken with sesame sauce served with signature Pan-fried buns ( 2pcs)開動前，建議先將所有食材攪拌均勻，確保粉皮能均勻地沾上麻醬。麻醬味道濃郁，夏天吃頗為消暑。之後，當然要吃招牌生煎包了，先輕輕咬開生煎包一角，將湯汁倒在湯匙中。湯汁份量十足，襯熱吃味道最好，裡面濕潤飽滿，外面煎得又香又脆。📌鮮雞湯小雲吞12粒 + 生煎包2隻 Mini wontons served with chicken broth

朋友通知大圍有一間爆汁生煎包小店！！！日日都大排長龍，應該食物質素有一定嘅肯定！！我去探店當日，都排咗大概20分鐘~麻醬手撕雞絲粉皮~雞絲同粉皮份量都算幾多，而且係凍食嘅item，可以有開胃嘅功能！麻醬夠曬香滑，整體分數算幾高👍🏻蟹黃生煎包~除咗一般鮮肉生煎包之外，我都鍾意海鮮，可以選擇埋蟹皇黃生煎包，層皮薄到可以見到裏面嘅汁係度「朗朗」下，成件事非常有趣😆咬開就見到好多蟹黃，果然夠曬足料。招牌生煎包~食呢個生煎包真係要非常小心！！如果唔係,一定會整污糟件衫！！與朋友所講每一粒生煎包都非常爆汁，我刻意用匙羹去量度佢嘅汁量，簡直驚為天人！！！肉汁非常鮮甜，食每一粒都覺得係一個享受😌排骨蔥油拌麵~排骨炸得非常酥脆，更可以沾上旁邊嘅辣醬，各有風味，不得不提，拌面嘅醬汁亦調較得非常恰當，唔會過咸！

每次經過此店總必有長長人龍，今日早咗收工決定挑戰一下，排咗10分鐘有位。店舖面積不算很大，大概有十張二人枱，坐低即刻用手機落單。我目標清晰，唔使2分鐘就點好晒菜，雖然只有自己一人，卻點了多款試試。招牌生煎包 $30/4隻我跟住指示進食，先慢慢咬開表層嘅皮，喝了一小啖湯，跟住再點啲醋食埋剩返嘅湯加餡料，肉湯入面食到有香濃胡椒味，豬肉以新鮮梅頭肉製，食到最底咬埋個脆皮，啖啖都有唔同嘅口感，不失為招牌菜。蔥油拌麵 🍜$30麵上放上濃香嘅蔥油，撈埋秘製醬汁一齊食，麵質夠爽身彈牙，麵條的顏色平均，每啖都充滿蔥油醬汁。蔥油雞扒菜飯 $42雞扒炸得香脆，我特別欣賞個菜飯，混入大量嘅菜，飯乾爽得來啖啖都有菜入口。不過眼闊肚窄，最後打包咗同家人分享。總括而言，招牌生煎包出色，有機會想試埋蟹粉生煎包。

好想食上海野，但又想食貴價野，但味道又可以媲美餐廳，我首選呢間。食過一次，已經好想encore，尤其招牌生煎包，上皮薄，下底脆。金黃脆邊加撒上芝麻和香蔥，咬一口滿滿的湯汁溢出，滋味無窮😋排骨葱油拌麵既香噴噴又美味，吃起來也不會太油膩👍🏻豆沙鍋餅，每次到上海館子必吃的甜品，色澤金黃、外脆內軟、甜而不膩。豆漿係低糖，非常好，可以自己加糖來調節甜度😊仲外賣葱油雞扒菜飯比老公，一樣質素不錯！溫馨提示6點半後明顯開始多人好多，無論外賣定堂食😏幸好我6點到先吾洗等✌🏻

劉興記位於大圍積信街，座位空間略有局限，但店舖設計用心，合理利用了有限的面積。餐桌擺設井然有序，位置安排也算貼心周到。門口長期擠滿入內用餐及取外賣的食客，但員工熟練、有效率的安排，即便在繁忙時段，不會給顧客造成擁擠感。今日點了幾款特色美食：排骨蔥油拌麵麵條Q彈可口，搭配鮮嫩的排骨和蔥蒜，味道層次豐富。生炸雞扒酥脆可口，雞肉鮮嫩多汁。蟹黃生煎包餡料鮮美濃郁，外皮酥脆吸引。蟹皇拌麵濃郁鮮甜的蟹皇蟹肉包裹彈牙可口的麵條，加上新鮮爽口嘅青瓜絲，味道層次豐富。雞絲酸辣湯小雲吞湯頭酸甜微辣，湯底濃郁鮮美，雲吞皮薄饀靓，格外好味。麻醬手撕雞絲冷麵麻醬料濃郁香醇，雞絲鮮嫩，搭配清爽青瓜絲，清新不膩口。

今日路過大圍想在這裏吃過下午茶，發現有間新開的生煎包專門店，便入內一試。蟹黃生煎包（2只）$36，生煎豆的底部很香脆，內裏的湯汁非常豐富，加上很熱騰騰，小心會彈到身上。蟹黃的味道香濃，加上香醋，就更加美味可口。雞絲酸辣湯$30，酸辣程度適中，非常惹味，比上海店的味道不會遜色。麻醬手撕雞絲粉$35，麻醬香味濃郁，雞絲鮮嫩可口，加上爽口彈牙的粉皮，再作為前菜非常合適。排骨蔥油拌麵$42，排骨外脆內軟，肉質豐富，蔥油香味十足，非常有上海特色。

✨店舖堂食有18個位左右我6pm去到排了5分鐘就入得，6:30pm 就開始多人，都有3-4個人排緊了❣️上菜速度好快，所以翻枱率高，要等都唔會等好耐💰兩個人食到飽飽既晚餐，半個鐘搞掂，都只係$153（免加一）CP值幾高🔶迷你雞絲酸辣湯+生煎包（6隻） $59配 可樂（+HK$8）一場來到，梗係要食多幾粒招牌生煎包😋 生煎包底會比較厚去承住湯汁，隻隻都煎得香脆包頂就真係薄皮，輕輕咬開，湯汁即刻流哂出嚟🥰 要吸一吸啲湯汁先唔會浪費肉餡唔會油膩，我連食3隻都覺得OK!亦唔需要另外加醋🔶蟹黃生煎包（2隻）$36另一款生煎包就係有蟹黃既、食落冇招牌個款咁多汁，但份量都唔會係細細粒既🔶排骨蔥油拌麵(少油) $42蔥油好香，鼓油調得幾好，如果可以多多多啲蔥就更好啦🔶低糖豆漿 1杯 $8

知道劉興記生煎包最近喺大圍開咗分店, 我都去朝聖下. 傍晚時分去到, 無論堂食定外賣都要排隊, 真係好受歡迎! 我樣樣都好想試, 最後叫咗排骨菜飯+雞絲酸辣湯麵+招牌生煎包. 估唔到外賣拎返屋企食都一樣咁好食, 特別係要讚下生煎包, 超級多汁, 好想再encore👍🏻 個排骨好鬆軟, 菜飯都整得好靚, 酸辣湯底個酸辣較得好好, 平時食開10小辣嘅我都覺得和接受到嘅辣👍🏻有機會我仲想試吓其他嘢食, 值得再嚟!!!!!!!

最近光顧了人氣很高的生煎包店劉興記。因為大圍開了分店，離屋企很近，便步行來吃個午餐。距離港鐵站約8分鐘，店面雖然不大,但裝修簡約大方,散發著溫馨的氛圍。午飯時間店外大排長龍，原來真係咁熱鬧。可能在這區開業不久,所以個個冒名而來，建議如果想前往用餐,可以選擇在較早或下午茶的時段前往,以避免等候過久。等了20分鐘，終於入坐了，我手機下單點了不少菜試試。很快便上菜﹕首要必試當然是招牌菜—爆汁生煎包每件一口生煎包，皮薄酥脆，內餡肉汁豐富,口感超正麻醬雞絲粉皮由於我真心被佢張相吸引，所以點了麻醬雞絲粉皮，果然沒令人失望，超滑嫩的粉皮和香濃的麻醬,好惹味。 豆沙窩餅我也點了經典的甜品,我至愛的豆沙窩餅，外酥內軟,香甜可口,每碟8件實在性價比很高。上海湯麵上海湯麵Q彈有勁，沒其他配料，但我只是想呷口鮮美湯頭，中和油膩感。再加一杯凍豆漿，正啊！大滿足！

大圍最近人氣生煎包店🔥每次經過都見到要排隊⋯⋯ 舖頭位置都比較窄，大家都係食完就好快走，所以唔係排咗好耐就入座！不過可能真係太忙太多人關係，老闆啲態度就真係麻麻地🌚 【招牌生煎包】$20 / 2隻【蟹黃生煎包】$18/隻生煎包真係做到「一口爆汁」💥每一隻都超多湯汁！蟹黃生煎包好足料，真係有蟹黃，不過味道唔出～【招牌擔擔麵】$42湯底真係超級濃郁，花生醬味道都好出！本身個麵質爽口彈牙，好食！【排骨蔥油拌麵】$42排骨炸得鬆脆香口，幾好！但蔥油拌麵就有啲失色，味道就唔係好夠⋯⋯【麻醬手撕雞絲粉皮】$35份量都幾大碗，粉皮好滑之餘仲夠晒彈牙！不過略嫌雞絲嘅份量唔係好足，但麻醬勁香濃，撈埋一齊都好好食！

講到呢到嘅生煎包梗係諗到爆汁💦噴湯😝事實阿公食緊時候都聽到周邊有唔小人話「嘩！整污糟哂件衫」「唉唷！D汁周圍係」「比張紙巾我啦！」所以真係唔可以著新衫嚟嫁🤣🤣🤣(枱面係有張提示咁寫嫁🤪)食物真係唔洗多讚都知🤭連阿公好怕食生煎包都覺得好好食😍阿公想主力講下個蟹黃生煎包🦀唔好以為同出面一樣 食一篤仔蟹黃呢度係成個餡都撈咗蟹肉同蟹黃🤩食落全口都係蟹味 包圍住喺口腔入面😍😍😍真心一定要試🤙🏼🤙🏼🤙🏼大推另外 呢到雖然係QR code落單但樓面哥哥好細心照顧唔同嘅人有老人家嚟會主動問佢哋識唔識又比餐牌佢哋睇 等老人家都落到單睇到咩叫“鐵漢柔情”😆😆

食物普通，唔會回頭，豆漿一上枱真係嬲，小茶杯，細過外賣熱紙杯，有無咁珍貴呀，8蚊唔係咁呀，一係你中意就收貴d，都唔係咁唔肉酸呀麻，尷尬到呀，蟹黃生煎包over cook成個都石豆咁夾唔到，仲要完全無冷氣，熱到痴線