劉萬利咖啡粉麵燒臘飯 (已結業)

呢到唔係環境裝修得似大排檔，而係真係一間傳統大排檔，食物味道係合格有餘，因為重點都唔係味道，而係坐係個到食感覺好舊香港，鐵皮屋頂、木圓枱、舊橙色膠櫈，環境絕對算唔上衛生，不過仍然感覺良好。天氣涼嘅時候食真係別有一番風味。

排檔食亭在香港已買小見小，沙角邨一帶排檔已存在多年，探完朋友順路吃餐風味午餐，選了燒味义燒火肉飯，賣相不太吸引，燒汁夠，义燒質感是半肥較合我口味，飯不夠熱，地方比較污糟，整體是失望的

搬離左沙田一段時間,今日特登返黎沙角邨劉萬利食個飯,唔單單d野好食,淨係份人情味都已經無得比。介紹返今日lunch食左咩先,我的最愛"咖哩炸脾飯",咖哩汁非常惹味,炸脾大大隻,又juicy,無得頂

今次介紹呢間己有三十幾年歷史大排擋，位於沙田圍沙角邨，其實我食佢反可以講食到大，不過做多幾年就要結束，所以十分晤捨得，呢個生炸脾咖哩飯，真係超餸飯，而且雞脾外脆內軟，又便又好食，來開頭記得要幫襯一下呢間老字號大排擋

劉萬利我細細個就聽過呢個名，我絕對是這裡的熟客，所以我冇唸過為佢食評。不過今次呢個假日餐，我不得不讚，厚厚的豬扒，加上醬汁正呀，配上冰凍的檸檬🍋茶，茶味同甜剛好仲有老豆食果個公司三文治也好juice,最重要有芝士，配上新鮮蕃茄唸起都流口水，開衰冇影到

新年流流，食得多就必然嫁啦!難得有一日假，做一場運動先。唔食野點有力呢～於是我地就喺附近揀左大排檔，見人咁多，應該都ok嘅。款式都幾多選擇，價錢合理份量足夠有突（唔大食的話）啲餐來得好快，好有效率，可能廚房夠大，應付得到咁多order...我地揀了常餐，雪菜肉絲米 火腿奄列 牛油方包 唂咕。雪菜不太咸，肉絲細易入口。爸爸叫了早餐沙嗲牛通 腸仔煎雙熟蛋 牛油方包 奶茶。30蚊有咁多野食都算係咁，平時茶記如果依個價，可能會少咁一樣餸。不過，沙嗲牛比較un,汁較濃。

三十多年差不多四十年依然長期爆滿，一定有它的原因。已搬離沙田區，努力在其他地方找回這裡的味道，但一次又一次失望所以依舊長途跋涉回來這個地方。奶茶依然香濃，價錢沒有其他大排檔的升幅，食物卻依然維持水準也沒有細份到！豬扒雞亦依然大大份，雲吞麵依然一樣好味，車仔麵多選擇得來每一樣餸都做到一百分我聽其他食客講話豬腸和出名的辣椒油到今天依舊是劉老闆的親手製作，不假手於人。看得見老闆用心經營，所以三十當年屹立不倒總有它的成功原因

我食足36年，由佢味道唔錯到現在根本不能入口。現在食價貴，質量又差，多人食只因其他比它更貴。愛之深，責之切，希望佢在餘下時間好好學一下如何煮好食物如沙嗲牛肉是梅的，每個食客都不食就知。

不吃力的行山活動，4條友由黃大仙出發終於到達沙田，時間為下午3點3既然是下午茶時間，決定找個地方喝杯咖啡一行4人對沙田不太熟悉眼見有排熟食檔，劉萬利比較多人我們就在這排檔坐下，排檔有冷氣問咗落單亞姐有咩好食佢話咖啡是檀島，好飲嫁咁我哋就各自選 茶餐一份及四杯檀島咖啡我點的是蕃茄蛋菠蘿包使用反蛋煎蛋法，一咬 D蛋汁流曬出嚟雖然味道普通，但卻喜歡這個流蛋朋友點了奶油朱、厚多士 ...他們評價：脆口 即制 不錯至於杯咖啡，我們4位都把它喝光了

呢碗雲呑麵，由五蚊食到依家嘅廿六蚊，佢地嘅雲呑，我會推介俾朋友食，全因為雲呑同湯底到得出色，食完又唔會口乾，真係好過好多出名雲呑麵店，係香港本人覺得係無得輸。有河，米，麵，前兩者無問題，後者「麵」之前係皀味重，呢排個麵底係走咗「皀」，麵底的確係「爽」，而唔夠「彈」，但值得一試。

車仔麵最好就係想揀咩餸都得粗麵幼麵伊麵米粉牛腩魚蛋腸仔生菜⋯⋯⋯⋯⋯要數都有排數雖然有咁多選擇，黎到依間係絕對要叫炸豬扒唔會落好重炸粉炸熱辣辣大大塊小妹再點埋紅腸同生菜配埋腩汁盛惠$23咁就可以滿足一個好飽既早上😌記住早啲去先有，十一點果啲時間應該會賣晒

平時去沙角邨都是晚上吃飯,今次第一次日頭來~~大排檔/茶餐廳,首選當然是沙嗲牛麵~沙嗲牛麵+奄列~~凍飲都係加$1咋!!很久没吃過濃濃的沙嗲醬~~比平常的連鎖茶餐廳好吃百倍!!奄列也很好吃~蛋煎得剛剛好, 非常嫩滑~旁邊的麵包也很好!!非常軟熟~~平時嫌它太硬不好吃, 這次我把它吃掉~冰奶茶也很好喝~~ 茶濃奶滑~有機會一定會再吃!!

由細到大都覺得,最簡單最方便的公仔麵便是福麵,記得以前好多地方的公仔麵都用福麵來煮的,後來大部份都改用了生麵. 至此以後,總覺得早餐的味道差好遠; 所以由始至終,都鍾意劉萬利的公仔麵,而且還有我至愛的組合---沙嗲牛肉+福麵!沙嗲牛肉: 醬汁香濃,還有很香的蒜味,而且汁夠杰身!麵質: 福麵(喜歡福麵的人實鍾意)劉萬利的早餐套餐還包括一份三文治. 吃完麵後,再用汁沾包來吃,味道十足!最後,當然唔少得香滑奶茶啦!晚餐還有另一推介: 炸雞脾茄汁意粉, 雞脾份量十足,茄汁又夠香夠多,意粉是港式的肥大軟意粉! 實行童年回憶番晒黎!

試了雲吞麵，淨雲吞，豬紅蘿白，豬皮蘿白在呢個地方，出奇地有驚喜雲吞麵的麵質好爽口彈牙，而雲吞一口剛剛好，蝦及豬肉的汁在雲吞內豬皮蘿白都入曬味，蘿白無渣，而豬紅也不差，軟滑，但我分不到是雞紅定豬紅味道都不會太咸而且大大件，不會太碎

所謂"各花入各眼", 此句亦適用於奶茶, 我認為, 去評一杯奶茶, 以客觀角度, 只是在於茶色, 茶香, 茶味(濃度), 至於去評論一杯奶茶好唔好飲, 只可以用主觀既感覺去評價, 因為 "各茶入各口", 只要係我覺得正, 冇論佢茶色茶香茶味都不及其他, 它仍然係"My Cup Of Tea"以下係我個人評價:因為凍奶茶, 沒有太強烈的茶香味, 茶色OK, 花奶比例適中, 少甜後的甜度岩, 飲完唔會有餘甜起口腔. 我明白唔會每一次都可以調較岩自己口味既奶茶, 但至少偏差不會太大! 沒有天下最好的奶茶, 只有最岩自己口味的奶茶!