加多娜天然酵母手作麵包店

营业中

休息中

一講到嘉多娜，大家可能都會諗起佢好出名嘅布甸包。風靡一時，吸引咗好多人排大隊去購買。但其實嘉多娜仲有其他產品都好值得大家關注，而我想介紹嘅就係佢嘅麻糬3Q 酥（台式豆沙3Q酥)一個令我呢個麻糬控心思思，食過返尋味，擁有驚為天人配搭既麻糬酥🤩一排冇食，官方將呢個咁好食嘅酥，改咗名叫台式豆沙3Q酥。3Q 酥十分有內涵，鬆軟嘅酥皮外層，包滿滿嘅內餡，材料包括有肉鬆，豆沙，麻糬同鹹蛋黃。每一隻都十分飽滿，脹卜卜。一啖咬落去，可以試到哂所有餡料，簡直係幸福嘅感覺。🥰 超級推薦大家試下！不過都提醒一下，食哂一隻酥會幾飽肚，記得要留肚食😉

訂了個半磅生日蛋糕，回家卻發現士多啤梨是爛。雖然店員取餅有開盒畀我睇，只怪我睇得唔夠仔細。有的失望，估唔到訂造，質素是如此這般。$140/半磅，雖然不算貴，但也不是特別便宜，不會再訂下次了。

布丁麵包，中間嘅布丁係偏甜，但係奶味好濃郁，同埋口感係比較紮實嘅，麵包係偏歐包口感，法棍包，煙煙韌韌夾埋布甸好夾，越嚼越香，朱古力味嘅布甸包都好食，不過我最鍾意係原味。

位於油麻地碧街的加多娜天然酵母手作麵包店，以其獨特的面包品種受到廣泛喜愛。特別是他們的芝士吐司，充滿了大量的芝士粒，讓我每次經過都無法抗拒而不買。然而，布甸麵包一直是我未能嚐試的選項，因為總是有太多人排隊，讓我每次都放棄。但今天在買芝士吐司時，我終於見到滿滿一盤原味布甸麵包，於是立刻買了兩個回家。芝士吐司加多娜的芝士吐司是我最喜歡的選擇之一。這款吐司內部充滿了豐富的芝士粒，給予每一口都濃郁的芝士風味。每次經過店面，我總是忍不住買一份，享受那香氣四溢的口感。布甸麵包布甸麵包一直是我心心念念的選項，但由於人潮眾多，我從未有機會品嚐。然而，這次終於買到了兩個回家。回到家後，我使用焗爐加熱了約5分鐘，麵包的外層保持著脆脆的口感，內部則是柔軟的質地。布甸的豐富蛋香與麵包形成了一種口感上的對比，讓整體味道更豐富。但是布甸的甜度稍微過高。小總結❤️❤️❤️❤️📌芝士吐司充滿芝士粒📌布甸麵包外脆內軟，口感豐富📌布甸麵包的甜度稍微過高

位於油麻地 A2出口 一出就見到幾次黎開油麻地 一出地鐵站就見到長長既人龍排隊🧐一直都好好奇 究竟有幾好食先咁多人排隊🥸難得小伙伴收工途經無人排隊 當然要買番兩個法式布甸麵包😊今次食左原味🍮 同 朱古力味🍫麵包脆皮且薄 無咩味道忌廉流心效果非常好 咬一小口就慢慢流出黎👍🏻無論係原味或朱古力味都有少少偏甜😌個人口味黎講過甜 雖然幾滑 試過一次就好😬方便指數: 4.5/5 環境指數: 3.5/5美味指數: 3/5回頭指數: 3/5地址: 油麻地碧街54號地舖

今天經過油麻地，離遠見到有好多人企係某間舖位，自己八卦走上前看，原來就是聞名不如見面的「加多娜天然酵母手作麵包店」，出面和入面都人山人海， 自己就湊下熱鬧入去買咗個提子鬆餅、咖啡鬆餅、椰撻、迷你叉燒酥和原味泡芙! 個迷你叉燒酥細細個 ，非常足料，味道可以，好飽肚! 椰撻好香脆又不太甜，又有椰蓉香，好新鮮! 至於個提子鬆餅和咖啡鬆餅就外脆內軟，非常鬆化 ，而且又香噴噴，食落不會覺得太油膩! 個泡芙就肯定冇得輸， 外皮很鬆化， 啲cream勁多又香滑，又不會太甜，實在一吃難忘!如果大家經過油麻地碧街， 不妨去這間餅店看看，令你有意想不到的收獲!

🍮.呢間小店係布甸包既表表者，當日排隊等出爐都排咗30分鐘，而且人龍都幾長下，眼見好多人都買半打走，可能有太多好評所以有期望結果就失望了😢💓法式布甸包 $15口感方面其實蛋味都算重不過雲呢拿味太勁而且實在太甜啦🤢而且個質感唔係話杰身嗰種 食落去都有少少麻煩 搞到好輪盡咁🥶最大敗筆係法包 超級超級硬 唔知大家有無食過餐廳既法包 比起嗰款硬幾倍😔同埋新鮮出爐黎講個法包都係凍同入面既蛋一樣 感覺有小小奇怪🥺另外仲有朱古力同綠茶紅豆味架🫶🏽嘉多娜餅屋 (佐敦)🥢佐敦文苑街1-23號文英樓地下1號舖🥢油麻地碧街54號地舖🥢何文田窩打老道69號地下C2號舖

呢間麵包舖之前大排長龍 每次去都要排隊等候🙈最近經過見到仲係有好多人排隊（甚至多左好多遊客🙊）就知道呢間鋪頭既食物質素唔差啦🙈1️⃣【原味泡芙】 $20呢間鋪頭雖然最出名係布甸麵包〰️但我私心最推薦呢一款！面頭脆皮咬開要小心〰️又係一款爆餡之選 澎湃程度其實唔輸布甸麵包😆😆入口非常細膩 雲呢拿味好濃郁 推薦✨✨2️⃣【法式布甸麵包】 $15呢個係最經典既選擇！👅亦都係我最推既一款布甸麵包🙈布甸麵包對我黎講其實有少少偏甜 不過勝在好味😋皮身好煙靭 配埋餡食啱啱好 鍾意食bagel的朋友可以試試！😙✨3️⃣【朱古力布甸麵包】 $20老實講 我唔係好鍾意食朱古力製品🙈所以就唔係好鍾意呢款🙊但入口朱古力味好濃郁 朱古力下面仲有一層原味布甸醬 頗有層次感✨鍾意食朱古力的朋友可以試吓〰️4️⃣【抹茶紅豆麻糬布甸麵包】 $23我絕對可以算係一個抹茶控😙但係唔係好鍾意抹茶同紅豆夾埋一齊食🥹呢款我覺得抹茶味唔錯 入口微苦澀 加埋面頭紅豆食都算可以接受😆最緊要係仲有一塊麻糬在餡料中間 唔會過甜 唔錯！✨🌟呢個價錢試一次可以 但如果要我試第二次 我會選擇食原味😙😋：8.5/10性價比：8.5/10回頭指數：9/10 📍嘉多娜餅屋

太意外啦！收工7點去諗住買我最愛的抹茶紅豆bagel，竟然仲有布甸包➕開心果泡芙！！！抹茶bagel冇放雪櫃第日都係好好味，但係泡芙一定要即食喇！布甸包原味比較好食🤤芝麻覺得一般，可能我期待太高喇..

平時經過油麻地都會去加多娜買麵包食，佢D 麵包好多都好好食同好出色。但一直沒有機會去買佢地既人氣布丁包，因為要排隊同埋要就返爐既時間。今日經過咁岩6點幾冇乜人排隊，所以一口氣買左4個返屋企試下佢。買左2個原味，1個朱古力味及1個黑芝麻味試下。聽人講依個布丁包有3個食法(放雪櫃凍食、常溫食及焗熱食)，因為我鍾意食熱既食物，所以全部都拎晒去焗5-6分鐘。❇️原味布甸包 $15呢個真係非常經典，法包煙韌得嚟又唔會太硬，中間嘅布甸好滑，雲呢拿味同蛋香味好夾，果然係必食推介！❇️黑芝麻布甸包 $23黑芝麻味好香濃，咬開嘅時候聞到超香芝麻香，同埋見到勁多芝麻流心流哂出黎超級治癒。❇️朱古力布甸包 $23個人覺得朱古力味比黑芝麻味更好食。佢既朱古力味好出色。佢既朱古力唔係死甜果隻，唔似小朋友朱古力，鍾意朱古力既朋友一定要試！總結：性價比覺得最好係買原味，唔講價錢我就鍾意食朱古力味多Ｄ。希望下次可以試到最人氣既京都抹茶紅豆麻糬布丁包！😻

嘉多娜🍞🍑開心果泡芙🫓最上層有一個白朱古力開心果醬+碎碎做裝飾，而裡面內餡喺一個流心+好creamy開心果吉士 ，份量好多🥰，每一啖都食到好足料。而開心果顏色偏深綠色🍀，但味道就冇上一次食咁驚喜🥲，開心果醬吾太突出，反而杏仁+吉士醬比較重。而佢泡芙皮好脆吾會好厚，吾錯👍🍑琥珀合桃朱古力泡芙🍫最上面有一粒好大既琥珀合桃🌰，而裡面內餡既朱古力醬都係爆多🍫朱古力味好濃郁，內餡朱古力醬比較結身，味道有少少酒味🍷，朱古力偏苦，不過不失啦

媽咪去開油麻地，佢話見到一間麵包鋪好多人排隊，佢就買咗個原味鬆餅俾我試下。下午茶時間食呢個鬆餅係唔錯嘅選擇。鬆餅幾軟身，唔會太硬，入面仲有唔少嘅提子乾。咬落去有微微嘅甜味。

一直都係佐敦店買的，今日在油麻地店買咗3隻，係第一次覺得失望。☹️首先非常小，原味麵包體軟到冇辦法挖好窿，導致挖唔深，布丁液非常少且偏甜，偏甜ok接受到，但攞起來的大小，重量和軟度，真的崩潰。再來芝麻布丁包，麵包體都係太太太軟，重點係上面撒的幾粒芝麻有點霉味，當然應該唔係真發霉，但真係有果種味道。可能我運氣太好了⋯⋯

難得出旺角點都會兜一兜嘉多娜3點半人頭湧湧 水洩不通但焗房都繼續出品一入鋪直衝$20/3個芝士包今日焗得有小小燶，但係我都照買😂款式無何文田咁多但係最出名嘅款式有齊另外見到新鮮出爐，熱辣辣嘅洋蔥芝士包，加多個蕃茄包 $18/2個黎緊幾日嘅早餐有著落😌

細妹從外國回港，話一定要是，一早知道佢每日都要排隊，所以預先計啱時間就去排隊。4:30一輪買咗原味，紅豆同埋芝麻，咁啱6:00又經過，所以買埋朱古力味。色口感係，原味冇其他牌子嘅甘甜，我個人就鍾意芝麻味，因為係當中比較淡味。如果有朱古力fans，就要試吓朱古力味，因為佢應該係用dark chocolate做嘅。四款之中，紅豆係最甜。總括嚟講，都係非常值得一試嘅，推還有，店員指示，回家用焗爐180度焗3至4分鐘，會更加脆。