加藤屋 (H.A.N.D.S) (已結業)

第一次係OpenRice 寫食評就貢獻左俾呢間鋪啦，不過都係值得既。因為第一，有良心💛第二，有質素🏆日式麻辣牛肉飯—我本身都鐘意食辣但又怕辣，佢有三種辣度揀，我叫左個小辣，但都有少少擔心會好辣，點知個麻辣度岩岩好，牛肉汁又濃但又唔會多到水浸甘，岩岩好，重點牛肉份量又多，正爆脆蝦角—個樣成個三角春卷甘，見到賣相普通有d失望，一咬落去有驚喜，好多蝦肉好正，又唔油膩叫左個飯加左小食，跟埋野飲先$49，平過我而家返工放break去茶餐廳食，又平又飽肚又有質素🥰#黃店果然高質

正當個個排新牛肉飯，小pin就湧去食本土貨先～痴咗線學生證優惠可以減8蚊，星期六、日都用得，連博士生都有份，真係14歲到44歲都有優惠😂—————————————————🔹豚肉雜炊壽喜燒湯底 ($38) 〔轉烏冬+$2〕🔹野菜牛肉飯 ($39) ..呢個雜炊超驚喜！覺得比起pepper lunch 2.0嗰個更值得試，感覺係已經煮好嘅一人邊🤪 湯底非常濃郁，就係去牛陣打邊爐個陣會食到嘅～甘甜帶油香嘅湯底，同粗身滑烏冬好夾，豚肉份量多過飯餐，啱啱好又唔會太老！🍲 入面仲有油豆腐、獅子狗同蟹棒，大量椰菜、木耳、冬菇、金菇同粟米，驚喜位係隻蛋完全唔過老，正！😍..🤙🏻: 成個餐有埋嘢飲，真係抵到擔心佢會蝕🤲🏻大家食日本bb時都唔好忘記加藤😋

加藤屋下午茶時段，$15一份細牛肉飯/細豚肉飯，我個人喜歡在接近6時下午茶時段即將結束時下單，要兩份下午茶餐，總數$30, 吃得飽飽，就不用吃晚餐。雖然下午茶加價在即，加至$20一份，但依然很化算。

朋友竟然話未食過加藤屋，噢！其實它係唔同地區都有分店，感覺它就係吉野家+paper lunch合體，當然味道比佢地出色!!!今晚試左個新野，麻辣口味~~ok喎....但覺得自己下次只可以叫小辣，朋友幫忙落單，佢叫左中辣比我，佢自己果個都係中辣，大家食後都有同感，下次叫小辣就應該啱啱好，中辣有少少比辣味蓋過本身食物既味道。另外男友叫左個黑椒三文魚，佢都話好好味!!!仲分左少少三文魚比我，佢果個好惹味，一黎到係咁炸炸聲，連隔離枱既小妹妹都問佢媽咪，咩炸炸炸~~~啱啱比分，突然間想起，不得不讚係呢度既員工，有兩個幫手執野既姐姐，勁好禮貌，又客氣，又幫手搵位，仲有親切笑容，雖然對於路癡既我都迷左陣路先搵到，但真係好想比管理層知道，(26/11夜晚幫襯)你地請到呢兩個姐姐真係你地福氣，呢啲咁高質既員工真係難求，我會因為佢地再多啲黎幫襯你地!!!!

🌟#加藤屋 #Katoya🌟#力撐黃店💛📍繼罷食無良吉x家後🙅🏻‍♀🙅🏻‍♂想食一人一火鍋到底在那裏可以找到呢？終於是飲食界找到另一平又好食的火鍋🍲雖然這間餐廳早前取消了火鍋，但它的鍋物都有類似的水準🥘期望向加藤屋反映民意，將火鍋重出江湖🤩請大家多多懲罰黃店🎉✌🏻.🎈雜炊泡飯配豚肉汽水套餐💲3⃣8⃣. 加藤屋是黃店的又一力作💪🏻💛其實它的食物種類也有很多說回這套餐...在火鍋裏有多種食物例如爽口木耳，第二日再見的金菇😆還有...香菇，豆卜，玉米，椰菜等不能少的當然有豚肉🐽🥓也有不可缺少的主角泡飯米飯吸收濃厚的湯汁亦保留米飯口感和香味👏🏻. 加藤屋 (屯門店）地址：屯門鄉事會路2A號 H.A.N.D.S N區2樓N-204-206號舖營業時間：星期一至日 11:30-22:00.評分5🌟為最高；💫為半粒特色：🌟 🌟 🌟 性價比：🌟 🌟 🌟 🌟上菜時間：🌟 🌟 環境：🌟 🌟🌟味道：🌟 🌟 🌟 🌟 🔸太和，慈雲山，深水埗都有分店🔸 💛之前有幾間已結業，有街坊都覺得好可惜，希望餐廳可以捲土重來💛😇記得follow ▶️@tastemysay◀️💋💋💋💋💋 .#TMS香港 #TMS屯門 #TMS太和 #

《高質鐵板餐》良心小店梗係要多d幫襯💛我同男朋友之前食開佢嘅牛肉飯，上次見隔離枱鐵板餐好香，所以今次就試試佢嘅鐵板餐！🔻黑椒牛肉鐵板餐（另加車打芝士 有野飲）評分：🌕🌕🌕🌕🌑價錢：$5x加埋芝士真係好好食，雖然pepper lunch都係略勝一籌，但CP值嘅話，加藤屋贏呀👍🏻🔻黑椒三文魚鐵板餐評分：🌕🌕🌕🌕🌑價錢：$5x份量十足，好香三文魚味，仲有少少脆卜卜嘅飯焦，可以再試😋

呢間餐廳最近火紅火熱🔥，身為良心食客緊係要黎探個究竟，睇下佢到底有幾值得懲罰！睇下餐牌，望落同吉野X差唔多，不過就多元化啲，連湯飯、鐵板同鍋物都有！🔸🔸重點：平！好！多！🔸🔸（唔知upload左會唔會好濛呢，睇得唔清楚小妹講聲sorry🥺）第一次食，叫左個最基本嘅豚肉飯，配可樂，朋友就叫左牛肉飯，配7喜。加藤豚肉飯（$35）連汽水🔸豚肉入味，而且份量足夠，鋪滿成個碗面🔸洋蔥都好林，有汁👍加藤牛肉飯（$39）連汽水🔸牛肉味道同吉野X好似，但加藤屋份量明顯無咁吝嗇，同樣係鋪滿整個碗面-呢個時勢仲有$3x一個餐，包埋嘢飲，真係抗通脹😭仲要肯罷工，係真正嘅良心餐廳。而家吉野X成日都唔開鋪🙊，都無辦法，無牛不歡嘅你不如試下加藤屋啊💛

有黃氣 有鍋氣 有良心晏就係市中心買完野特登行過去支持勁好食 叫佐兩個小食兩個餐先$98 平時市中心食晏都要$1xx~$2xx男朋友食加籐牛肉飯，個汁好正 佢話洋蔥味好香好出不特只牛肉更有一陣清香既牛味連我都忍唔住食佢幾啖佢又調返轉鐘意我個湯底睇我地全部清晒就知啦 已經完全代替佐x野家又抵又正宗日本味道，自己偏心佢個壽喜燒湯底，次次都叫勁濃勁入味坐到學生放飯時間又係勁多人如果唔係學生就早啲去食或者等放返時間之後先去食

網上聽聞加藤屋是最強黃店，於是特意行咗廿分鐘前去拜會。去到已經Full晒，而且顧客主要以學生、年輕人為主。我同朋友兵分兩路，一個搵位，另一個排隊點餐。由於人數太多，我諗點餐後要等半個鐘先有得食。麻辣豚肉飯（少辣）老實講，少辣對我黎講都好辣，但愈食愈爽，好快咁食完個飯。個人感覺黎講，個飯似吉X家既飯底，辣就似譚X米線果種辣，隻公仔似美式快餐店其中一隻，亦可以拎牛肉汁撈飯，感覺好奇妙。杯奶茶偏重奶味，無咩茶味，相對失色。豚肉份量都幾多，我食完個飯都仲有幾片淨低。有辣味既飯唔常見，講良知肯罷工既連鎖店更罕見。口號唔講喇，請大家食到佢無晒材料，等佢盡快收工吧！

諗住去食牛肉飯啫，駛唔駛咁多人呀... 似乎係因為就快取消一日火鍋...點都好啦，都無諗住食火鍋嘅。我地由牛肉飯開始講起。牛肉色水較淺，洋蔥較爽口。泡菜唔算辣，有一陣好濃烈嘅麻油味。我就覺得唔夠辣，但同行好友覺得好食喎。咁我因爲太耐無食牛肉飯，所以我都覺得唔錯。反而我食嘅咖哩鐵板牛肉飯幾驚喜！鐵板夠熱，有微微飯焦香。蔥同粟米都好夠好，好香口。牛肉生熟你可以自己拿握，我覺得生生地時都幾好食。唯一一點係我覺得咖哩汁太多，下次可以叫佢小啲。

良心店唔洗講一定撐，絕對適合掛住吉野家身痕痕嘅你！🤘🏻借個加藤B比你r兩下！————————————————————🔹加藤豚肉飯 ($35) .好耐無食豚肉丼飯！呢個同吉仔有8成似，係差咁啲酸薑！識叫一定多汁，撈埋彈牙珍珠米同洋葱，係久違嘅味道！35蚊，包嘢飲抵到爛，美味しいですね！.同場加映加邊餐牌，好掛住以前烚下烚下嘅日子，遲啲去試埋先！🍲下午茶仲嚇到出宇宙價，15蚊一碗，真係叫足兩碗都唔肉赤，係飲兩杯嘢要揾廁所～🚽🚺

周日帶著兩老兩小孩找地方用午餐，剛好孩子說想食牛肉，就第一次來加藤屋。係，住附近咁耐，全家都係第一次黎。當初擔心會否不合家人口味，因為兩老以往不太好吉野家。幸好加藤屋還有鐵板餐，老人家都食得好開心。大仔一個人清曬成碗牛肉飯😮 我怕細仔咬唔到牛肉，就叫左雞肉飯，又得左。不過大台得一張，6個人坐有d難，結果分兩張台坐。下次要早少少霸位先得。

15蚊下午茶餐，有杯凍飲加一碗牛肉飯（或者雞肉 豬肉）仲想點？佢份量適中，牛飯可以加汁第一次去既話，建議唔好自己揾路，因為個商場格局好奇怪。（啲屋村商場俾領展玩過之後，越來越衰😤）我唔係咩食家 牛肉食落就同吉X家無咩分別。有機會再試其他嘢食。

半年冇黎加藤屋，有d懷念佢嘅火鍋。唔知係唔係大家都少食吉野x， 加藤屋比之前多人。記住要支持加藤屋呀！ 同往時一時黎到就係要同朋友食鍋類嘅野。以鍋類黎講，性價比真係高。我叫咗鍋物定食配豚肉。豚肉有d肥，整到成個湯都有d油材料仲有蟹柳、半隻糖心蛋、金菇、冬菇、粟米、木耳。湯底係日式濃湯，不過叫完後悔咗一秒，因為平身想食清淡d。之前食過麻辣湯都唔錯架。食咗咁多次，其實都分唔鍋物定食同雜炊鍋嘅分別。兩個損友叫咗雜炊鍋，材料都好似同我差唔多。雜炊鍋/ 鍋物同火鍋嘅分別係預先放好材料，但冇咗自己落料嘅快感。 如果有人知鍋物定食同雜炊鍋嘅分別，請pm我呀！

今日想食下日本牛肉飯就諗起屯門都有間加藤屋聽朋友講話好好食就一於試試佢啦搭巴士去到輕鐵安定站附近落車因為唔熟路 行左十五分鐘左右先搵到沿途食肆都冇咩人但唯獨加藤屋個場都幾多人仲有人係門口等緊外賣幸運地我地唔洗等都搵到2個位由於我唔係好食得牛(皮膚會敏感)加藤屋完全係我嘅恩物呀因為佢有豚肉飯！(吉x家係冇嫁 )叫左個餐$38 仲有埋味增湯好抵食呢試試佢嘅味道真心好食過吉x家 惹味好多 豚肉夠晒細嫩鮮甜個汁超晒班 再配上粒粒珍珠米係絕配呀男朋友個碗牛肉飯更係特盛好食唔再講要講嘅係佢份量原本佢已經肚餓 但呢個特盛都差少少食唔晒份量十足 又係好抵食美中不足嘅一點係入面冷氣唔太夠但都可以接受整體黎講 希望佢可以開更多分店咁就更多機會食到佢