加藤屋 (H.A.N.D.S) (已結業)

一個小牛肉飯才$15加$1麻辣汁再加$5炸雞🍗自助區冷熱水任飲最令我驚喜係杯玄米茶⋯⋯我覺得杯茶好似有d油，唔知係杯問題定點唯有放棄，食飽後，有個姐姐幫我收餐盤，發現我整杯茶無飲，查詢我有咩問題然後佢再三確認我有否使用過杯茶，我答案係NO！佢話要攞返入去同佢公司反映，希望有改善嘩！對上有次有咁嘅服務係我係四季酒店食法國菜個待應問我點解食剩咁多對食物有咩意見！我今日食碗牛肉飯咋⋯⋯不過個收銀就黑面d！呢間嘢係我屋企開左咁耐我都未幫襯過，我對你地唔住呀！好人一生平安食物對得住個價錢有突🥰🥰

第一次食加藤屋，食咗個牛肉飯，有杯汽水，加錢要埋個瘋薯圈，都只係23蚊~下午茶嚟講真係平通街!牛肉飯啲牛肉都好足料，我哋兩個人食一個飯（唔餓但又口痕），都食得好滿足~瘋薯圈好大舊架原來，成隻手掌咁長~初頭當粟米咁咬，食到成面都係 XD 其實褪支竹籤出嚟咪方便食囉~個薯好處係唔太咸，食晒成個都唔會話頸渴坐對面有對年長夫婦，一個喺度嗌話好多人呀，爭啲無位坐，做咩唔去隔離鋪食~另一個話咁我想食啖飯，呢度啲肉又整得夠淋丫嘛~睇嚟都多fans啊～

週末繼續四圍覓食，今次友人提議先到鄰近商場醫肚再觀賞電影。結果就走到來這邊的「加藤屋」。原來是一家日本丼飯連鎖店。最吸引的是價錢，當時正值下午茶時間，丼飯低至$15，絕對是親民至貼地。可能是價廉物美的關係，點餐侯餐都排了一條長長的人龍。等侯取餐的過程有點久，不過原來水吧只有2位店員工作，面對著大量訂單，也是值得體諒的。其實就是珍珠米飯加豚肉片，米飯份量對女生來說非常足夠。付款時發現正價購買飯餐的話，其實是可以免費添加飯量。珍珠米飯淋上了肉汁，不會太平淡乏味，肉汁咸度適中。豚肉片混合了洋蔥絲，雖然肉香味和嫩滑度不是很好，但整體不過不失。$15的一碗丼飯，還附上一杯汽水餐飲，絕對是窮人恩物。

今日決定黎加藤屋食lunch安定輕鐵站 沿住商場接駁天橋行唔洗一分鐘就到 落雨都唔洗擔心🤩好方便中午大約12點 都有好幾個人等緊餐牌都有好多款式！今次就試下鍋物啦😋唔洗企喺度等 睇住顯示屏 就知道幾時取餐啦！非常方便😎👍🏻有野食喇！熱辣辣既日式牛肉拉麵🤤（轉拉麵/烏冬+$2）用鐵鍋 食到尾都仲係好熱 非常保溫而且非常足料 有牛肉 竹輪 蟹柳棒 半隻蛋蔬菜方面 都有椰菜 粟米 金菇 木耳絲 紅蘿蔔 冬菇絲等肉都蔬菜都平衡到 口味多層次之餘 又健康👍🏻食到好飽！好好味 咁都係$42仲有可樂飲（有zero可樂👍🏻）同場加映 - 特盛牛肉飯好 大 碗 呀 ！今個lunch抵食又飽肚非常推薦大家去食👍🏻

牛肉汁本身有麻辣味，均勻入味，好食過吉x家，另外一樣有不同選擇，有鐵板，有湯飯，都有豚肉選擇，平時食lunch都會選擇光顧。可以free of charge加飯，好抵食

我地成家都鍾意黎呢度食，似吉野家但味道好好，價錢又平，唯一係無bb椅啫，地方大但大部分時間都有位坐，啲姐姐好helpful又nice~~食物方面打邊爐、食飯、烏冬乜都有，超正！

#藍青口海蝦湯 $59有3種湯底揀 分別係清湯、麻辣湯同埋壽喜燒日式濃湯而肉類都有3款揀 有牛肉、豚肋肉同雞腿肉麵都有4款揀 免費嘅有白飯同即食麵而烏冬同紅薯粉要加$2飲品都有好多選擇👍🏻👍🏻👍🏻員工服務好好 幫我地整個鍋嘅時候不停叫我地小心到差唔多要加湯嘅時候又話我地知邊到有湯🤣火鍋配料都幾多 一個人食絕對夠飽唯一要彈嘅係壽喜燒湯底唔係幾夠濃略嫌有啲淡 如果再濃味啲就好😩評分:6.5/10

呢間店裏面差唔多咩都有，而我最想講嘅係裏面嘅打邊爐😁 呢個芝士火鍋好正！ 首先要講一講裡面分別唔同嘅兩粒芝士丸😎 第一粒係平時普通買嘅白色芝心丸， 但係呢個好得意，係花花形😍另一粒係黃黃地啡啡地，望上去似魚蛋既芝士丸， 呢個咬落去有勁濃嘅芝士味👍另外就係裡面既蟹柳，好鮮甜😋仲有就係牛肉，佢有得揀牛、豬、雞，個人認為牛好食😍本身覺得會好多根，但係認真好食，唔韌。最緊要係價錢🤔認真覺得便，因為我同屋企人叫咗7個爐，額外追加6碟牛，再加兩碟蟹柳，仲有4粒濃味芝士丸都係$600樓下，相信如果係出面咁食法，仲要成功填飽7個人既胃，$600樓下應該唔得😂😂😂仲有就係佢有三個湯底揀，濃湯、麻辣湯＆清湯。如果鍾意食辣，可以食麻辣湯，除非真係好食得辣，如果唔係，個人認為叫小辣已經夠，因為佢會愈滾愈辣🤭🤭

麻辣豚肉飯(中辣)+汽水($36) 麻辣米線食得多，第一次見到有麻辣飯，咁我當然要試下啦。唔知係咪太少人點麻辣飯，都等左5-10分鐘先有得食。預期既豚肉係一件件，原來加藤屋既豚肉係薄切，好腍好嫩，好似食緊牛肉咁。$36既價錢，有超大碗飯加上食極都仲有既豚肉，我認為係超值。本身都唔係好肚餓，因為麻辣汁太惹味，都食左8成，超飽。(個人口味: 3.9/5)鐵板牛肉飯(黑椒味)+汽水($49) 味道同某連鎖店相似，價錢更親民，份量都唔算少。牛肉夠腍唔韌，好食，性價比高。(個人口味: 3.6/5)整體而言，加藤屋食物款式多，既有牛肉飯、豚肉飯、鐵板飯、咖哩飯，仲有火鍋，可謂集各家之大成，價錢相比其他連鎖店更加親民。香港只有4間分店，絕對有潛力開多d分店，增加競爭力。有機會想試下鍋物同火鍋(配料區仲有蔥辣椒生蒜炸蒜提供)。

無意中竟然發現了呢間抵食既加藤屋。叫左個鐵板麻辣雞扒飯。 上面淋左麻辣粉，不過吾算好辣。 d 雞都煎得幾香口，又多蔥，鐵板燒到d 飯好香好脆，都幾抵食，下次仲會再去😋😋😋

加藤屋在我公司附近，所以常常在這間餐廳享用下午茶！令我愛上了這個日式牛肉飯。牛肉飯很有某間餐廳的感覺，牛肉味勁濃，肥瘦適中，牛肉份量十分充足，不會因為下午茶的份量已減少。還配上一杯綠茶，剛好可以幫助消化！

有朋自澳門來，但遇着星期六，諗起屯門市廣場長長嘅人龍，都唔想嚇親悠閑慣嘅澳門朋友... 搏一搏，帶朋友去食一人火鍋(頹食)，真係未試過咁樣宴客...😛四川麻辣，日式濃湯各有喜好，同樣出色～三過火鍋，追加蟹棒，都只係＄180，超值～麻辣湯底，推介跟薯粉😋，我試過跟飯，就係唔襯咯～😆火鍋配料肥牛，芝士丸，蟹棒，蔬菜，全部都一絶～全部店員招呼一流，提我哋加湯，幫我哋換gas都極細心... 係近年遇過嘅快餐店，少有嘅優質服務態度...食物好食新鮮，仲要加埋店員嘅優質服務，都係我安心推介朋友嚟，再次幫襯嘅要點～食慣四川麻辣火鍋嘅朋友都大讚，證明我真係冇介紹錯，先鬆咗一口氣...～😂每次食完，都會有返優惠券俾我～

上次無無聊聊走左去屯門安定呢邊嘅商場試左呢間牛肉飯，佢埋單時送左2張4蚊coupon俾我等我次食野用，就等我今日試下其他飯用埋佢啦。今日來過經典一d嘅組合，叫一個泡菜牛肉飯同埋一個雞飯試試先。泡菜牛肉飯望落無咩特別，同吉野家嘅牛飯個樣差唔多。最令我印象深刻嘅係佢嘅泡菜，本身諗住佢嘅泡菜味道應該係韓式泡菜，但我硬係覺得佢係川菜口味嘅泡菜，加埋日式味道嘅牛肉我就覺得麻麻地。如果想食辣都係叫佢嘅麻辣牛肉飯會好d，我諗唔夾係因為泡菜同牛肉喺個飯上面係分開放落去，佢地唔係放埋一齊煮唔係一味餸。至於個雞飯，見到個賣相已經覺得有少少伏，食左一啖雞真係覺得中左伏喇。雞肉好乾身，同眼見嘅係一樣，入面乾爭爭，個飯又無咩汁，雞嘅份量亦都唔多。大家下庚嚟呢度食飯，我諗都係叫番牛肉飯會穩陣d，始終都係佢地嘅招牌菜嘛！

無無聊聊咁嚟到屯門嘅HANDS，又到左食飯時間就梗係要睇下有冇新野，食完先番屋企啦！上網search 見到呢間同吉野家係死對頭嘅牛肉飯，當然要試下好唔好食啦。HANDS 呢個商場明顯地係由一個舊嘅屋邨商場改裝而成，除左佢主要幾座商場之外，仲有D 散落左喺邨下面嘅二樓舖頭仔。呢個商埸我唔係太熟路，所以我最終係行左去客戶服務中心問人。客戶中心嗰位姐姐好熱情咁話我知喺邊。原來間舖係要行番出去商場外面，喺譚仔嘅隔離，佢嘅指示咁清晰，所以我都好快搵到喇。既然佢係同吉野家係死對頭，應該係出名食牛肉飯，咁第一次試呢間無理由唔食牛肉飯。佢嘅牛肉飯都有D 新意，佢出左個麻辣牛肉飯聲稱係佢首創嘅。佢嘅辣度係有得選擇嘅，想淺嘗可以好似我咁叫個小辣試試。牛肉飯賣相正路，肉眼見到有少少辣粉喺面。食落係有少少麻辣味，佢嘅辣唔算好辣，比較偏向係香辣，我覺得幾開胃，食得過。至於牛肉質素我自己就覺得同吉野家差唔多嘅。另外我亦都叫左個和風咖哩豬扒飯，豬扒比我想像中細，飯量正常，至於咖哩嘅味道亦都係一般嘅日式咖哩味道。咖哩汁嘅份量亦都岩岩好夠撈晒D 飯！兩個人食日式野埋單每人唔洗$100 ，以晚餐嚟講，已經唔算貴。下次再食

第二次黎食。對上一次傷風病緊好厭重。點左個和風 豚肉飯食。今次都重係病。點左野菜 豚肉飯食。好多菜同啲肉都咸淡適中。 麵豉湯就咸左啲同苦苦地。飲左2啖要飲水。整體黎講都ok.牛肉飯就等我完全康復再食喇。