加藤屋 (元州街) (已結業)

呢間大型日式餐廳😊聽過好多次講，啲人都係話好好食~等我試吓先，開咗咁耐我都冇食過，因為成日都要排長龍，我最怕排隊㗎啦。入到去餐牌款式好多，所以我睇咗好耐先落單，希望幾好食啦。日式牛肉鍋 配白飯 $47湯底過分鹹，而且牛肉得好少，真係三片好薄好細嘅肥牛。其他配料有糖心蛋 、粟米、木耳、金菇、椰菜，配料都算豐富。可能因為自己唔想食咁多碳水化合物，所以主要淨係食個鍋，覺得都算少嘢食，食完其實唔太夠飽，但勝在價錢親民，貼地。

🍜日式牛肉鍋什炊（小麻辣湯）轉烏冬本來想食牛肉飯，但見到其他食客都叫呢個鍋，好奇既小編都想試下。湯底係熟悉既味道，隔離位話似譚仔🙃我認同既～小麻辣都幾mild, 食到一半先感受到佢既辣～牛肉有d鞋口，其他餸幾似打邊爐既配料，有豆卜，粟米🌽蟹柳等等🍚麻辣牛肉飯加藤屋主打日式牛肉飯，2年無食吉x家既我，好懷念牛肉飯既味道～麻辣牛肉少少辣🌶幾惹味，食落幾開胃，牛肉份量都幾多，鋪滿成個碗，正😋洋蔥煮熟左，甜甜地，好食👍如果牛肉汁多少少就更加jeng！

有好幾間分店的加藤屋一直都想試下，今日經過深水埗就決定試試。一間集吉×家，壽喜燒，pepper Lxxxh同銀×喱於一身的店舖，感覺有D似去左food court，令到你樣樣都好想食，唔知點揀好，最後我地揀左和風咖喱唐揚同日式牛肉鍋定食。日式牛肉鍋不過不失，但如果個湯底能夠再濃一點會更好，而和風咖喱唐揚反而幾有驚喜，個唐揚炸得幾好同埋上枱個時仲係好熱，唔係一早炸定，食落口唔"鞋"，真心唔錯。店舖方便都算整潔，價錢亦非常平民，所以值得再黎醫肚。

🥘牛肉鍋 x 牛肉丼🍚推介指數❤️❤️❣️🤍🤍睇game睇電子產品其實好多地方都有，但總係去下深水埗逛下黃金逛下鴨寮街先有氣氛。而且有唔同食肆，支持小店或者掃港式小食都一定唔會餓😂四圍蕩下搵食，見到朋友之前提及過嘅加滕屋，原來深水埗都有分店，未試過就同朋友試下。Menu有唔少選擇，有飯類、鍋物、鐵板飯、咖喱飯等等。價錢親民款式多，難怪堂食外賣都源源不絕。🥘J1日式牛肉鍋定食配白飯同泡菜HKD47✨絕對真材實料，除咗肥肥牛、仲有溏心蛋、金菇、蟹柳、粟米、獅子狗魚蛋、豆腐、雜菜等。套餐有飯、泡菜同汽水。飯屬於微溫，比較乾同硬，加啲湯食好啲，🍚A2野菜牛肉飯配汽水HKD45✨牛肉丼飯，水準正常發揮。如果飯可以熱啲同多啲牛肉汁更好。整體食物質素正常，鍋物同丼飯價錢差唔多，比較之下好抵食。一份錢一份貨，肥牛係肥嘅。服務有待改善😊總結：-食物❤️❤️❤️🤍🤍環境❤️❤️❣️🤍🤍服務❤️❤️❣️🤍🤍(有限時可以張貼清楚一點、收拾枱面從非隔版同食客中收取會更好).··🏠 加藤屋 (深水埗)📍深水埗元州街34號地舖

-和風咖哩豬扒飯🍛（$48)有6件炸豬扒❤️咖哩汁好香，幾惹味👅而炸豬扒外脆內軟，炸粉算薄，不錯👍依個價錢真係幾抵食😍-唐揚日式炸雞飯（$45)一共有5件炸雞炸雞肉質嫩滑(*´꒳`*)皮薄又Juicy👅正☺️-日本南瓜薯餅🎃（1件）（＋$8)買任何野食加$8 就有一件日本南瓜薯餅😋咬開有滿滿香濃的南瓜蓉☺️食落不會好油膩♪( ´▽｀)好香脆👍🏻-PS 外賣每個餐減$10😱每個餐都有包飲品👻真係好平🥳-Name🏠:：加藤屋 KatoyaLocation📌: 深水埗元州街34號地舖（港鐵深水埗站 C1 出口，步行約5分鐘）價錢💰: 和風咖哩豬扒飯（$48)，唐揚日式炸雞飯（$45)，日本南瓜薯餅（1件）（＋$8)

自從吉野家越做越平，質素都每況愈下，一路都好想食返高質又好食嘅日式牛肉飯，今日黎開深水埗，一於試吓呢間人氣熱點：加藤屋👍🏻👍🏻日式牛肉飯❗️❗️❗️❗️份量夠多，大食一族都會夠食，牛肉份量唔少，夠Juicy，加埋洋蔥份量啱啱好，配合埋牛肉，好有置身於日本嘅感覺😝😝😝😝😝😝價錢又一啲都唔貴，唔使$50😳😳😳😳整體來講質素好高，黎開深水埗，就一定要食啦❗️❗️🥰🥰🥰🥰

當日睡到下午茶時間，我去咗位於深水埗的日式牛丼食個快午餐。看到貼喺門口的餐牌，估不到下午茶的嘢食咁抵食，真係平、靚、正呀！野菜牛肉湯烏冬 (下午茶餐價 HK$24)．面頭鋪滿野菜、洋蔥片和多片牛肉，遮蓋晒底下的烏冬．烏冬份量都不少，軟滑有咬口的，幾高質．包一杯熱玄米茶日本南瓜薯餅 (+HK$8)．點任何野食就可以以優惠價點一件日本南瓜薯餅．炸得酥脆不油膩．滿滿的南瓜蓉，一切即瀉出來．味道甜甜的，不錯㗎👍🏻

食牛肉飯又洗乜食吉x家，一站式食埋pepper lunch 鐵板飯都仲得呀。-🌖B5 特盛麻辣牛肉飯$58自從食過麻辣牛肉飯之後就返唔到轉頭，味道上多左層次，今次食大辣都仲接受到喎，辣味一入口時會有輕微衝擊醒一醒神，口腔同咀唇都會有少少麻，但食完餐飯就煙消雲散；不過洋蔥🧅有少少太闊，煮得唔夠未轉曬做透明。🌖X3 鐵板黑椒三文魚飯 $60 加芝士+$3第一次係加藤屋食鐵板飯，快手影兩張相就要拌飯。飯粒夠乾爽唔會濕笠笠；鐵板溫度啱啱好，有飯焦得黎又唔會燶，熔到芝士🧀但又唔會熔到變左芝士脆片；不過三文魚有點太鹹，同埋鐵板飯都有個通病就係太油🙈。-兩款都好食可以encore ，咁我幾時先試到鍋物同咖喱呀🙈🙈。

成日見到好多人食加藤屋，都想親身試吓。最近屋企果間好偏僻下🥲，於是搵左間近地鐵站，比較容易到達嘅😇。我點左個日式雞肉鍋定食，追加蝦薯絲。🏷日式雞肉鍋定食（$45）日式雞肉🐥鍋定食包含一個雞肉鍋、一碗白飯、一小碟麻油泡菜同埋一杯玄米茶。原本個雞肉鍋嘅湯底唸住叫麻辣湯底，因為餐牌寫住「推介」兩個大字，最後落單果陣叫左壽喜燒湯底😂。個鍋一黎到，我第一時間試試個湯底嘅味度，哇～我飲到甜甜咸咸仲有鮮雞肉嘅味道，齋個湯底已經好鐘意😍。雞肉鍋裏面嘅餸料有新鮮滑滑雞肉、獅子狗、蟹柳、豆卜、金菇同埋配料（粟米🌽、紅蘿蔔🥕、椰菜、冬菇），非常豐富😋。另外都要提提個玄米茶，一般餐廳嘅玄米茶都係偏淡淡地味，但係依度嘅玄米茶出乎預料地濃🍵，真係落足料👍🏻。🏷蝦薯絲（原價：$20；驚喜價：$10）蝦薯絲外層嘅薯絲炸得好脆口，趁熱甘食嘅話，蝦肉係嫩口同埋非常軟熟，如果涼凍左甘食，薯絲依然脆口，蝦肉就比較厚實。*免加一服務費總括黎講依餐係非常抵食嘅😋

雖然除了牛肉外，還有其他不用選擇，但始終覺得配牛肉還是最佳的😁選了兩款牛肉飯：鐵板麻辣牛肉飯(中辣)熱辣辣既鐵板上，圍滿了一圈既牛肉，微紅既牛肉再在鐵板上加熱，配埋香軟有咬口既米飯，拌和粟米跟香蔥，麻，辣，香，每一口都覺得 - 正👍野菜麻辣牛肉飯(小辣)滿滿既野菜跟牛肉鋪滿在米飯上，再加上麻辣既醬汁，辛香，麻香，加上清新野菜，濃香牛肉，配埋一齊食，雖然未至於食個不停，但還是想一試再試的。*麻辣口味滿口再配埋冰凍可樂，再咬一口香脆炸雞，係最正既享受😁

🍴日式牛肉鍋定食 壽喜燒 47 蚊🍚🐮壽喜燒個湯底個甜味夠幾香濃 有肥牛 木耳 流心蛋 蟹柳 🐂🦀 等等 要黎撈白飯唔錯 仲有 d酸菜調味都幾開胃🍴和風咖哩豬扒飯 48 蚊🐷 麵豉湯 🍜麵豉湯都幾足料 豬扒飯點左中辣其實唔算辣 佢個咖哩當然似係日本嗰 d甜咖哩 個密度偏高 豬扒炸得幾香脆 入面水份夠 所以豬肉都夠 juicy . 白飯粒係珍珠米 幾煙韌彈牙🍚#黃藍是政見黑白是良知 #黃藍是政見好食是良知 #壽喜燒 #牛肉 #珍珠米 #咖哩 #豬扒 #炸豬扒 #黃色經濟 Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#加藤屋深水埗元州街34 號地鋪~~~~~~~~~~~~

好耐無黎深水埗食了 即刻去支持下加藤屋 一入去就嗌左我最鍾意既咖喱牛肉飯 水準都係保持到咁好 咖喱味十分香濃 牛肉又唔會煮到鞋口 真係好好味 最重要係價錢亦好親民 下次有機會要再食過

早幾日lunch時間同同事去左食呢間好多人幫襯嘅「加藤屋」！食左呢個平靚正嘅餐！😁首先講下啲服務先，啲姐姐好和藹親切！服務好好！令你有賓至如歸嘅感覺！😊跟住到嘢食啦，啲拉麵🍜唔會煮到好冧！岩岩好👍啲料又好足，好多料！價錢亦不太貴，唔怪之得呢間食肆會長期都好多人排隊！咁多人支持唔係冇原因架👍😂希望水準可以繼續保持！可以令附近街坊食到啲又好味又平又服務好嘅餐廳👍👍依家係香港好難搵得到🙈

冇食吉X家好耐，想食牛肉飯但係又唔想係sukiya到排長龍食，就黎試下食加藤屋🤤一樣都係日本黎既牛肉飯專門店，但係人流就少好多。呢度食都好抵，價錢唔貴得黎，學生仲有得減6蚊！好誇張😲只要有學生證就有得減。間唔中想平平地食翻餐，黎呢度就啱曬！1⃣️日式牛肉鍋什炊（$45）（+$2轉烏冬）有得揀清湯、味噌湯、壽喜燒日式濃湯或者麻辣湯。揀左壽喜燒湯底，甜甜地唔算好濃，幾好味唔會太鹹。入面啲配料都幾豐富，有野菜、粟米、木耳絲、蛋、豆卜、蟹柳🤩牛肉都有幾多片。烏冬幾煙韌。成個鍋都幾好食而且夠曬抵食！  另外飲品方面揀左麵豉湯，麵豉湯味道正常發揮，入面啲配料比較少，得幾片豆卜同海帶。不過以呢個價錢黎講都差唔多啦。  2⃣️日式豚肉鍋什炊（$45）（+$2轉烏冬）（+$3轉凍檸茶）呢款揀左味噌湯底，基本上味道同碗麵豉湯既一樣，不過因為個鍋入面有好多唔同配料所以湯既味道會濃啲同埋鮮啲😋配料都係一樣，不過呢款就揀左豚肉。  飲品要左凍檸茶，偏甜左啲。  不過呢間真係好抵食，特別係學生仲有得再減六蚊，然後佢外賣自取好似仲有得再減😮 

🍜日式雞肉什炊（壽喜燒湯底和拉麵）：配料非常豐富！有大量雞肉、椰菜，仲有流心蛋、粟米🌽粒、木耳、油揚和獅子狗卷。壽喜燒湯㡳唔會偏甜，易入口。雖然當日獨食，但身邊坐滿情侣和學生高高興興地用餐，彷彿置身於學校食堂，氣氛好好。拉麵餐: 拉麵+ 飲品/麵鼓湯味道：🔅🔅🔅🔅新鮮：🔅🔅🔅分量：🔅🔅🔅🔅衛生：🔅🔅🔅速度：🔅🔅🔅（5🔅為滿分）