加記 (卑路乍街)

营业中

休息中

今年到加記訂了外賣盆菜一試，根據傳單，每個$328盆菜的食材如下：大海蝦、鮑魚片、海參、日本蠔、元貝、花菇、貴妃雞、鵝掌、圍村腩仔、發菜、發菜魚肉丸、菜膽而本人領取了用砂煲盛載的盆菜回家享用時則發現：蠔、菇和菜膽都不見踪影大海蝦變了小白灼蝦，腩仔變了大舊五花腩，海參只有薄薄數片，菜膽其實是娃娃菜，加送大堆白蘿蔔(至少有三份一煲，離譜!)，好鬼搵笨，都知道做盆菜係好賺，但都唔好咁過份!

11月18日, 上次黎過食普通茶餐, 見到對面台叫左個吉列朱扒沙律…嘩, 超級豐富, 製作認真, 所以今日午餐特登黎試下~ ::: 超讚*** 吞拿魚三文治沙律餐+ 凍檸茶::: $24因為尋日食完我既BBQ buffet, 所以今日想食得light d~ 個沙律份量好多, 但係都係蔬菜同西瓜比較多~ 所以一d都唔覺得heavy. 個吞拿魚三文治就真係一d都唔馬虎!! 個陷除左有吞拿魚沙律之外仲有生菜同番茄, 加加埋埋都成吋厚!! 伴碟既沙律菜同埋西瓜都好新鮮!! ::: 餐蛋煙肉公仔麵餐+ 熱奶茶::: $28咪以為$28一個公仔麵餐好貴,其實份量十足~個餐仲跟忌廉湯同麵包~ 佢地既麵包係自家製的~ 每次去都有幾種唔同既款~ 而且都好大舊好好味~不過要留意, 餐蛋煙肉係烚熟,唔係煎好放上去,所以唔可以分碟上同有d淡,呢樣要改善~另外,熱奶茶有d澀,下次都係飲番凍奶茶好過…加記環境乾淨寬敞, 食物豐富選擇多~ 而且又唔係貴~人流又多~絕對係西環茶餐廳既好選擇!!

加記, 成了我的新飯堂之一. 最抵食時段: lunch 及tea time 的set. 20多元, 有餐湯, 包, 小菜+ 白飯和餐茶...又平又好味, 仲要免加一, 仲想點?!

住o係西環如果有一班親戚黎屋企一定會黎加記食d 野大大碟味道唔錯又抵食有好多餸 次次都睇到眼花仲不時有新菜式星期六日一定要book 定位好多人book ga!裝修都幾靚好有中國feel不過舗頭細成日都要坐到好迫要做多幾轉先賺得返所以要食得好快同人少可能要搭"台"屋企人食野一向都快手快腳所以無所謂個老闆娘仲好nice tim ga! 招呼好好最常叫ge 餸有土魷蒸肉餅: 蒸得好淋好香滑滑琵琶豆腐: 外面係炸入面係滑豆腐瓖左d肉 又係勁好味香口不過有時會咸左d 送飯就arm arm好中式牛柳:一碟有成5-6塊抵又好食!食完飯仲有糖水送紅豆沙綠豆沙紫米露麥米粥時時都唔同!

本人是在西環由細住到大的街坊, 話說有晚同老公食飯, 一入到去見到有幾張空, 想坐最後0個張空.正想行過去, 侍應A就問: 小姐幾位? 當我表明兩位後就叫我搭. 我話想坐空後行左無兩步, 侍應B又問我, 又再叫我搭, 仲講大話話張比人BOOK左(但上並無留坐牌, 侍應A亦無提). 於是我問佢係咪講大話, 佢當堂無言以對. 我又再次表明想坐空. 去到前,尚未坐低, 侍應C又叫我搭, 又話兩位唔可以坐空, 一定要搭! 如果你由入舖開始有3個人分別話你3次你都嬲啦, 於是未話唔食即走咯!! 大佬, 我都要比錢食野0家, "加記"唔係唔使錢的飯堂呀, 坐邊到都要你規定. 我係來食飯唔係受氣.我強調當時並無人等位! 其實講到中菜小炒, 佢拍馬都追唔到"七喜"啦!但由於租約問題, 七喜摺左. D人先去幫襯佢之嘛. 生意多左未開始巴巴閉閉, 又趕客埋單, 又指人坐.以後都唔使旨意我再去!!

we visit this restaurant once for awhile, cuz we live in Kennedy Town. i like this restaurant cuz i dun think they use MSG in cooking, the rice's good, the dishes are special, and the price is reasonable. however, the environment is crowd (it's pretty small), and service is so so.

加記作為街坊檔，搭檯我o地一早預o左。佢o既咕嚕肉炸得十分鬆化，皮脆又有肉味，個汁o既甜酸度亦校得好好，好多地方（甚至係另一間加記）都食唔到。另外叫o既蠔仔煎蛋，蛋香之餘，不會煎得太老，蠔o既鮮味得以保留，咬落去仲有蠔汁，而且仲有幾隻重量級蠔仔，送飯相當美味。服務都算係咁啦，街坊檔，起碼留低電話後，佢話大約15 分鐘有檯，但10 分鐘已經打o黎話搞掂，我覺得睇埋個價錢，絕對係中規中矩。加上免費餐後糖水，我就冇乜意見o勒。如果大家有興趣去，仲可以試o下陽光十二菜，魚湯上、大碟頭，起碼夠三、四個人食。

我地J.A.M.今晚約左3位美女聚舊，好鬼開心，隨意就選左４道小菜加１個冬瓜盅．田園咕嚕肉：炸得太耐，好硬加記小炒王：有腰果，西芹，蝦，魚片，普普通通啦上湯海鮮燴伊麵：幾入味，海鮮款式太少，味道還可以一品煲：有花膠，海參，冬菇，鵝掌，味道較濃冬瓜盅：幾清甜，份量足夠，消暑極品糖水：綠豆沙，少許甜我地6:15pm到達，佢地要求7:15pm要交檯，食快餐咩，有無攪錯，另外佢地無乜加茶，斟茶竟然只斟5個，我地有6個人喎，乜鬼服務態度，如果唔快D改善，遲早聽摺。

前幾日同同學仔食團年飯, 妹豬同學帶左我地黎加記, 十三個人坐一張圓枱, 都幾迫架. 叫左一個六人餐&一個二人餐, 共有8個飯和7個小菜. 唔太記得全部食物, 唯有講d記得既1) 蝦仁炒蛋:炒得好好,好香, 蝦仁大大隻, 好快就食曬.2) 金銀蛋炒菜: 同樣都係炒得好好, 加左湯就清清地3) 古魯肉: d汁甜甜酸酸幾開胃, 豬肉炸得香口, 好味~!4) 粟米魚塊:粉厚左dd, 不過整體來說都ok5) 雙菇菜膽:食左冬菇，冬菇好大隻，滑滑地６）土魷肉餅：最初有少少蒸唔熟，叫侍應小姐再蒸過．　肉餅好大塊不過好油．呢度既服務幾好，侍應姐姐仲幫我地影相ｔｉｍ～

去幾個靚女屋企, 都住呢頭, 本來想其中一個屋企吃埋, 但佢屋企一隻二隻小可愛會呷醋發脾氣, 唯有呢度食飽先!我遲成個幾鐘, 到吃甜酸骨, 牛肉丸, 飲碗海底椰煲雞, 個湯唔錯, 牛肉丸勁係山竹牛肉feel, 一般啦....好多食評都話呢度服務唔好, 又唔係喎, 侍女們好friendly, 我重想讚tim!好抵, 每人一舊水唔駛, 得過!

小菜份量幾大，味道都算不錯，而且沒有加一。惟可能太多客的關係，侍應有時會得失客人，正如今晚見鄰檯的2位人客因最初被安排到4人檯，而後來因有一家4口來等位，侍應便問那2位人客可否調往其他檯"搭"檯，客人拒絕，並有少少不滿的樣子。這樣都沒有問題，但過了不久後，另一位主管又再問那2位客人同樣的問題，那2位客人一再拒絕，而且非常生氣。雖明白打工仔可能處於兩難，又要為老闆儘量提高營業額，又要對人客服務週到，但有時都要醒目些!

當晚我一家三人, 叫了三碟, 其中一碟係花膠海參煲, 但竟然花膠海參煲得一塊花膠, 我即向服務台反應, 之後收銀姐姐埋解釋, 話D花膠因為係靚同厚既關係,所以溶哂!! 聽佢講完, 感覺有D不可思議, 原來靚既花膠係上抬既時候會唔見架?? 不過另一樣攪笑, 就係未食完, 服務員已多次要求上埋糖水, 再過10分鐘倒, 仲要求埋張單, 真係趕到好似食快餐多過食中菜, 趕客到暈.

My family and I have been having breakfast in this resturant for few years. The service is the same only now they remember what we always order. However my father said the meal is a bit smaller than before. In term of dinner I haven't been there yet, but according to my brother, it is better than before and is Chinese food.Moreover this time I didn't smell any people smoking. I don't know whether they have banned smoking.