影片
开饭介绍
2007 年9 月20日結束營業
继续阅读
附加资料
營業時間:\r\n星期一至五: 11:30am-3pm, 6pm-11pm\r\n星期六,日及公眾假期: 11:30am-11pm\r\n付款方法: 現金或信用卡(Visa, Master, AE, Diners)
以上资料只供参考，请与餐厅确认详情
食记 (52)
見到好多個COMMENT話唔抵食.......其實係咪只因為佢貴呢?_?佢D SUSHI大件得黎D野又好新鮮個稻庭烏冬, 3文魚頭等等都好有水準極之好味..元氣果D簡直冇得比啦-_-"咁既水準起香港食得到簡直係抵到爛...如果嫌貴不如去元氣啦._.
继续阅读
去得加賀,就預價錢會較沙田其他迴轉壽司貴,但絕對俾返較靚的刺身俾你食,例如:吞拿魚刺身,佢就有幾種,但如果你想食得好,就要食得豪啦,選擇較貴那款吧!都不過是幾十蚊,就可以食到兩片有光澤又紅又無根又無霉的吞拿魚la,當然仲有其他選擇,價錢都係幾十蚊左右,但以每碟幾十黎計,餐飯都貴過同區的迴轉壽司店,但可以一試
继续阅读
星期日沙田好多人，想了又想邊度食野一個人唔駛等，又有好野食，服務又好呢...就選了它...果然唔駛等，今次叫了海鮮烏冬、什錦壽司定食...烏冬有手打烏冬的質感唔錯，壽司則有我唔鍾意的甜蛋、腐皮...無辦法LA...見到其他定食有什錦刺身..三文魚好肥美大塊...好想食...下次一定試...甜品有兩件雪米糯.....GOOD...好飽呢...但無記錯服務小費偏貴+15%
继续阅读
行咗成日商場，八點幾行到第三期就諗住搵地方坐低醫肚。見間間門口都人山人海，唯獨呢間得幾個人，望入去舖頭都好似ok(雖然覺得裝修有啲舊)，咁就攞飛等位。等咗唔使十分鐘就有迥轉壽司位。坐低冇耐，有位姐姐就即刻sell我哋刺身，我同男朋友就叫咗個三文魚刺身。一啲都唔平，九折後113蚊得六舊，雖然新鮮又算切得厚身(1cm度啦)，不過我覺得以佢裝修環境清潔程度唔值。(唔知點解佢哋猛promote刺身，因為見附近坐低又sell刺身，而我哋全晚都sell過兩次)除刺身就叫咗個招牌拉麵(好似賣60蚊)，個湯底幾好味，不過個麵就未煮得夠熟就上枱，啲料可以啦，有幾片日本魚蛋，兩粒帶子bb(因為得1cm直徑)，一隻青口，幾片叉燒，同一隻天掃羅蝦(不過完全係一隻細蝦扮大蝦，炸漿多過乜)。我哋都有要咗三碟迥轉壽司(其實我可以食多過三碟，不過呢間迥轉壽司啲賣相真係...唔太吸引)，雖然賣相麻麻，不過料都算新鮮。呢間迥轉壽司都唔平，得三種價錢(12, 24, 35)，而多數都係35蚊嘅款，12蚊嗰啲就係腐皮呀，青瓜卷嗰啲。最搞笑係佢連嗰啲粉紅色邊嘅日本人造魚蛋(片)都可以切六塊就擺上迥轉壽司度轉仲要賣35蚊......而我都唔太鍾意呢度好快收返啲壽司碟(唔通唔夠碟用?)，我食迥轉壽司有時就係鍾意食到成枱碟嘅feel。總括呢講呢間算ok啦，食物味道同新鮮程度都ok，不過都唔算抵食。
继续阅读
呢日係為左慶祝愛立信可以收到升職waiting list的信而黎呢度食員工都好有禮貌,揀左迴轉座位,見到師傅向度切三文魚架,都切得好厚第一碟叫的當然係三文魚sushi,不過我同愛立信都覺得切得厚左,雖然係好厚身,但係食完都唔會再叫第二碟...不過都幾貴架,成35蚊兩件架帶子sushi,--好肥美,鮮甜...甜蝦sushi --好大隻...炸雞軟骨串-- 好味雜錦海鮮拉面-- 好多料,湯鮮甜軟殼蟹手卷-- 好大隻....
继续阅读