加賀日本料理 (已結業)

見到好多個COMMENT話唔抵食.......其實係咪只因為佢貴呢?_?佢D SUSHI大件得黎D野又好新鮮個稻庭烏冬, 3文魚頭等等都好有水準極之好味..元氣果D簡直冇得比啦-_-"咁既水準起香港食得到簡直係抵到爛...如果嫌貴不如去元氣啦._.

去得加賀,就預價錢會較沙田其他迴轉壽司貴,但絕對俾返較靚的刺身俾你食,例如:吞拿魚刺身,佢就有幾種,但如果你想食得好,就要食得豪啦,選擇較貴那款吧!都不過是幾十蚊,就可以食到兩片有光澤又紅又無根又無霉的吞拿魚la,當然仲有其他選擇,價錢都係幾十蚊左右,但以每碟幾十黎計,餐飯都貴過同區的迴轉壽司店,但可以一試

環境裝修舊，我地被編坐去近廚房既迴轉檯，好清楚咁見到洗碗阿姐企0係度洗碗.壽司收費偏貴，$12,$24, $35,不過都算大碟，見d壽司迴轉左五六次都無人取，我都唔敢取. 我地只叫左一碗叉燒拉面同埋天婦羅冷面，叉燒拉面個碗好大，份量十分少，個叉燒拉面只有三片肉同埋面，不如自己返屋企煮.個waitress講錯左個名叫”黑豚肉拉面”我地都無開聲，之後佢行開左，佢隔左一陣返黎話”呢個係叉燒拉面，唔係黑豚肉”，其後有另外兩把waitress既聲，行過我地背後，又再一次clarify「呢個係叉燒拉面」、「呢個係叉燒拉面」、”，我覺得好怪，點解要強調咁多次?係咪要附近個個都知我地只係食面?天婦羅拉面等左廿分鐘先到，朋友個叉燒拉面都食完.呢兩款面每個大約四五十蚊，但埋單成$139. 我覺得好唔值，呢個價錢大把其他選擇，仲有更好服務，唔怪得星期日度度都排長龍，只得呢間店有位

星期日沙田好多人，想了又想邊度食野一個人唔駛等，又有好野食，服務又好呢...就選了它...果然唔駛等，今次叫了海鮮烏冬、什錦壽司定食...烏冬有手打烏冬的質感唔錯，壽司則有我唔鍾意的甜蛋、腐皮...無辦法LA...見到其他定食有什錦刺身..三文魚好肥美大塊...好想食...下次一定試...甜品有兩件雪米糯.....GOOD...好飽呢...但無記錯服務小費偏貴+15%

行咗成日商場，八點幾行到第三期就諗住搵地方坐低醫肚。見間間門口都人山人海，唯獨呢間得幾個人，望入去舖頭都好似ok(雖然覺得裝修有啲舊)，咁就攞飛等位。等咗唔使十分鐘就有迥轉壽司位。坐低冇耐，有位姐姐就即刻sell我哋刺身，我同男朋友就叫咗個三文魚刺身。一啲都唔平，九折後113蚊得六舊，雖然新鮮又算切得厚身(1cm度啦)，不過我覺得以佢裝修環境清潔程度唔值。(唔知點解佢哋猛promote刺身，因為見附近坐低又sell刺身，而我哋全晚都sell過兩次)除刺身就叫咗個招牌拉麵(好似賣60蚊)，個湯底幾好味，不過個麵就未煮得夠熟就上枱，啲料可以啦，有幾片日本魚蛋，兩粒帶子bb(因為得1cm直徑)，一隻青口，幾片叉燒，同一隻天掃羅蝦(不過完全係一隻細蝦扮大蝦，炸漿多過乜)。我哋都有要咗三碟迥轉壽司(其實我可以食多過三碟，不過呢間迥轉壽司啲賣相真係...唔太吸引)，雖然賣相麻麻，不過料都算新鮮。呢間迥轉壽司都唔平，得三種價錢(12, 24, 35)，而多數都係35蚊嘅款，12蚊嗰啲就係腐皮呀，青瓜卷嗰啲。最搞笑係佢連嗰啲粉紅色邊嘅日本人造魚蛋(片)都可以切六塊就擺上迥轉壽司度轉仲要賣35蚊....

呢日係為左慶祝愛立信可以收到升職waiting list的信而黎呢度食員工都好有禮貌,揀左迴轉座位,見到師傅向度切三文魚架,都切得好厚第一碟叫的當然係三文魚sushi,不過我同愛立信都覺得切得厚左,雖然係好厚身,但係食完都唔會再叫第二碟...不過都幾貴架,成35蚊兩件架帶子sushi,--好肥美,鮮甜...甜蝦sushi --好大隻...炸雞軟骨串-- 好味雜錦海鮮拉面-- 好多料,湯鮮甜軟殼蟹手卷-- 好大隻....

星期六跟女友諗住o係沙田食飯人好多....度度都要排長龍呢間咁o岩唔駛等可以坐bar枱入到去d格局唔靚..但係一睇個餐牌仲要係好貴d sushi 12蚊一上就24蚊點左d 野食坐坐下發現放筷子個位有小強o個度係bar 枱通通都係放生野架喎同個侍應講調位點知佢好似若無其事咁，仲話叫經理我地決定走....個經理話....唔好意思，我地o岩o岩杜蟲可能咁佢地走左出黎...真係咁都得...我點都唔會再去食,..

3個人星期日去食LUNCH、點了兩客串燒、一客鐵板燒大蝦三文魚定食、一客海鮮拉麵定食。食物味道不錯、環境亦算OK、唔會再去係因為待應服務態度、個個黑口黑面、我食都食得唔舒服、好似我得罪佢地咁、我食開間茶餐廳都好過佢、TOO BAD!!P.S.: 呢度仲有一項中式酒樓收費、茶錢7蚊位！

沙田食野一向都唔係平，食壽司要抵，講真只有元氣、元綠呢個選擇。但果日我自己一個去完拜山好倦，元氣條龍排到鬼死咁長又一家大小嘈到死，望左兩眼頂唔順，就走左去加賀食太多人食慣左平價迴轉壽司，見到d食評就知道，貴係貴左d，但d魚生入口鮮甜，一分價錢一分貨，兩碟三文魚壽司、兩碟帶子壽司，好味！

和尖沙嘴不一樣，沙田沒有太多日本餐廳，　想吃質數比較好的魚生，加賀應該是我在沙田區的唯一選擇。魚生：　～夠料，夠厚，但一D都不便宜。　　～劍魚腩最好味道。　～鮑魚片：鮑魚味很濃，不用沾醬已經夠好吃～另外牡丹蝦也很甜很爽脆。～海膽OK，一時時～生蠔：麻麻拉麵：稍微煮得太就，麵條偏軟其他日本菜色：選擇不算新穎，偏向簡單。環境：　遠看還可以，座入去比較迫，油漆有點掉了。。。是時候重新裝修一下了。

呢間鋪在沙田都有十幾廿年掛? 多年前同老公仔食,陣都仲OK. 但幾個月前一個人,發覺好唔掂, 貴價壽司唔好食, 一般的sushi收費也比其他店貴. 的確, 沙田無乜高檔新鮮sushi bar, 但比我,我寧願出TST , CWB覓食, 否則在沙田只吃其他菜,或中檔日菜

o係沙田黎講，佢算幾貴，但質素幾好o係沙田黎講，佢魚生種類幾多，又有活魚生熟食品質素都幾高~~

上星期同我朋友去食佢話d三文魚好抵食但係望望個價錢牌35元大洋超貴.....叫左三碟即刻走人跟住黎過天婦羅拉麵都唔錯幾好食呢間野味道就ok 抵食...真係好唔抵食!!唔會再去!!

今日與大學同學影畢業相後到沙田食飯，沙田現在正值裝修，多了不少新的餐廳，但其實又好像沒有什麼選擇。同學建議這間不錯，雖然這間開業很久，但很少到這兒食。今次我們叫了牛肉火煱、雜錦天婦羅、雜錦拉麵都可以，但最好味的是剌身和壽司，非常新鮮肥美。這兒的是茶是伊藤園的玄米茶，一分錢一分貨，這兒質素非常好，絶對好過"元"字頭的壽司舖，餐牌上有"小雲"和"小吉"的兒童餐令我想起小時候應該有來食過，不過已經是很久以前的事。服務方面，可能人多的關係，因此沖水稍為慢，但都可以接受。

今日同朋友想去元氣, 6:00pm左右已排晒長龍, 但想食壽司, 心想附近好似都有間加賀日本料理, 於是走過去睇睇, 仲有好多位, 門口貼有3款壽司價錢, $12, $24, $35, 但就冇寫明邊D壽司, 心想唔緊要啦, 走入去揀咗壽司BAR坐。大家一坐低睇睇迴轉帶有咩壽司, 點知三文魚壽司竟然要成$35, 係比平時食開嘅大DD, 但食兩碟嘅價錢已經等如係出面食到七碟了, $12嘅就剩係得丁咁細嘅魷魚壽司同蟹柳壽司咁大把, 試想吓, 食6件三文魚壽司再加一, 都$115.5, 咩壽司mood都冇晒, 打開MENU, 除咗D拉麵$50可接受外, 好多都好貴。點了兩個黑豚肉拉麵, d 侍應黑口黑面, 拉麵質素都ok 嘅, 但粟米得3 粒都算係經典, 一食完個侍應即刻過黎收晒d 野, 連墊檯紙都收埋, 攪錯, 又冇咩客, 好似趕人走咁, 真係冇瘾!埋單, 諗住$100再加一, 都係$110姐, 點知$125, 原來竟然收茶錢, MENU又冇寫, 仲要茶錢每位$7 , 超市茶包仔, 有冇攪錯, 真係比佢呃一次就唔會有第二次。價錢貴唔係問題, 但食物質素一般, 環境普通根本就唔值咁嘅價錢, 食