勁嘢車仔炒飯

营业中

休息中

見到大圍火車站附近開新小店，有炒椰菜花飯，夠健康，即試！揀了欖菜、三文魚、蔥芫荽做配料，味道平衡做得好好，好鍾意！估唔到炒椰菜花飯都可以咁好味🥹😋今晚再光顧，估唔到店主認得又記得我上星期幫襯時病到失聲，用氣聲叫外賣😅，竟然送我熱檸蜜潤喉… 超級窩心！感激係經濟環境不順之下，仍然咁有人情味嘅小店❤️😇多謝呀🫶🏼一定繼續支持💪🏼💪🏼

收到嗰一下見到盒嘢已經覺得自己中伏餸菜份量好少$51整烏冬加肉碎一兩粒成盒嘢淡而無味配菜都少過人 冇諗過食當面都可以咁出事….真係食到我好唔開心佢連味都要收錢即係如果你想要其他口味有豉油嘅話要加錢有個最低消費係$35 逐個選項嗌一樣嘢係唔會過所以你要再嗌嘢

呢間餐廳嘅炒飯真係難食到極點。成碟飯炒完仲係一舊舊冷飯，完全冇鬆散嘅感覺，食落去好似啱啱從雪櫃拎出嚟咁。炒飯竟然係用電磁爐炒，完全冇鑊氣，冇晒靈魂，食落去只係鹽味加咗啲餸，完全唔值E個價錢。炒飯係一個好基本嘅菜式，但呢度嘅表現簡直係侮辱咗「炒」呢個字。至於佢哋嘅炒通心粉，真係連「炒」都不如。啲通心粉根本就係「撈」完算數，冇任何高溫爆炒嘅痕跡。粉質又軟又爛，冇咩口感，加埋肉碎同泰式醬油，味道單一到令人懷疑係咪即食麵包裝拎出嚟改造嘅。講真，呢間餐廳嘅廚師好似完全唔識基本嘅煮食技巧，食完只會令人激氣。除非佢哋肯正視問題改善出品，否則大家實在冇理由再俾錢光顧。

買個全部都係肉炒飯 自取返屋企食。本來滿有期待入到去小小的舖頭 員工零笑容至於個飯 😢D飯粒又硬又乾，勁難吞。成個炒飯又無味。好彩仲有D雞粒同叉燒粒正常可以入口唔係嘅話 我真係想直接掉左去嘥曬D食材

炒飯由剛開業到宜家大概有一兩個月之前一開業嘅時候都有幫襯買過佢哋嘅炒飯一開始嘅時候個炒飯真係好好食，炒得粒粒都乾身，而且都幾多料。但係而家好似越做越差囉而家個炒飯係濕嘅。一啲都唔乾身又食唔出燒肉汁味。鰻魚得嗰一兩粒牛肉碎就真係好碎囉，幾乎食唔出啲牛肉味。唔知係咪$50貨仔 唔可以要求太多？😃😀唯一欣賞嘅就係佢哋嘅外賣餐具吾係垃圾紙匙羹同埋個番薯薯條都幾好食嘅。（價錢絕對同份量成正比的$18 份量梗係唔會大) $18一粒流心芝士炸年糕份量都非常之細粒的富貴嘅朋友仔記得要試吓抵唔抵食大家自己諗吓啦，質素成日都好參差囉

有事到大圍辦事，見到開咗間新嘢，就試一試，點知好不錯！海鮮炒飯好味，粒粒分明，好香咖喱味，而且有油香，料亦好多，食得出有蝦仁。炸物單點了一份炸雞，燒賣跟餐。炸雞非常好吃，很多汁，燒賣脆卜卜，面頭有滲椒鹽，都好惹味。串燒最意外，食得出入貨唔錯，五花腩非常好吃，加上面頭的蒜鹽，十分惹味。雞軟骨，亦都好不錯，脆卜卜！最後飲品，跟餐一杯檸檬利賓納梳打，非常解渴，亦不會太甜，好適合小朋友飲，我們單叫了一杯飲品，蘋果醋梳打不會太酸，比較適合大人！希望呢間舖繼續加油，大家可以試一試！

路過幾次7:00pm 就話賣晒本來想支持下小店次次都話賣晒到底係咪甘好味定係店家不打算做晚市Anyone try the taste Please let me know …….

喺地鐵站出嚟嘅時候見到開咗間新舖 夜麻麻仲營業中 試下買咗個炒飯同埋串燒試左肉肉套餐 60幾蚊有飯有小食有嘢飲 性價比高即炒熱辣辣味道好好 串燒價錢略高於其他舖 但味道真係十分不錯牛舌好juicy 完全出乎意料咁高