勝面 (已結業)

經常去食台灣野, 但有特色既其實唔算多, 最近試到呢間, 可算是喜愛名單頭幾位!老老豆豆價錢黎講真係唔平, 而且無餐全部散叫, 但味道真心好必須推介而且好有驚喜首推招牌麻辣牛頸脊麵, 平時D台灣麻辣麵湯底就係經典牛肉麵加辣甘啦但呢度完全唔同, 佢係台式火鍋果隻湯底, 從未試過一間係用呢隻湯底, 好surprise 到! 麻香味好夠, 而且牛頸脊靚料, 有牛味夠嫩雖然食到尾有D咸, 而且望落油都比較多, 湯係唔可以齋飲, 但味道好正跟住二推係芝士肉鬆雞蛋手抓餅, 因為即叫即整關係啦, 非常熱辣辣芝士完全融化, 甜甜地既肉鬆同雞蛋令成件事好香口, 超好味!之後先係手撕雞魯肉飯, 其實個手撕雞無太大特別, 正正常常但個魯肉飯好味! 魯肉夠多, 而且油份好夠, 唔會食食下變白飯，肥瘦適中，讚！珍珠米飯粒粒分明，而家好有咬口, 非常BUY~

🇭🇰勝面·因為我同朋友仔都好鍾意食台灣嘢 所以就特別搵咗呢間去試吓😎😎不過我哋去嗰日佢最出名嗰個芋泥手抓餅已經賣晒啦 所以我哋就食唔到🫢😂·芝士肉鬆雞蛋手工手抓餅$45 l 台式香腸滷肉飯$65佢個手抓餅係即叫即整嘅 所以熱辣辣 質感唔錯 而且入邊都真係幾多肉鬆😎不過佢個手抓餅入面就平時啡色甜甜地個個醬既 所以食落單調啲🙊🙊反而佢個滷肉飯幾好食 佢個飯質感唔錯 而且滷肉既調味都唔會太鹹 配埋啲香腸好好味🍚·台式酥炸三寶$56之後呢個我自己就真係覺得一般啲啦 佢入邊係有甜不辣 鹽酥雞同埋地瓜條 所以我哋本身覺得好正🫢不過佢啲炸嘢好似擺咗一陣咁 所以食落口感麻麻 尤其係佢個鹽酥雞食落好乾🙊😂·#rbyeat#rby台灣菜#rby旺角·📍旺角亞皆老街8號朗豪坊11樓25-29號舖

相信大家都知朗豪坊一到peak hour就所有食市都有人排隊，爭在邊條人龍短啲🤨.上星期六中午發現佢隔離嗰間有條小人龍排隊等開門!而呢間竟然少人到可以直衝自己揀位🤔我都留意咗佢幾年，不嬲都有人排㗎喎~~我仲以為時間尚早!點知男朋友嗰碗<<人氣精燉·牛腱心 配湯飯>>($70)碗湯隻色好似清水咁!! 第一下真心嚇親我😨食落都有味嘅~~~ 似好清嘅牛骨湯!試咗兩啖就冇encore lu🤷🏻‍♀️我碗<<招牌麻辣·牛三寶(配有豆腐、鴨血) 配刀削麵>>($88)賣相吸引好多😍小辣嘅辣度適合食開五小辣嘅我👌🏻但我唔係好覺有麻~ 呢個湯頭唔夠過癮!牛三寶包括咗牛頸脊肉、牛脥肉同牛腱心🐮牛腱心即係同男朋友嗰碗一樣!係牛𦟌💁🏻‍♀️肉質幾腍幾滑，不過牛味唔算濃!牛頸脊嘅牛味濃好多💁🏻‍♀️但佢勁韌….咬好耐先咬得爛🥲牛脥肉好似肥牛💁🏻‍♀️滑就好滑喇! 但我嫌佢浸咗好耐熱湯都好似生咁🤯(我食牛扒已經係食開五成熟👈🏻我嘅標準).最令我喜愛都係兩嚿厚厚的鴨血!外皮煙韌，裡頭滑捋捋💯如果再嚟encore, 我諗我會試佢碗鴨血米粉就得!啲牛都冇我想像中

男友話想食手抓餅，呢間［勝面］台灣菜，有埋手抓餅，環境乾淨同座位寛闊，坐得都舒服，價錢合理，只係份量會細份少少。招牌牛三寶 $88牛腩最正，口感好，牛𦟌嫩腍，肥牛唔算好肥。個清湯濃而不膩，有牛骨湯香味，刀削麵煙韌有筋度。不過麵嘅份量偏少。涼拌手撕鹽水雞 鹵肉飯 $78混合雞脾肉及雞胸肉，撕成細塊吸哂涼拌汁味，帶麻油香，好味。鹵肉唔太肥，但較多汁，浸住個飯，但食落都偏油膩。芝士肉鬆雞蛋手抓餅 $45肉鬆咸香鬆化，加上拉絲芝士，好夾手抓餅嘅油酥香，而且整體唔會過咸。價錢偏貴。黑糖珍珠牛奶 $35好輕好柔和嘅黑糖味，唔太甜，反而奶味好濃重，珍珠Q彈好咬。果漾繽紛茶 $35清新爽口，強烈果香帶清甜味道，酸酸甜甜水果茶。下載App 飲品有8折或送鹵水雞翼，好入味，但肉質腍爛，應該鹵太耐煮太耐。

每次去到朗豪坊，經過呢間餐廳都會勁多人向門口排隊！難得今次冇人，一於試試 餐廳係偏開放式，所以有個唔好既地方就係同出面排緊隊嘅人好近，而且冇掩體.▪️秘製麻辣鴨血湯米粉 $42平時食開辣野都覺得呢碗係特辣。可能因為米粉好入味，鴨血勁爽口！正▫️台式甜不辣•花枝丸滷肉飯 $68份量適中，花枝丸夠煙靭▪️秘製古法滷水拼盤 $68▫️九層塔手工手抓餅 $28雖然呢個既賣相一般，但香酥鬆軟，九層塔嘅味道係好遠都聞到

去朗豪坊行街街諗唔到食咩好，見到一間台式餐廳人唔多唔洗等位就一於試吓。啲枱都好闊落，唔會逼住食都食得唔舒服。麵類可以選擇刀削麵或者新竹米粉，涼菜款式就較少。見到甜點有流心麻糬芋泥雞蛋手工手抓餅，仲要係餐廳推介，當然要試吓啦！✨台式甜不辣拼花枝丸滷肉飯 $68份量大大碗，材料好多。珍珠米飯粒粒分明，而家好有咬口，係我最喜愛嘅質感😍 生不辣同花枝丸帶有少許淮鹽香，味道剛剛好，而且好彈牙👍🏻 滷肉肥瘦啱啱好，肉汁亦香濃。雞蛋就普普通通，唔夠入味。✨涼拌手撕雞無骨鹽水雞湯米粉 $72新竹米粉真係唔同啲，咬落冇咁林，口感比普通米粉好好多👍🏻 無骨手撕雞味道夠香夠嫩滑，啖啖肉冇骨食落好正😆✨秘制古法滷水拼盤湯刀削麵 $75刀削麵好食，麵質煙韌好咬👍🏻 主要係滷蛋唔夠入味同埋豬頸肉韌咗啲，牛鍵心同埋雞翼肉質都夠腍又夠味，豬耳爽脆咬落卜卜聲，豬大腸夠入味所以好好味👏🏻 ✨炸地瓜條 $38新鮮炸出嚟好香，不過面層唔算好脆，有少許腍腍地，但地瓜配合埋少少鹽令味道更加香甜😋 擺盤亦都好靚👏🏻✨流心麻糬芋泥雞蛋手工手抓餅 $45喜歡食芋頭一定要試吓哩個特色菜，配搭有特色亦有驚喜。芋泥味道香濃，而且偏甜少少，配

一經過朗豪坊見到咁多人排隊 就知間野好出名 即刻都跟住排埋一份🤣🤣🤣等位等左大約9個字左右就入到 食物叫左個滷肉飯、手撕雞、蛋花湯、蛋餅同埋小食拼盤😍🍽滷肉飯上面既滷肉好多好足料 飯量亦都好多 2個女仔 sharing岩岩好！-🍽蛋餅叫左肉鬆芝士 味道好香 好大舊 抵食之選🤣-🍽蛋花湯不過不失 吾會話好咸/好淡 但未去到好好飲🤣-🍽小食拼盤拼左鹽酥雞同地瓜 吾厚炸粉 又幾好味😍😍😍😍😍😍-珍珠奶茶就Very good 茶香味夠濃 亦吾會好甜 味道啱啱好👍🏻

味精多於一切，食完全晚眼光光，食物味道亦十分普通，選擇亦少。服務一般，坐位窄小。絕對不會回頭。其實朗豪坊揾食容易，很後悔用了晚餐quota在勝面身上。好在價錢尚可

今日嚟咗朗豪坊行街，行得晏咗少少，費時去咁遠食dinner，就上咗嚟樓上搵嘢食。見到呢間台灣野唔洗等位，就入咗嚟試吓。- - - - - -<招牌麻辣牛三寶>牛三寶係指牛頸脊肉、牛腱心同埋牛頰肉，份量都幾多。牛肉咬落都幾淋、幾好食。至於刀削麵都幾煙韌，幾有咬口。我哋嗌左小辣，黎到見到個湯底好紅，以為會好辣，食落都okay，唔係真係太辣。- - - - - - <涼拌手撕無骨鹽水雞>佢會配一碗蛋花湯，不過飲落就有啲鹹。至於雞肉就幾淋，幾好食，不過食到尾一樣有啲鹹。

朋友想去朗豪坊影公仔 唔知食咩嘅情況下就入咗呢間小店 如果冇記錯 呢一間係之前大排長龍嘅一間小店 依家唔使排隊直入就算有吉枱 點樣都要唔識嘅人坐夠四個一張枱 疫情之下 呢種安排真係扣分食物方面 點左既招牌菜 無一樣有驚喜涼拌無骨鹽水雞飯 : 上菜嘅時候嚇咗一下 鹽水雞細碟到好似小伴碟 要求走芫荽走葱都冇做到牛腱心刀削麵 : 只係普通嘅一碗牛𦟌面 奶茶三兄弟 : 飲品就中上水平芝士肉鬆手抓餅 : 唔使2分鐘就上碟 應該唔係所講嘅即做 味道正常整體用餐評分一般

岩岩開始午市時唔多人，打算簡簡單單食個Lunch～～ 接待的姐姐非常友善有禮，為餐廳留低好印象！無特別打算食咩都係嗌返招牌牛肉面「銷魂紅燒牛腱心」再加杯珍珠奶茶～～麵條比較粗身、十分彈牙唔會冧之之，加埋夠哂濃味的湯底係幾好食，湯底飲左一大半唔會點口渴，值得一讚✨👍🏻紅燒牛腱心就普普通通，係有少少失望的，比較硬啲😌珍珠奶茶都唔太突出，但餐廳的珍珠奶茶一般無太高期望，所以普普通通都收貨👍🏻👍🏻

星期五食飯周圍都要排隊尤其是朗豪坊，呢間台灣野都要排三四張枱。其實好耐之前食過，叫麵既，今次試飯，唔好食….成餐都唔係太掂….芝士旦肉鬆手抓餅：最好味己算係呢個，勁多芝士。但肉鬆我唔好，了晒比朋友。台式香腸：墨汁嗰隻第一次食，頭頭尾尾嗰個位有d un, 咬到牙骹有d攰。中間位一般，味偏淡。紅色嗰隻比起其他食開嗰d唔好食，人地味濃d又有少少甜味，佢係無乜味。主要靠蒜片少少辣吊味….鹽酥雞滷肉飯：原全無味，仲有某d位有燶味懷疑有d滷肉煮燶左。滷肉一d勁廋有d柴，一d完全係肥….鹽酥雞suppose 係要落d 唔知咩鹽喺面，但佢好似無乜…居然都係無味既….芒果甘露：都算比較正常，但無乜新鮮芒果肉…無乜特別….

週末晚喺旺角朗豪坊餐廳到處都係人龍，見勝面唔係太多人等位就試吓佢，味道同份量都不過不失。我點咗一個招牌麻辣牛三寶拌刀削麵，拌麵無得選辣度，店員話辣度介乎小同中之間。肉既份量都算多，每款都有兩至三塊，仲有跟醃得幾入味嘅鴨血同豆腐。叫拌麵會跟個蛋花湯，不過偏鹹。朋友點左香港限定嘅涼拌手撕無骨鹽水雞湯麵，雞入味得黎偏瘦，加上個湯清清地，岩晒怕肥啲人士。總括嚟講，食物質素同份量都唔錯，下次有機會都會再去試下其他食品。

台式甜不辣拼花枝丸滷肉飯💰65第一次食甜不辣，好好食！😆長條型嘅甜不辣食落有啲似魚蛋～食落煙韌，既有彈性又有咬口！花枝丸都唔錯🤪炸啱啱好，熱辣辣，彈牙👍🏻呢一碗飯都幾大碗，大過塊面～滷肉比起平時食到嘅大粒，肥瘦適中，讚！而且份量都幾多，每一啖都可以有滷肉拌飯👍🏻 滷肉汁滲晒落去飯度，但唔覺肥膩🙆🏻‍♀️ 滷蛋規規矩矩，拌碟嘅酸蘿蔔幾開胃👅呢間台式餐廳正正係天婦羅人龍店天吉屋隔離，雖然類型唔同但我覺得一樣咁好味🤤

//有讚有彈朗豪坊嘅台灣菜🙂//·✨涼拌手撕無骨鹽水雞🐔 拌刀削麵 $72送蛋花湯一碗，正正常常手撕雞係幾好食嘅，但佢唔係鹽水雞喎🤣個麵就配麻辣汁，我都食到個辣嘅，而刀削麵較為粗身，煮得煙韌·✨芝士肉鬆雞蛋手工手抓餅🧀🍳 $45先講味道，係好食嘅，芝士超爆多，仲有肉鬆同雞蛋係入邊🤪手抓餅都整得脆身嘅，但係份量少啲得兩舊，相對價錢就貴🥲·✨人氣清燉牛腱心刀削麵🐮 $68👦🏻唔食得辣叫清燉湯，點知嚟到好似清水咁，冇味嘅，好失敗🙈牛腱心就你見到咁啦，普通唔算出色😌仲有個麵雖然同樣比係刀削麵，但係煮得好硬，唔好食😂·✨芋見鮮奶茶🧋 $33半糖少冰，我遇見唔到芋泥喎，芋泥份量真心唔多、唔足料，但個奶茶都算好飲嘅，芋頭嘢都係天仁好飲啲🤣·🌟台灣嘢嚟講，我都好少中伏，佢都算係幾唔好食嘅一間😂😂少伏呀🙊