包羅萬有(萬友)火鍋 (已結業)

聖誕前大出血 呢排洗大左 要食平少少今次發掘左呢間糧尾救星喺銅鑼灣嘅晚市 150就已經可以任飲任食真係幾抵玩喎基本上係全自助形式 姐姐上完湯底之後連肉都係自己喺雪櫃自己攞 想食咩就攞咩肉有豬牛羊 仲有都幾多丸類牛柏葉嗰啲大路野飲品除左罐裝同紙包飲品 仲有好多奶茶檸茶嗰啲自己任斟湯底我哋就揀咗胡椒豬肚雞鍋同埋酸菜魚鍋胡椒味好香 有少少辣 入面都幾多雞同豬肚豬肚夠厚身又夠淋酸菜魚嘅魚片係另上 唔怕煮到爛晒 好貼心酸味夠 如果麻味再重啲就更好魚片夠晒滑又冇骨 唔錯喎另外仲有蝦同扇貝 蝦都幾大隻本身係每人一份海鮮但阿姐經過我地多口讚啲蝦幾爽冇啦啦佢又送左碟俾我地😂仲有啲炸魚皮 酸辣鳳爪嘅小食喺出面熟食區鳳爪超正 食左三轉甜品除左有雪糕 仲有店家自制糕點比較養生又唔會太甜 幾好總結150係抵食嘅食物款式唔係太多 但一定夠食相較火鍋料 我覺得湯底真係好用心有成十款 今次呢兩個湯都好滿意又足料下次糧尾會再嚟試埋其他款

☀︎ 𝗦𝘂𝗺𝗺𝗮𝗿𝘆：銅鑼灣美食雲集，但要數超高性價比$150/位就有交易嘅涮涮鍋放題可能只有「包羅萬有」先有啦😂◈ 特式川味麻辣湯 - ©3.5/5分每一人底迷你湯鍋，可以自私食😂表面吾會有過多嘅油浮係湯面上但毫不影響湯頭嘅麻辣程度而且愈煮愈香辣，真係吾錯👍◈ 海鮮 - ©3/5分每人一碟頭盤，包括鮮蝦，帆立貝，餃子.◈ 牛肉 + 豚肉 + 羊肉- ©3/5分自助區有極上羊肉片，豬腩片，豚肉，肥牛等其中，肥牛同豚肉都吾錯係鍋中涮幾秒即可～.◈ 蔬菜 + 丸類 - ©3/5分蔬菜同丸類放係自助區嘅兩個大雪櫃中有蓮藕，芝士腸，粟米，魷魚，千頁豆腐等◈ 小食 + 飲品 - ©3/5小食有炸魚皮，炸春卷，炸魷魚鬚而飲品除左一後汽水外仲有咖啡，奶茶，奶茶可以自己DIY架😈

任食一人鍋！超驚喜地抵食🌶必食足料濃郁麻辣湯！-港島呢個價錢任食，已經夠驚人，點知田中上網一睇，原來主廚黎自五星級酒店，做左30年，嚇田中一跳。-🥘90分鐘任食一人鍋 ($150)近10款湯底，款款足料靚湯，一人一鍋極方便，唔洗就朋友，環境闊落，呢個價錢冇得輸。🌶特色川味麻辣湯 (免費)用湯羹一舀，就見到極多香料，開頭湯頭的確鮮甜，然後越食越麻，後勁十足，極惹味。🍗養生藥膳醉鷄湯 (+$20)人氣湯底，一入店內，已經聞到藥膳同醉雞香。湯底藥膳足料，入口清新帶甘，就咁飲都正。🥓任食火鍋料美國肥牛、羊肉片、豚肉片、滑魚片、丸類、蔬菜，應有盡有，凍櫃自己拎，即炸魚皮更加係必食。🥩牛上腦肉心、牛板腱 (200G +$68)1️⃣如果想試更多肉，加錢叫亦唔貴，200G大大碟，出邊起碼收貴一倍。2️⃣牛上腦肉心脂肪含量低，肉味濃郁。牛板腱就帶有油花，肉質較嫩身。🍮手工糕點呢個價錢甜品選擇唔多，但有師傅手工糕點。必試班蘭椰汁糕，外形簡單，但入口軟滑，散發椰汁香，顯出功架，田中一人食左8件。👍🏻7.5/10

今晚行過附近發現了間幾抵食嘅樓上火鍋，餐廳內地方闊落之餘座位舒適，每位一個湯底，有不同選擇，當中有些要加錢，但都唔貴，而最緊要係一個超抵食價錢，就可以任飲任食，質素都唔錯，只要選擇了湯底就可以到自助區取火鍋配料，正如餐廳名字一樣包羅萬有，最緊要食得到！今晚點了個牛腩湯底，內有軟淋嘅牛腩，湯底香濃，再配埋香滑肥牛、豚肉真係十分滋味！除了肥牛豚肉外，還有不同嘅丸丸、同埋爽口彈牙嘅魷魚鬚、墨魚片等，走兩三轉都已經十分滿足！還有個自助雪糕櫃，有不同口味，當然樣樣都試吓，朱古力味道夠晒濃郁，整體十分滿足！如果在附近食個餐嘅價錢比較這裡絕對抵食！

呢間佢可能係銅鑼灣最平任食火鍋之一。晚市到只係$150就有任食多款火鍋🍲然後佢哋嘅火鍋湯底好衛生，一人一個煲，每人可以揀返自己鍾意食嘅湯底唔使爭，今次我點咗椰子雞湯底，以朋友之外，將一個麻辣湯底。每人都會額外送一小碟海鮮，上邊有蝦同元貝，另外出邊同平時又食火鍋一樣有唔同嘅食材可以選擇，包括有唔同嘅蔬菜類、肉類、海鮮類、會有甜品、飲品等等⋯我揀咗午餐肉、牛柏葉、山竹、魷魚🦑、揀咗幾碟蔬菜🥬。總體評論係以呢個咁平嘅價錢來講不要求太高，總算食物多種類選擇而且食材尚算新鮮。

今次同男朋友去左銅鑼灣食任食火鍋，佢晚市只需150蚊就可以食到多款火鍋配料，性價比極高!我估都係全銅鑼灣最平同抵食嘅火鍋放題！叫左一個暖笠笠胡椒豬肚湯底，湯底有大量豬肚，足料，而且食完真係覺得成個人暖左咁。豚肉鮮味十足，不會很薄，有口感，豬腩肉不會全是肥肉，厚薄適中，令人一試難忘。還有海鮮作選擇，海蝦新鮮，十分大隻，洗得乾淨，衞生。飲品方面，選擇十分多，有凍奶茶和凍檸檬茶，奶茶香滑，有冰鎮之感，檸檬茶酸味夠，茶又不會太濃。餐廳環境舒服，很有家的感覺，是一間值得來吃的任食火鍋餐廳。💓💓😍

一向熱愛打邊爐嘅我，見倒有午市 $99蚊仼食火鍋，就上左樓去打邊爐喇！午市放題係90分鐘，平時放lunch大概一個鐘左右，都食得切！佢嘅鍋係細鍋嚟嘅，一人size嘅火鍋我呢就揀咗老壇酸菜魚片湯個爐都幾猛火下，所以湯底一放上嚟就勁快滾好在就係魚片分開上，啲魚唔會淥到散晒酸菜魚湯底鹹味適中，又唔會太酸，出面有得攞薯粉，攞嚟配薯粉就一流不過啲湯滾得好快，所以記得要較細火，如果唔係啲湯好快就蒸發哂，蒸發咗一半左右就會有少少酸外面有一整個櫃係放肉類嘅，啲豬腩片都幾靚，同出面百幾$200一位任食嗰啲嘅質素一樣！除咗豬同牛之外，佢仲有羊肉嫁！旁邊仲有炸魚皮同埋少少熟食有雞翼同埋春卷，春卷都炸到好脆！$99蚊來講，性價比好高！湯底一啲都唔馬虎

同個 friend 響附近做完按摩，勁肚餓見到呢度寫，午市$99任食90分鐘即刻衝上去睇下原來係一人一鍋嘅任食火鍋！有九款湯底，有部份要加錢我要左胡椒豬肚雞湯，我個friend 就要咗酸菜魚片。個湯底好夠味，已經有配料跟！我果個湯底、煲仔細細都已經有五六件豬肚，四件雞。我個friend個酸菜魚，有勁多酸菜，仲有萵筍、魚片另上。肉類有勁多款，豬、牛、羊全部有齊仲要有唔同部位任你攞，啲肉嘅質素仲要好好，試過去一啲任食， 啲肥牛剩係得肥膏，我心諗，任食都唔係比呢啲嘢人呀麻！跟住仲有啲丸、魷魚、牛柏葉、木耳、紅薯粉、仲有四至五款蔬菜。紅薯粉同酸菜魚真係好夾，如果食麻辣湯都要食紅薯粉啊！嘢飲有罐裝、紙包裝、仲有得俾你自己裝熱飲同凍飲分別係檸茶同奶茶。最後當然有雪糕任食，我食咗兩球朱古力雪糕。外面仲有兩款熟食，炸雞翼同春卷，不過嚟得打邊爐，我哋就冇食炸嘢喇！見到有啲叔叔一個人嚟食，我都覺得真心一個人嚟打邊爐係好抵食！

天氣涼涼地，當然最好火鍋，今天causeway bay 收工，約咗個大食的朋友，當然最好梗係食放題，上網睇吓 causeway bay 火鍋放題都唔係好多，呢間價錢好似好抵決定想去試一試。一睇價錢$150超級抵，仲要係一人一鍋，湯底選擇有好多。今日朋友就揀咗麻辣湯底，我就揀咗椰子雞湯底，麻辣balance，椰子雞湯都清甜，最重要一人一鍋夠衛生。食物選擇都有好多牛肉豬肉蔬菜飲品樣樣有，最緊要雪糕選擇都有四隻，呢個價錢食到飽飽性價比高。

夜晚行完銅鑼灣，見到有人派傳單，睇見晚市只係$150，咁平就去試試！晚市價錢應該係銅鑼灣區入邊最平最抵，依家仲有9折，所以就去試試。上到1/F，門外放了很多坐位，多人要等位都唔使擔心入面環境算大，坐得好舒服，真係一人一鍋。小食熱辣辣，有咖喱角、薯角、雞翼湯底揀咗越式牛肉鍋，入面真係有牛骨，湯底好足料牛肉、豬肉係任拎，其他放題通常要order，真係可以食牛食到飽。仲有羊肉、梅花腩、花枝條。仲有生蝦、海蝦。甜品有桂花糕同埋南瓜糕，值得一試，仲有唔同口味雪糕。整體食物質素佳、湯底選擇幾多，用餐體驗唔錯，以依個價錢黎講性價比好高、好抵食。

凍冰冰想嘆火鍋，聽講包羅萬有(萬友)火鍋，可能係銅鑼灣最平任食火鍋，晚市只需$150 埋單，咁嘅價錢邊度搵呀！一於試吓你，地點位置方便，銅鑼灣金利文廣場，餐廳性價比高！一人一鍋湯底：酸菜魚店員有禮貌，安排座位之後先點湯底，我揀咗口味特別啲酸菜魚湯底，酸辣刺激，比較開胃。一人一鍋乾淨衛生，唔使share，自己獨享想自由發揮點都得。魚肉雪白，入口嫩滑，新鮮鮮甜，連埋酸菜一齊食，味道唔錯。小食吧出邊小食 bar 有好正嘅咸花生🥜酥脆可口，仲有酸甜開胃的蘿蔔條，有水準。飲品任飲竟然有高級的 tonic water ，真係估你唔到，打邊爐飲tonic water 好爽呀！海鮮拼盤每位送小的海鮮拼盤，有海蝦、生蠔、虎蝦；鮮甜彈牙，一啲都唔失禮。多款火鍋配料任食自助區有多款火鍋配料任食，本地新鮮肥牛、龍蝦丸、海膽丸、陳皮魚蛋、新鮮蔬菜；款式選擇多！甜品雪糕最後食埋我細個最鍾意食嘅三色雪糕，完美呀！

包羅萬有（萬友）火鍋主打抵食價錢，一人一鍋火鍋。午市只是$99，晚市＄150，多款火鍋配料任食！！真係超抵！真係超抵！真係超抵！好重要，所以要講3次😂😂環境方面，坐位闊落，不會太迫，即使坐四個人也很闊落。多款湯底，共有九款，包括有特色川味麻辣湯、養生藥膳醉雞湯、正宗粵式牛骨湯、蕃茄薯仔洋蔥豬骨湯、老壇酸菜魚片湯、胡椒豬肚湯、椰子雞湯、秘製沙嗲湯和芫荽皮蛋豆腐鍋。留意番部份需要另加$20。小妹揀了養生藥膳醉雞湯+$20，好足料，很有藥材味😋朋友仔揀咗越式牛骨湯+$20，牛肉炆得很淋，很入味。所有食材都是自助區拎，包括有肉類、丸類、菜類、甜品和飲品。所有肉類都可以自由選擇，想吃肥的、瘦的和半肥瘦既肉，都可以自己選擇。送咗兩款蝦，很彈牙。蔬菜嘅種類亦都很多，包括有金菇、娃娃菜、生菜、西洋菜、粟米、南瓜、芋頭等等。想食幾多可以自己夾，唔使驚食唔晒。除咗有自助飲品櫃之外，還有熱咖啡、熱奶茶、熱凍檸茶等等。火鍋醬油配料，有秘製醬汁包括有腐乳醬、胡麻醬、豆豉辣椒醬和沙茶醬。甜品仲有南瓜糕和桂花糕。

今次食左間可能係銅鑼灣最平既任食火鍋，晚市只需要150蚊就可以有多款配料任食，性價比高，認真抵食。今次同好朋友兩個人食，食左唔同既火鍋配料。我地叫左個養生藥膳醉雞湯底，單飲湯底已經好好飲，好足料，好有雞味，好似飲左好多隻雞既精華咁，認真抵讚!有個特別既美國安格斯認證既上腦肉心，肉質新鮮，不會很肥，很香，食完忍不住再食。佢有唔同既小食，例如四式青瓜酸，酸甜酸甜十分開胃，也可以自己加湯，仲有特別既秘制醬料，十分惹味。佢既火鍋醬料十分多，任君選擇，總有一款岩心水。食火鍋當然唔少得肥牛，肥牛十分鮮嫩，不會過肥，牛香溢出，正!環境乾淨，擺設簡約，下次會再黎!

打邊爐邊個話要一定要約埋成班人先食得，銅鑼灣新開咗間主打一人火鍋「包羅萬有」任食打邊爐💰1️⃣5️⃣0️⃣/1位餐廳環境都幾闊落，每張枱都有快速電爐火鍋湯底約有10款選擇，我就選擇胡椒猪肚雞湯，鍋底雖然細但勝在足料，有胡椒、咸菜、唐芹、豬肚、枝竹同三黃雞，食完暖笠笠😝火鍋配料同食材都係去自助區自取，肉類有肥牛、豬肉片、羊肉同雞件雖然唔算係上等肉但勝在齊全😉仲有丸類、沙白、多款手工餃同蔬菜等每一位都會附送一碟蝦，蝦唔錯幾新鮮飲品方面除咗有汽水同紙包茶類，仲有即沖茶餐廳咖啡、奶茶同檸茶等，不過都係要自行沖嘅甜品當然唔少得，有椰汁糕、馬豆糕仲有阿波羅雪糕🍦🎈包羅萬有(萬友)火鍋🎈銅鑼灣謝斐道496號金利文廣場1樓

我好鍾意打邊爐😋呢日同朋友響銅鑼灣行街，經過呢間「包羅萬有」任食打邊爐。見到都唔錯，價錢又平，只係$150！！又見到晚餐時間，一於去試吓😋上到去餐廳，環境都唔錯，地方闊落。坐低之後，見到原來係一人一鍋！尤其依家疫情，一人一鍋真係唔錯👍🏻👍🏻湯底都好多選擇，我揀咗正宗越式牛骨湯。而我朋友楝咗溫補椰子雞湯。每款湯底都好足料，正宗越式牛骨湯入面好多牛肉同白蘿蔔，味道清甜，牛肉意想唔到既嫩，因為通常已經餚到會乾柴，但係呢個唔會👍🏻。而我朋友既椰子雞湯滾起既時候就傳出好大陣椰子雞味，超香😍每一位都會附送一碟蝦，d蝦唔錯，鮮甜，肉質爽脆😋，另外，全部食物都要出去食物區到自取，每款食物都放響雪櫃度以保持新鮮👍🏻食物款式都有幾多：豬丶牛丶雞丶羊丶蜆丶牛柏葉丶豬紅丶丸丶魷魚丶多款蔬菜等，仲有熱食同唔同種類嘅飲品。每款肉類都唔錯，都幾嫩滑👍🏻。而蜆肉仲好飽滿😋同好大隻😆食完之後梗係要食個甜品黎完結今餐啦🤣，我「筆」咗芋頭味同朱古力味嘅雪糕😋食完之後真係好滿足😌