影片
营业时间
今日营业
06:00 - 23:30
星期一至日
06:00 - 23:30
以上资料只供参考，请与餐厅确认详情
有時一個人，想食點心，但又唔想去茶樓，嚟呢度就係一個好好嘅選擇。個人好鍾意食呢一度嘅燒賣，佢係鮮蝦燒賣，一粒燒賣入邊，起碼有三隻蝦咁多，好鮮！好好食，10分推薦！
继续阅读
前日(10-8-2022 Wed)老公放工後走嚟八吓有咩可以買嚟加餸,有煎釀三寶,佢就買咗$28.00八件,同用$14.00買四個芋角.拎到返屋企打開,八件煎釀三寶有4件係釀茄子,青椒同青燈籠椒各2件(呢張相已夾起1件釀茄子至影),睇見釀茄子大大舊,但青燈籠椒竟然係橫切成環形,我真係第一次見咁嘅造型,真係諗得出.我先食芋角(張相係我老公食咗一件至影),都幾大件,外脆內裡軟綿,好飽肚.煎釀三寶,老公食釀青椒,佢話唔辣,咁我都食吓,係唔辣,口感正常,鹹度亦適中.釀青燈籠椒我就冇食過.
继续阅读
之前講荃灣會有兩間新中式包點舖，其中一間已開，佢唔只包點、蒸點，煎、炸點心、腸粉，甚至燉湯都有，餃子就只賣生餃，人流唔少，多款之餘價錢係區內亦較平，仲有多款組合優惠，放工買飯之餘，亦可買點心加餸。什菓沙津卷，宜家少有嘅酒樓點心，首先皮要薄，任何炸物都唔應該厚皮，但依個入面係什菓沙津，水份高好難包得好，而佢個皮就做得算薄。火候亦要控制得好，溫度太高做唔到金黃，太底皮會唔脆，亦會入油，沙津油邊個想食？而佢睇個色都知，難得！蜂巢脆竽角，又一少有酒樓點心，傳統竽蓉會加入冬菇、蝦米同肉碎等味道太複習，反而依個只有竽蓉我更喜歡，涼咗都唔會油，蜂巢外層大家都知難做，火候一有差錯就睇到哂，炸完仲要小心放置，壓到會碎，油未滰乾立即扁，超難照顧！佢顏色雖然深咗啲，但已好難得，外層完整，鬆脆，內層無入油。香煎粟米餅，餐牌無，但望落足料，同香煎韮菜餅一樣賣得好快，始終涷咗，皮雖然薄邊位都少硬，但粟米多，同肉混至起膠，有咬口。本來每樣要雙數買，因為臨收工又買得多，俾我搭件咸水角，明明放入去前好好地，打開發現竟然俾粟米餅壓扁咗…但唔影響味道，一樣酒樓質素。竽絲脆春卷，幾大條，見考技術過啲幾靚，本身好有信心，點知一食就飽哂。外皮脆，竽絲都多，但入面竽頭入哂油，完全唔想食。絆糖馬蹄糕，粗粒馬蹄夠多，糕質控制剛好，可以用筷子夾到之餘亦唔太實，味道清甜，甜品一流！招牌鍋貼，望落算靚仔，皮薄，但邊已硬，主要為試個餡，無咩菜，主要係肉，口感同香煎粟米餅差唔多，體積至少差成倍，又無口感，但算知道佢生餃嘅感覺，同以後都係買香煎粟米餅。大壽包，見佢梗貴真係唔想買，但有人想食，只有凍，要自己蒸，蒸完表面散發著少許人參味？感覺怪怪，內𥚃蓮蓉，中間一少塊蛋黃，味道唔錯。蜜汁叉燒包，表面幾粒黑芝麻做記認，酒樓質素，包點舖大小，講返個包，發酵度底，有古法發酵嘅甜度，傳統確實會梗，但食開更鬆軟囗感，難免扣分。菜肉包，菜新鮮，比重幾多，肉一般，食落都唔錯，但食落就係覺得唔夠鬆同濕度太重。潮洲粉果，成份主要係沙葛，花生、韭菜，猪肉得少少，係唔抵食咗，不過無梗油，更有口感。叉燒腸粉，牛肉腸粉，皮厚，表面睇唔出係邊款，叉燒一定係廚房用叉燒，口感同叉燒包唔同，以冷藏貨嚟講口感叫唔錯，味道亦剛好，但叉燒包更好；牛肉同牛肉飯嘅肉一樣，係馬蹄無梗多，主要係鍾意佢個鼓油，所以食其他會更好。牛肉飯，餐牌係煎蛋牛肉飯，但好似有好多都亂嚟，好似北菇滑雞飯有全雞版同走菇變蠟腸都得，望落其實我估唔到係牛肉，就奇怪依舊係嘜？本來只係跟椰菜，但夜晚唔夠菜，就俾少啲，搭舊賣到尾淋淋地嘅釀茄子，都唔錯。與其叫肉餅，不如叫牛肉球！雖然味道本身都似，馬蹄粒同溝咗粉嘅肉，但前者通常實啲，有返個餅型，而佢直接係三粒未蒸牛肉球壓落去，囗感完全一樣，可能牛肉無嘜汁，飯幾乾，但以煮飯睇就係粒粒分明，鼓汁調製得味道遍淡，落多啲會更好。梅菜肉餅飯，中午買，椰菜有成半盒，肉餅面一堆梅菜，大大塊，外表差但足味，食到梅菜香，飯亦較濕潤。全部都係酒樓質素，難怪人山人海，但相對傳統有落嘅野都一定有落。開到九點幾，八點幾仲出新貨，反而早少少飯都未有得賣，現時只收現金唔太方便，同你要係街市買到嘢依度先買到，食就係戰爭！
继续阅读