包點達人 (電氣道)

营业中

休息中

我平時係街坊幫襯開嗌咗燒賣同蝦餃佢夾燒賣嘅時候跌咗粒落地下咁佢就喺第二籠度攞返粒畀我但係我心諗咁另外嗰龍咪少咗粒囉所以畀完錢嘅時候 我望下想睇下佢點處理嗰籠少咗一粒嘅燒賣但係我驚訝嘅係發現佢好似用個夾喺地下度攞返啲嘢上嚟我睇唔到係咪粒燒賣之後佢動作係將嗰樣嘢放喺少咗一粒燒賣個籠嗰個位置而且我肯定嘅係 佢冇攞返少咗一粒燒賣嗰籠出嚟咁好合理去諗如果嗰籠燒賣唔係拎返出嚟 拎入廚房搵另一粒補上咁仲有啲咩處理手法呢？究竟佢做咗啲咩 我唔係百分百睇得清楚 大家自己諗下仲有就係 就算我冤枉咗佢我起碼睇到佢 用個夾伸落個地下度 然後又去掂啲食物

今日買咗2件咸水角，2件蜂巢芋角，2件韮菜，2件炸雲吞，其實味道是ok的，就是蜂巢芋角食咗塊鐵片出嚟，打電話過去反映，聽電話嗰位態度愛理不理，完全冇話會點樣處理呢件事

因為平，所以之前會不時買啲蒸飯同點心。但上星期去買點心先意識到佢個店員完全唔care衛生問題。佢當住我個面跌咗個蝦餃落枱面，仲執返擺入個飯盒度。我要求換一個，對方表示冇得換（但分明見到仲有好多碟蝦餃⋯）而且張枱係乾淨（但其實都係油同塵😅），仲話「比得你就唔會有問題」。之後唔會再幫襯👋

外賣點心我一向食開唐記包點，經過左呢間點心鋪好多次，因為佢嘅裝修比較一般，我都冇乜特別諗過去食。但係見到佢每次經過佢都排晒長龍，好多人買，我心諗差極都有限，就俾次機會佢啦。點知一試之下，原來排晒長龍係真係有佢嘅原因嘅，叫咗幾樣點心，包括山竹牛肉、鹹水角、蘿蔔糕、同埋馬蹄糕，每一樣雖然唔可以話驚為天人，但係都味道好好。尤其是而家出邊已經好難搵到有馬蹄糕食，呢樣嘢值得加分。仲有一樣最重要嘅就係，佢嘅價錢真係好平，基本上$20左右已經可以食到飽飽仲要好好味嘅一餐。

想係屋企食點心，屋企人就落街買。天后呢間分店未食過。蝦餃- 有3粒，無蝦味，餃皮韌。燒賣- 有4粒，幾香，大大淡肉。雞扎- 2條，腐皮銀，芋頭出水，豬皮冇食到，雞肉幾滑。糯米雞-夠晒熱，糯米好淋，雞夠滑，有一段臘腸，一舊大段叉燒，仲有d濕濕碎既肉碎，個汁麻麻地，份量夠大。北菇滑雞飯-夠熱，大大盒飯，仲有好多舊雞肉，雞肉夠滑，有一粒冬菇，冇怪味既，正常既。呢盒飯ok。埋單$85，平係平既。不過都唔夠其他分店甘平，人地有做特價時段。

成日見到咁多人買就諗住試試這間只提供外賣的點心店。這日買了一份燒賣，雞扎，及北菇滑雞蛋。北菇滑雞飯的飯太淋了，菇沒有菇味且只得半粒，雞沒有雞味，薑沒有薑味。整個飯盒太差了，可以用難食黎形容。不過用$24就可以飽肚的，要求自然不可以有。至於燒賣還，豬肉太肥但味道都可以接受。雞扎就只有一大件火腿及大芋頭，一般以下的水準。兩個點心夾埋都係$28，平到笑！總言之，這間點心店只適合那些只想飽肚而對食物冇要求的⋯

The twins said this ("Bao Dim Tat Yan" shop in Tin Hau) is a family business which includes another shop "Bao Dim Gui Yan" in Sai Ying Pun.It is a take away business for dim sum fast food. It is well lit and I have previously observed opens early in the morning. The food looks very appetizing and is tasty. There were 3 fish/meat balls or siu mai in a polystyrene takeaway box costing $13 and some quickly deep fried sesame sweet meat balls for $16. It is more reasonably priced than in a dim sum re

天后難得有中式包賣⋯⋯每次經過都會覺得D點心好吸引，點心種類都有好多。又有甜品、又有普通點心、煎炸既款式都有。平時食西式包食到悶悶地，有時食中式包都係唔錯既選擇。食落去感覺上健康D呢⋯⋯但每次經過時都已經食飽左。又由於店舖冇位置堂食，所以只可以買外賣。所以，我揀早餐時候買就剛剛好喇。今次，我就揀左菜肉包，味道都唔錯。早餐食一個包都既已經夠哂喇$6個。之前都試過炸菜包，其實我覺得炸菜包口味會好D,但感覺上炸菜冇咁健康。又試過食饅頭$4個，清清地都唔錯。