北京樓 (新城市廣場一期)

营业中

休息中

因為疫情關係，已經好少出街食飯，而且都有一段日子冇食北京填鴨，所以今日專登去沙田北京樓買咗片皮鴨外賣，我覺得北京樓嘅片皮鴨一向都有水準，個鴨皮香脆而且又唔太肥，鴨肉唔會咬吾開，而且啲肉都好juicy。而用嚟包住北京填鴨嘅薄皮每塊之間都有張纸隔住，唔會好似其他某啲食店咁黐埋曬，而且唔會一包就穿，特製嘅北京填鴨醬汁又係冇得彈，中間夾埋大蒜青瓜一齊食，我哋一家食到唔停得口，眨下眼一隻鴨就食曬，睇嚟下次好快又要去北京樓食多次~~

早前見到北京樓早茶做緊優惠，就是大丶中丶小點一律＄18，呢個價錢真係好吸引😍好抵食。所以今日又黎飲早茶，早上9點半左右，都幾多人黎飲早茶，需要等位，等左大約十五分鐘先有位。今次都無緣坐窗口位，望下張點心紙📄，發現少左款式，比較返上次飲早茶的點心紙，無左香菇雞包仔丶川芎燉魚頭丶黑松露淮山餃丶鮮蝦瑤柱菜苗餃丶蒜蓉蒸鮮魷丶鵪鶉蛋燒賣丶臘味糯米包丶香煎韭菜粿丶潮式煎茶粿丶炸芋絲春卷丶鮮蝦腐皮卷丶焗墨西哥叉燒餐包丶子薑皮蛋炸蝦筒⋯⋯無左咁多款點心😔，不過我都會繼續支持丶幫襯。美心集團有質素，一定要支持。以上係4月1日同4月23日點心紙的比較

在美心中菜社交平台專頁 見到北京樓丶翠園丶美中鴨子丶潮庭丶八月花丶八月居⋯⋯由2020年4月24日起，逢星期一至四晚市堂食可享6折優惠！而星期五丶六丶日及公眾假期就享有68折優惠，萬勿錯過。取代左之前半價優惠😭。而全綫北京樓丶美中鴨子(荃灣分店)丶魚塘鴨子的午市都有6折丶68折。趁優惠今日開始即刻搶先黎沙田北京樓食晚餐，今日(24號)係星期五，只有68折優惠。經過上次經歷，8點半去翠園已經好多菜式都無，今次刻意早d黎食晚餐，7點幾就入坐，可能有68折優惠，所以無左孖寶優惠。今晚叫左紅油抄手(8隻)丶芥味沙律蝦球丶榨菜肉末跟叉子丶咕嚕肉丶北京填鴨(半隻)，而北京填鴨可享半價優惠。除左咕嚕肉之外，其他都保持水準。門外見到有外賣自取便當，全部一律＄78，而且有燉湯送，仲要有8折，有十二款選擇。折實＄六十幾，呢個飯盒真係好扺食，份量驚人，又有前菜丶又有南北杏淮山牛蒡雪梨燉豬展。

早前見到沙田新城市廣場北京樓，做緊早茶(早上8點至11點)及下午茶(下午2點至4點)優惠，就是大點丶中點丶小點和粥一律都是$18。見到呢個優惠咁吸引，於是嘗試一個人去嘆早茶。雖然一個人飲茶有一定限制，食唔到好多款式點心。今次好可惜坐唔到窗口位，坐左入去廳房，想搵人落單丶埋單都有d難度，因為佢地太忙。我叫左一碗皮蛋瘦肉粥丶鮮蝦瑤柱菜苗餃丶煎蘿蔔糕。呢碗皮蛋瘦肉粥非常大碗😧，但係幾好味，好足料，配埋脆脆一齊食，將味道層次大大提升。而蘿蔔糕都好大件丶煎得好靚，平時飲茶只有三件蘿蔔糕，北京樓竟然有四件。菜苗餃都唔錯。全部都好滿意。

因應新型冠狀病毒，政府落實多項防疫措施，根據《預防及控制疾病（規定及指示）（業務及處所）規例》枱與枱之間至少要有1.5米距離或有其他分隔安排；不得有多於四人同坐一桌；在該處所內除飲食外須一直佩戴口罩。上次見到沙田北京樓有早茶(8點至11點)及下午茶(2點至4點）優惠，大丶中丶小點一律$18。所以今日咁啱同家人一齊放假可以去飲茶，而且人數無超出限制，啱啱好四個人。第一次去北京樓飲茶，覺得呢度都幾多款式選擇，而且仲有下午茶優惠，真係好抵食。唔使次次都淨係去翠園飲茶，多個選擇。北京樓位於新城市廣場8樓，居高臨下，窗口位可以有天然光線照射。大中小點都只係$18，除左蝦餃＄43。全部都唔錯，有水準。

突然想食片皮鴨，所以當晚約左親戚食餐即興飯局。選擇去＂北京樓＂食烤北京填鴨，一踏進酒樓就需要量度體溫才可進入，途中經過見到有張枱係用黎消毒餐具，用熱水浸住碗丶杯等餐具，感覺好衛生。當晚被安排坐在窗口位置，居高臨下，位於沙田新城市廣場頂層。揭起餐牌望下，選擇款式好多。當晚叫左一隻烤北京填鴨＄320丶雪菜肉絲炒年糕＄118丶四川擔擔麵＄68丶紅油抄手＄68（8隻)丶九菜撈蛋煎餅＄68（2隻)丶好朋友榨菜肉末(跟叉子燒餅)＄138丶優惠孖寶- 芝士牛油焗大蝦｛(伊麵底)4隻｝＄268及咕嚕炒魚柳。呢個優惠孖寶好低食，$268有兩道菜。全部都好好食，食到捧腹而歸。呢度好細心，提供埋手套和濕紙巾。店員服務態度好。環境乾淨企理。

本身想去outback食牛扒，點知要等成個鐘，最後去左北京樓，整體唔錯。叫左四個菜，包括鎮江肴肉，北京填鴨，蔥爆牛肉，乾扁四季豆。除左蔥爆牛肉個牛肉比較差外，其他都算合我口味

黎到新城市，見到北京樓新開，就試一試，我好鐘意食片皮鴨，北京樓d片皮鴨皮薄，但半隻唔多，只足夠兩人食，價錢中等，整體都算ok 。反而個蝦腸粉煲幾驚喜，蝦好彈牙，好味。新裝修環境唔錯，價錢中上，

今晚幾個朋友相約沙田食飯，見到北京樓做緊匯豐信用卡優惠，又見套餐入邊有北京填鴨，於是就決定一試😆套餐好抵，有湯有餸先$808，連埋加一同茶位，埋單都係$955，平均每人都係$240左右1.火朣螺頭燉雞料好足，有螺頭，花膠，瑤柱，火朣，雞胸肉，啖湯好清甜2.三里橋醉雞係雞脾肉同雞翼部分，不過一睇已經覺得隻雞好肥🙈夾起直頭見到大大舊肥糕🤭醉雞嘅味道係唔錯嘅，只可惜雞肉太肥同埋有啲鞋3.麻醬茄子粉皮賣相唔吸引，一pat嘢咁，都幾肉酸🙈粉皮係爽口嘅，但茄子配埋麻醬既感覺就好奇怪，呢味前菜我地幾個都唔太好4.蒜香明蝦球蝦球好爽口彈牙，配埋翠玉瓜一齊去炒，成碟菜好清新，又唔會太咸😋5.紅燒黃花魚黃花魚先經油炸過，在落芡汁配料一齊去燜煮。唔算好入味，魚肉都唔算太鞋，不過不失6.烤北京填鴨（一隻）呢度既鴨相對細隻，係出邊既3分2左右。但質素尚算唔錯😋皮脆肉嫩，而且塊餅皮十分薄身，但又好煙靭，配埋醬汁配料一齊食，一啲都唔油膩7.罐湯小籠包皮薄多汁，一咬落去，啲汁滲晒出黎，十分鮮甜😋跟住再點少少醋食埋個肉饀，正👍

今日諗住試一試呢間 book左桌 去到等成9個字都未有桌... 問個樓面 佢叫我地等人埋單..超無奈行左入去睇見好多枱都未有野食呆等 見唔太對路 轉左去樓下利苑 即walkin就有可能餐廳岩岩開？有點失望

見在沙田新開了北京樓,趁假日就決定去試試.前菜正常,但偏辣。鍋貼(五件): 肉餡算多,咬ㄧ口有肉汁漏出,ㄧ般正常味道。竹笙菠菜餃: 餡內的菠菜不少,找了很久,才找到ㄧ小條小竹笙(没小心看,根本見不到及吃不出)。椒鹽炸豬手粒: 皮脆肉香,炸得不錯! 件數都合理,又不會沒肉,下次會再叫!川鹵麵: 材料豐富,有蝦仁,木耳和海參粒! 蝦仁和海參粒也很爽,只是湯底ㄧ般。蝦仁,木耳和海參挽救了碗麵,不至於太難吃!假日等位需時,味道ㄧ般。

服務態度極差 明明一樣嘢食寫明係兩件起 係都拗話係三件嗌填鴨話要40分鐘結果等超過一個鐘 仲要搵唔到侍應問 啲侍應行過嚟都當見唔到人舉手蝦仁好淡 松子魚都唔夠脆嘢食唔合格 服務更加唔合格 唔會再嚟Super bad serviceWaiters are not familiar with the menu and the waiting time for peking time is much longer than told.The waiters also ignore us when we ask them for help.Food was below standard and the service is even worse. No second chance.

又一新店進駐新城市，走馬燈般轉不停！新店換藥不換湯，沿用前店裝潢(因屬同一集團），驚喜欠奉。好，開飯！這晚，點了茶薫鴨，雞絲粉皮，小籠包和蒸銀絲卷。鴨上，茶薰香撲鼻，鴨皮薰香脆口 ，肉質嫩滑，不油膩，配上熱熱的包子，好食小籠包，皮薄餡靚，一啜，餡湯破皮而出，鮮味盈腔，必試之選不過，包皮真太薄，起🥢時當心。雞絲粉皮，粉皮、雞絲、青瓜絲和麻醬汁配合得宜，不錯👍 有水準，略嫌買相一般，可改善。下次可試試招牌菜片皮鴨！

星期日看完我喺垃圾戲，諗住有一間新開的酒樓，當然試一試，北京摟，心諗一定......... 點心小賣，細細粒、買相，食落口，普通普通，腐皮卷，咬一口，點解嚼不下，好似嚼香口膠，有一條條唔知乜東東，要吐出來。擔擔麵，不過不失，不過花生味唔重。我開了水壺很久，沒有人倒水，因為真係侍應少，我便叫了一個經理，幫我加水，點知個經理居然可以同我說：你叫我也沒有用，唔得閒幫你做。下，原來一間都算華麗高級的酒樓，都有咁嘅服務態度，差差差。你叫等等都好呀，唉。員工不足，令到員工一吐怨氣。叫埋單，也沒有人🉐️閒理你薑蔥餅，好油膩這是兒時懷舊喜歡吃的甜品，但好油，好肥膩，仲要得一個殼，內裏沒有餡料，真是差勁