北京老家 (已結業)

一星期食二次嘅北京填鴨，點食都唔厭，懷舊的氣氛，同朋友食完覺得好味當然要同屋企人再食多次啦。 今次呢個位置無咩冷氣，有點熱但坐得都舒服，可以同屋企人傾下計，餐廳無限時同埋都無趕我地走~雞絲粉皮粉皮比平時食開的厚，再夾埋濃濃的胡麻汁，上次食完好味再encore~蔥爆牛肉牛肉好淋，有甜甜嘅京蔥味，好嘢味同火喉~雲吞雞正常，有半邊雞但無雞髀，但d 雞有點老~麻婆豆腐有點辣同濃味，一定要配飯黎食，重香料味，個人覺得口味唔適合我~北京填鴨好味，上次食完再encore ,鴨量多，要趁熱食，好重鴨味

環境非常古色古香， 服務唔錯，出菜快，坐得幾舒服，但比較難傾計，建議早點食，傾得舒服點，適合聚會~雞絲粉皮麻醬感覺同出面賣的味道唔同，比較挺身，唔會好水，芝麻味好出，粉皮好粗，好有米味同好掛汁~小籠包皮厚，無咩湯汁，好失望~上湯溫室豆苗正常，有草青味，都幾大碟同多料~麻辣土豆絲有辣味無麻味，土豆絲好爽口，越食越上癮同嘢味~擔擔麵味道同出面嘅有點唔同，無咩花生味但味道唔錯~北京填鴨（一隻）有一籠皮，2份醬及青瓜京蔥條，夾埋非常好味，鴨皮炸到好爽脆，鴨切得好好，有皮多及少皮多肉的，就自己喜好夾，夾皮厚薄恰到好處又有咬口，整體非常好味~銀絲卷味道正常~拔絲蘋果蘋果外層包住好多糖好甜，但蘋果有點酸，咬落去，外層碎開，幾特別，但本人下次會想試其他水果多點，拍照約靚同埋應該幾難整

裝修獨特，利用面譜，紅色嘅燈籠，古色古香的屏風，牆上描繪惜日小孩的壁雕，還有木製嘅天花和印有龍嘅地磚，頓然使你置身於古代嘅時空當中。☕️麥茶個人10分喜愛麥茶，從未試過喺在吃官府菜的桌面上享用，來一個驚喜👍🏼🍵蕃茄蛋花湯清淡嘅蛋味配有濃郁嘅蕃茄味，打開胃口，飯前飲最啱。🥟白菜水餃細細粒，啱一口食一粒。🍜慈禧牛肉麵牛肉用牛𦟌嚟到做，炆得10分𣺉，啱晒我正在箍牙嘅朋友。🥢糟溜魚片跟飯魚片唔腥，酒糟味加上桂花的清香味，感覺清新。🥣紅棗雪耳糖水

大雨淋淋，經過一家古老飯店，竟然有喜出望外嘅晚餐！用茶洗杯時，聞到一股好香好特別的味，已經對呢間餐廳有啲期望，原來係麥茶，好飲！之後叫左個素鴨，幾脆，但片皮鴨就一般，皮唔夠熱，鴨可以！因為一般所以無影相，哈哈😆喜出望外嘅小菜係啲乜，就係全芫荽炒孜然羊肉，估唔到有驚喜，好食！😋最後叫左個拔絲士多啤梨🍓，整得好靚，師傅好有技術，每一條都好幼細，好利害，最重點係個士多啤梨好新鮮，又甜又好吃！值得再來！👍🏻😏

同同事食lunch ，之前已經聽講呢間唔錯咕嚕魚片 $60魚片炸到卜卜脆，加埋個咕嚕汁，酸酸甜甜，好開胃回鍋豬肉青 $60好惹味，火喉夠，菜仲係爽甜既豬頸肉略為薄咗啲，如果厚返啲，口感會更加好小籠包 $55味道不過不失，冇咩特別侍應仲比咗個啪青瓜，應該每位枱都會送，飯後仲有個西米露甜品，不過我太飽，冇要到餐廳裝修得古色古香，又有四川面譜，十幾特別，但係有個位擺咗祖先既相，比佢嚇咗一嚇🤣🤣下次會想試埋個北京填鴨

是晚放假十分疲慮，拖住7頭男伴去覓食。好自然再蕩下蕩下去返旺角嘅北京老家食飯！查實本小姐好少食飯，但超鍾意食麵同餅。呢度好好食嘅羊肉搶湯燴面，你可以話羊肉一般，但麵條係拉出嚟，但係個湯係慢煮出嚟，令成個麵條同羊肉嘅味立體哂。真係好食。此外叫了京醬肉絲伴夾餅。餅質素好零油！夾肉絲一流。主食係煎小黃花魚，個手功做🉐️好，好脆，魚皮上無一粒粉而魚肉只有魚味，無多餘水份，好明顯師傅係煎炸前已超級索唒魚的水份！叻仔。最後，甜品係拔絲蘋果。好食😋it’s my cup of tea係呢度食，不單是為了食，還有坐得舒服，空間大，還有人情味，與年長男侍應傾左以往30年的有名京菜館變化，娓娓道來⋯⋯

🔸北京填鴨(半隻) $150每片鴨都切到好薄，而且份量都好多。隻鴨唔會覺得太油太肥，每片大小都剛剛好。不過包鴨果啲皮就有啲少，最尾啲鴨就齋食，但係都係有皮包住會好食啲。感覺依度既北京填鴨比較正宗👍🏻🔹小籠包(6隻) $78小籠包就麻麻地，啲皮唔夠薄，同埋個餡味道都一般。不過咬落去入面都係好多汁，所以就算個皮有啲厚都唔會覺得好乾。🔸炒刀削麵 $88平時係其他餐廳好少食到炒刀削麵，而且係店員推介，所以就試下。比想像中好食，所以有驚喜👍🏻個麵食落去好彈牙，口感唔錯。茶位：$12/位兩個人去食所以試唔到太多野，不過主要都係想食北京填鴨所以先黎食。黎到一定要食北京填鴨😆

別緻的裝潢陳設，由牆身至裝飾品，甚至一枱一櫈都富有濃厚京城風味，古色古香，真係眼球食先。坐底無幾耐店員就送來一壺麥茶，味道十分清香。我哋點咗至愛嘅酸辣湯麵及老家炒年糕。酸辣湯麵熱騰騰暖胃又暖身，湯料有肉絲、豆腐、冬筍、木耳絲、冬菇等，湯底醇厚，酸辣有至。每一口麵都能掛湯，越食越開胃😛。老家炒年糕配料豐富，有青椒絲、紅椒絲、荷蘭豆、紫洋蔥、肉絲。年糕煙煙韌韌，咬口十足不黏牙。呢道菜用咗豆豉、蒜頭、辣椒炒成，食落好有層次，係惹味嘅香辣🌶，實在別有一番滋味。

呢間位於太子金魚街的北京老家都係第一次初嘗, 餐廳屬於樓上舖, 一打開電梯門,古色古香的環境就在眼前。餐廳裝修有穿越時空回到古代的感覺午餐餐牌有好多選擇,有小菜套餐或麵套餐,而且價錢合理,全部$60以下,仲不收加一點完餐仲有餐湯飲,足料個湯好清甜,完全無味精我哋分別叫咗兩個小菜用嚟送飯食水煮魚片🐟呢碟真係幾辣,但又幾好食。水煮魚肉質鮮嫩,而且辣得過癮。底部仲有菇、芽菜同薯粉,配料索晒d辣汁回鍋面青🥘呢碟回鍋肉炒得香、啲肉唔會好肥,惹味！飯後仲有綠豆糖水送,解解辣整體唔錯,下次再嚟試下其他先😬

已經幫襯過4次， 亦常推薦給朋友，鍾意佢係旺角鬧市既3樓， weekday 既lunch time人流唔算多，座位亦寬敞。lunch set 既麵餐包大大碗湯同3隻餃子(可選白菜或韮菜)，仲有茶，甘多野夾埋HKD52唔駛加一免茶芥， 我叫左羊肉燴湯麵，個麵界乎少少煙韌同軟之間，另外個人欣賞呢個set有菜營養均衡D; d湯啡啡地色但其實係清既; 麵餐有大概十令款選擇， 令外仲有飯餐配北京小炒大概HKD58;話說我次次黎感覺都好自在， 員工同老闆服務態度都好好(仲要無收服務費)，每次都一樣甘有禮貌，有次老闆仲額外加送飯後糖水。利益申報: 自費項目

食過幾次，試過獅子頭、糖醋魚等等，午市食物質素佳同夠熱；環境方面亦夠整潔光鮮；員工服務態度都好好。整體無咩問題晚市菜式就未試過，聽講有些許落差，不過都係建議大家親身嘗試

#烤鴨 #北京烤鴨 #北京填鴨 平日晚上7點食，沒什麼人，只有2台。裝潢很有特色和風格#二人餐 $398+1，茶位$24@人#麻辣粉皮 走辣轉麻醬，好吃😋涼拌粉皮幼滑#涼拌豆腐絲 清新得來，生洋蔥有點苦辣😂#京味酸辣湯 走辣，陳醋好像落太多，很難飲...像碗仔翅#糖醋魚片 （推介）酸酸甜甜，肉質嫩滑，很好吃#干扁四季豆 幾香幾好香，有點油#片皮鴨 半隻 （不推介）的餅皮不錯😂但鴨不好，唔香，皮薄和一層外置脂肪#小籠包 #灌湯小籠包 #金牌小籠包 不錯ᶘ ᵒᴥᵒᶅ個人口味評分：7/10洗手間都很有特色

叫左個午餐水煮魚飯外賣，水煮魚 + 飯 + 糖水 + 湯加埋5個外賣盒 （水煮魚要2個盒），外賣盒1個2蚊一共多收我10蚊，食水非常深（但店員有知會我，你情我願所以都ok）。店員頗有禮貌。我去到有一台客，等外賣等左25分鐘，都幾慢。個水煮魚唔錯，有薯粉，魚比較小，叫佢大辣但食落似中辣。

大熱天時，路過呢度，就去咗試，午餐價錢，大概$70有找，最平四十幾麵餐都有，套餐包括主菜，湯，小食，飲品，甜品，不過今次嚟，可能因為疫情關係，所以湯同甜品，係冇嘅，只有主食。羊肉湯麵，真係推介，味道好濃，但係唔會腥，而且好足料，肉嘅份量好多，碗麵都好大，仲有三隻餃子，或者春卷，都算抵食。糖醋魚吃飯，魚的確炸得好脆，粉漿稍為厚咗少少，果汁真係好食，因為食過好多間，啲汁都會偏酸，或者食到味精好重，佢呢個唔會，酸酸甜甜，剛剛好。可惜午市過嚟，而家冇晚市，如果唔係，都好想試吓佢個片皮鴨，係咪真係咁好食。

2018年去過「北京老家」尖沙咀分店食過一次，當時覺得係全香港數一數二嘅小籠包和北京填鴨，不過事過境遷，今年因為抗疫價晚市全單七折再訪，質素已經大不如前。😟小籠包（$68）一籠有六個，湯包都算幾大個，新鮮熱辣蒸好！不過外皮冇上次做得咁透薄，裏面嘅肉汁亦冇上前咁爆滿，質素一般。美味評分：😋😋😋北京填鴨 (半隻 $150，一隻$298)兩個人食半隻就啱啱好～外皮烤得都算香脆，鴨肉肥瘦適中，不過薄餅皮有啲dry，又唔夠熱，配上京蔥、青瓜條，再蘸一點京醬，味道還不錯。美味評分：😋😋😋😋北京燒餅（三個）配榨菜肉末（$98）意料之外幾好食喎！😳燒餅新鮮熱辣出爐，仲要有三大個！店家已預先切好一半，方便食客擺放肉末入去，肉末炒得鹹香惹味，榨菜爽脆，口感十足！美味評分：😋😋😋😋😋拔絲士多啤梨係「北京老家」嘅招牌菜，上次太飽冇食到，今次終於可以試下啦！一客有8粒！即叫即做嘅手拉拔絲士多啤梨，每粒士多啤梨🍓都被晶瑩剔透嘅冰糖包住，仲有一圈圈千絲萬縷嘅糖絲，影相打卡一流！美味評分：😋😋😋😋