北京老家 (已結業)

大热天时，路过呢度，就去咗试，午餐价钱，大概$70有找，最平四十几面餐都有，套餐包括主菜，汤，小食，饮品，甜品，不过今次嚟，可能因为疫情关系，所以汤同甜品，系冇嘅，只有主食。羊肉汤面，真系推介，味道好浓，但系唔会腥，而且好足料，肉嘅份量好多，碗面都好大，仲有三只饺子，或者春卷，都算抵食。糖醋鱼吃饭，鱼的确炸得好脆，粉浆稍为厚咗少少，果汁真系好食，因为食过好多间，啲汁都会偏酸，或者食到味精好重，佢呢个唔会，酸酸甜甜，刚刚好。可惜午市过嚟，而家冇晚市，如果唔系，都好想试吓佢个片皮鸭，系咪真系咁好食。