北海道爐端 (已結業)

環境差，一入去有浸味，我地一行3人，店家比左間房我地，食食下野，有隻曱甴係木板牆爬。於是叫職員黎，職員話見唔到，fine。我叫佢拎起個坐墊，一睇，我頂，一家大細（4-5隻）係曬度亂爬。真係搞到冇曬胃口，最後店家話比返個折我地，原來係冇收10%加一服務費，真係多謝曬。食物差，價錢又貴份量又少，仲要係唔好味，冇賣相，一d都唔吸引。（唔好比圖片誤導左。）D烤魚腩食落口又咸又腥，海鮮飯D海鮮過曬期。總結：極失望的一次用餐體驗，不可一不可再！ps：為免易影響大家胃口，一家幾口亂爬的照片我唔放上黎了。

呢間餐廳並不是第一次光顧,覺得食物新鮮,環境乾淨，私隱度都十分好，但今次真令人十分失望。星期五下午14:02 到達餐廳，一坐下來已經話午餐last order ,再睇一睇餐牌，明明話咗12:00-15:00係lunch set,算啦就馬上點菜，待應一來是無帶口罩的中年男士，在這疫情下都無幫客人量度體溫,令人很不安心。本人叫咗一個什錦海鮮井定食，都唔係第一次食呢個set,但一上枱已經發現唔見咗中間隻蝦，咁向待應了解一下啦，一個$126蚊的lunch set係咪咁啦，佢睇完轉頭行咗去，等咗好耐，只好再叫另一職員啦，得到的回覆話，「頭先咪話咗轉頭補返比你囉」🙄🙄跟住食食下發現有一隻曱甴在牆上面爬🥶🥶真係以為自己睇錯🤦🏼跟住無帶口罩的待應馬上來打死隻曱甴,轉個頭在坐位旁邊再出現令一隻曱甴,我們當然馬上離開。這餐飯不用半小時已完畢，一定唔會再來這餐廳。

兩年前無意中搵到尖沙咀店，食過番尋味，至少番咗去3次，可惜上年想再去光顧時已經關閉。。。直至今次，先知原來荔枝角呢間先係總店，見到熟悉嘅餐牌，眼睛亮起來了每次，係每次，我和朋友都會點兩份明太子蛋卷，無睇錯，係兩份😂😂😂，因為，佢哋嘅明太子蛋卷係讓我一次難忘，上菜時那種熱騰騰仲出緊煙嘅蛋卷，冇喺其他地方試到🤩🤩，我覺得有時候，一家餐廳要讓人難以忘懷，一樣東西就夠了～～刺身飯亦非常新鮮，以前我會叫埋支清酒飲㗎，不過因為係平日，所以忍吓口啦😂😂疫情期間，生意並不是太好，能夠安排獨立卡位俾客人，都安心不少～～不過，有兩樣事情覺得餐廳可以再做好一點第一，就係門口帶位嘅姐姐，生意淡薄，都不應該傾私人電話傾到連帶位攞餐牌送水的基本都要客人開口才有😅😅😅第二，清潔問題，水壺外層感覺油油的。。。坐低冇耐就有隻小小強路過枱面。。。真心嚇親。。。美食可以讓人回來，可是以上兩點希望可以關注一些。。。🙏🏻🙏🏻🙏🏻

有一段時間沒有黎食，突然醒起呢間餐廳，就與同事過黎食Lunch .佢有lunch set , 我叫左個「滑蛋豬扒丼+迷你烏冬定食」。豬扒炸得太燶，滑蛋味道OK。至於迷你烏冬，用膠碗上菜賣相有點不太合適，味道尚可，但湯底分量太少。我同事叫左 「薑汁豬肉野菜定食」，但落單至到上菜足足等左30分鐘⋯期間叫侍應幫手跟進，竟然說而家先炒 要等等，連道歉一句都沒有，服務態度欠奉！ 以$80左右一個午市套餐來計，性價比不足！短期內不再會再光顧⋯

之前試過食物一般! 但見有房可以訂, 用餐前兩天已預定了4位, 當天安排入坐, 可惜朋友臨時有急事不能來! 只剩下2 人, 剛下單完畢並告知侍應, 但被要求只能可安排返回堂座用膳, 之後又說可以繼續坐房, 後來又另一位侍應說不可以.  跟她們說之前也見過其他只有2人客也是預訂下可坐房, 為何我們不能, 答案是房間需要給另一檯4位客人! 她說見你是訂4人才給你訂! 如此態度只好離去, 侍應即說沒問題可以取消單. 這種不稀罕的服務吃了也背脊骨落! 以後不幫襯了! 但相信人家也不稀罕的! 

平時好少黎荔枝角D2 Place 食嘢, 因為朋友係附近番工,所以就簡左日式爐端燒黎聚舊兼慶祝朋友升職.4個人已經有一個獨立既房間, 我們點左唔少食物, 分別有:明太子雞蛋卷串燒: 串燒雞翼、蕃薯仔、腩肉、雞肉和元貝軟殼蟹天婦羅手卷松葉蟹棒海鮮鍋烤鯖魚日式枝豆仲試左D特式飲品巨峰打,白桃梳打,柚子檸檬梳打食物質素,整體黎講都唔錯, 新鮮, 調味適中. 但價錢都略貴.

平日D2 Place 比較少人，全部餐廳也不用排隊，我和男友揀了一間日式爐端燒吃晚餐。雖然門口不用排隊但原來餐廳內的5-6 間vip room 已滿座了，我們點了餐廳必吃的芝士撈意粉，超濃超creamy 的芝士，還點了串燒雞翼、蕃薯仔、秋葵、牛舌、翠肉瓜及魷魚鬚...燒物頗出色，很香口。豚肉炒雜菜（有點咸），芝士焗蠔很肥美，炸軟殼蟹不夠鬆脆，還有消費滿$400送的八爪魚刺身。餐廳佈置及氣氛很好，相信週末定未要排長龍。

驚喜！驚喜！估唔到會有一間高質又抵食既爐端燒，而且有隱蔽既卡位坐，同朋友傾計食飯夠晒私隱，野食都係好高質，我私心推介係燒牛舌串，食完想再食，個口感係剛剛好。仲有大蔥豬頸肉串，超好食，配搭得好好。反而雞串係比較就失色左啦。星期一至四下午5：30，指定飲品買一送一，叫夠400蚊有小食送。好抵好開心架。有機會會同朋友再去。

昨晚(16日)經過D2見餐牌内容唔錯，入咗去食！坐低後，侍應提醒當晚咭機失靈要付現金，覆咗可以，之後睇咗Menu準備點餐，成班人就在吧木台前師傅傾計(可能因為係第一枱，未在狀態)最後點好後，侍應話過咗400可以送三文魚生及枝豆(一至四優惠)，點埋加28柚子雪巴。食品質素可以，不過飲完茶叫添就三催四請！食完叫上雪巴，點知等咗好耐至覆無貨！以後都係坐近吧枱可能服務會好啲！昨日明顯人手不足，咭機又壞咗，真係唔多順利！

今日收左工之後同同事去荔枝角聽talk，聽到夜夜地唔知食乜好就行左去D2 Place Two搵食。行行下係一樓見到一間裝修幾靚嘅日本居酒屋吸引到，所以就簡左呢間食。間餐廳環境都幾似日本當地嘅居酒屋，全間餐廳都以木做裝修，最特別係有幾間房仔岩晒一家人既食客。細細間餐廳估唔到佢又有好多嘢食，有各式各樣爐端、串燒、壽司刺身等等。小食方面都好多選擇，我哋就叫咗個汁煮花螺。個花螺煮得好入味，隻花螺吸收左日本醬油嘅甜味，仲落左小小辣椒，辣辣地甜甜地好好食。我哋得兩個飲又唔食得多嘢，只係再叫多咗一個立魚柳海鮮豬骨湯爐端同火炙左口魚壽司。餓左咁耐終於有嘢食！左口魚壽司個魚都好大件好滑，上面仲有少少蔥同蟹子。期待已久嘅主菜海鮮豬骨湯爐端到啦，爐端除左有海鮮，仲有有好多配菜。海鮮係分開上，可以因應自己喜好自己煮。海鮮方面都好大隻好新鮮，有生蠔、帶子、海蝦同立魚柳。啲海鮮好新鮮，特別係隻蠔同海蝦，隻蠔好juicy。最驚喜嘅係隻蝦，估唔到細細間餐廳都可以食到有蝦膏既蝦。個湯底豬骨湯好入味，同平時嗰啲油淋淋嘅豬骨湯唔同，我同同事都忍唔住飲多兩啖湯。攞埋啲海鮮之後湯更鮮甜，最後再煮埋個烏冬吸晒啲精華好好食。呢間餐

星期五Lunch Time，同事話未食過D2 2期的北海道爐端，所以就同佢地去左食了。無訂位但去到都即刻有位可以入。一入到去會即時為你送上麵鼓湯跟沙律，可能為了節省時間🙈。而每個lunch set本身都包飲品，可選罐裝飲品、或某些指定凍熱飲。同事話見人地枱個咖哩飯好像不錯，所以我們3人都點了咖哩飯，而我點的是咖哩池魚飯，感覺這個組合比較特別，決定試試！😂咖哩是經典日式咖哩，所以是甜的不辣。咖哩裡面食到有少少薯仔，池魚明顯烤耐咗，乾身有啲硬，而蛋包飯的炒蛋做得比較好，很滑，應該有加牛奶一起炒。總括而言，如果你想食咖喱，不推介食池魚款。❌

今日去荔枝角ᗪ2 ᑭᒪᗩᑕE行街食飯，荔枝角人流比較少，唔似旺角及尖沙咀咁多人，食飯都唔洗特別ᗷOOK位，行下見到呢間北海道爐端燒好吸引，就walk in入去試下先來兩杯柚子檸檬🍋梳打～清新解渴網燒安格斯牛扒～薄薄既牛扒燒到5成熟，但又不失炭燒味帆立貝串燒燒雞皮串燒豚肉露荀卷串燒海膽忌廉蟹肉炸薯餅～忌廉蟹肉好creamy加埋我最愛既海膽，好味明太子手羽先～雞翼外皮炸得香脆一咬開中間釀滿明太子驚喜松葉蟹鉗天婦羅～天婦羅皮薄，咬開係一梳梳既鮮蟹肉柚子雪葩～脆卜卜既粟米片加埋清新柚子雪葩

短短一次食飯時間可以落錯幾次單🙄出菜又慢 🙄點左個餃子可以等超過半個鐘🙄仲要份煎餃子出到黎可以係唔熱既🙄永遠唔會再黎過Literally the worst Japanese food experience recently. overpriced, slow service, waiters are too careless that always order the wrong food for us. Will never come again

今日同個朋友仔兩個去撐枱腳, 個朋友仔就揸車嘅,所以去邊一頭食都冇乜所謂, 但係我哋都唔係去咗好遠嘅地方 去咗荔枝角尚算係新開嘅商場。 呢間嘢係朋友仔是但喺openrice度搵嘅 ,咁又即管試下囉。串燒我哋淨係嗌咗兩串牛舌同埋一串冬菇, 不過不失啦唔係特別好但係又食得入口有一個八爪魚唔記得影相食夠400蚊送八爪魚魚生四片加枝豆壽司就嗌咗枱上面嗰啲 , 嗰兩隻牡丹蝦壽司就比較貴,咁樣就已經一百零幾蚊其實加埋一就即係百二蚊兩件壽司飲品我哋嗌咗佢嘅特價飲品48蚊買一送一,即係有兩杯我哋要咗呢個乳酸梳打再叫咗呢一個 天婦羅 , 番薯南瓜天婦羅 , 南瓜ok番薯就薄到好似薯片咁諗諗下仲有嘢冇影相就係炸蠔不過唔影都罷啦,因為其實只豪超細粒但係嗰個外面嗰團嘢就超厚好難食兩個人埋單六百蚊其實嘢食真係好一般 如果唔係我哋做book房有間房我諗今次會劣評但由於坐位舒服兩個人有間房仔所以都ok啦

放工來到荔枝角食晚飯，去到D2試試呢間北海道爐端燒，平日既晚上唔爆，都坐到太約7成，我地兩個人有訂位，被安排到包箱座位，私隱度算高，呢一點加分，叫左個牛肉壽喜燒鍋 ，質素普通 唔難食，有半個烏冬，一隻雞蛋，加70幾蚊要兩條雪場蟹棒，兩條都同筷子差不多幼，真心唔值這價位！多春魚一碟，有3條 ，3條都完全沒有春..... 海膽炸蟹肉餅，食唔到有蟹肉味！整體感覺服務態度ok, 食物非常普通，價錢太貴，性價比低，真心可一不可再！