北海道牧場餐廳 (已結業)

千祈唔好响呢間買外賣。我哋試過好幾次，次次都有嘢漏無俾齊，番到屋企先知，激死！好耐無食，今日試睇吓佢有無改善啦。點知。。。1. 三個餐，應該三杯嘢飲。臨走都問咗個職員係咪齊，佢話三個餐三杯嘢丫嗎。點知番到屋企得兩杯！2. 兒童餐個waffle係石頭咁硬，叉都吉唔入。點食呀！？ 

失望。差由多年前响噹噹，食品价格服务也是出眾。我也是長期支持的客户。可惜，我给予的机会巳经到了限点因为實在太差了。不得不放棄及說声永别。😞😞飲食業如只為為本，基本也要食得。否则不要做吧！

同仔仔去完圖書館，諗住就腳食一食同埋有兒童餐，勁後悔。好多沙發位嘅沙發皮已裂到仔仔都唔敢坐。兒童餐k2 格格窩夫配迷你熱狗腸通粉 $40通粉的確迷你，碗細之餘，通粉得半配，仔仔3歲人仔食哂成碗都唔飽。腸仔炸到皮黑黑地。窩夫更是可怕，完全是之前整好再加熱，硬的可怕，連個芯都硬，大人食都覺得硬，但又唔係脆到像蛋卷果d。唯一好係有杯牛奶，佢話係北海道3.6奶..都大杯嘅和風牛肉大碗飯 $46個碗唔大，飯亦唔多。 牛肉味道可以，但煮到幾老，大部份都幾韌，但都咬得開嘅。成碗得好少洋蔥。有配熱飲，我叫了熱檸水，但到收鋪 （9點）都唔記得俾我地，中間已經問過1，2次...可能得一個樓面太忙日式黑咖喱黃金豬扒飯 $68咖喱深色但味道無特別，上面個煎蛋，無蛋味。黃金扒賣淨最後一份，味道可以，但肉唔厚唔覺得鬆化之類，整體唔特別。有配野飲，本來叫了熱檸茶，店員到最後都唔記得，重話清埋機，提供唔到，最後制飲熱檸水，不能了解...整體唔抵食，無下次

今朝同小朋友去食早餐，我叫佢個餐牌寫住"火腿通粉 `牛乳炒蛋", 點知佢竟然係將個牛乳炒蛋放入個腿通入面，，搞到成個通粉個湯一pat pat我問佢點解會放咗入去，佢幅圖都係分開佢話係一齊㗎喎！廚房整咗冇得改喎！。。。最後，佢攞入廚房將嗰pat蛋連埋幾粒通粉放咗入另一隻碟度俾我。然後收錢個大媽仲大大聲話：要分開就落單嗰時講啦！一定冇下次！

傍晚6點去食，好多野食已經冇晒，蕃茄湯冇，4款特飲兩款冇。所謂海南雞飯，D 雞嘅味係同炸雞脾D 雞一樣味，爭在未炸。個湯就係通粉D 湯一樣。個"沙嗲牛肩胛"通粉，咪就係難食版茶餐廳沙嗲牛通，仲要D 牛肉碎濕濕得幾粒。最極品竟然係杯熱檸茶，睇下佢黑到... 個水吧倒出嚟時有冇睇下倒咗D 咩出嚟？結果杯檸茶仲苦過涼茶。講到服務，一家四口問佢拎碗仔，竟然全餐廳得3隻碗（當時得另一檯人。D 侍應就行行企企...絕對要blacklist!

非常差!小弟對食要求很低，但竟然有食店，一食已經要開機打劣評，可想而知情況嚴重。從未食過這間，諗住有新產品海南雞去試，雞只有5小件（我食了1件)，又細件又唔飽肚，鞋口就不在話下，飯更大鑊，從未食過海南雞飯的黃油飯是糊狀的!這不是食飯，只是食糊仔!大集團 sir 滑雞，至少雞夠多，飯似返食飯。怪不得無乜人，咁搞法，可能兩3年內，全線執笠。此餐廳上過搵食飯團，再次證明盡信節目不如唔睇，自己去食才可作準。也不再講竟然唔係伙記落單，而是要自己出去買單

備註：先購票取號碼牌放桌上等候，餐點會由服務員送來 北海道牧場餐廳於2008年在香港成立，至今已有11間分店。餐廳在傳統的港式烹調之中加入日式烹飪元素，此店標榜全港首創以北海道3.6牛乳做炒蛋、沖泡茶啡。而香港以牛奶馳名的茶餐廳，論名氣一定是佐敦的澳洲牛奶公司，若論噱頭卻以北海道牧場餐廳佔優。餐廳除了北海道牛奶以外，還用青島認證的走地雞蛋炮製蛋治、通粉意粉是日本飛機貨，連煮飯的米都是有名的日本新潟米。雞蛋食落有雞蛋鮮味、飯比別家有咬口、意粉al dente之外，也叫人食得安心。靚料有價，所以食物的價錢也比一般快餐店及茶記貴一兩成。這家位於九龍美孚的北海道牧場餐廳分店地方不大，裝修帶少少歐陸風，風格優雅簡約，環境簡潔舒適，是一間格局似cafe多過茶餐廳。這裡的食物選擇不像一般茶餐廳多，炒粉麵飯鐵板餐統統欠奉。顧客先到櫃位點餐付錢，取號碼牌返座位等，餐點會由服務員送來。至於我今天主要是來品嘗店家在報章剪下的午後意粉套餐優惠劵，憑劵於指定限期內中午12時後以HK$25換領一份「叉燒湯意粉特餐 (附火腿、炒蛋、多士及熱飲)」，我遍尋整本餐牌都沒有開列這個餐，所以無從比較價錢，但材料和味道只是

星期日係附近游完水，見到呢間餐廳裝修好似唔錯又冇咩人，相片中食物賣相又幾吸引，就入左黎食，但結果同相像中差得太遠！！ 食物同飲品極淡味。叫左個熊本蕃茄湯係列，嘩，湯同水冇分別，放耐左水同湯底完全分離，而且賣相同相片相差太遠。塊豬扒超油，食落仲有陣雪味價錢又不合理，物量極少，食完同食左空氣冇分別！！！完全感覺到餐廳對食物品質極求其，員工工態度又差又黑面，客人問問題，員工完全唔想回答。一定一定不會再來！

夜晚打算快手食啲嘢來到呢間北海道牧場餐廳，本身要叉燒3.6牛乳炒蛋蕃茄湯烏冬，俾佐錢先話冇叉燒，於是轉佐牛肉。侍應好快上菜，一睇個湯底根本好淡。牛肉冇牛肉味仲好韌，真心覺得又貴又唔好食。

份量少: 鮮牛肉3.6牛乳抄蛋蕃茄通粉, 等咗35mins, 得4舊牛肉! $42日式黑咖哩深海魚柳飯等咗45mins! $69飲品仲漏單! 隔離枱仲正, 雞肶公仔麵. 公仔麵先上, 雞肶20mins後到!請我都唔嚟, 無下次!

睇完標題都唔使講咩架啦！美孚係少餐廳、但係水準可以咁低、佢係第一☝🏻服務差到會叫你用手接住碟通粉、落單個個仲呆呆地....成間餐廳啲waiter都好似part time咁既手腳、又慢、又唔熟手、星期日嚟食嘢既都唔係急急腳要走既人、但係佢地都可以令大半間餐廳既人燥起上黎...坐咗喺度半個鐘已經聽到有6-7個客投訴、仲有人要叫佢退錢走人，真係好誇張！嘢食我都無謂再講、睇相都知咩事...就算要等位都一定要去隔離香港地！

係美孚睇完醫生搵野食，見到呢間有蕃茄湯底，岩曬我呢d口寡寡嘅病人😬呢度係先去收銀台落單同比錢，跟著佢會比個立牌你送食物比你😛我嗌左蕃茄肥牛烏冬配3.6牛乳炒蛋💕炒蛋一如以往，夠曬滑👅肥牛好老好鞋💔不過好彩湯底蕃茄味都夠甜，配埋煙煙un un烏冬食都還可以😂整體食物一般般啦，似間靚少少嘅茶餐廳😂

收銀員態度非常差、今天到餐廳吃飯、在點了個餐、只是問了句飲野洗唔洗加錢、收銀員就好大聲態度很差的回應我唔洗呀、周圍的客人都望左過黎、感覺被羞辱的感覺、這個世代、打開門做生意、竟然還有這樣的人用這種態度、睇左上一篇食評、原來都有人講呢個收銀員態度差、原來一直係咁、真係o嘴、北海道餐廳、服務最差既餐廳、各位想去吃野要諗清楚、分分鐘受氣。

今日星期六同朋友黎左美孚呢邊搵野食見呢間裝潢幾靚出面餐牌啲野食又唔錯於是就決定食呢間入到去係冇人招呼我同朋友於是自己睇邊到有位跟住就坐低左叫左兩個普通嘅通粉套餐+野飲冇咩特別嘅還可接受想重點講嘅係果到嘅人手確實唔夠好似得一位職員做緊侍應咁好幾張枱等住佢執又要應付顧客需要雖然係咁佢都冇炆而且好冷靜Order果邊嘅職員都好有禮貌其實裝修係真係好靚好吸引到人嘅不過希望可以改善下啲通道設計等等無論枱凳定走廊都太逼

放假約左媽咪食LUNCH ,去左北海道牧場餐廳媽咪望住個餐牌話想食呢個芝士焗通粉,好貴,要$78 ,無咩料,純粹一碟通粉完全唔值呢個價加錢點左杯綠茶,呢個唔錯,熱辣辣好香抺茶味再要多份多士,好厚,多牛油2個人食一個餐都要$100