影片
食家推介
昨天晚上点了黑椒汁牛排煎意粉和咖哩深诲鱼柳反 。牛扒是半块生生地半块熟的，见到都唔想食 。黑椒汁成pat 桨咁，D意粉又淋 。深海鱼柳又鯹，系D㗎喱汁好小小入得口。以后都唔会再去呢间店！
继续阅读
首先一间餐厅,你服务仲衰过茶餐厅, 一入到去首先冇人greet你, 之后我见到个牌写要先买飞, 甘去counter睇餐牌,睇左10秒左右就问我坐边(态度唔算有礼貌), 其实系要揾左位先出去买餐定买左餐先坐低, 都唔紧要, 我话我唔知坐边, 佢好快就话 「你一定个人就坐果度」(态度仍是唔算有礼貌), 咁我拎个餐牌坐过去, 行过去途中又大大声问我食咩, 佢叫人去买飞先, 甘其实安坐低揾左位先再出去买餐, 好乱, 呢个都唔系重点, 饭类价钱唔平, 叫个咖哩汉堡扒饭有杯热饮要$69, 但第一次出来啲饭系生既未熟透, 生既饭都可放上枱比人客食,叫佢换,再等多10分钟左右, 出左个新既, 但啲饭仍然系生既但比之前果个好少少咁多, 之后我只系食左汉堡扒同件蛋同少少饭就走, 因为lunch时间要赶返公司, 走果时冇拜拜或多谢之类既说话, 食物品质差, 服务态度差, 环境一般！
继续阅读
今日，我约左个团友去食晚饭。见好耐无食过北海道，就去食下啦。一入去，同以前有好大分别。以前系我举只手，侍应就会迎接我落单：而家我要走去收银处俾钱落单。望下个餐牌样样至少40几蚊，咁就叫左个Juicy 和牛汉堡扒、火腿、北海道3.6牛乳炒蛋多士套餐再加一个迷你通粉。之后三分几钟之后上菜，先上个通：个通粉好大阵罐头汤味,热度系够热。但个味就真系有点假。个通粉个份量系好迷你，都唔知有无半碗饭咁多。之后就上果个和牛；碟上有个黑椒汁、和牛、33.6牛乳炒蛋和多士：多士唔够热；牛油有搽，但无牛油香；3.6牛乳炒蛋完全唔知D咩事，食落去奶味又无、蛋味又无、炒蛋外型似唔系一路用细火煮一路搞；搞到蛋好鞋。个和牛汉堡扒系厚就厚啦，系keep 到牛的肉汁：牛的热度可以话俾你听，无。本人建议：1. 我会觉得食一个餐要60几蚊，你食物的质素要令人觉得值！至少啲野要够热。2. 服务pattern由侍应主动落单改到自己去收银处俾钱。完全唔觉有服务可言。
继续阅读
心情差到爆，除左难食我唔知点形容！20蚊货色卖80蚊！和牛汉堡即系汉堡扒加鸡蛋！超市货色！牛乳雪糕苏打即系汽水加一球无奶味的雪糕。咖喱饭好似隔夜饭？服务差到爆！绝对无下次！
继续阅读
本身和朋友想揾个地方食个快嘅lunch，见佢几多人喺度食紧，而朋友食过美孚分店话ok，咁连锁嘅应该唔会太差就入去啦。叫左嘢，第一样嚟嘅系冻抹茶牛奶，一饮，哗点解会咁难饮咁嘅味嘅？成杯嘢系用代糖嚟做甜味，仲要系好甜。𠮶种甜令人好反感好想呕，饮每一啖最后仲会苦苦地，朋友话之前饮过唔系咁嘅！结果两杯几乎冇乜饮过摆埋一边算数。(呢两杯每杯跟餐要加12蚊）跟餐迷你火腿通（图左），三啖左右份量，味道不过不失。咖哩汉堡扒饭 68本来唔谂住影相…块炒蛋好行货，有少少奶味但冇滑嘅口感，系成块熟蛋。汉堡扒ok，热嘅，味道唔错。饭就真系几硬，好干，隔夜饭嘅口感。最正系个汁，好似日式超市卖一砖砖𠮶啲煮开，已经冇乜料喺里面，质地水流流，仲要俾好少汁！喺图中睇唔到其实系好浅，捞啲硬饭都唔够捞，真系… 俾多啲汁唔洗咁姑寒啊？呢碟嘢68坚唔抵！朋友叫嘅汉堡扒炒蛋多士餐，蛋系一样唔滑其余尚算正常，唔难食当佢pass就算了。但一般茶记都好食过佢咁啰。如果好好好钟意饮代糖嘅朋友，应该可以嚟。
继续阅读