北海道牧場餐廳 (已結業)

綠楊坊2樓原來有好多食肆，只是逛街的一般不會到那邊，因為在2樓走到天道書樓，還要轉彎上半層樓電梯，眼看就是兩家店，但沿路向前探索才發現有至少5-6家食肆。今天就試試轉角位的北海道牧場餐廳，轉角位算易發現，驟眼看以為好細，入內才發現是長長的一家店。在轉角位就是收銀處，像快餐店一樣先買票，然後給一個號碼牌，找位置坐下就可以了，會送餐的。網上看招牌是3.6牛乳炒蛋，那就點一個五香肉丁面，牛油厚多士及3.6牛乳炒蛋。牛乳味沒有想像中重，口感很滑，厚多士鬆軟，有牛油味。即磨咖啡很香濃。

話説今日下午茶時間經過，人小小所以入去啦，本來都都我乜期望，是但啦。我唸住要炸雞脾餐，佢話無，Ok - 轉”常餐”, 蕃茄湯腸仔通 + 多士 + 炒蛋。蕃茄湯通 - 無味，我自己加鹽加胡椒粉。腸仔 - 一邊係燶嘅，我都算，咬左啲燶唔食就算。多士 - 半片厚多士，烘左好久，加上厚，硬嘅！炒蛋 - 之前仲忍得就忍，但佢個招牌菜 北海道3.6年乳炒蛋，炒到一片膠咁，仲要成碟油，食左一啖就食唔落去，焗住要浪費食物！大家小心中伏。

真係第一次忍唔住要打人生得一次食評，因為真係差到只能覺得呢間野係度浪費食物，叫左個西多士，黎到完全係舊炭，都算，夾硬試一啖啦，嘩！果陣鑊撈味湧到上心口！如果唔係度度都冇位，真係唔會入去，但下次寧願去第間等位等一個鐘都唔好入呢間。作為餐廳係咪都應該尊重下食物，尊重下食材，尊重下食客，竟然煮到d食物變垃圾。我見有小學生放學自己黎食野，佢地可能未係好識分食物好同壞，照食咪食到肚痛！真後悔冇影低舊垃圾post出黎！

距離早餐時間完結只剩15分鐘，好彩趕得切! 因為，呢度啲早餐和午餐食嘅都差唔多，不過早餐價錢就實惠好多喇! 喺櫃檯買完飛，搵位坐。大把位，因為今日係假期。等咗一陣，就有職員拎啲嘢過嚟。奶茶、咖啡味道都唔錯，跟茶餐廳啲差唔多。豬柳漢堡米粉漢堡略為鹹，米粉就較為淡。兩者夾埋一齊食，就平衡番。花生醬多士件多士有點乾、硬。好彩有好多花生醬補救。炒蛋都滑，合味道。煎雞扒較為乾身，不過味道幾好，好入味。牛角包幾鬆脆。兩份早餐夾埋$38，早餐午餐一齊食，算係咁啦。

好幾年前食過一次呢間餐廳嘅其他分店，印象中係幾多人排隊嘅，但時至今日，排隊係呢間北海道牧場餐廳嚟講已經好少見今日又係荃灣做嘢，下午無無聊聊就嚟嘆過下午茶…………諗住叫咗一個下午茶餐，坦白講，價錢唔貴，埋單先$31蚊，咁嘅價錢真係去邊到搵？叫咗碗义燒煎蛋米粉，好平凡嘅一款食物，但應該大部分嘅茶餐廳會好食過佢。首先，浸住湯嘅义燒肉質都又乾又鞋，唔期望有肉汁，但都可以似多少少一舊肉，湯底略咸少少，各人口味不同吧。米粉Ok ，唔會過淋好又一餐唔好又一餐

貴又貴過茶記，d野食垃圾到，7點去食咁早無黑椒汁，豬排乾到死，牛排多根，雞排苦，去茶餐聽好過，平時都唔好寫野，呢間真係差到要講囉，又無服務，同去m記差唔多，可能m記仲好呢間嘢要我打200字真係好難

叫左個叉燒烏冬，叉燒黑色，硬過石頭，店完話浸過係咁架wor! 之前食豬排又乾又硬，諗住呢樣穩陣d，都係奶野！我諗食完會有事囉，最後放棄左。我已經對食物冇要求，竟然挑戰我底線，嬲！

如題，垃圾!! 非常垃圾!!!!!!!見個餐版話鮮茄炒旦牛通👍，所以揀黎試。但個湯唔好味仲淡過乜，啲牛肉又少又瘦又韌又冇味，都唔知有冇醃過!!!!!!!!啲通粉似快熟通心粉，仲要煮到淋晒!! 無牙婆都食得!!! 唯一得個蛋係擺得入口!!!!!!!!以為個通粉算差，誰不知個芝士焗西蘭花仲垃圾! 成個兜都係烚菜水! 個汁都係求其攞啲麵粉開水，幾乎冇味!!!!!呢間野唔係一般垃圾，係災難級!!!!!!饑荒都唔會食!!!!!!!!

今日和太太往荃灣北海道牧場餐廳食下午茶, 我們點了蕃茄鮮魚湯雞扒米線,lemon水、芝士焗西蘭花、和牛漢堡扒套餐和凍lemon tea。蕃茄鮮魚湯雞扒米線蕃茄食落開胃, 西蘭花食落爽口,魚湯味道鮮甜,雞扒肉質鮮嫩味美,米線食落爽口, 整碗蕃茄鮮魚湯雞扒米線食落美味, 豐富足料；芝士焗西蘭花芝士味道香濃, 西蘭花爽口新鮮, 食落口感足；和牛漢堡扒套餐有牛角包, 和牛漢堡、火腿和炒滑蛋, 牛角包食落香脆, 和牛漢堡入口即熔, 食落爽口、火腿食落美味、炒滑蛋入口香滑, 整份和牛漢堡扒套餐食落惹味, 口感十足；最後凍lemon tea甜度適中。餐廳座位舒適, 食物美味, 份量十足, 我和太太食了一頓美味舒適下午茶。

最近去過食九龍灣o既北海道牧場餐廳食下午茶，味道都算OK，係環境比較差啲，加上餐廳係報紙刊登一個月內o既優惠券，經過開咪可以平平地食下午茶餐。朋友午餐食唔飽，所以就揀左飽肚啲o既鮮魚湯雜菌魚丸米線配冰火山阿華田。我就食番上次o既火腿蛋三文治茶餐配熱奶茶。火腿蛋三文治茶餐: 三文治麵包鬆軟，炒蛋炒得都幾香滑，配埋火腿，好滿足。熱奶茶: 茶冇苦澀，落左奶都算滑。鮮魚湯雜菌魚丸米線: 湯底真係過得去，確實好有魚味，都算鮮甜，帶有少許辣味，仲有二舊西蘭花添。雜菌有冬菇絲同木耳絲，靠湯底雜菌就入味，魚丸就正常OK冇特別。朋友竟然飲晒成碗魚湯，真唔錯。冰火山阿華田: 特飲要加 $9，的確唔值，朋友話呢杯只係勁落阿華田粉而，冇特別，係普通阿華田 (即朱古力味)，後悔我幫佢點左。見其他食評都寫到好差，我就覺得下午茶就唔係所講到咁差，但冇優惠券我就覺得呢到貴左啲啦。

星期日原本想好心情泥食野，點知杯柯華田又難飲，差過餐餐廳。menu個漢堡成日都無。d野食份量又少，垃圾屎。本身就係想食佢個漢堡先來，又難食又貴，食隔離euro都好過佢

放假貪方便同屋企人去食個lunch點知中晒伏，我哋分別叫左兩個餐，D野黎到已經覺得賣相吾吸引，分量極少，D牛肉得4片仲要又薄又細片，通粉又少，好似人哋食淨咁款。仲要吾好食，D通粉太淋，堅垃圾。而且價錢吾算平，係又貴又吾好食，普通茶餐廳或大排當都一定好食過佢，自己煮冇咁嬲。都吾知點解仲可以有幾間分店，真係呃錢，同個餐牌D相極大出入，真係以後都吾會再食。D呀姐服務態度又麻麻地，真係差差差.......

今日 (19-5-2018 Sat)晏晝同老公去官塘前食晏,去邊o度食?有呢間我black list o左o既優惠劵(上次食評: https://www.openrice.com/zh/hongkong/review/%E8%B6%95%E5%AE%A2-e2686238),於是走o黎,呢次o黎到仍有兩人位,我先去買o野食,就用o左張以$25.00買叉燒湯意粉o既特餐,加$3.00飲凍奶茶.老公就用兩張劵,一張係以$30.00買香草肉醬意粉,加$3.00飲熱檸水;又買多份$46.00o既D1層層叠西多士配雪糕(牛乳及京都綠茶),用$5.00coupon.我份餐除o左叉燒湯意粉外,重有火腿炒蛋拼多士,而o係我坐低冇耐後,凍奶茶同叉燒湯意粉到o黎.咁食住先.凍奶茶茶味唔係好濃,但唔會太淡,口感滑.味道: 2.8分叉燒湯意粉,睇到叉燒又乾又瘦,成個湯意粉份量又唔多,湯o既顏色幾深.食落,意粉唔腍,叉燒一啲都唔好食,口感已經莖重要冇蜜味;湯底應該係雞湯,唔算好濃,不過都OK o既.味道: 2.25分食完意粉等好耐,估唔到相隔9分鐘,火腿炒蛋拼多士至到o黎,使唔使咁耐?就算係即叫整都唔使咁耐o卦

我本來一直都係幫襯開嘅客人，一直都好鍾意每一日唻牧場餐廳食早餐，基本上每天都會唻食，荃灣綠楊坊牧場餐廳，近來早上質素越嚟越差，出餐時間越嚟越慢！服務態度仲不知所謂！淨係識得叫你等吓唔知道！15至20分鐘都未出到一個餐，只係比一杯咖啡你飲！你知唔知道早餐要快㗎，幾次食品裏便都係凍嘅，有時就是燒焦仲要有懷疑，要換過，又浪費左啲時間！同以前比真係差太遠！再冇改善我同朋友都唔會再幫襯！作為老闆嘅你，唔該檢討下！

今早去荃灣中旅社續辦回鄉咭，搞咗一大輪終於完成，回程時，順便去對面的綠楊坊食午餐，因為之前在免費日報剪低張coupon，可以用$25去食原價$39嘅特餐。在商場轉來轉去先至揾呢間餐廳。餐廳只收現金，pay wave、八達通、credit card等等一切免問，好彩銀包仲有張紅衫魚。餐廳都幾墟冚，男女老幼都來幫襯。一set 特餐都幾大份。有叉燒通粉、火腿、滑蛋、烘多士，同埋熱咖啡。啲叉燒質素嘛嘛。呢份滑蛋、火腿、多士，其實好大份，味道正常啦。成份特餐只係廿五蚊，抵到難。