北海道牧場餐廳 (已結業)

北海道牧場餐廳食過好幾間分間, 一向都覺得食物同員工水準都不過不失。今晚2016-6-30有d不愉快的經歷, 第一次來到荃灣綠楊坊分店食晚飯, 本來抱住輕鬆的心情來吃飯的。點餐後, 搵位坐下等餐, 當時我低下頭玩手機…..突然”碰一聲” , 你們的職員放下蛋包一碟, 不發一聲, 我一抬頭只見她身影, 心想搞錯咁態度, 當時只想個別員工問題, 算吧。點不知, 到我差不多食晒野的時候, 又再”碰一聲!”, 聲音比之前還要大。 嚇到心到跳, 隔離枱D人都嚇一跳! 有位紮馬尾的女員工, 將多餘的一張櫈大大力的所謂放係店的最後面, 即我坐位身旁。我望住佢講左聲”搞錯”, 佢望都無望, 走左去。我真係投訴, 亦食得好唔開心 ! 希望能正視員工的態度同禮儀, 雖然唔知那位女同事受左咩氣! 但都唔應該影響到食客咯。

熱檸水蕃茄牛肉蛋通粉，蕃茄味好香，酸酸甜甜好開胃牛肉少咗啲，不過都好嫩！蛋好嫩好重牛奶味，好滑。通粉就普普通通朱古力窩夫，窩夫好脆好鬆化，加埋啲朱古力醬好甜，好好食

這間經常見好多人幫襯，今日終於第一次食，點了層層疊西多士配雪糕 ($57)真係幾好食賣相簡潔類又幾靚，西多士剛炸起好脆，同綠茶雪糕出奇地夾！西多士嘅熱遇上雪糕的冷⋯口感特別，仲味道好有層次，堅好食，難怪貴但咁多人幫襯。

I am a total perfectionist when it comes to tasting Hong Kong Style Milk Tea and Hong Kong Style Iced Lemon Tea because it's the two beverage I have had daily for over 20 years.I have to say that the Hong Kong style milk tea here amazes me, it has that perfect local milk tea taste, with a very rich milky flavour as well as a strong tea flavour without tasting overly bitter.

Every now and then I love going to this restaurant for a satisfying and relatively higher quality cheat meal. There are three main aspects to this dish, namely the curry, the burger patty and the infamous scrambled eggs.The curry is the typical japanese curry, the non-spicy and relatively sweet type of curry - not the indian or thai style curry. As a spicy lover, the strong flavour of the curry satisfies me a lot even though it isn't really spicy at all. The hamburger patty is of a good thick

今日和朋友Lunch，叫了這個日式黑咖哩吉列豬扒飯($64)，再加$18有朱古力窩夫送。個朱古力窩夫好好味食落外脆內軟，味道都剛剛好熱烘烘，配合濃郁的朱古力恰到好處不過個黑咖哩吉列豬扒飯就頗為失望剛送上枱時香噴噴，本來滿心期待，可惜食落好乾身，而且幾硬，塊扒同個飯都是。最後食到這個moment終於頂不順，食不下去了。甜品好吃，但主菜如此質素，真是大扣分。

認真 佢係港島第一間開既時間我有試，質素好好今日咁岩經過，其實應該差既都有限，但點知一肚氣，食完先睇而度食評，全部負評，早知睇左先。我同女朋友叫左黑咖哩焗豬扒飯，厚切餐肉炒蛋蕃茄通，另叫左一杯熱3.6牛奶，北海道十勝紅豆冰茄通先來，通粉冇乜特別，偏琳，但湯底算濃，餐肉同炒蛋也不錯。但杯3.6牛奶明顯地溝左水，淡過維記牛奶，咁我做咩要另加8蚊去換? 重點來了，焗黑咖哩豬扒飯，一來就知中伏了，份量少唔緊要，汁亦好少，都唔緊要，有一小塊芝士係塊豬扒上面，塊豬扒好死咸，個黑咖哩又係得個咸字，仲差過茶餐廳焗飯。個紅豆冰好淡，可能d奶又溝左水。總括來說這頂多俾茶餐廳價。

本來去MX2食tea, 点知1730太遲了、已經晚市、所以行過隔離、見呢間北海道牧場餐廳新新哋裝修幾fresh又未試過,就入去了！一試就出事！order了西多士同芝士焗雞通粉…OMG!西方士：賣相正常可以、切成一粒粒的、可惜咬落去入面全油、囗感似食緊濕咗既面包！搞唔掂、食咗兩啖已經想放棄！連西多隔離陪襯的綠茶同vanilla雪糕球都係怪甜味、how come??芝士焗雞通粉：仲慘、我相信其他連鎖食店的外賣焗嘢都賣相好過佢！賣相唔得、homemade仲靚仔過佢！雖然醬汁足夠、可惜雞肉得兩舊、係兩舊only,不過由於冇味、亦冇所謂了！另有幾舊菇的、味道可以！通粉偏淋、整體感覺奇差、收$58??實在連$38都唔值囉！九流水準！希望佢有改善啦！

2016第一餐，未能有個好開始自助式，自己揾位，D檯都有人清潔唔錯，不過張凳就俾上手滴濕晒無人理自己買飛然後等送餐先上嘢飲熱檸茶，用即棄杯唔環保都算，個蓋飲嘢個位「痴」住咗條毛！我無開過原杯俾返個WAITER (店內有WAITER上餐同執檯的)，WAITER俾返水吧話：「個客話杯嘢有條毛喎~~」，個水吧望一望，好鄙視咁俾咗個「唔X係呀，咁都要換」嘅表情俾另一位水吧，然後好不情願咁整過杯。佢地應該唔知我全程看在眼內，我就住喺水吧對開張檯再上嘢食，咁我地就自己去拎餐具啦，全部都有污漬，唯有自己清潔啦嘢食無乜特別，普通茶記水平，上檯時全部都仲係暖嘅，咁嘅價位絕對有更好選擇咖哩幾香，個漢堡有驚喜(係...我要求唔高...)好JUICY又嫩仲好厚，飯嘅份量都好夠，不過就唔夠熱多士只係好輕咁TOAST過，唔夠香日，蛋就幾滑不過無乜味。至於個通粉~~ WELL 只係多左白色嘅味精湯水，亦係唔夠熱；叉燒就唔好有期望，始終呢度都唔係燒臘鋪，不過好在唔會好肥，係淡味D啫~~

同老豆撐檯腳，去綠楊新開的北海道牧場餐廳，佢未試過。我選的，是卡邦尼意粉，唔得滑溜，頂頭雖有隻蛋，卻做我有型冇神，不是我想要的。老豆要了個漢堡，是吉列豬扒漢堡。吉豬頗厚身，但大過塊包好多好多，我覺得不是一味大塊餡，就叫好漢堡。真是要合比例的。雖則，塊豬扒都算鬆脆。飲埋杯檸茶，去買餅。記得初初在灣仔的北海道牧場，唔錯架，依家淪落成咁。

先唔講食物，刀刀叉叉係見得到的污糟😖，好多醬汁漬，怪不得飲品杯都用膠杯。個飯兜勁膠，有少少食兒童餐feel，配合埋膠枱面，一路食一路跣黎跣去🍳蛋煮得還可以，內裡仍然有蛋汁漢堡扒厚身，略乾，偏實，味道可以，不過有啲頂胃咖哩唔辣，只有輕微咖哩味🍛份量足夠你飽肚凍檸茶啲檸檬肉乾到可以一粒粒咁咬相信$59 (凍飲另加$3) 應該有更好的選擇

poor quality. toast is not crispy. scramble egg is alright. the worst part is the macaroni. watery soup with no taste at all. not a worthy meal overall. will not visit this restaurant anymore if no improvements are made. 

叫一個烏冬加套餐, 可以有湯及一個飲品.一喝蕃茄湯立刻知中伏, 得一個酸字, 沒有香味, 好難喝! 很少會喝一口就全碗不要, 除非是超難喝, 這個湯正正是超難喝, 難以吞嚥.烏冬來了, 蕃茄湯底也是不好味, 蛋應該加了很多芝士, 吃了一半已經覺得很"漏"(膩), 不想再吃下去, 叉燒似乎加了很多粉去把質地弄軟, 沒有咬口, 也沒有香味.沒法子說食物還可以啦, 只可以說....難吃

星期六唸著黎食個靚早餐，見佢新開試吓，但係真係跌眼鏡。奶茶同炒蛋還可以，多士洩哂氣，最差係個通粉，個湯完全稀過水，淡而無味。總括：只此一試，再無下次！失望失望😞

這連鎖餐廳好耐沒有食，見到佢在荃灣開新店，於是去食吓。//到達時有七至八成人，幸好還有位置，沒有所謂吧。//點了招牌的特餐，於是等食吧⋯⋯但一等等了廿分鐘才有通粉⋯//湯底一貫水準，好在我以超慢速度吃通粉，通粉都沒有浸爛，义燒肥瘦適中，加上佢日式麻油，味道依然不俗//初時在想，是否等埋煎蛋多士來個合照，好在沒有等，因我慢慢細嘗每粒通粉後，煎蛋和飲品都未來。//催了伙計，只說催左了，又繼續等，再等十分鐘，第二道菜終於來了。//煎蛋煎得全熟，多士夠哂熱，明顯是漏單而即制的結果，因太餓，我好快食完，之後又等⋯//最特別是要伙計要拿底單才可去廚房催，是否代表完全漏單？等多五分鐘，飲品終於來了。//是那種似曾相識的味道，但阿華田的粉小了，沒有那麼過癮；用膠杯裝，比以前其他分店的金屬杯無咁凍，差了一點。//成餐飯不得不劣評了⋯⋯