北海道牧場餐廳 (已結業)

星期六的早餐，番茄通粉配火腿炒蛋，蕃茄碎粒非常小，火腿加埋都唔夠半邊，但是炒蛋有加鮮奶炒，所以比較滑；午餐肉太陽蛋出前一丁，午餐肉份量都算多，有兩片厚的，但是可惜太陽蛋送到時蛋黃已穿，而且我覺得可能出前一丁落得太少水，所以比較鹹。

星期五度度麵要排隊 連元氣都要排嘅時候 經過唯有食北海道唔使排隊就入去食 已經成年無食過 原來而家仲出左「夠薑鮮茄」系列 比普通鮮茄湯底貴$10 仲有湯飯可以選擇叫左個鮮茄叉燒滑旦烏冬 黎到比想像中細碗 烏冬有啲硬 跟餐飲$48 啲個係鮮茄系列最貴嘅一個餐 唔通因該個叉燒？ 但又唔係特別好食喎 仲叫左黃金豬扒滑旦通粉 原本想食米粉 點知唔記得叫佢轉...以為個豬扒叫黃金係炸 嘅 原來係煎  好淋 👍🏾但個鮮茄通真係湯底太杰  可以浠少少  環境：可以啦 商場內快餐店咁 唔同尖沙咀分店格局 冷氣不足 好似無冷氣咁 倚靠商場冷氣真係好唔得 食完都即走左服務：店員趕住收野咁 一擺低筷子就問係咪收得 但仲未食完

平日放假應該食番個靚早餐，今日行到去綠揚坊搵好野食！ 早上十點好少鋪頭開左門，選擇唔多，一於試下未食過既北海道牧場啦！早餐都算好多選擇啦！叫左個面餐&多士餐：厚切午餐肉太陽蛋出前一丁 $ 35 - 一上菜覺得冇咩特別，當搵左件午餐肉出黎就嚇親，真係好厚！仲厚過太興個優質午餐肉面！足足有1cm厚.....好抵食！太陽蛋煎得好靚，個蛋黃仲係生既！午餐肉好肥美香口！出前一丁點都好食過普通公仔面！配熱檸水黎減輕罪惡感！粒粒花生醬多士配北海道3.6牛乳炒蛋、火腿 +熱檸水$32 - 主角在於粒粒花生醬！配埋煉奶既多士，冇得輸啦，香濃花生味+脆口多士！都要讚不讚牛乳炒蛋，好香滑！火腿就普通啦！

見到北海道牧場餐廳轉咗新menu，叫咗蜜汁叉燒煎蛋通粉外賣，返到打開真係O咗咀，份量少到..好似人哋食剩咁(補充：個膠碗係同熱飲紙杯一樣高，可想而知係少到咩地步）

星期六有事到綠楊坊，未吃午餐餓腸轆轆，卻見四週食肆人頭湧湧大排長龍。最後發覺這間北海道牧場餐廳沒有人排隊，心中已有預感不會太好吃，怎料吃過後發覺豈止如此叫了一個常餐。首先來了一個火腿通粉。湯頭偏鹹，通粉煮得過軟，放入口中糊糊的火腿的味道還可以的，但只有那麼一千零一片，未免有點兒太吝嗇吧接着來了常餐下半部份。全碟食物中，最可取的是厚多士！烘得外脆內軟，唯一只嫌牛油塗得不夠多！餐廳＂推介＂的北海道牛乳炒蛋不甚了了，雞翼炸過了頭，乾得比相對濕度百分之零還要乾，幾近無法下嚥花了八大元＂加餸＂的厚切午餐肉厚是夠厚的了，可惜味道強差人意，最後本人將之切成粒狀丟到通粉那兒吃，真的是＂加餸＂呢簡單一句作結：一定沒有下次

行完山，唔知食咩好，朋友介紹去依間北海道牧場餐廳，好，未試過，一於試下，這間食店似快餐，自己買飛跟住等送餐。叫左個吉列雞堡+牛乳炒蛋蕃茄湯通粉，牛乳炒蛋非常好食，蛋味十足，夠香滑，湯底好正，味道濃郁，通粉煮得剛剛好，價錢適中，環境又舒適，直得再試！

返工遲到攪到無得食早餐，要等到11點幾先有得食既我好想食出前一丁呀。第一次試呢間餐廳，點左厚餐肉太陽蛋丁，見個麵黎到都幾好樣，但一食餐肉就出事，太厚了，感覺係將半罐午餐肉輕輕煎左底同面，咁中間呢，就好似食緊無煮過既肉咁，認真麻麻！個麵算煮得唔錯，軟硬岩岩好。呢個餐$34有咁既質素算抵食了。

昨日約左男友到荃灣買鞋，本想到去開既euro gogo食午餐！但上到2樓經過這間裝潢清幽的餐廳，記得之前已經想試下，諗左陣就決定試新野喇！餐廳偏向快餐形式，客人需於門口點選買票，取牌搵位，但不用自行取餐，這裡有有送餐服務的！回正題，男友的黃金豬排牛乳抄蛋多士餐，抄蛋香滑，奶味濃郁又不失咸香，豬排薄口鬆化，火腿與多士新鮮keep溫！而我點的芝士忌廉魚柳飯等得比較耐，主角魚柳香脆但不乾身，飯係意想唔到會用珍珠米，醬汁忌廉味重，濃結黏嘴，略嫌汁同芝士既份量唔夠！餐飲熱啡同熱朱正常味！

尋日(27-11-2016 Sun)11點幾同老公食o左少少o野落荃灣買餸,行到綠楊,老公話食多少少o野.啊.食邊間?呢間啦,試吓,去到都幾多人,我就先入去搵定位,老公先買佢o個份,等好耐好耐,老公至拎個牌入o黎坐低等食物.到我出去買喇.睇o左好耐,決定要$38.00o既P6多士餐,有豬肉漢堡,豬肉腸,火腿,北海道3.6牛乳炒蛋同牛油多士,但收銀話未有豬肉漢堡.又要諗過,咁改要$46.00o既P7多士餐,有吉列魚柳,火腿,北海道3.6牛乳炒蛋同牛油多士,要熱檸水.我又拎個牌入去等,睇睇老公張單係要乜?佢要$58.00o既P5多士餐,有和牛漢堡扒,火腿,北海道3.6牛乳炒蛋同牛油多士,要熱朱古力.我買o左咁耐,返去坐低等,老公o個份都依然未到,使品使咁耐?終於,佢份餐到o黎,由佢買飛等到到o黎,用o左6分鐘,影好相後佢就開始食喇,而我o個份呢,由落單等到到齊要9分鐘,所有o野都係即叫即整?咁就試吓先.先食牛油多士,係仍熱但唔脆,牛油好夠好多;吉列魚柳外面唔係好脆,魚肉有啲鯹味,質地鬆;北海道3.6牛乳炒蛋都幾滑,味道唔太濃;火腿同熱檸水就唔使講啦.而老公都同我交換半件和牛漢堡扒同吉列魚柳

今晚是中秋節，人大左唔玩蠟燭改為簡簡單單與友人共進晚餐，剛好經過綠楊坊2/F,8:00pm晚飯時間竟然冇哂人（節日關係吧）就試試它可能心理作用覺得今晚食物特別好吃，特別新鮮熱辣日式咖哩漢堡排跟美味的3.6牛乳炒滑蛋，真的一試難忘，雞蛋不太生不太熟，很香蛋味日式咖哩汁內有少許肉碎，白米用上珍珠米，牛油焗多士好脆口好吃，店內環境舒適，至於飲品方面熱華口是跟餐送，另外綠茶特飲要加$8（但味道怪怪地好似薄荷味）下次會再試其他餐

最差餐廳，北海道牧場餐廳，叫左卡邦尼意粉，原來得隻生蛋同汁撈，乜料都冇，賣66蚊，黑咖喱炸豬扒，變左塊炸肉片，最有希望既西多士，得個麵包邊搽左啲啲花生醬，炸吾到外脆內軟成餐食左二百幾，衰到爆，都係食返隔離既 euro go go 仲好食得多多聲

路經這商塲找食店午餐，看見那淺藍色舒服装修，便入内試試，叫了一個餐有多士、火腿、炒蛋，义燒通粉，似早餐食物，最正是那個蛋，超滑，入口帶點奶味，好正，通粉也煮得剛好不淋而湯亦濃郁帶香，跟餐那咖啡出奇地香濃。

從來上Openrice都是找餐廳資料同睇食評作參考, 不是會員, 亦從無打算寫食評, 但今次, 諗咗幾日, 真係忍唔住要專登開個account寫一寫。今個星期二去咗荃灣綠楊坊諗住食個下午茶, 本來唔係打算食呢間, 但經過佢門口, 見到個大大餐牌, D食物相影得幾吸引, 轉軚入咗去, 結果中伏了!係門口落咗單, 叫咗-日式黑咖喱吉列豬扒飯, 加一杯熱華田, 入去想搵個位啦, 呢張枱下面一堆用過既紙巾, 個張枱下面一堆用過既牙簽, 唉, 衞生真係麻麻。食物上枱了, 當然, 同張相係有落差, 都預咗。首先, 汁少, 算, 照食, 無所謂, 飯上面有舊炒蛋, 味道OK, 去到食個塊吉列豬扒, 就出事了! 食第一啖, 係完全咬唔開, 咬多兩三次, 咬開了, 一路咬住個口豬扒, 心諗, 發生乜事, 居然可以難食到咁, 完全無味, 而且仲有一陣怪味, 唔知個廚發生乜事, 竟然可以煮到一塊好睇唔好食既豬扒, (連我平日十指不沾羊春水既細妹, 第一次入廚煮既餸都好食過佢, 都只係鹹咗D), 勉強自己吞下去, 嘩, 差D想嘔番出黎, 唔想浪費食物, 仲想食埋佢, 再咬第二啖, 唉, 不行了, 真係會嘔架,

昨晚和家人到了荃灣的 「北海道牧場餐廳」試了一下晩飯套餐，可以說，只是一試便可意！餐廳環境一般，店員沒有笑容，需要點餐付款後才有食物送過來日式卡邦尼芝士意粉＋熱鴛鴦（$66）北海道牧場餐＋凍鮮奶綠茶（$51）整體說只是一是無妨！😶

早上路经荃灣綠楊商場、入去快餐店食個早餐先！点知好多人排長龍、又難揾位、於是行上一層……發現左一間"北海道牧場餐廳"日式餐廳嘅色調柔和、有D動物裝飾、真係有農場 感覺喎~門口同另一邊墙都係開放式令餐廳更開揚、又静、环境好舒服……… 再睇餐牌好多選擇、係一般嘅早餐款式、我揀左個普通嘅套餐…… B1早餐……北海道3·6牛乳通粉 炒蛋拼多士、火腿通粉+飲品一杯 32元早餐賣相同一般的餐冇分别、個通粉顏色好靚整份餐好企理……牛油多士焗得啱啱好、入口香鬆脆！多士比我平時食開嘅厚一点、包嘅密度高、好軟熟、質地幼细、食得出係用靚麵粉製造嘅、炒蛋好有蛋味、香滑、切落有蛋汁流出令到裹外更流滑、我懷疑係加左D牛奶一齊炒嘅、因為除左蛋香仲有奶香！通粉軟硬適中、湯底濃濃的、有奶和鷄湯的味道、有点忌廉状、加埋通粉滑脱脫！两片火腿軟滑爽口、係優質火腿！好食！！咖啡上面鋪了一層薄薄的泡沬、很溫和好香！食完呢份早餐、我覺得~款式係好普通、但用料、烹調就好與衆不同啦~係一份有質素嘅早餐！係一份好享受嘅早餐！