十一茶屋 (已搬遷) 新店位置

依家四圍都係茶飲店，明明已經拼左條命去飲，但係發現根本唔會有試得完既一日，事關真係越開越多😲呢間十一茶屋由台灣開到黎香港，進駐尖沙咀海港城LCX，新開無耐做緊買一送一優惠，凡買佢既十一花茶蜜系列，即可以獲每日限定的鮮奶歐蕾配手工珍珠😳👁‍🗨 小王子星球（7/10）💲30成份有蝶豆花、金桔、檸檬、蜂蜜，蝶豆花主要係營造出隻夢幻既紫色，入口係金桔檸檬既酸味居多，蜂蜜就其實唔多飲到，整體黎講個人覺得幾清新，飲完精神爽利，不過同行友人似乎唔太好呢種酸度🤭👁‍🗨 玫瑰鮮奶歐蕾 + 彩色珍珠（7/10）💲 買一送一 $0望落層次咁分明，所以飲之前要搖勻😛一開始會飲到有幾香既玫瑰花味，但係後尾就會逐漸減淡到無🤓歐蕾同奶茶有啲唔同架，歐蕾既牛奶同紅茶大概一比一，牛奶點都要佔五成或以上，而奶茶會係牛奶份量比紅茶少，所以呢杯飲落唔會有好重茶味，入口感覺都幾順滑😚手工珍珠有幾款可以揀，除左有我揀既彩色珍珠，仲有白玉珍珠等等，不過彩色珍珠好似同普通既無咩分別，同埋食落會偏甜左啲，但係都幾有咬口🤗🔛 整體評分（7/10）

尖沙咀-十一茶屋：小王子星球（hk$30）、玫瑰鮮奶歐蕾+火龍果珍珠（hk$0）今日試到啦😍來自台南、以天然色素手工珍珠擄獲少女心既十一茶屋，黎左香港，落戶海港城LCX，就在LCX走廊中間那些kiosk當中，新張期內仲買花蜜茶送歐蕾珍珠，抵到一個點，平均$15一杯同去7仔買支野飲差唔多😍 絕對值得一試。因為個樣同個名好夢幻詩意，所以點了#小王子星球（少女💓爆發），顏色好漂亮，漸層透光，像宇宙充滿一切想像可能，值得欣賞細味，實質係青檸蜜+碟豆花（有沒有幻想破滅😂）。送的歐蕾點了玫瑰味，顏色一樣漂亮得看著也心情愉悅，而且飲落真的有玫瑰味啊（浪漫的味道？？）。好怕歐蕾得奶味無茶味，難得這杯沒有這情況，而且火龍果珍珠先係重點！細細粒、煙煙韌韌，微甜，加分。

香港真係實在太多台式飲品店啦🙉一定要有自己嘅特色先可以站得穩着腳！十一茶屋係台灣都有好名氣，今次係尖沙咀嘅海港城開第一間店，就去試下佢地嘅茶飲😋我一向都好怕食花類味道嘅茶飲，擔心味道好假😞因為一般會落花味糖水😭但試咗十 一茶屋職員話佢地彩色珍珠係用蝶豆花、抹茶、紅火龍果、紅蘿蔔等食材製作，絕不含人造色素，花茶都係天然我先試一試，結果無令我失望，大大改觀🙈1️⃣玫瑰鮮奶歐蕾加彩色珍珠珍珠好軟好淋，唔韌！而且真係食到不同嘅味道！好欣賞呢點🤤美觀又好食！茶有淡淡嘅玫瑰花香味，一啲都唔假🌹而奶亦令整杯飲品變得口感細滑👍🏿好和諧2️⃣奇幻漂流呢款係香港限定，所以我決定一試。有別於其他產品咁少女心色系。係有分層嘅暗灰黑色，充滿型格氣氛。淡淡嘅薄荷茶，口感清爽。比較適合夏天消暑一下🌿喜歡花茶嘅您一定唔可以錯過🤤❤️

🤩今日經過海港城買咗兩杯好有特色嘅嘢飲!!!包裝同配色都非常有少女味而且係有天然色素！健康又好味～～小王子星球紫色呢杯野有檸檬茶味，酸酸甜甜，有真嘅青檸入面！😘😘😘 鮮奶歐蕾 配薰衣草茶底配色層次非常分明而且靚靚！珍珠有咬口😘飲落口有淡淡的薰衣草味今日經過海港城買咗兩杯好有特色嘅嘢飲!!!包裝同配色都非常有少女味而且係有天然色素！健康又好味～～小王子星球紫色呢杯野有檸檬茶味，酸酸甜甜，有真嘅青檸入面！😘😘😘 鮮奶歐蕾 配薰衣草茶底配色層次非常分明而且靚靚！珍珠有咬口😘飲落口有淡淡的薰衣草味