十三座牛雜 (已結業)

喝過了不太行的咖啡，要立時溝貨來平衡一下自己的心理，之前試過了人氣的位於灣仔的十三座牛雜，今天既然人在北角，吃吃老店又如何！此人氣牛雜店在放工時間也有數人排隊，不用如在廟街吃，要等上二十分鐘才有得吃，小師傅也是剪阿剪，但為何他那把剪刀的碰撞聲沒有人家的那麼響？也不多管了，吃吧，個人獨力吃不完一碟小的，但又嫌一串太少，最後要了兩串的份量用碟上，除了牛膀外，什麼都要一點，因為個人都是不太喜歡最為少有的牛膀。沒有了牛膀的牛雜，主力的有牛肚、牛腸及牛肺，另外再有一塊蘿蔔，牛雜放在金屬的碟上，碟是熱得燙手的，跟之前在灣仔店吃有點溫吞的比，當然是會好吃一點，而其鹵水的香味同樣的是同一個味道，下得均衡，每塊牛雜也很入味，當然還要加上大量的芥辣及辣油，味道是讚的。牛肚也有三大片，吃起來爽中帶韌，肚的纖維吸飽了鹵水汁，美味；牛肺炆煮成非常之軟腍，一點異味也沒有，而且比肚吸收更多的汁，同樣美味；牛腸有三小段，此乃邪惡之物，多吃其實也無益，因為牛腸內璧的脂肪佔據了整條的腸道，真的誇張，這是有圖為証的，比上回在灣仔店的更肥美，吃起來甘香無比，油香在口中爆發及盤旋，而牛腸的表面煙韌無比，這個真的是無得頂，但多吃

剛在灣仔吃了一碗超讚的蛇羹，重拾信心，意猶未盡，决定繼續出擊，但胃納有限，再吃無疑受苦，但大餐不能嘗，一串牛雜得啦啩？立即上車往北角而去，尋訪那盛名遠播的「十三座」。記得五年前在香港街邊到處都可買到牛雜，但今時今日近乎絕跡，若非知道「新光」有檔「十三座」，真不知到那處找。檔口都算乾淨企理，但缺乏那種對面街都聞得到的香味。八蚊一串只得六塊，想必賺到佢笑，有兩件毛肚，兩件幼腸，一塊膀和一塊肺，冇金錢肚和大腸。味道也還可以，是傳統港式磨豉醬的做法，但毛肚燜得太淋，一貫常見的通病。最令人毛骨悚然的是發現幼腸內有異物！雞皮疙瘩馬上出現，惟有安慰自己，小腸內的只是植物纖維，還未變屎！幼腸纖細，比大腸更難清潔，而且食味普通，不吃也罷，奉勸各位最好「走腸」，以免重蹈覆轍。可能今時今日這檔牛雜已算是不錯了，但三十年前紅磡碼頭那檔牛雜才是最好的，至今未能忘懷。好了，香港揾食之行2009到此結束，後會有期。總結今次之體驗，貴的和出名的多數令我失望，反而無意之中無心插柳又有驚喜。香港食肆千萬，仍有無數臥虎藏龍有待我們發掘，同志們，繼續努力吧！

十二月廿五日(星期五)同老公仔看完戲後,由太古搭叮叮到北角....路經十三座,記得上次吃已經差不多一年前了,當然吃得津津有味...之前我未吃過牛雜,而且比較抗拒的,吃完真是一試難忘呢今次我們又要了細碗...$30,如果一串是$8...哥哥仔很專業,每樣都cut少少落碗!老公仔說要少點潤...哥哥仔都糾正真是美味.....雖然吃到不知道是邊個部位了!推介!

這檔搬鋪至新光戲院側後,食味依然保持水準,汁與牛什混起的滋味佳,比起附近的牛雜檔,仍高一班.另外這檔亦有'金錢;肚食,事緣見到收錢時跌了'大餅'落窩牛雜到,唔知一日有幾多錢沉底呢.蒼蠅亦間有光顧八爪魚.留意一點相信會發現更多特點.

之前見到好多書都有介紹, 好想去,因為要去對面上 seminar, 所以係新界人既我就可以食下咁出名既十三座牛雜喇!! 叫左串牛肺, 都可以...不過好似唔係好夠味..?? 定係以前果ｄ好味ｄ？

每次去北角掘完地第一樣野要做既就係去十三座牛雜﹗幾個月無食，當然最基本要了一串八爪魚再加多串齋。佢地個沙爹汁依然都係咁惹味，初初入口香而不辣，但辣味慢慢從舌尖的部份麻入口喉再望而到達喉頭，過癮香口。如愛佢地個汁，食齋串是最佳選擇，吸哂0的醬汁放入口更形美味，有如打邊爐的生根一樣。八爪魚今次吃有點點失水準，之前食到的都是彈牙而爽口，今日個質感好腍，變左有0的食魚餅既感覺，失卻左八爪魚爽口的快感，食咁多次第一次有呢個問題，唔知關唔關來貨事呢？

師傅都有好一段時間冇食過呢間食店嘅牛雜, 咁啱嗰日黎開北角, 而食店就喺隔離, 加上約左好友食家"乜都放入窿"食晚飯, 咁啱又約左喺港島區, 見機不可失就順便買盒牛雜過去一齊品嚐, 等大家一齊回味下! 未埋到去已經見到龍尾, 勁呀! 行埋去排隊, 好彩唔係等好耐, 因為個哥仔手腳都幾快, 於是就柯打左一盒細牛雜, 亦同哥仔要多d牛膀! 剪好晒一盒後就攞埋芥辣同辣醬, 由北角去銅鑼灣, 攞到落去好彩都仲好新鮮同熱!搵埋好友食家"乜都放入窿"再搵個地方就開餐, 其實真係純粹想過下口癮大於一切; 師傅樣樣都有食到, 牛膀真係好腍好入味, 又冇異味, 又唔鞋, 真係好味到唔識得形容, 一句到尾-出色; 牛腸又夠腍, 又唔算好肥, 口感一流; 牛肺大大舊, 夠腍夠入味, 嗰個口感真係超正呀; 牛肚亦腍, 不過相比之下牛肚都係比較普通, 好似差少少咁, 但實際都係唔錯架; 再配埋辣椒醬同芥辣, 香香辣辣, 極其惹味!總括黎講牛雜質素絕對出色, 三十蚊細兜, 份量都唔少, 絕對抵食! 師傅同好友食家"乜都放入窿"都食得非常滋味, 淨係呢個感覺就已經價回票價; 相信叫師傅再黎機會不大, 唔係水準唔得,

一向都係十三座粉絲。 好驚喜!!!! 響上兩個禮拜發現我屋企果區 - 寶林嘅百佳竟然有牛雜賣。 仲係好出名嘅十三座牛雜。 於是那那林買番串，點知已經無一串串售賣，係以一碗碗賣。 先買細碗10蚊雞($10)， 裡面仲有籮白，本來我唔係太好籮白，不過都即本試吓。嘩! 唔食尤至何，一吃..... 讚! 食完份細嘅，男友仲話要買多碗大嘅囉走。 哈哈，返到屋企又有得同媽咪 share 籮白同媽咪話十三座係佢食過最好味嘅牛雜啦。

牛什一串$8，貴！細盒好似$30，大盒$43，但份量好少。不過又真是非常好味！吃過最好味的就是這間。

星期日早上收工見有時間搭叮叮去北角. 逛一陣先去搭船一黎就搵十三座食下小食先, 因為一間都要同人食飯. 諗住整串牛雜, 但佢話未浸好.我見到魷魚都幾大串, 好大舊下, $8/串. ok啦, 差唔多啦, 肥姐都要$10要左辣. 食左少少, 真係辣.隻汁冇乜甜味/其他味, 真係得個辣字.我自己另外再加芥辣. 好味左些少. 但我覺得d 芥辣同之前黎食過既好唔同. 今次食落, 冇料到, 唔攻鼻, 只有芥辣酸酸地既味而已.另外佢係浸熱d 魷魚, 唔係凍食. 所以食起上黎d 魷魚係容易咬開, 但就冇左種爽口既感覺.d 魷魚... 夠大都冇用啦, 唔識整, 晒鬼晒.十三座睇黎就快沒落. 我只係食過兩次都覺得佢愈黎愈差, d 野又貴.

這個很出名既十三座牛雜，一向座落於人來人往，車來車往的街道。所以即使好出名，我都好少食，因為怕肚痛。今日經過，覺得佢有d唔同左，細看下，原來加左d透明膠架，把食物同條街隔開。咦，又幾好喎，感覺乾淨衛生左好多。牛雜仍然好腍好入味，如果想食好有趙頭既牛什，這兒不是你杯茶。有濃濃的花椒八角味，都幾正。街頭一串串的小食，除左旺角，北角這間有特色既，都係一個唔錯既選擇。我仲留意到，有些師奶們，會買回家做餸，又幾方便醒目呢。可以一試。

看過很多這家小店的好評,這天和好友決定一試真諦~買了一碗小的帶走,因為急於試食又忙了先拍照~~所以你會見到的是沒有了一半的份量~~~呵呵....無論是牛肺定牛膀都洗得乾淨無苦味好友話:甜醬有煮過~好好味!比起我家附近旺角街鋪的算是高水準了~只是要留意一點: 因為他們生意好會不停添加牛雜,記住留意哥哥不要讓他剪錯那些剛放下未熱的就好了

個日我同兩個fd都講左好耐過想試下食呢度既牛雜...見咁岩順路近近地, 咁就去左試...我地買左碗細既牛雜3個人share...首先我想講既係, 個度個呀姐態度好差!事源初初我地諗住即食, 話唔洗要蓋, 但最後都係決定拎走..即刻同呀姐講晒對唔住話返話要蓋...點知個呀姐, 唔理我地不特止, 仲要黑面...我想講, 洗唔洗咁呀, 我地買個時又唔係多人又唔係d咩黃金時間, 得我地一個客, 又唔係阻到佢好多...仲要講晒對唔住仲想點...最後要第二個呀姐俾個蓋我地...講完態度, 講返牛雜...個牛雜, 完全唔夠熱, 淨係得個暖暖地...食牛雜唔係熱呼呼既又點會夠正呢!佢個汁係整得好好味, 好香好野味, 但係一食d牛雜完全無d汁既香味, 即係d牛雜仲未入到味, 未吸收到d汁既精華, 未能夠融為一體! 如果可以入味d, 一定會正好多!so, 結論係唔順路可以save返d錢喇...完全同佢既名氣唔成正比!!

和友人經過十三座牛雜聽聞網上很多人推介便嚐嚐一串牛雜 味道香濃 挺不錯比起旺角的小食店 十三座牛雜的質素 有過之而無不及價錢尚算合理

I had never had cow’s offals (牛雜) when I was small as my mom prohibited us from having most of the street food. As I grew up I got more appreciation to this local "gourmet" but quality does vary significantly from places to places. Since I don’t eat it often, I only get it when I know it’s going to be great, like the one at 十三座. A small bowl of 十三座牛雜 ($30,sm) appeared insignificant in size at first, but was in fact substantial in portion inside. The staff had kindly asked if I had any prefe