十二味 (京瑞廣場2期)

营业中

休息中

今日要同大家分享一個超級受歡迎嘅餐廳，就係十二味餐廳！佢嘅「人見人愛酸菜魚」🐟同蔥油拌麵真係無得挑！首先，我要講下佢嘅酸菜魚。酸菜魚嘅湯底入邊有啲萵筍、蘿蔔🥕、雞髀菇🍄同埋酸菜，真係令味道更加豐富！而酸菜魚嘅魚肉就用鱸魚，鮮嫩多汁，每一口都係一個驚喜！同埋酸菜嘅酸味同魚肉嘅鮮味完美結合，真係令人食得停唔住！😍而蔥油拌麵係入面有大量嘅蔥油，味道香濃，令人食到一陣陣嘅幸福感！麵條口感彈牙🍜，配上啲蔥油同埋調味料，真係好開胃！呢個蔥油拌麵係一個絕對令人滿足嘅選擇！👍🏻十二味餐廳嘅「人見人愛酸菜魚」同蔥油拌麵絕對係一對黃金組合！💯不論你係酸菜魚嘅愛好者，定係蔥油拌麵嘅追隨者，呢度絕對可以滿足你嘅胃！餐廳環境舒適，服務態度親切，令你感到好似喺屋企嘅舒適感覺！😌

夏天天氣太熱 就會想食香辣重水口味食物 經過石門見到有十二味 就決定好午餐要食什麼好了 由於時間尚早 十二點不用等位 就可以直接坐低 午餐十分抵食 午餐包主菜 白飯 飲品 小食一坐低就上了爽脆帶酸的土豆絲 味道開胃爽口主菜比起酸菜魚 我更喜歡十二味的水煮牛肉 夠辣夠麻 今次選擇了中辣 上菜可以見到水煮牛肉大大盤 份量十足 牛肉都有超過十片 除了同作調味的大量香料同乾辣椒 還有大量芽菜 西芹 青瓜 牛肉同蔬菜一起食 增加了爽口的口感 跟餐的白飯大大碗 食食下不自覺地就清空

燒椒皮蛋是四川傳統小吃，🥚可作為開胃菜或配酒小點，由切碎的辣椒和皮蛋混合而成，味道略帶微辣，🌶口感鮮美。川香回鍋肉是四川傳統名菜之一，🐷以豬肉為主要食材，加入豆瓣醬、香蔥等調味料，高溫快炒後烹製而成。🥘這道菜香辣可口，是川菜裡的經典之作。蔥油拌麵，是中式麵食中的🤓一道簡單美味之選。它由捏製成綿韌口感的🍝麵條，加入炸好的蔥花和蔥油，再加入適量的醬油、醋和芝麻醬等調料，🥢拌勻後香氣撲鼻。

我最近到十二味石門分店品嚐了午市套餐中的酸菜魚米線和武隆尖椒雞配白飯，還有他們的甜品冰粉，並且點了兩杯熱柚子蜜。以下是我對這次用餐的評論。首先，讓我來談談酸菜魚米線。這碗米線的湯底以湖南酸菜為基礎，加入鮮嫩的魚塊和各種蔬菜。湯底的酸味恰到好處，而且微辣的口感讓人食欲大開。魚塊的鮮美和米線的彈牙口感讓我非常滿意。整體而言，這碗酸菜魚米線很美味，而且能夠讓人感到滿足。接著是武隆尖椒雞配白飯。這道菜主要以香辣口味為主，搭配著嫩滑的雞肉和四季豆。尖椒的辣度適中，稍微有一點麻感，帶給這道菜一些獨特的風味。白飯搭配著熱騰騰的雞肉，吃下感覺滿足。至於飲品，我點了兩杯熱柚子蜜。這杯飲品柚子的酸甜味平衡了蜂蜜的甜味，口感也不錯。總而言之，我對於十二味石門分店的午市套餐表示滿意。食物的味道與口感都很不錯，而且價格也很實惠。大家可以去來這裡嚐嚐，特別是酸菜魚和武隆尖椒雞是我個人的最愛，幾乎每次都會點寫兩道菜。

石門開了一間吃川菜 – 十二味，星期六日竟然都提供市套餐，而且價錢都好吸引，所以我地就去試下喇，套價平均價七十幾元，而且仲包基本飲品，真心抵呀！ 我地2個人點了2份餐，分別係酸菜魚同口水雞酸菜魚份量都幾大，每件魚片都已經去骨，而且點餐時可以揀唔 辣, ，小辣, 定大辣等等就算吃不到辣的也可以嘗試，合適所有人口味我第一次吃所以揀了小辣，味道還好份量真係幾多下，都幾多魚片丫至於一直很喜歡吃口水雞賣相很好啊，不過一入口就難免有點失望，因為雞骨比雞肉多…. 感覺整件事都好”碎濕濕” 由於石門店新開，所以整體都好乾淨，坐位也算舒適，以七十多元吃一個午餐包飲品，勝價比很高了沙田石門安群街一號，京瑞廣場二期地下

食物份量ok, 味道太咸。上菜速度快，值得一讚。食材就一般，杏仁蝦只有炸粉同source, 買相可以。經理黑口黑臉，找數都冇一句多謝。大家樂收銀員的禮貌做比他好，沒有興趣再去。

辣癮起，特意等到過咗午餐尖峰時間，入去食個午餐。叫咗個 $63 全素的大盆花菜，諗住鹹鹹辣辣好送飯，點知碟餸一嚟到，個餸疏疏落落，份量好少，除了幾條椰菜花，真係乜都無，超搵笨。我幫趁過好幾次了，次次份量都算OK，今次係少到有點離譜，椰菜花得十來粒，成碟餸的份量仲少過隔籬檯叫 $48 麻辣香鍋。Well，餐廳多人幫襯，唔愁生意，就求求其其搵客笨，我短期內唔會再幫襯。

喺石門雖然有好多餐廳，但係返工返耐咗，咩都食均晒最近新開左一間餐廳叫十二味，睇個裝修都知道啲嘢食應該好辣，同埋應該係食川菜嘅。我見到同事話好食，叫咗好多次外賣平台，今次跟佢地叫外賣啦！講真口水雞成日都食，咁難食嘅真係第一次遇到= =首先，佢應該係雪凍嘅，但係凍得太誇張，而且啲骨頭入面好多血水流出黎，雞肉都有啲係紅色嘅，真心懷疑係未煮熟。再者，呢個口水雞，肉係少過骨。第三，斬開舊雞係正常，但係斬到啲骨頭都碎曬，叫人點食？！真心癡線好難食，本身真係想逼自己食落肚，但係啲血腥味搞到我好想嘔，最後出去再買其他lunch算。咁嘅分量同埋quality，都要六十幾蚊，我永久blacklist，唔會再食，

今日陪朋友去開石門整回鄉証，見到樓下有間辣野，之前係元朗已經見過都想試下，今次就一於去試下啦，又係食辣愛好者出動嘅時候！見到有個經典香辣鍋，咁一定要試下啦😂佢係必定要你最少揀五個餸，有人幾好嘅嘢，係可以俾你加麻咁芝麻少鹽少油等等嘅選項，值得一讚！另外再叫左個乾煸四季豆，兩樣都係揀左中辣，香鍋味道幾好食🤤夠香夠辣，本來個鍋底係冇任何配料跟嘅呢個係唯一美中不足，而四季豆就不過不失正常發揮啦！呢間嘢算係可以止到食辣嘅心癮😂不過如果餐廳可以再多啲食物選擇就會更加好啦

平時都算十二味忠實食客，屋企附近又開左間新就黎試下啦。👎👎👎點知啲服務員態度好似我欠佢咁，呢樣話唔知，個樣又唔清楚喎！👎👎👎唔識就問下啦，問又唔問，敷衍了事，個樣巴閉到👎👎👎真係影衰啲野食，第一次寫食評，就貢獻左石門呢間十二味！👎👎👎好食極都冇用，火滾！唔怪之得晚餐時間，一入到去得個幾枱客，👎👎👎以後想食都情願去遠少少，去返大圍食好過。服務惡劣，食物再好都晒氣，怕食完都唔消化！👎👎👎中肯啲講句，味道都比其他店差少少！👎👎👎

依家餐廳新開一排，所以午市去食午餐，平日已經人頭湧湧。有好多人堂食；亦有好多人叫外賣，所以等位一段時間。入邊座位密集好多，用QR code落單。午市套餐價錢先抵食。叫咗麻婆豆腐，麻婆豆腐分量多豆腐，幾滑身，麻辣味幾香，但係又唔會太辣。套餐包白飯，飲品包盒裝檸檬茶。加錢可選配其他飲品。酸菜魚揀咗配薯粉。酸菜魚份量好多，而且麻麻辣辣又酸酸地。魚幾滑，而且仲有其他配菜，都相當豐富。另外麻辣牛肉味都幾香都辣得幾過癮，配飯食都唔錯。

今日同朋友去石門見到呢度新開左一間十二味，我之前都係其他分店食過，有少少食過翻尋味，所以今次見到即刻就去試，兩個人一人一個午市套餐已經夠曬飽，牛肉麻辣香鍋勁多肉，配料又夠，辣得夠過癮，用黎送飯一流

食物味道及份量係好的，但食一個午餐便被該店某一位店員以“唔好意思，繁忙時段，出面有人等位”為理由，在未食完的情況下催你走兩次 (明明限時90分鐘，我地只係食左60分鐘多少少便被催走)嘢都未食完就走過來想收走碟嘢，仲要明明你係答“呢碟仲食緊喎”而該店員都仲要講 “下，呢碟收得啦嘛”。食酸菜魚，我地食完啲魚你都比啲時間人食埋啲酸菜吖，唔係話個碟得返酸菜就覺得人地食完啊嘛！？食物是好味的，無奈服務令人唔舒服，唔會再幫襯了。

-之前已經去過土瓜環食呢間食 亦被我榮登我既酸菜魚三甲😋估唔到竟然沙田區都有佢既足跡 👣仲要系新店喎🤗咁梗係要去食吓啦 今次襯午飯時間過來諗住人唔多啦點知都坐滿 都幾受歡迎😍.❇️午市酸菜魚套餐 $78跟一個白飯 同汽水 超抵❤️😮估唔到午市套餐既魚肉同酸菜既份量都多今次我地亦都無揀到辣度 魚肉超嫰滑 完全無骨裡面有魚片、荀、酸菜 仲有雞髀菇片 全部都好夠味❇️清炒萵荀絲 $78超大兜又爽口既萵荀絲 清新又好味😋大碟既程度完全系4人份 我地都食唔哂要打包🥡❇️蔥油拌麵 $38麵質偏腍 蔥油夠哂香😍呢個份量又系2-3個人都好夠食🤗❇️乾扁四季豆 $68炒得好好味⋯難得完全唔油膩 配埋白飯一流🤭🍹熱情果梳打 $28大大杯 抵飲又好味😍

新開試一試午市酸菜魚配白飯＄73酸菜魚大大兜， 我點咗中辣，不過比起佢其他分店個湯底比較淡同埋唔夠辣；另外，之前食開尖沙咀果間裏面有幾條薯粉，呢度就沒有，整體都係正常水平包飲品：唔使加錢就只有紙盒裝嘅檸檬茶