十二味 (如心廣場二期)

营业中

休息中

服務態度好差，叫左小龍蝦食，食完打算問服務員攞濕紙巾抺手，個服務員態度好差咁話無都不特止，仲話濕紙巾要用錢買，佢地公司無，我明白呢個係成本問題，但真心佢呢間唔係大排檔，而係荃灣一級商場裡面食肆，服務態度差到咁真係好失望，以後都唔會再嚟🤯🤯🤯🤯

今日心血來潮想食小龍蝦🦞，知道呢間野做緊買2送1，（$188/個）加埋大概45隻左右，我哋3個女仔食系啱啱好，我系第一次食，好好味，其實系食個蝦身，所以其實吾系好多，我哋仲叫左口水雞，好味😋

搭車都要黎食，超好味！酸菜魚夠酸，魚片夠薄，暫時食過啲湯用黎撈飯都好食既；對我黎講大辣都唔係夠辣😅食左呢間以後都唔再去我去開既湘蜀人家（食開黑魚片，有日食到脆肉鯇魚既水煮魚，好難食，完全唔夾；呆左，以後唔再食）老川皇都食開五六年，唔理服務差，十二點開左鋪仲要等職員食完飯先落單之類。有次上錯唔辣酸菜魚，仲死翻黎翻去想搵泡椒證明係大辣。十二味魚片算又薄滑同有味，屯門雙辣魚片好似棉胎咁厚又無味。午市得六片左右但拎埋價錢，有少少前菜包野飲真係好抵好抵。份量少所以一個人可以食到兩個餸😂第一次食既水煮牛，都係得六七片（算細片），第二次食數過有十算係大片啲既牛，可能同時煮幾份，畢少左俾我。但味道都係好得，唔會硬，夠味。配菜算多既，四條大條青瓜同油麥菜都好多。味道係好好，好有層次，完全係大陸川菜味，（有湘蜀人家午市水煮味，但人地有一百五十幾，十二味收你五六十蚊）唔係港式川菜。第二次係度數牛肉有幾多😅配菜多服務算幾好，啲呀姐有被教過，落完單、應對完你會講聲多謝晒之類。但人手唔夠同埋都係見到會落錯單同呆下呆下咁平日開左好快坐滿，呢間會一食再食。

隔左一排，去開荃灣，想食辣野，第一時間記諗起十二味！😍因為疫情環境好轉，多左人出街食，今日bk唔到位，所以早d walk in去排隊，6點半鐘，門口都企左d人等緊，我地等2人枱，唔駛10分鐘入座，好彩。☺全場坐滿人，坐得有點迫....職員都比之前多，落單繼續QR code揀食物，原本想食香辣鍋，點知落完單先話冇牛蛙。牛蛙係香鍋的靈魂，沒有牛蛙，香鍋就不是香鍋了，直接取消。結果，轉點了酸菜魚，等了大約10分鐘就上菜。十二味家的酸菜魚，絕對是有水準的，味道夠酸夠辣，魚肉好滑，而且做到真正冇骨，唔識吐骨的人都岩食👍🏻愛辣、愛食魚的朋友，一定要試！這次除了沒有牛蛙有點失望外，我頭頂上有滴水情況也要改善。

今日同女朋友同女朋友媽媽三個人圍住食酸菜魚，在叫咗個12味炒蓮藕牛柏葉...同埋唔記得咗，酸菜魚個味非常接近大陸，啲魚非常嫩滑，而且湯底亦都真做，感覺到佢係用長時間烹調而成，至於12味炒菜睇圖都知香料充足，超級香，最後埋單竟然只係五百幾蚊三個人食到10捧住個肚走而且食物咁優質夫復何求。

吃貨對於食有一種抗拒唔到嘅感覺，無論任何時候都會諗住好多嘢食，種類由六星酒店至街頭小食，全部唔會放過，只要嗰一刻諗到食啲乜嘢，就會以最快速度去食，唔會比任何野阻擋得到，呢幾日食咗好多雞同牛，係時候要轉下口味，但係宗旨不變一定要辣，縮窄範圍轉食魚同辣，就係川菜，之前食過中辣酸菜魚，我覺得唔係太夠辣，今次一於試吓大辣，就咁睇顏色唔會覺得係啲咩，飲一啖湯先係酸味，辣慢慢先至滲出嚟，感覺好微妙，正係符合我想要嘅嘢

朋友想食小龍蝦揀左呢間餐廳, 六點幾拎左飛, 等左45分鐘左右入到去. 可以掃QR code點餐幾方便, 有部分菜式可以揀唔辣, 亦可以揀辣度叫左個小龍蝦, 個賣相係幾吸引, 都有大約20隻. 個汁幾好味, 係會愈食愈辣, 麻果種辣.土豆絲酸酸地, 做前菜幾開胃, 好大碟香鍋 係可以自選配料, 一個叫左中辣, 配料有魚腐, 豬大腸, 鮮魷, 腩肉同油墨菜. 比較乾身, 呢種辣唔同小龍蝦果個辣, 係香辣. 鮮魷好惹味, 個豬大腸份量好多.另一個叫左唔辣,  配料有牛肉, 田雞, 年糕, 萵筍同娃娃菜. 個汁好濃, 牛肉好入味. 田雞冇咩肉, 全部都背脊位黎. 就咁食個鍋其實都飽蔥油拌麵撈勻之後食落好鹹, 啱晒鐘意食濃味既人.

門店裝修已經展現出中國式＋現代風格既混合，放左個人咁高既熊貓🐼公仔，係想指食物都來自熊貓故鄉嗎？.💁🏻‍♀️人見人愛酸菜魚 ＋ 粉條 $228＋$28望一望Menu👀, 再望一望隔離枱👀，Bubu已經知道，無理由唔食酸茶魚啦😁～差唔多每枱都有叫一碟。上枱食完你就知點解！ 酸菜魚湯汁酸度夠酸既，叫左辣但唔太辣，魚肉嫩滑無骨，好多塊魚肉同酸菜，仲有蒿荀同菇，加埋粉條吸晒味，仲唔係高級版酸辣粉😂？不！得！了！可惜粉條份量有D少，可惜無叫白飯！不過,如果佢酸度酸多少少就岩晒bubu口味啦～💁🏻‍♀️川式口水雞 $68黃皮雞去骨雞，雞唔會鞋口，好滑，雞皮係有彈性，識食一定連皮食🤭! 雞一入口就食到陣陣既花椒味，好濃，好有川菜味道👍。街邊一般都無咁濃味，要知道花椒味其實唔係辣，反而係有一種獨特既香氣，分泌更多口水，哈哈😜~ 一開頭食第一層既雞以為佢麻而不辣，點知食到底個層先發現佢個汁先係精髓! 香、麻、辣都齊，十分惹味! bubu好後悔第一層無沾到D汁一齊食呀!

依家冇得返大陸食川菜，唯有在香港食喇，呢間野朋友介紹既，佢話同在大陸食既味一樣所以我哋來試一試，又真是吾錯wor ，價錢又吾系太貴，我哋三個人叫左一盤酸菜魚、一個口水雞、一個四季豆，人均消費$123，午市有套餐優惠，所以都幾抵食

平日要諗食咩已經好頭痛，再加上近期疫情嘅問題導致選擇性更加少，令到大家諗食咩就更加困難。不過偶然經過，聞到一股好香嘅味道，吸引左我嘅注意。呢度環境幾好，坐得舒服，嘢食精緻，適合少少人一齊放鬆食。門口有酒精潔手液比客人使用，好體貼。餐廳係用QR code落單嘅，掃完自己上網落單。 一張枱一個Code，唔怕落錯。 當日叫咗一份酸菜魚(加咗薯粉)，由於屋企人唔食得辣，所以叫咗小辣，但係都係好難，而且越食越辣。雖然好辣，但係令到人越食越開胃。價錢便宜，但是份量很足夠，三個人食剛剛好。另外叫咗一份小龍蝦(小份)，由於一份酸菜魚已經很飽肚，所以轉了外賣。雖然食嘅時候已經凍咗，但係都好惹味，辣到適中，內有青瓜，推薦大家試食。

上次試過旺角分店今次再黎試下荃灣分店假日午市要等位 但店員都好快幫大家安排好位置及量度體溫午市68蚊食到酸魚 好扺食 仲送埋酸苺湯👍🏻👍🏻酸魚可揀辣道 湯唔算油又夠酸👍🏻今次仲有試埋大腸 一樣好滋味

今日見天氣有d熱，想食d開胃刺激味蕾嘅野，即刻諗起十二味。其實之前都食過十二味好多次，味道印象都不錯，所以今次咁啱就去左如心試下十二味lunch set。如心的十二味分店就第一次試，黎到都要等15~20分鐘，都算ok。QR code 落單，好快上菜！酸菜魚一如以往咁好味😋😋，口水雞都唔錯，不過兩碟份量有d 少😛次次都起碼要食兩碗飯，好開胃。不過，美中不足嘅係無豆漿😕。之後，紅糖粑粑超級脆，外脆內軟！未試過既可以試下😊整體都唔錯，午餐價錢算係咁。

酸菜魚好好食！魚夠新鮮，沒有腥味，酸菜又好食，湯唔會太油，所以d湯送飯超正！份量夠多，加了寬粉，最佳配搭。叫左小辣，不過對我而言都已經好辣。口水雞好入味，唔會太辣，有酒香。涼伴土豆絲好有驚喜，夠凍，又酸酸甜甜，超開胃！不過d枱就唔係抹得太乾淨，有待改善。

一眾好友對川菜情有獨鐘，自從上次去銅鑼灣試食咗十二味之後念念不忘，聽聞荃灣也有門店，更大間更多座位選擇特意前來諗住再次滿足口腹之慾，結果……大失所望，同一間集團的出品都可以如此參差，沒有對比就沒有傷害！間嘢好趕時間，d餸拎過嚟嘅時候凍哂，完全冇鍋氣，田雞只有背隻d皮，全部下腳料，椰菜花也是淡而無味，如同學校飯堂大鍋飯，煮定，等你嚟到就撥俾你，冇賣相，色香味乜都冇，一言難盡，唯一的分數我俾侍應，反應夠快，酸菜魚質素如同兩份快餐溝出來，辣子雞濕漉漉唔夠乾身疑似昨天的廚餘，腰果完全冇口感，咬落去隔夜感不言而喻……第一次，亦是最後一次……中伏！

落單直接用wechat scan QR code揀食物，方便自己方便侍應👍🏻上次試左酸菜魚，今次決定試香鍋。麻辣香鍋，以前去深圳食得多，香港極少見，十二味既然有得食，當然要試下！🥘個人喜歡食辣，經典香辣鍋就岩晒我😍$38。另外要揀最少5款餸去一起炒😬+💰38🥢雞翼：一開二，方便食。+💰42🥢金錢肚：大大塊，有咬口。+💰28🥢寛粉：食辣野，落左寛粉會索晒d醬油，又辣又彈牙，好味！+💰48🥢田雞：大陸叫牛蛙，辣干鍋必食配菜！唔好話佢醜樣核突，保證你一試難忘！+💰28🥢油麥菜：食番d菜平衡下，成件事都係好合理😂總結：性價比很高的川菜，店舖位置都又就腳，環境又舒服，整體感覺就係好！👍🏻如果你想吃川味，十二味一定適合你口味😋