十二味 (如心廣場二期)

营业中

休息中

十二味荃灣分店最近新開，大門口有大大隻四川代表可愛熊貓。午餐由五十幾蚊起，冇一個主菜包白飯、涼菜同飲品，非常抵食。呢度係用QR code點餐，好方便。當然必點招牌酸菜魚，鱸魚片滑溜無骨，完全無腥味，非常入味，湯底酸中帶甜，唔算油膩，都幾好飲。揀左小辣，對於食得辣既朋友黎講呢個辣度一定可以接受到，亦可選唔辣，帶埋唔食得辣既朋友去都無問題。另外叫左牛肉麻辣香鍋，材料有牛肉、薯仔片、蓮藕片、木耳等，炒得好乾身，味道又麻又辣，口感豐富，而且辣得惹味，嚐辣愛好者一定要試！

估唔到荃灣都有十二味，太方便啦！唔使次次都九龍港島先有！落樓下食個午市套餐，十二味有唔同嘅午市套餐，都幾抵食！唔使$60就可以食到香辣鍋，仲跟埋一碗白飯同飲品，不過就冇得好似夜晚咁自己揀餸。叫咗個雞翼香辣鍋，小辣，原來係素鍋加上雞翼，有木耳、芽菜、蓮藕片，雞翼單邊，半煎炸，夠晒香口！干扁四季豆，鹹鹹香香，好啱送飯！仲有紅糖糍粑，可以揀即上定後上，雖然呢個唔係套餐，不過都唔係好貴！熱辣辣，煙煙韌韌，加埋紅糖，正！

由細到大都食得辣, 又鐘意食川菜重口味, 所以特別鐘意食十二味呢間川菜餐廳. 今日係荃灣做野, 甘岩知道呢間十二味係如心廣場有分店, 就決定食個晏. 十二味的午餐是十分抵的, 不加一, 一個菜配一個飯, 同埋一杯酸梅湯, 照舊必揀酸菜魚, 再點欖菜炒四季豆, 同埋一份干鍋牛肉, 馳名的酸菜魚係我每次必點的, 魚肉又滑又大塊,絕對足料. 個湯都好好味, 我通常會用來撈飯, 因為實在夠味撈飯真係好好味. 同埋香噴噴的四季豆一起撈飯也是超好食的.干鍋也是這里出名的, 呢個牛肉干鍋炒的很入味, 火侯岩岩好,好香又夠味, 呢度裝潢都好有中國風, 好舒服的座位, 岩晒生意人約客來食晏,朋友都話呢度抵, 會列入食晏首選, 仲讚我無介紹錯.

自己一直以來都好鍾意去深圳食川菜，但在最近的日子，關封了，所以就決定留喺香港到食， 十二味，味道正宗。在如心廣場的第二期內，在2樓，你就會搵到這一間店舖。店舖的門面非常有文青味，大大隻熊貓喺到迎賓。坐低，餐廳整潔。我叫咗一碟酸辣炒土豆絲，辣同埋醋味融合埋一齊，所以辣椒的辣加上醋的酸味，令到我非常開胃。蔥油拌麵的醬汁非常香，面有質感，而且味道唔會特別鹹，適合喜愛健康的朋友。口水雞，這是冷盤，鹹鹹的醬汁，配上香滑的雞件，不錯。最後要多一杯酸梅汁，作為晚餐的總結。

點了招牌菜-酸菜魚🐟🐟酸菜魚重口味得來不太辣，算是較易為人接受的四川菜。鹹酸香鮮是它的主調，少許辣椒和花椒是隱隱帶出香氣的原因🤩🤩用來煮酸菜魚的酸菜最講究，鱸魚肉實淨，味道也很鮮甜，辣度可以挑選🌶🌶湯底不太油膩，味道嗆辣，好似酸菜魚跟水煮魚的混合體，飲多幾啖都唔怕肥🤫🤫位於荃灣大河道如心廣場二期215號鋪 》十二味。新潮川菜一向喜歡返大陸食川菜，而家冇得返，只可留在香港食🤓🤓朋友介紹位於荃灣西鐵站附近有一間川菜😋😋門口已經感覺到係一間非常地道既感覺，陣陣麻香已撲鼻,餐廳環境闊落乾淨👍👍而且還可以用二維碼下單👍👍非常方便🤩🤩

今日咁啱又去到荃灣開會, 同事介紹去如心廣場個邊試一間好抵食嘅川菜. 咁試新野我就一定好樂意嘅, 二話不說兩條友👬就去咗呢間十二味新派川菜.叫得新派果然有D科技野, 落ORDER同現時好多新式餐廳一樣都係掃QR CODE落單, 整體易用嘅唔麻煩. 有樣野不得不提, 我地落完柯打都冇3分鐘D菜就上檯, 對於時間就係金錢💰嘅香港人黎講, 呢樣真係值得一讚.除咗LUNCH有SET提供之外, 佢地都有好多餐前小食可以ORDER. 唔怪得我同事話抵食, 呢度D前菜都係三四十蚊有交易, 重點係大大份, 我地就叫咗皮蛋同青瓜, 味道好OK, 皮蛋夠香亦唔會太辣, 青瓜同出面食開的比較係正常野, 但份量多, 當菜食一流.LUNCH SET呢亦都包咗少少前菜, 有野飲. 我地就叫咗口水雞同回鍋肉. 口水雞🐔夠滑, 味道好, 回鍋肉賣相雖然一般但味道亦非常唔錯. 老老實實以咁嘅價錢黎講, 呢間野真係抵食性價比一流. 大家如果黎開呢邊真係值得一試.

荃灣食lunch非常多選擇，今日係碼頭附近所以揀左如心廣場既呢間川菜食。🌶🌶🌶🔸尖椒皮蛋🍳見到唔係尖椒已經引起我好奇心，原來以紅椒取代左尖椒，少左尖椒既草青味，又保持到椒香既味道，再加上酸酸既醋味，非常開胃既前菜。同埋佢同一般皮蛋有分別，係用黃色皮蛋架！🔹水煮牛肉🐮滿滿既辣椒，見到已經好吸引，牛肉份量亦都好大方，最可惜lunch唔想食咁辣叫左少辣，同埋唔知道粉條要加錢，不過都好夠食。🔸口水雞🐔每一舊都好有肉，無骨頭骨尾，醬汁香辣惹味，雪凍左肉質更加結實。雞皮爽口,就算唔食雞皮既我都食埋呀🙊🔹人見人愛酸菜魚🐟見到個名都一頭霧水，食落就知原因。魚塊肉質非常軟入口即融，但唔係霉，仍然食到鮮味，加上超巨量既酸菜，非常夾。❤雖然係lunch set，但係每個餐份量多到好似小菜咁，再包一個白飯，同埋一細碟醃雲耳，而且只係50至60蚊就食到，如果我荃灣返工真係一個星期食幾次。

見沒乜人，入左去叫左條魚同鍋，味精重，選擇少。食完肚屙，同行友人講返原來佢都肚屙。裝修十分之一般，似大陸$50 消費檔次，侍應服務態度一般般，因為點菜要好似大陸掃QR code，沒咩交流。

今日在荃灣西站一出.見到十二味招牌.記得係尖沙咀分店食過好正.個熊貓係招牌公仔🤣落單都係全面用wechat scan QR code.都幾方便.自己慢慢按選.👍🏻今次決定試下香鍋.成日聽講香鍋.都好少見地方有得食.🥘秘制醬香鍋 💰38 (鍋低only)(+菜去撈的）醬香味好濃郁.好香麻醬味.不辣的.（另有辣香鍋可選）+💰38份🥢雞翼：半隻一隻.方便食用.唔會失禮.+💰38🥢肥腸...超大份超大塊超飽肚.+💰38🥢寛粉.食川菜點可以唔食寛粉？索哂醬油香.超好味.又彈牙.+💰28🥢萵筍.食川菜又係必點😂除川菜外.好小地方有得食.一片片.好索醬料味.貪心叫多左份🥢毛血旺 💰138之前係尖沙咀分店食過.覺得超大份又多配料食.可以滿足到咩都想食下既感覺.價錢都相當實惠👍🏻總結：性價比很高的川菜.店舖位置都十分就腳.環境又舒服.價錢也不貴.整體感覺都很好.👍🏻每次想吃川味都會想到十二味.（‼️注意‼️十二味食物分量都比較大.如果二個人食.建議不要點太多.二人食一個酸菜魚/香鍋加小食1-2碟都好足夠.）

估唔到荃灣都有間咁大嘅酸菜魚，依家位置非常方便，勁近西鐵站估唔到佢都好大，酸菜嘅份量都非常之多，我哋呢係揀咗小辣嘅，但係對於我來講都有啲太辣嘅感覺，同埋舌頭有好麻痛嘅感覺，😂😂😂可能對於辣我仲要訓練一下呢個魚既份量都非常之多嘅，個價錢同餐廳嘅環境都成正比，同埋呢間餐廳嘅好處係座位同座位之間有一定嘅距離，呢個係疫情之中係非常之緊要冇咩必要都唔會想有太多人太近距離咁接觸，依家就做得幾好啦😂另外我哋都叫咗個甜品，叫做紅糖xx,呢個係即係炸麻薯，再加上紅糖漿，好好食，個麻薯煙銀嘅，熱辣辣嘅，好特別我就未食過啦，好食！

見到門口有一隻巨大的熊貓，擺設又有迷你的熊貓公仔，剛好我朋友喜歡熊貓，於是就入去食午餐.午餐的選擇也頗多價錢也十分合理⭐️麻辣香鍋配牛肉這個鍋炒得很香，混合了不同的材料而炒成有薄薯片、蓮藕等等香鍋可以選擇淨素菜、田雞、雞翼或者牛肉，我就選了牛肉，牛肉一大片的炒得也很入味原本我是被麻辣這兩個字客到，不過好在原來它有辣度選擇，甚至不辣也可一個午餐還送一杯飲品及前菜呢.⭐️紅糖糍粑外面帶有少少脆，入面有糍粑的煙韌沾上紅糖更帶香甜味，難怪是招牌之一.⭐️幺妹兒冰粉這個甜品帶有中式風味的桂花及提子乾，質感就此西方的啫喱不過更加有彈性.值得一題這裏服務十分之好，而點餐是用桌上的QR code點的，更加方便快捷。

日本有排都去不了，唯有荃灣Donki 逛逛，可解思念😂😂逛完吃午餐，看到 十二味 ，竟然$68有正宗酸菜魚套餐，還免加一👍👍套餐有前菜和飲料，自家制酸梅湯不錯，還可以解辣☺️☺️酸菜魚一上桌，驚喜，好大一窩，而且很多配料，魚肉又鮮又嫩，下飯一流，魚片可不小呢😏😏太值了雞亦麻辣香鍋，很地道的做法，大量牙菜、蓮藕片，薯仔片和云耳！單骨雞亦是炸過的，特別香口👍👍幾十元人頭吃到地道川菜，飽飽的，值得再來，下次吃晚餐可以申請會員，送人見人愛酸菜魚呢😍😍

以前喜歡三五結伴返深圳食酸菜魚貪佢夠地道風味又消費便宜真的有點懷念！香港其實都有不少美味又夠風味酸菜魚但香港舖租人工高，食物叫價都算貴今次俾我搵到間超抵食酸菜魚喇！呢間位於新場荃灣如心廣場叫＂十二味＂由於新開的商場餐廳選擇未算太多最吸引我的就是呢間十二味川味小館一坐低店員提醒要自己掃QR code 落單自助式落單其實十分有效率光顧時正值午膳時段有不少超值午餐套餐可揀我們order 了兩個套餐先送上飲料同涼菜雞翼麻辣香鍋 配白飯$54配料都幾豐富，有蓮藕，豆芽，薯仔及木耳加上香椒爆香炒熱，夠惹味雞翼應該先炸再炒，夠香口酸菜魚都有套餐盛惠$68 咁抵點可以錯過！先飲湯頭，酸度辣度剛好男人不太好辣，order 小辣亦恰到好處魚塊應該是桂花魚啖啖肉嫩滑入口即化酸菜亦有層次，配飯一流虎椒皮蛋 $48男人平日不好皮蛋類這個佢食到好滋味果然夠曬地道風味又平又美味難怪咁多人幫襯！

去荃灣如心廣場逛街，開了很多間餐廳，於是去了一間四川菜叫十二味，嘗一嘗好久沒吃過的酸菜魚。沒想到香港都有好吃嘅酸菜魚品嘗。餐廳環境寛大，有卡位和大枱。😋😋😋人見人愛酸菜魚份量多，裏面有大量酸菜，雞髀菇。魚塊 多肉滑嫩，呢隻酸菜湯底非常開胃😋😋😋最佳拍檔粉條連同酸菜魚一齊食，寬條嘅粉條，質地煙韌，配上酸菜湯得開胃，非常合襯燒椒皮蛋皮蛋晶凝通透，配上帶酸辣嘅燒椒，不覺膩。😋😋非常惹味香口

今晚又係12味，今次嚟到荃灣，見到間鋪頭係有客嘅，好感恩，香港仲未玩完晒😂😂😂都係講返正題，今日叫左伴麵，拍青瓜，口水雞，同埋我最鍾意食嘅尖椒皮蛋。今次想講下尖椒皮蛋，佢同人啲顏色唔同，聽人講係較為健康嘅，食方面味道差唔多，如果健康啲冇所謂啦。拍青瓜方面佢呢間酸度比較高，我就冇乜所謂仲開胃，其他口水雞好食唔使講。到最尾我都叫多個冰粉，滑脫脫，幾好食我喜歡，我都覺得我口味好似細路仔😂😂😂呢間係我近幾日見到原來香港仲有人食飯嘅餐廳😂😂😂😂差啲忘記讚下侍應，好鬼fit😉