影片
以上资料只供参考，请与餐厅确认详情
食家推介
堂食外卖都系用同一款外卖碗，外卖多个盖收多$1，俾人感觉好差，难怪都几多差评问阿姐点解外卖得咁少，阿姐话公司规定每碗装7成，已经俾多咗你喇小姐，听到真系火，阿姐如果你讲得出7成，即系可以量化，请问成只碗嘅7成即系几多克？你有无拎个砰出嚟砰俾我睇7成 😤咁差嘅服务态度，咁差嘅食物质素(好油腻好劲味精食完好口渴)，系呢个时势咁做生意🤔 唔好帮衬好差好差好差垃圾垃圾垃圾重要事情要讲三次
继续阅读
本身今晚约咗人去尖沙咀食沾面🍜，点知原来执咗笠。夜麻麻一时三刻唔知食乜好，咁就不如食狗仔粉啦，开得够晒夜可以慢慢食。通常我都系食火鸭翅嘅，今日比较肚饿，就叫多只鸭髀。朋友未嚟过呢度，所以我就介绍佢食招牌嘅狗仔粉。另外叫咗个黑白炸丸同埋鱼皮饺share😋😋🪿我钟意食火鸭翅系因为觉得佢足料啲，而且浓味啲。佢入面有冬菇有火鸭丝同木耳，食落口感十足。而且佢仲有菜谱可以比我自由加到食物之中。火鸭髀嘅话我就叫咗上髀，其实不嬲都唔明上下比有乜分别，唔知道点解两个价钱会唔同。我自己觉得食落口就真系好似差唔多啦。🐩之前都有食过狗仔粉，但系由于我本人比较唔钟意食淀粉类，所以少食。狗仔粉个汤底用咗冬菇同其他材料，所以食落都非常清香。🥟鱼皮饺重点在于佢嘅酱汁，呢款系18座秘制嘅酱，出面绝对食唔到。香浓嘅酱汁，加上具有油甘香嘅鱼皮饺，绝对系Perfect match。另外黑白炸丸煲炸得非常香口。黑系指贡丸。白系指墨鱼丸。虽然好油，但系粒粒都就到胀卜卜非常美味。虽然而家都已经贵过以前好多，两个人叫咗咁多嘢食，仲有饮品先至系百几蚊，作为宵夜真系一个好唔错嘅选择。❤️
继续阅读
夜晚想揾间嘢食宵夜，咁啱经过，见冇乜人就入咗去点左招牌鸭翅，上菜好快但分量少… 个翅好咸，基本上乜味都食唔到，而且杰tat tat ,个texture好奇怪.. 谂住猪油渣招牌食物，加埋钱买猪油渣，点知系有几旧已经淋左…鸭翅加埋个猪油渣夹埋4x蚊… 食完觉得性价比唔高
继续阅读
相信对好多香港人嚟讲，狗仔粉都系一种怀旧嘅食物，但系佢历久不衰，直到今时今日都仲系可以保持住𠮶一股味道，仲要廿四小时开放，真系无时无刻都可以食到啊。招牌狗仔粉 🐶小熊猫食狗仔粉，就最钟意加菜脯，呢度最好就系可以无限加菜脯，有辣有唔辣任君选择。香浓汤底加上软糯粉仔，简直系小熊猫宵夜之首选。飞天上髀 🦆如果唔够食，仲可以加多只鹅髀，手掌咁大嘅烧鹅髀，啖啖肉简直啱晒大胃王嘅我哋。钟意啲肉腍啲嘅可以拣上髀，钟意弹牙肉质就梗系要拣下髀啦。
继续阅读
极失望十八座狗仔粉极失望十八座狗仔粉极失望十八座狗仔粉话说正餐食唔饱，谂住去拮鱼蛋烧卖咁啱见到间十八座狗仔粉，香港人开又攞埋《米芝莲》应该OK，估唔到佢系差到一个点...17蚊8粒鱼蛋，价钱唔算平，少辣多葱，原来多过3粒葱叫多葱，纸兜装卖相平平，食落口哗...陈皮鱼蛋照样烟韧但冇哂鲜味，得个 「辣」字，少辣原来系十级辣。17蚊7粒烧卖，睇落几大粒，食落成pat野咁，好似用滚水蒸咗48小时，我开始唔知自己食紧乜。低处未见低，38蚊极失望狗仔粉出场，首先非常细碗，其次D粉真系好粉＆好腍，十足十煮咗成个钟头比老人家食嘅乌冬咁，食咗两啖就冇再食，真系唔识欣赏。
继续阅读