十六座車仔麵 (已結業)

過了夜晚11時，要找有㸃質素的地方食晚餐並不容易，旺角的16座車仔麵可以一試。 店舖裝飾很懷舊， 專登模仿舊式車仔麵檔。他們對麵有㸃執著，除了蝦子麵、菠菜麵、紅菜頭麵 $12，很驚喜可以揀稻庭烏冬， $16 給的不是下價烏冬。我選擇了韭菜燕餃， $11，一般；蘿蔔、鹵水豆腐，$16，好味，蘿蔔很入味；有很多丸供選擇，例如牛丸，$9；湯，可以揀牛腩汁、鹵水汁或者乾撈；如果買四餸粉麵，飲品半價。我買了四餸，加稻庭烏冬，罐裝汽水半價$6。每項食物分開來說都是中上水平，可是車仔麵的老問題是，夾的問題，似乎不夠入味和不太融和。

今晚約左朋友仔食飯，諗左陣佢話想食呢間嘅車仔麵，開頭都麻麻地想試，但最後都陪朋友入左黎😮呢度嘅裝修好有懷舊風味，點餐寫嘅紙係過膠的，非常環保👍🏻坐位亦算舒服，整體環境都滿意😃今次點左白蘿蔔、豬大腸、菜肉燕餃、牛舌米粉，味道不錯，下次要黎試埋樽裝咖啡同奶茶先😚

16座車仔麵📍旺角通菜街103號地舖自家製無冰樽仔奶茶&雞骨草($18)平時茶餐廳加冰溝稀晒啲奶茶/凍飲，所以見佢係無冰凍飲所以嗌嚟試試，呢款重奶味，甜味略重，不過都好飲。反而雞骨草就好淡味，當飲得健康啲🤣其實車仔面要做得出色，每一道餸都要高水準。稍有差池，每一個食客都會覺得唔抵/不如我就咁食個咖哩魚蛋燒賣好過佢。而文記車仔麵係就係好食，但每個時段都大排長龍，呢個時候，想食車仔面嘅你地可以試下旺角16座🤣😋 提提你，咖哩魷魚同豬紅係必食🤩🥳

第一次食呢間車仔麵，店內裝修好懷舊，好有特色！我叫左個四餸車仔麵（豬紅、蘿蔔、大腸、雞翼尖），呢度落單要3餸起，叫4個餸飲品半價（唔知淨係今日有優惠定長期都有，因為個牌係寫今日優惠的）我唔記得圈自己要咩汁，店員冇再confirm我係咪唔要汁（我覺得呢點可以細心d再問下，但始終係我自己唔記得，所以我冇再講咩，反而係個店員主動同我講，另外比碗牛腩汁我，但最後都冇比！😂）雞翼尖、蘿蔔同豬紅都夠入味同夠林，大腸我覺得洗得唔夠乾淨既感覺！

女兒嚷著要吃車仔麵，一向都會在太子店用餐。今日，試試到旺角店吃麵。進店時人不算多，可能未踏入晚餐時間。職員也很好，叫我們到上層，座位比較多。但正當經過餐廳廚房門外時，剛巧門打開一刻，看到一名配戴眼鏡的廚師，在廚房內抽煙。心中突然不寒而慄！在廚房抽煙，那麼提供予客人的食物衛生，也相信有疑問吧！那麼恐怖的事情，沒想到會在有水準的麵店出現。真不知道，食物內有多少加料的成份！！若要再次光顧，真是要考慮考慮。希望麵店老闆，認真為食客著想。

十六座車仔麵的配料和麵食, 比一般的更特別更刁轉, 對於我這個內臟控來說更是歡喜. 牛舌芯和雞腸是我最愛的內臟Combo, 前者厚實但內裡嫩滑, 後者煮得剛好, 不會Overcooked得縮起一團. 肉類除了一般的如牛腩外, 也有特別如金沙青—也就足金沙骨上的外層肉, 少了一點脂肪及油香, 多了一點爽口彈牙; 至於蝴蝶腩, 我還以爲是牛腩的朋友, 原來是豬肺外層的肺膜, 難怪肉味不多而且口感比腩部爽得多了! 用了刀削麵做面底, 面積更大更能吸收餸菜的精華, 以乾撈的煮法也令味道更集中, 滋味更無窮.

原本在觀塘秀茂坪內的港式車仔麵，因重建關係搬遷到其他地區。在旺角的分店共有兩層，裝潢和擺設盡量重現了舊式公共屋村的面貌。餐牌的選擇和配搭多樣，有常見的車仔麵配料外亦有自家秘製配料和小食，要留意餐廳是設有每位最低消費$30的。 鹵水豆腐、蘿蔔、唐生菜配紅菜頭麵；鹵水豆腐很突出，鹵水醒胃；蘿蔔入味爽甜，紅菜頭麵則一般，份量是不少但口感一般。蘿蔔、辣魚蛋、蘿蔔配菠菜麵，菠菜麵和紅菜頭麵一樣，辣魚蛋結實有咬口。

店舖玩懷舊feel，有種70 80年代，屋村車仔麵既感覺，但環境光猛企理，又無咩油煙感，坐得都舒服。車仔麵最少要叫3個餸，腩汁底，揀左蝴腩，芝心丸同魚皮餃。而麵揀左紅菜頭麵，平時好少見，好似好特別，就試下啦！🍅呢日落住雨，所以lunch time 唔算太多人，好快就上到菜。第一啖試左個湯，老實講，馬馬地。腩汁既味好啖，似係用左清湯溝稀左，愈飲愈覺得係平時上湯既味。而紅菜頭麵係搶眼既，粉紅粉紅色，好靚好特別，不過食落無咩特別，相比下都係蝦子麵香d！🍜而餸菜方面，蝴蝶腩係3樣之中最出色，味道最好，蝴蝶腩🦋每件切到一小件咁，可以一啖過食，而每個肉都會痴住少少根膜，所以煮完有少少捲曲，望落就似蝴蝶，不過個根膜一d都唔韌，好味既！而芝心丸真係流心既！魚皮餃就不過不失ok啦！食物上，整體腩係ok既，其實就一般la。而呢度既環境比食物更特別。

晚上去揾食，想起友人介紹呢間車仔麵，即管去試一試，入到去樓上沒有位，只好上摟上，叫了一碗五香蝴蝶腩餃子麵，牛腩好淋，牛腩湯也唔錯，餃子皮略為厚一點，女孩子食一碗已經很飽了，男孩子要吃兩碗才足夠飽。

出開旺角隨意搵搵，見到十六座車仔面寫住下午茶3餸$37，無看清楚就入去，座低問，原來只是飲品半價😅仲以為包飲品。店裝修防似以前環境，餐具都乾淨爽的我叫咗4餸送凍豆漿。面上枱第一感覺不是傳統味道，因為湯太清豬腸無鹵色😅一食再食三食，全部都係鹹味鹽味，咖哩齋都係鹽味重過咖哩味想座得好啲不重視面嘅味道，呢到係不錯嘅選擇，夠乾淨，但如果要食到車仔面味道，呢到就未能滿足。我呢4餸米$50，下午茶時段4餸送豆漿，3餸或以上飲品半價。

成日坐小巴經過見到門口幾企理，終於入左去試。本身想叫刀麵，因為見佢介紹話係獨家，來自日本，但冇哂，所以轉左菜底。又係因為女朋友的關係，叫左流心蛋。鹵水味，內裏都算流心，所以會帶女朋友來試。豬紅，味道偏咸，我自己就喜歡偏甜的豬紅，所以不太適合我。豬大腸，大舊，味道ok，唔算太入味。牛爽，份量都多，牛舌味道重，好岩我口味。叫四個餸飲品半價，所以都幾抵。價錢合理，店員都有禮貌，環境都企理，不過坐得近門口比較熱，下次會試下坐樓上，食完冇好口乾，可以再去。

夜晚想食light D 但又好累😔夏天流流☀️最緊要冷氣❄️夠大，咁車站隔離岩行過裝修又夠本土入到去有菜底，岩曬❤️雞翼🐓豆卜夠入味，最正係隻蛋🥚作為糖心蛋控，對蛋嘅要求唔會低蛋有蛋味係基本，糖心煮最緊要得恰到好處，唔會實曬，重要係流心，16座呢隻蛋有80分，日本豉油味唔太咸又唔太淡，係好味嘅😋跟餐點埋雞骨草，細細支最緊要少甜，Perfect 池雖然價錢有d 少貴，但食質素高店內裝修餐具散發濃厚本土味下次有外國朋友黎香港一定鐘意

佛誕假期那天，窩夫與蝦子餅吃過下午茶，晚飯吃不下太多，想起了之前光顧過一次的十六座車仔麵。粉麵選擇很多，有新潮健康的紅菜頭麵和菠菜麵等，也有傳統的油麵和米粉等，飯桶可以選擇白飯或湯飯，那天窩夫不太餓，則可以點菜底。點四個餸便可享飲品半價優惠，鮮榨檸檬汁(原價$14)很好喝，不會太酸，十分開胃。窩夫點了唐生菜底($10)，車仔麵最低消費要三款餸，選了三款招牌推介，分別是限量金沙青($11)、五香蝴蝶腩($11)和咖喱麵筋($11)，金沙青和蝴蝶腩都是上次吃過要安歌的，兩種不同部位的豬肉口感完全不同，金沙青其實是金沙骨面層的肉，肉味很濃，而且很爽口，蝴蝶腩煮得很入味，不是很多地方吃得到。咖喱麵筋有驚喜，咖喱味香而不辣，麵筋軟硬適中。蝦子餅點了傳統的油麵底($10)，選了牛爽(牛舌芯)($11)、慢煮鹵水牛脷($11)和豬皮($9)等四餸，處理牛舌的功夫不少，愈來愈少食店肯花時間心機去做，每份11元的價錢絕對合理，推介給愛吃牛舌的朋友。腐乳通菜($18)的器皿很小，通菜變黃了，叫人有點失望。

唔係第一次食十六座車仔麵之前同同事都食過幾次今次係旺角買完野趕下場要快食於是帶奄尖老公黎試就發現質素差撞正食lunch 樓下座滿第一次要上二樓 眼見都有二十個座位左右樓底唔高 坐滿人後就好嘈一人一張自己畫自己想食既野都幾多選擇 同埋呢個方法好環保老公揀三餸配油麵大腸 牛腩 雞翼 中辣雞翼同牛腩都好淋 入味既老公話個辣唔夠辣 同埋辣得黎唔係幾襯呢碗我既 我貪心揀四餸配米線 中辣大腸 豬紅 蘿蔔 牛舌芯大腸夠入味亦我押味豬紅麻麻 蘿蔔夠甜牛舌芯亦爽口我自己覺得今次個辣唔同左味偏咸 無以前咁好食了同時仲嗌左個腩汁通菜share 味道正常

朋友介紹話呢間車仔麵好食，於是到此一試。叫了蘿蔔老水荳腐蝴蝶腩波菜麵，麵質一般，無乜特別驚喜，但蘿蔔和牛腩非常好味，蘿蔔無渣，牛腩淋度剛剛好。餐牌上話無味精湯底，但食落又有味精，原來係唔揀牛腩汁和老水汁才是基本湯底，下次要再試下。