十勝牛和食料理

营业中

休息中

超級超級鍾意十勝牛嘅沙律🤩🤩超級抵食，啱曬夏天清清爽爽咁🤤佢個沙律醬特別好食🤩係就係佢哋啲餐具比較難用，係碟狀，又冇俾匙羹，要特別叫佢攞🙂攞筷子夾米粒嘅淒慘🥲一年四季都有嘅牛肉火鍋都好抵食，超級多菜，4個人叫一set，嗌埋其他小食都食唔曬🤣火鍋嚟講都不錯😋仲跟一杯嘢飲同一碟壽司🥰他人蓋飯入面有足量嘅牛肉同蛋，撈飯真係超級入味都好食，滿足想食日食丼飯嘅我😝炸蝦壽司都係成日都會嗌嘅，不過不失，炸蝦很脆☺️芝士烏冬第一次叫，冇咩特別，但啱鍾意食芝士嘅人😍

呢間餐廳巳經食過好多次，平時食開雞翼配七味薯角，今日口感想d湯麵，見到餐牌有麻辣雞肉拉麵，即刻點咗嚟食下先，我好鍾意麻麻辣辣既食物。麻辣雞肉拉麵賣相好吸引，雞件數量足夠，雖然麻感唔太出，但辣度算唔錯，雞肉肉質係嫩口既。🔍十勝牛和食料理 (九龍城)📌九龍城晴朗商場B區地下B020號舖

由火車站來到這十勝牛餐廳大約四分鈡左右，這裡環境好座位多，舒適。大約在晚上18:00比較易找到位但在19:00就難找到位。母親節播着“魯冰花”的音樂。回到正題叉燒拉麵味道好食，似正宗日式拉麵、叉燒瘦的很好。雞軟骨串燒，味道一般份量也一般。燒鮭魚骨腩孖寶值得推介，份量多不過食到最後有點油。焗蟹籽黑松露鮭魚意粉我就覺得味道不錯，不過份量就少了一點，勝在有杯飲品送，練奶涼粉冰一杯很好，練奶涼粉冰一杯正價也要十九元。在這裡食晚飯勝在夠經濟服務也好！

無意中發現呢間餐廳 第一次幫襯唔知咩好食 就生食熟食都叫啲三文魚腩好新鮮夠哂肥美厚身😋😋😋60零蚊好抵食 炸蝦🍤反卷就正正常常 冇乜特別 不過紫薯🍠薯餅就好岩我口味☺️☺️☺️岩岩炸起夠香脆 同埋唔會太甜 岩岩好 我地另外仲叫左鰻魚炒飯 炒雜菜 炒飯份量超多 不過好咸 炒雜菜🧄🥬就炒得濕得濟 食到後面幾乎係浸雜菜🫣 味道方面就係普通屋企煮既蒜蓉炒菜咁如果要再食 應該只會叫刺身/🍣食 炸物都可以叫 都係新鮮炸起夠哂香脆

今日求其同班同事入左十勝牛食飯，我哋盡量每樣叫啲試下~我覺得麻麻地，但價錢唔算太貴，都過得去ge~反卷冇咩特別， 2款三文魚都冇乜鮮味，不過不失，蝦反卷都係普通的味道，冇特別要求都正常ge~唐揚炸雞切開咗一半嘅炸雞， 普通炸雞，冇咩特別😢炸雞軟骨都係超普通，都冇咩特別牛舌麻麻地，唔知食緊啲咩🙃日式煎餃子超市貨色，唔值得食😢鰻魚炒飯都算正正常常了😂唔算太差紫薯脆薯餅其實就係紫薯蓉炸咗嘅薯餅，大家都可以幻想到😁網燒牛扒勁垃圾， 佳寶貨色，有鬆肉粉同埋普通醃過嘅味道😰整體嚟講，都覺得冇咩特別， 如果平平哋一餐都冇咩所謂，如果要求高嘅話呢間餐廳就唔適合你哋啦😂😂今日我哋五個人食，呢度加埋人均$85，價錢比還好，唔太貴，都算多野食，只係味道麻麻🙃🙃🙃而且店員服務態度麻麻😐😐😐#十勝牛 #香港特色 #日本 #日本菜 #觀塘美食 #九龍灣美食 #啟德 #黃怪獸 #黃怪獸覓食 #食好d食平d #食好西 #食食食 #hk90s #hkfood #hkfoodie #foodie #foodblogger #foodiehk

假日一早起身所謂早起鳥兒有蟲吃同媽媽兩人去撐枱腳食個早餐先早餐選擇好多款式有日式，中式不約而同都叫左個早餐Q雞肉腸配蕃茄肉碎通粉（熱菊花蜜）蛋可以選擇煎蛋或炒滑蛋蕃茄湯底不錯豬柳漢堡配辣肉醬米粉（熱菊花蜜）ps: 菊花蜜要小甜，正常的太甜

前兩日收工經過啟晴邨肚餓就去咗買下午茶食，呢個餐30幾蚊都幾抵食，蒜香炸雞翼配七味薯角和豬骨湯餃子米線，另外加咗兩蚊要杯菊花蜜。雞翼炸粉漿有啲厚同唔平均，不過幾大隻而且入邊肉質都幾嫩；薯角加咗七味粉幾惹味，不過可能因為外賣返去所以唔夠脆；米線軟硬適中，豬骨湯味道比較清；餃子本身煎得香脆，但係放咗係湯淋左，可以考慮分湯或者將餃子分開放

夜晚6點零鐘落去，唔洗等太耐就可以入座啦。我覺得價錢係最親民既餐廳黎，嗌左3個石鍋飯，2份烏冬，石鍋飯味道都還可以，睇落石鍋好細咁，但係食落足夠飽，不過份烏冬朋友就覺得有少少唔滿意啦，再嗌埋其他小食同埋壽司，壽司都新鮮，整體性價比高，6位埋單6xx。

我覺得烏冬麵好淡 可能🤔我食得比較重口味 如果是大胃王除外 d湯一般般 炸雞扒飯好好味 d炸耶好脆口 其實隔壁有咖喱🍛汁 可以沾黎食實在太划算了 一個人已經飽到不得了 還有日式🐔🐔雞肉還有一碗味增湯 日式我覺得一般般 我不大喜歡這些湯 但是我很喜歡中華沙律還有珍珠米飯🍚 燒雞扒我也很喜歡 不會很梅這種質量 飯量一般 所以我還蠻建議你們選擇日式料理的雞肉餐 還有那裏的沙律也蠻不錯的 如果你們預算足夠我十分建議吃那些冷面沙律之類的 如果一般但想吃的話也可以試

今日因為要出 Job 啟德， 路過啟晴邨見有兩間有早餐食餐廳，兩間都唔係主力做港式早餐，一間食辣野，一間食日本野，大家早餐相差十蚊，諗住平平地食個早餐頂一頂肚，就試吓日本野呢間做港式早餐，叫個例餐，沙嗲牛肉麵加熟蛋凍奶茶，諗住呢d例牌野差極有個譜，點知奶晒野，奶茶似用粉沖，多士硬過你亞媽，隻熟蛋好似結左冰，諗住熱野沙嗲牛肉麵冇死錯人，點知一樣有料加，細細隻蚊滋，個麵差到冇人有，今次真係中晒伏，個人認為真係好抵，因為只需$31.而家香港邊度搵

上次食過晚餐覺得唔錯，今次試吓下午茶，睇落好抵食，$45有拉麵、壽司同嘢飲。首先，拉麵超難食，豬軟骨味道可以，點知拉麵中伏，拉麵質地超級林，似煮咗好耐好耐，咁都算啦，當我食晒所有嘢突然醒起壽司仲未嚟，於是同換緊餐牌嘅姐姐講啦，點知佢秒回嚟緊，嘩，真係火都嚟，你見客人已經食晒所有嘢仲未有壽司，會唔會扮吓嘢都去睇吓係唔係漏咗呢？而唔係求其答嚟緊呢？望都唔望叫人點信？就算真係好忙做唔切都可以老實同客人解釋而唔係即刻答嚟緊！

媽媽成日都好鍾意食呢間早餐或者下吾茶媽媽喜歡原因係平同食物質素都可以本人就麻麻地喜歡地方坐位與坐位間空間狹窄坐位太密集服務員太少忙得上菜又下不了單下單又忙不了執拾桌子選左早餐A鮮油厚多士配香滑炒蛋沙爹牛肉公仔麵熱奶茶多奶滑蛋不錯，沙爹牛肉味不夠，湯底是用湯骨湯

阿囡每日放學都一個人入去食飯，已同我講過「門口阿姨」問攞非時成日唔理佢，我都教佢要俾耐性，問多兩次再等等。好啦，今日我陪阿囡食飯，問左「門口阿姨」攞非順利，等左5分鐘左右，見前面號非人士入左去等，過一陣入埋座喇，我又入去等啦（出門塞住哂人）。門口阿姨行埋黎問：你幾號非，我就俾張非佢睇：38。門口阿姨睇左後，竟然行返出去門口大嗌：38、38、39、39⋯ 我好困惑咁行返出去細細聲問：38响度。戲肉就黎，門口阿姨大大聲咁鬧：叫38你又唔應！！ 哇！我即時著哂火：你係咪玩我呀！阿姐！答左你38號之後你出去嗌38，仲鬧我唔應你？（下刪罵戰場面）阿姐仲意氣風發咁、話我痴線！其他職員就當透明咁行過～OK! 一間平民化日本餐廳，食品質素平平無奇係正常！職員都唔該平平凡凡啦，呢啲極品門口阿姨令到間餐廳連「平凡獎」都攞唔到！分店越來越少係正常，顧客服務質素管理無保障！想平凡食個午餐都要勞鬼氣！

上個月你到呢度試咗個宮崎豆腐黃金燒,一直令我念念不忘,豆腐煮得很滑流,加上鋪在面的醬汁,真是非常特別👏👏除了陣陣濃烈的芝士香味外,再加上秘製的沙律醬,配搭起來有一種特別的味道,想令你一吃再吃

抵食出色 味道唔錯既一間日本野 個鰻魚炒飯真係炒得幾出色 珍珠米炒得岩岩好 唔會太幹或者太個淋 仲有濃郁既鰻魚味 仲有個迷你火鍋 可以打埋邊爐 叫侍應幫手加水 原來會幫你加番豬骨湯 而啲湯我都真係飲晒🤭 而啲壽司🍣都👍👍