十勝牛和食料理

营业中

休息中

4／1／2023同老公來食，等左約20分中，就可以入得。發現舖頭裝修完，光猛左，地方坐位寛落左，感覺良好。到叫野食，價錢仍然很扺食，叫野食時，店員態度親切亦很熱誠跟進，舖內職員不小，很快處理及跟進顧客既問題。到野食來了，包括1,壽司2,軟殼蟹卷😋😋😋3,韓风豬頸肉炒面😋😋😋4,串燒拼盆😋😋😋😋5,牛油煎帶子😋😋😋😋6,原隻焗芝士蠔😋😋😋😋😋7,八爪魚頭盆😋😋😋各樣食物味道很好，最推薦係原隻蠔，正埋單約＄440左右，二個人既不錯選擇❤❤

今日很想和honey平平哋彈過日本菜於是想起油塘大本營商場這間日本餐廳。三文魚刺身$49有五片，每片都非常大，等於很多日本餐廳的兩片，而且厚切，食落非常肥美，十分新鮮，完全能食到三文魚油份的感覺，大滿足！有魚當然要有肉，叫了煎牛扒，煎得很好，不會過火，而且肉質嫩，不會靭。調味也不錯，不會過鹹，可以食到牛扒的鮮味。切到一嚿一嚿，食起來一啖一口很方便！海鮮炒烏冬炒得有鑊氣，而且有大大隻的青口，並配以蝦、蜆肉、菇類等配菜，材料多樣化，烏冬彈牙👍🏻👍🏻西瓜汁只是幾元一杯，平時在街頭小檔買杯西瓜汁都十多元，這裏的西瓜汁是每次必點的，非常冰涼，西瓜甜甜的，簡直是消暑佳品！

中午開飯喇, 見人不多 不用等位 價錢又比較平 所以內進.見帶位的正正常常 ,沒想到我安坐之後 竟然有個男侍應大大聲同佢同事說 剛剛有個客 坐呢度又唔啱 呢度又覺焗之後仲走L左 好似入來睇風水 當時有咁多食客在場 我諗大家都未必會再幫襯呢間日式餐廳了順帶一題 我吃完個便當後 先知個便當器皿是破裂的 而且收銀都係一樣 大大聲說叫我等等出緊飛

下午肚餓揾野食，門口見到餐牌有下午茶套餐好似幾吸引就試下.連鎖集團主打平價日本料理，似乎都幾有捧場客當時疫情嚴重，好少人堂食，但餐廳都叫多人.環境方面，餐廳都叫寬敞，當時一個人坐左八人卡位，所以非常舒適衛生方面就中等水平以下，因為座位唔太乾淨，地下都有種痴笠笠既感覺，餐具更加要洗過先可安心食用.至於食物質素真係非常一般可能我隨便點了一道餐廳不太擅長的菜式豬頸肉乾柴，就快變豬肉乾，無汁之餘仲要咬唔開，好似橡筋般煙韌沒有温度的石頭鍋只是一個器皿裝住D飯，配上幾片肉乾，加些少醬汁配上芝麻及葱花就成整體而言，呢個價錢有飯，有肉，有前菜沙律，有面鼓湯，仲有杯野飲的日本料理餐廳我不會再貪平了。。。

一餐飯真係好有驚喜店員亦都十分之老實😂其實我哋只不過係得三個人都叫咗唔少嘢食 我哋諗住再叫之際店員竟然直接話不如叫咗先😂到時再睇吓點樣加同事亦都有提醒我哋沙律大份真係好大份雖然好似係廢話 但原來真係好大份我第一次見到個沙律可以咁大份而且真係食得十分之滿足 好似食極都未食完咁🤤真係要激讚！鰻魚牛油果卷根本上佢所有嘢都真係好足料 依一碟真係唔會輸燒烏賊🦑依個敗筆地點係佢太遲先到係我哋食完個飯之後先至有變咗食唔晒🤫 味道同口感都唔錯最後係我最愛的墨魚咀不過有少少over cook ， 如果唔係仲正

十勝牛都好多連鎖店好多分店 有時都好鍾意食 因為屬於平價料理 質素完全對得起價錢😉午市套餐🍱 蒲燒鰻魚飯盒 $47麵豉湯 前菜(中華沙律) 包飲品鰻魚既份量略為有啲少 如果蒲燒汁多啲都唔差 但難得跟埋前菜飲品都算合理 特別係麵豉湯難得唔鹹🍝 牛油果三文魚冷麵 $47呢款真係好抵食同好好食 三文魚刺身疊係冷麵頂 冷麵麵質煙韌 淋上秘製醬汁撈一撈 非常吸引🍴 宮崎豆腐黃金燒 $34呢款熱辣辣既豆腐都好推薦 口感綿綿蔥花沙律醬芝士焗製 味道一流 邪惡之選🍣壽司三文魚壽司 $6腐皮壽司 $6壽司款式都好多選擇 味道正正常常對得起價錢 尤其腐皮真係好甜好好食整體黎講不過不失重點真係便宜食日本菜

平靓正的和食料理，而且有多種選擇，網燒牛扒＋八爪魚＋珍珠白飯＋湯＋飲品才44塊。牛扒輕薄，肥瘦相間，也不油，入味，可以一試。👍👍👍位置方便，就在油塘上蓋商場裡面。

📍#十勝牛和食料理 - 油塘-十勝牛係我既中學回憶 以前放飯時不時都會去食下 貪佢平平地又食到日本野😆 可惜現存分店已經唔多了～-🔸網燒牛扒定食 ($44)牛扒肉質幾軟腍 但佢似係俾鬆肉粉醃到好腍既質地🥶 而且冇乜牛味…🥲但配埋甜甜地既燒汁食係幾啱餸飯既跟餐配咗麵豉湯 一碟仔味付螺肉 同埋野飲一杯 凍飲唔洗加錢 都幾良心～-🔸角切魚生飯 ($44)呢個價錢食到魚生飯真心抵～眾所週知 角切魚生即係平時整刺身切淨既頭頭尾尾 如圖所見 呢兜飯啲魚生都切得幾碎下 冇咩口感可言 而且食落都冇乜鮮味 甚至有啲腥😟飯底用咗壽司醋飯 但略嫌醋落得稍為重手 有啲酸不過呢個價錢仲包埋麵豉湯同埋青瓜絲沙律 啱晒做糧尾飯堂-🔸金龍卷 ($42)係menu見到張圖幾吸引 於是乎order咗 點知實物頹好多倍 味道就正正常常啦 就係普通幾舊炸蝦卷 建議可以跟啲沙律醬 同埋改善下擺盤～-總結 呢個價錢食到日本野冇得輸 但食物質素真心有待改善 不過餐廳環境唔錯 有幾多卡位 坐得幾舒服既

難食到嘔 甜品32$ 其實淨係值10$左右🤣特別綠茶嗰個 上面得紅豆綠茶？下面全部都係冰？我笑左 人生未食過咁難食嘅日本料理 你依啲質素 價錢喺出面食到好多 真正嘅日本料理😅

平時好少過嚟油塘，今日行街，去咗油塘大本型，揀咗呢間餐廳呢食。軟殼蟹都算幾脆，唔會好淋。😛😛我最鍾意就係食牛油果，健康有益，再配上鰻魚好食。😃😃👐👐👐牛肉偏嚡，我個人比較鍾意食嫩滑少少嘅肥牛。🥲🥲今日凍，所以呢個鐵板海鮮烏冬，我鍾意。熱辣辣香噴噴。🥳🥳🥳麻醬撈烏冬，其實係幾好食嘅。但可惜，今日天氣凍，成個人凍冰冰。🤧🤧🤧如果夏天嚟食，相信應該係幾好好食。😲😲😲😲

星期三係媽媽me time 時間去左食依間十勝牛和食料理 排隊既時侯已經知道係一間好街坊既日式料理店令我好懷念以前樓下都有間日式料理好平既下午茶叫｛富田｝自己一個食叫左個【鰻魚炒飯】好夠鑊氣{ @ˊꍓˋ@ } 好入味 調味遍甜岩我好味而且飯係粒粒分分明 愈食到入中間位置愈熱愈好食如果唔趕時間去同仔要去上堂應該可以食得哂{ @ᵔꈊ’@ }ෆ 仲點左個【風味脆牛卷】其實本來想試下鋪頭既壽司刺身睇下新唔新鮮但最後叫左個飯卷 好似韓式個隻但味道出奇地唔錯 有脆脆再加上黑胡椒咬落脆口又有小小辣

午餐有set lunch都好抵食！有時唔想食太多澱粉質就會同人share，一個餐再叫多款小食，既滿足下又唔會過飽。魚生冷麵係推薦之選串燒都好惹味不過有時要等位等得耐

十勝牛和食料理📍 香港油塘高超道38號大本型316號舖呢間食過好多次～賣點真係平⋯好抵食，但味道就不過不失😂🤣糧尾好去處6串串燒拼盆 $53～可以選擇鹽燒/汁燒因為鐘意脆口簡左鹽燒～串燒味道唔會太咸～可以另外自己加上七味粉味道更出6串串燒包括以下食材雞腎 😂無咩味，自己點左豉油食😅豬頸肉 呢個好味😋燒到軟硬適中 唔會太乾燒青椒🫑 正常野燒雞翼❤️最愛食燒雞翼，雞皮燒到好香脆雞軟骨😍好香脆燒冬菇 😃好味😋蟹子沙律 🥗$31青瓜絲配蟹子再加沙律醬好大盤～每次來都必食🤪好抵食牛油果風沙芝士鰻魚卷 $46 牛油果🥑配上芝士🧀Topping係鰻魚❤️好味另收加一，埋單$143😆👍🏻

環境來講佢收既都係比較大眾化價錢咁所以唔可以有太高要求個人食過炒飯 沙律 拉麵 壽司炒飯類最好食 其次沙律 壽司 拉麵下午茶好抵食 佢見到面先講婆婆都會排隊幫襯呢點我幾欣賞 可以幫下基層嘅人

平時成日同屋企人落去食，去親基本上都會嗌呢個蟹肉沙律，有分大同細，咁咪帶你都夠三四個人食。🤩-另外仲食過佢個鰻魚飯，不過唔知點解有陣尿壓味🤢，所以嗌過一次就冇再嗌。😮‍💨-仲嗌過佢個天使麵，上面啲海鮮雖然係冰鮮但算幾入味，日式餐廳嚟講佢都算幾好食。😲-但係餐廳衛生環境就真係麻麻地，感覺上去間餐廳嘅枱枱櫈櫈同埋杯都癡笠笠。就連嗌返黎嘅嘢飲個杯都癡笠笠。😣-佢啲嘢飲都算抵飲嘅，有菠蘿沙冰，西瓜汁嗰啲，都飲得出佢係新鮮西瓜揸出嚟。