十勝牛和食料理

营业中

休息中

呢間十勝牛開咗係屋企附近🥳見到佢其實好多時候都要排隊～咁就諗應該會幾好食嘅😆佢呢度最吸引嘅其實係佢嘅價錢，一個主食平均四十幾至五十幾蚊～可以話係糧尾恩物🥰-我就嗌左呢個忌廉大蜆烏冬🤣🤣烏冬係用日本嘅烏冬～所以都係相對上煙韌嘅👍大蜆嘅數量其實都唔少，而且都食得出係新鮮嘅～可惜嘅係佢嘅忌廉汁，比較似白汁多啲，所以佢嘅味道係比較淡，撈埋成個烏冬嘅話呢就相對上淡口啲🙈🙈不過整體來講佢嘅CP值都係高嘅~~

星期日過嚟油塘行下，見呢間日本餐廳幾平又幾多人排隊，所以就嚟咗食Lunch…等咗半個鐘終於有得入，但我哋被安排坐喺靠牆嘅位置，佢牆身有啲發霉，同埋積晒塵，衛生情況同環境令人唔係幾滿意…😞😞醬燒豬軟骨烏冬🐷🍜 呢一碗烏冬真係令人非常失望…😭😭😭湯底好油，味道單一無咩層次，有啲似出前一丁嘅湯底。😔豬軟骨肉質偏硬，煮得唔夠入味同軟腍，佢個醬油好黏，令個口感有啲奇怪…😔烏冬咬落去係黏口，有啲粉嘅感覺，完全唔彈牙。😔鳴門卷食落有啲臭腥味，可能係存放材料嘅問題。😔整體呢一碗烏冬真係唔合格，令人食到有啲唔開心…👎👎👎網燒牛扒定食🐄🍚牛扒軟腍，但質感似係用鬆肉粉醃腍嘅，而且佢燒得有啲油膩。😞另外，我一拎佢個托盤，隻手搞到黐立立，個托盤清潔得麻麻…😞但整體飯同肉嘅味道都算OK嘅~至於跟餐送嘅熟蝦壽司、兩杯餐飲就正常水準~呢度嘅衛生環境同食物水準都有待改善，仲要等咁耐時間，如無必要都唔會再回頭食佢。見到呢篇食評嘅你哋都要三思三思…😢😢😢

我見1-2人同3-4人飛都等左勁多人但完全無咩點叫 特別3-4人飛 勁耐都無叫但等左半個鍾後有一班師奶黎拎10人佢地等左5分鍾內就可以入得咁對我地等左半個鍾但完全無郁過勁唔公平囉！咁個個都拎5人以上都得啦點可能一味做大客唔洗理少人既客人呢見幾班人因為咁都嘈而走但間咁既公司完全無理由無跟進囉！！！而我地作出不滿時亦無理會我地即係多客叫得多野食就做生意小客覺得賺得少就唔洗做？咁樣不如講明5位以上先好幫襯啦

一直以為得呢一間，search一search先發現有成5間分店🤣佢嘅嘢食真係幾平！6品刺身盛合 $148燒三文魚牛油果飯卷 $48三文魚子海膽炒飯 $69蟹柳青瓜沙律（小）$29刺身有6款，分別係三文魚、油甘魚、鱆紅魚、帶子、北寄貝同甜蝦，每款都有3-4片，性價比高！😗不過海膽炒飯就較為遜色，完全見/食唔到海膽，感覺係食緊一個普通炒飯咁，但貴好多🥲而青瓜沙律就每次黎都會點嘅，貪佢超級大份又好味😛

十勝牛和食料理 (油塘).呢間我倆前後食過兩三次，佢最大賣點真係平，好抵食，但味道就不過不失.🔹青芥辣八爪魚沙律🔹.都幾清新 ，就係加埋八爪魚再加沙律菜，細粒嘅芥辣八爪魚都OK，不過大片嗰啲有啲韌而且無乜味.🔹蕎麥冷麵🔹.呢個..個汁係完全無味，一度懷疑佢係比錯汁，個麵其實係無問題.🔹香芒三文魚反卷🔹.呢個味道不錯！個芒果好甜，入面仲有青瓜粒，入口好舒服.🔹6串串燒拼盤🔹.呢個又係好平，好似$52有成6串，有燒雞翼，雞腎，雞軟骨兩串，豬頸肉同燒青椒🫑.🔹燒魷魚🦑🔹.又係$50幾蚊有成條燒魷魚🦑，燒汁不足，但有沙律醬搭夠.🔹石鍋海鮮麻辣手打烏冬🔹.湯底完全無辣味，應該上錯左🤣不過都無所謂嘅，海鮮有蝦，青口，元貝等，不過石鍋上真係太快無曬湯.📌 十勝牛和食料理 (油塘)油塘高超道38號大本型316號舖環境：⭐️⭐️⭐️⭐️味道：⭐️⭐️⭐️服務：⭐️⭐️⭐️價錢：⭐️⭐️⭐️⭐️⭐️

話說我真係好鐘意哩間野次次朋友問去油塘食咩，我都會話哩間光顧次數：6次以上我可以做代言人🤣推介：最愛佢軟殼蟹 、沙律🥗、 手卷原因：性價比高

日本野黎講 價錢真係唔算貴㗎啦 但就唔好預佢係咩日本高檔餐廳，整體環境同食物都中中等等。但真係勝在好多選擇 普通刺身壽司到串燒都有，最抵食應該係個大嘅 蟹子沙律，勁大碟！

油塘都算美食沙漠，無咩選擇。係油塘大本型之中，有間幾抵食既日式餐廳，主打平民抵食。▧ 左口魚裙邊壽司，燒三文魚牛油果飯卷叫左d壽司黎食，味道都唔錯。天氣熱唔敢叫刺身類壽司。▧ 海膽炒飯炒飯算係大碟，但海膽份量算少，味道炒得幾香。▧ 汁燒牛仔骨6大舊牛仔骨，份量都幾多。可惜味道偏咸，可能醬汁太多。

. 好少去油塘 大本營😜今日行行下有啲攰有啲肚餓就去搵野食.去到三樓見到呢間都有啲人排隊心諗應該唔錯啊～就行左入去食啦.坐左6人卡位 隔離張枱拍埋一齊既 好大張枱冷氣有啲凍 有番件褸籠陣啲.我叫左胡麻醬手撕雞撈烏冬真係無得頂😘我落哂啲醬 岩岩好🥰 份量都唔細啊烏冬都彈牙啫😎 雞絲份量都算多啊☺️.之後叫左個豆腐黃金燒😇叫個好有驚喜啊🎉 好好味 芝士溶溶地好好食😚🥢十勝牛和食料理 (油塘)📍油塘高超道不同38號大本型316號舖

#十勝牛和食料理 今日黎到油塘🔥第一次係大本營搵野食😁最近難得出去食嘅一餐食完緊住發現呢間都唔錯😍🔅網燒牛扒$50牛扒唔輸係西餐廳食果d 肉質嫩得黎又有牛味 如果調味再輕d牛味會更重😌三文魚腩刺身 $58呢個價錢性價比太高啦 三文魚腩夠肥美🤤下次會再試😋石鍋湯豆腐$34以為係豆腐為主 點知仲有好多粉絲😂讚岐烏冬$44正常鰹魚汁加烏冬實冇輸😏 值得一試👍🏼下次會再同埋班fd一齊幫襯😋😋😋

午餐一個人唔知食咩好，所以就去咗油塘大本營頂層嘅十勝牛和食料理🍣午餐時候去到店舖坐滿一半左右，見到門口有枱人食緊魚生飯，所以我就照跟（爛得自己諗🤣結果…係有啲失望嘅😣 價錢雖然真的十分平民，只需要$48（已經連加一），就已經有沙律、麵豉湯、前菜、魚生飯，份量真係幾足夠，但……大家就真係唔可以對佢既魚生有太大期望🥲作為「長期糧尾」，假如想以便宜嘅價錢食到日本嘢的話，都可以選擇試一試呢間既其他食物既🤣

🚩蒜香雞翼配豬骨湯餃子米線配七味薯角 下午茶 $33豬骨湯餃子米線係完全冇味嘅 個湯簡直係水咁滯🤯🤯🤯🤯餃子有兩嚿正常之後兩樣嘢分開上我食完碗米線等左一陣薯角雞翼未到🙃我心諗一定係即叫即炸🙃都係我諗多咗😂😂😂薯角就即叫即炸雞翼一定放咗勁耐 個溫度連暖都冇呀🙄🤯🙈🚩蒜香雞翼配火腿通粉配七味薯角 下午茶 $32同一個問題個湯完全冇味道接近係水🙅🏻‍♀️🤯🤯落咗勁多七味粉都救唔番😂都係薯角熱辣辣但係雞翼係凍🤯🤯總結時間🥰我由佢$29食到而家$33個下午茶 水準每況愈下🤯而且服務態度有待改進🙈仲有俾我遲入嚟嗰啲人都已經差唔多食晒但係我個餐都仲未到😂平時食開晚餐都冇咁差搞唔掂搞唔掂🙅🏻‍♀️🙅🏻‍♀️

老實說，油塘餐廳真的不多，尤其不想選擇連鎖式的餐廳，選擇真的少之有少。但今天我們發現一間〝大件夾抵食〞的日式餐廳，就藏身於油塘大本型之中！▧ 岩鹽火炙左口魚裙邊壽司 $26抵食，味道不錯，入口油脂確實豐富，魚生亦算大件。▧ 燒三文魚牛油果飯卷 $48 （4件）牛油果加三文組合不會錯，牛油果夠熟，剛剛好一口SIZE，推薦！▧ 海膽炒飯炒飯超大碟。飯粒分明，海膽份量少，配料還有蜆仔，魚子。▧ 忌廉薯餅香脆。可惜二人點了太多食物，後期進食，太滯了。建議點紫薯薯餅，味道不會太單一。▧ 汁燒牛仔骨一碟有6件，份量不少。味道偏咸。▧ 整體來說，性價比一流，點了兩杯果汁，5碟食物，人均不過$150，超飽，抵食。

Have you ever tried the appetizing Japanese cuisine in Hong Kong? Are you struggling with what you’re going to eat during the family time? Here is an excellent suggestion for you. Tokachi Gyuu Japanese restaurant is definitely a wonderful choice to you. It’s located in the Domain Mall, Yau Tong, Kowloon. It’s very convenient as the restaurant is quite close the MTR station. Also, this restaurant provides different categories of food and lots of choices for the customers to choose. As an experien

做完野夜晚餓餓地，就去左油塘食十勝牛，以前係石硤尾食過，今次試吓呢間店。本身睇過食評話服務員態度唔好，但我今次唔覺，一切都好舒適。坐低就開始眼花撩亂，因為好多野食揀，仲樣樣都唔算貴，樣樣都想試。掙扎取捨後揀左鰻魚飯，因為我真係幾中意食鰻魚，就試試佢。另外，仲加左串汁燒冬菇，配左檸檬幾特別，成個口感唔會好油，值得一試。鰻魚飯符合預期，係好食嘅，大家可以安心黎試，餐廳仲要場地幾大，四人行都ok，應該唔洗等太耐位，又近地鐵站，散水都方便。