十字冰室 (The Argyle)

营业中

休息中

今天下午要去旺角針灸和探望母親，便在附近找到了這間新開不久的十字冰室。這裏採用了大嶼山神學院出產的十字排鮮奶，這個是我最喜愛的品牌。精選A餐$44，是午餐肉煎蛋辛辣湯麵，另凍鴛鴦加$3。午餐肉煎蛋辛辣湯麵，湯麵選擇了韓國的辛辣麵，味道會有點辣，麵質帶點煙靭。午餐肉是火腿午餐肉，而煎蛋亦是半熟。凍鴛鴦咖啡味和奶茶好味都剛剛好。瑞士雞翼撈一丁麵$44，雞翼是全隻上的，而瑞士汁已經滲入了雞翼內，味道帶點鹹味，算是不錯👍。如果全隻翼雞翼切開，更容易進食。奶茶紅豆冰$28，奶茶味道龍唔郁紅豆冰不算太甜，兩者混合之後，味道非常之好。冰鎮香濃咖啡$22，用上冰鎮的方法，保持咖啡味道濃郁，入口香滑，是非常推薦的😋👍。雪糕紅豆冰$34，雪糕是軟雪糕，質感柔軟加上不算太甜的紅豆，味道非常之好😍

十字冰室，之前係銅鑼灣食過一次，對佢印象好好，所以今次再encore我地一行4人，每人叫左一份主食+飲品，另外又叫左幾份小食一齊share。原本想叫黑松露櫻花蝦炒飯，結果因為太好賣，已經賣哂，最後我叫左五香肉丁炒飯。五香肉丁味好重，又香又辣，同個炒飯好夾雖然炒飯好大碟，但最後都被我食哂飲品我揀左雪糕紅豆冰，好懷念呢個味道，事關以前讀書年代經常幫襯。雪糕好大份，而紅豆應該浸左好多，已經浸到起左沙，非常好味值得一讚嘅，係呢度會用紙飲管，比較環保今次，我再encore籠仔椒鹽燒賣，事關真係好好食，燒賣整到有避風塘嘅味道，好鬼惹味黑松露炒蛋，好滑好香，呢個都係我encore嘅另一道小食其他小食仲叫左椒鹽雞翼、黑松露薯條。其他朋友都係第一次黎，但都讚呢度嘅食物評價好好最後，我地叫左燉蛋，非常之咁滑，我覺得同澳牛嘅燉蛋差唔多

收工約咗幾個中同試新西+聚舊，個個都話想食茶記😂乜原來夜晚都興食茶記？🤷🏻‍♀️之前同男友係銅鑼灣試過十字冰室，覺得唔錯，所以今次就同班中同就試下佢新開既旺角分店。我地叫咗杯招牌十字冰鎮奶茶同黑松露炒滑蛋～必試！好老實講，我人生第一次食黑松露炒蛋係華星冰室，當其時懷著超高期望去點知最後覺得平平無奇。但係我覺得哩間唔錯，而且佢個奶茶同太興一樣係搵冰杯裝住，唔會冰融jor之後溝淡奶茶，幾好其實佢還多fushion菜，其中一樣係籠仔椒鹽燒賣，椒鹽精華盡在紅椒，而且創意十足！砵酒燴牛肋條飯，牛肋煮得好冧又夠味！配飯真係一流♥️豬扒焗飯，被我經常食大快活既朋友仔聲稱「仲要好食過一哥焗豬飯」😂最後用招牌雙皮奶劃上完美句號。我覺得佢既雙皮奶同義順有得比☺️甜而不膩，啱啱好🥰

《😈下午茶☕️超級無敵炸雞脾🍗！》搵左好耐，竟然係樓下既十字冰室有我最愛既炸雞脾跟沙律～ 自從之前食開果間「大師傳」執左後，好耐無食過一隻好食既炸雞脾喇～————————————————💁🏻‍♀️炸巨脾跟沙律 $42佢真係好巨！比一般出面既大隻！而入面係肉汁爆出💥，只係出面邊皮位老，但都值90分！👍重點係沙律🥗，用番以前既罐頭水果加卡夫醬，好正！☕️佢杯十字奶茶。$18茶底一流，香，濃，滑！👍👍———————————————🥴可惜係依幾日聖誕節無左下午茶餐，價錢貴左d, 但食品質素的確非常okay! 坐得舒適，食得招積！😽———————————————✝️十字冰室 (旺角)旺角亞皆老街102號The Argyle地下G01號舖

朋友住喺呢度附近見到樓下開咗間新嘅十字冰室佢就叫我嚟同我一齊試吓新野啦！坐低叫杯嘢飲先啦，我就叫左呢一杯焦糖奶昔，唔止賣相靚仲超級好飲，好香滑而且焦糖味好突出我就叫咗個常餐，呢個意粉嘅湯底都夠晒香濃係牛奶湯底而且配嘅豬扒一啲都唔Hea，口感好好，肥瘦適中！連炒蛋都有落牛奶去整嘅！朋友就食咗另外一個餐配嘅係蕃茄濃湯牛肋條，佢話個湯底超好味，真材實料！除咗普通常餐呢度都仲有好多特別嘅小食，我哋就叫咗呢一個椒鹽炸燒賣，咬落超香口，脆卜卜熱辣辣，即叫即整！正另外我哋仲叫咗兩隻瑞士雞翼試吓，唔會太咸，但係好入味朋友個餐配嘅黑松露炒蛋超級香濃好味店員介紹我哋叫多隻炸比，呢度既炸比真係超級巨大而且真係好香口肉質好滑！奶茶又夠晒香濃！下次應該都會再幫襯！

《十字冰室》 #食在旺角📍旺角亞皆老街102號The Argyle地下G01號舖-因為真係好鍾意食冰室，今次出到嚟旺角見到十字冰室就想試，見佢周圍嘅佈置都係十字牛奶為主，都幾好特別-🔹十字牛奶豬骨湯意粉$58 配豬排，牛奶炒蛋，牛油多士個湯底好甜好多豬骨味，個湯底白白地，意粉又唔會太淋，豬排煎得好香，仲要無骨，薄薄地好易咬。半份多士仲搽埋牛油，熱辣辣個炒蛋真係好滑，個蛋加埋牛奶，超推介🔹卡邦尼意粉 $48平時去冰室多數食通粉，今次一於試一試意粉，佢好重蛋味嘅卡邦尼意粉，唔會覺得好淛，而且呢個價錢呢個份量真係好大碗，又好食又抵食🔹籠仔椒鹽燒賣 $28一個蒸籠入邊放着八粒椒鹽燒賣，好香，但有少少油，好重椒鹽味，識落有少少辣味，佢係將燒賣炸過，覺得幾特別，同埋見到好多隔離枱食客都有叫呢個燒賣🔹懷舊薯條配松露蛋黃醬 $28呢款懷舊薯條係有紋，再配埋蛋黃醬，薯條唔會太油膩，而且平時配開茄汁配呢個蛋黃醬甜甜地幾好食，而且份量都幾多🔹椒鹽雞全翼配懷舊雜果沙津 $38椒鹽全翼超好食，個皮好香脆，加埋椒鹽粉香辣咁，好味，唔會太油，配埋雜果就無咁油膩🔹凍檸茶唔會太甜，茶味夠濃，仲用左環保既紙飲筒以十字牛奶

12 月 24 號下午四點幾, 响勝利道一泊低車就想醫肚。好啦, 記得街尾有一間新開的 "十字冰室", 名字令人即時聯想起十字牌鮮奶, 兒時的味道!一入到去, 都人頭湧湧, 座無虛席, 自己找到一張二人枱。可惜等了很久也沒人招呼我們。明明唔係假期, 應該有下午茶餐供應的吧! 看看枱面, 玻璃下面只有平日印滿了字的大餐牌。我唯有向其他枱看看, 起身走到隔離枱, 果然見到下午茶餐牌了 ~ 唉, 完全要自助的!Order 左黑松露炒滑蛋菠蘿包, 配熱奶茶!奶茶還可以, 一般茶餐廳水準, 未算太突出。菠蘿包完全唔鬆化, 不合格。但炒蛋落左鮮奶, 所以夠香又滑, 唯一缺點係凍左, 應該預先炒好了放左一段時間的!另外 order 左公司三文治, 跟餐要左咸檸雪碧, 加 $8!咸檸雪碧先上, 好好味喎! 🖒😋公司三文冶等了很久, 我食完我個菠蘿包仍未上。最後等左 15 分鐘終於到了。咦? 唔錯喎, 呢個好味, 饀料豐富, 吃下去滿滿的幸福滋味, 因為同樣是兒時的味道。😋😋平日下午茶算係抵食的, 整體算唔錯了, 難怪如此多人幫襯它。

🎀熊大喜歡茶記冰室，熊妹就專揾啲新式又有特色的冰室，咁熊大咪會陪熊妹周圍食食食囉。📍熊妹知道以十字牌牛奶🥛做主打的《十字冰室》係西環，銅鑼灣同將軍澳都好hit，最近仲係旺角開埋第四間分店，咁近城隍廟🕍，食完熊大又可以行🐠金魚街，熊妹又可以行👩🏻‍🦰女人街，仲唔係一舉三🉐？📍餐枱怖局中間有張長型獨立位餐枱，適合一般來茶記速食的一支公🕴🏻或者一支花🌷，其餘兩邊就係高背長椅2-4人👨‍👩‍👧‍👦枱。📍4點🕓黎到都幾多人食下午茶，岩岩好有張卡枱，熊大熊妹仲唔拿拿聲坐低？📍坐低就緊係叫野食喇。大路茶記美食，常餐，茶餐，三明治🥪，包類🥯，西多士🍞，飯🍛意粉🍝樣樣齊，比較特別的係用十字牌牛奶🥛製成的特色奶昔🥤。常餐，$58📍熊大話要試出茶記食物的功架就非常餐莫屬。《十字冰室》的常餐除了必有的牛奶炒蛋，牛油多士，比較特別的係十字牛奶豬骨湯意粉拼煎豬排🥩。牛奶炒蛋，蛋好滑，有滲出淡淡牛奶味，專用十字牌牛奶炒果然無得輸。牛油多士只係普通白麵包🍞一片塗上牛油，多士沒有烘得熱，令牛油未能夠溶化，仲係一舊黏在麵包上，而且麵包質感有點乾巴巴，沒有烘底的脆或者唔烘的柔軟，所以熊大咬了一啖，放棄了。以十字牛奶同豬骨熬

收工經過旺角東 醒起附近新開左間十字冰室 鍾意懷舊感覺嘅我一定試吓入面裝修真係7-80年代 好鍾意呢種舊香港冰室既感覺今日比較肚餓 於是叫咗好多嘢食我自己叫咗個全日早餐同埋五香肉丁出前一丁 當然唔少得跟返杯熱奶茶啦女朋友就叫咗個椒鹽燒賣,瑞士雞翼撈丁同埋鹹檸七全日早餐非常豐富，有茄汁焗豆、牛油多士、煙肉、雞扒、炒蛋其中嘅炒蛋真係好出色 炒蛋用咗十字牛奶 夠滑得來蛋味又香其他配料都唔錯 抵食五香肉丁出前一丁都不過不失熱奶茶亦都係另一賣點 茶味香濃奶夠滑 絕對唔會輸比其他老字號茶檔椒鹽燒賣炸得夠香脆 配上椒鹽一齊食 好味道女朋友個瑞士雞翼撈丁 我就無食 佢話幾好味鹹檸雪碧亦都係非常足料 俾咗成個鹹檸檬落去 非常醒神懷舊嘅十字冰室絕對係一個唔錯既懷舊冰室

十字冰室真係人氣超高，已經開到第4間分店。呢間新開嘅十字冰室喺旺角站行幾分鐘就到。門面裝修非常有特式，帶香港懷舊風格，設計好有心意。有別於一般冰室，呢度嘅地方非常乾淨，空間夠大，唔會好逼，座位上寬敞坐得幾舒服。餐牌好多選擇!我地叫左啲小食，籠仔椒鹽燒賣,瑞士全雞翼。仲叫左咸牛肉牛奶滑蛋三文治，豬排豬骨湯意粉，野飲叫左奶茶紅豆冰同埋美祿山。首先要講既係兩杯野飲，奶茶紅豆冰奶滑茶香，而且勁多紅豆，一定要試！美祿山淨係睇個賣相已經非常吸引，味道夠濃又好夠滑，但又唔會太甜，好好味！三款小食都各有特色，椒鹽燒賣夠哂惹味，小小辣皮脆肉軟，好特別好正。瑞士雞翼夠哂入味，大大隻又香又甜。至於咸牛肉蛋治係重點推薦，原來個滑蛋餐廳真係用番十字奶黎炒架，所以覺得特別滑特別重牛奶既香味，加埋d咸牛肉絕對係小食之中既極品。最後係豬扒豬骨湯意粉，餐廳亳不吝嗇，塊豬扒勁大塊，加埋個豬骨湯底好入味好正。『我愛你個性樸素平民化會教顧客暢快滿意如歸家］食完之後不其然就諗起呢首歌，支持茶餐廳，支持本土，一定要試下十字冰室。

平時經過開銅鑼灣就想去依間懷舊餐廳食下野，點知搭車經過旺角發現新開左分店，即刻安排一下時間嚟食。收工搭車到旺角站，沿亞皆老街一路行5-6條街，終於到喇，見到試業中，相信水準一定唔差得去邊。見營業時間到22:00，望一望錶當時20:30，就唸住可以慢慢嘆。點知店員第一時間通知我，已經無任何食物供應，只有飲品，我真係唔知俾咩反應佢，只好帶住非常失望既心情離開，而且感覺好荒謬。

琴晚同朋友經過旺角，發現咗一間新開嘅冰室。記得去銅鑼灣都見過呢間冰室，但係冇入過去食。見到呢間裝修咁靚就想試吓。七點入到去，發現唔係好多人。入面裝修得好有香港以前冰室嘅懷舊味道。聽店員介紹，佢哋嘅熱奶茶係好岀名，但係我哋想試吓其他凍嘅特色飲品，所以就冇叫到。飲品方面，我哋叫咗一杯美祿山同埋一杯十字牌雲呢拿焦糖奶昔。第一杯一嚟到，我就飲咗一啖，發現佢得奶味。原來佢要攪勻先飲得。上面係美祿粉同埋一啲胚芽，攪勻佢之後味道混合得好好。第二杯係值得推薦嘅飲品，因為佢嘅焦糖味超濃，加上佢用咗十字牌嘅牛奶混合買奶昔，成個味係好夾黑松露炒滑蛋原來都係用咗十字牌嘅鮮奶，所以食落口超滑，黑松露味都勁岀薯條配黑松露蛋黃醬有啲似係岀面西餐食個啲，不過就平好多！熱辣辣好正。籠仔椒鹽燒賣真係要推介下！炸得啱啱好同埋佢個椒鹽味食入口好香著係忍唔住狂食。第二個係朱古力醬厚多士，nutella醬一流佢所有野都即叫即整，所以超好食朋友去到冰室竟然想食卡邦尼意粉，本來冇乜期望，但原來分量都幾多。加上佢唔會好油，所以味道也不錯的最後我地食左好多野超飽下次一定會試下佢嘅熱奶茶同埋蝦多士

附近工作的，這次去了試食新開的十字冰室，從外面看來裝修幾特別，就又係賣懷舊feel的餐廳。除左常餐就其他都係散叫，無午餐揀，咁我唯有食常餐，豬扒湯意（我話轉通粉都無幫我轉）+炒蛋+熱檸水。塊豬扒無碎上令我有手足無措次感，又無刀俾我，就算有刀都好難响湯上切，於是我就好無儀態咁叉住咬意粉份量少，細食的我還好，同枱既都食唔飽，話要買包食要讚一讚個炒蛋，係好滑好味既，不過我唔會為個炒蛋再去食囉！作為午餐唔抵食，懷舊就是要放假嘆下先岩食囉！

久仰十字冰室炒蛋大名，今天晚上特意來一試。店面模仿香港舊式冰室的格局，頗有特色，聖誕前夕水吧前更有聖誕裝飾點綴我和友人都食餓了，分別點了兩份皇牌餐($62)蕃茄湯牛肋肉通粉湯底極好喝！濃濃的蕃茄湯中還可以喝到牛肉在熬湯過程中發岀的鮮味，我們把全部湯都喝清光呢黑松露炒蛋配牛油多士既然店名為十字冰室，炒蛋當然是用十字牌鮮奶炒成，口感綿滑，配上滿滿的黑松露，香味濃郁，實屬炒蛋界的高質之作美祿山餐飲加10元就可以點美祿山。岀乎意料之外不太膩整體來說以平民級的價錢可以吃到如此高質素的食物，超值！

遠離旺角鬧市的煩囂，在一幢頗為新型大廈最低層，有間打造懷舊風的冰室，甫進去見到到處都是十字牌鮮奶樽、放鮮奶的箱，細看餐牌，大部分的食品都加入主打的鮮奶，奶味濃郁，食物質素高。黑松露炒蛋：最喜歡吃冰室／茶記的炒蛋，總是炒得很嫩滑，這個加入黑松露及鮮奶一起炒，帶點蛋汁之餘，黑松露更加提香。巨型炸雞脾配懷舊雜果沙律：一上枱，嘩了一聲，那麼巨型的炸雞脾，真的第一次見。先試試雞脾外皮，新鮮即炸，香口夠薄脆，有點像片皮鴨。一切開厚實的雞肉，內裡保留肉汁，雞肉入味肥美，如果自己一個吃的話，一定會很飽。旁邊伴碟的雜果沙律，健康的水果粒，減輕吃完炸雞後的罪疚感。五香肉丁香蔥炒飯：見餐牌熱烈推介，原本想點黑松露櫻花蝦炒飯，怎知中午時分已經售罄，那就改了這個吧。簡單的炒飯，但挺有驚喜，飯粒分明金黃，加入五香肉丁惹味，不會太油膩。熱鮮奶：冬天最喜歡喝着熱熱的鮮牛奶，翻熱後的牛奶比冷的感覺更鮮甜，熱的更暖胃。美祿山：飲品上面鋪上美祿粉，濃濃的美祿香，還有粒粒胚芽，有口感，足料。冰室環境挺舒適，性價比高，價錢平民，食物質素高質。下次到訪要試試這次吃不到炒飯及其他食物。